|
سؤال عن الخياطه؟؟
السلام عليكم
كل عام وانتم بخير يااحلى منتدى ورمضان مبارك عليكم سوالي انا والده لي 16 يوم وبكريه خيطوني داخليه وخارجيه بس لما اشوف بالمرايه بس غرز شق العجان الي على جنب هل هاذي بس الخارجيه واليوم لمست المنطقه من جوا وكأن فيها غرز اوعقد طالعه لبرا واذا تبولت وانتم بكرامه احس بحراره وبشد وش معناته وانا استخدم الملح والمويا ومرهم ميبو ارجو الرد لاني بكريه وماعندي خلفيه ابد |
رد: سؤال عن الخياطه؟؟
انا زيك اشوف بس الخارجيه
|
رد: سؤال عن الخياطه؟؟
وين الباقين
|
رد: سؤال عن الخياطه؟؟
يسعد ايامكم يارب
انا لي 9 ايام ولاده والخياطه احيان تشد واحيان تخف لدرجة اني تعبت نفسيا ... اخاف انها متقطعه اذا خف المها واذا شدت رجعت افكر فيها ياربي معانه بالجلوس والنوم والمشي .... الله يعين بس الي حابه اعرفه الوقت الصحيح للخيوط وتطيح متى ... او على حسب الخياطه والخيوط المستخدمه ........ |
رد: سؤال عن الخياطه؟؟
شوفي حبيبتي طبيعي انك تشوفين الخيوط الخارجيه بس ولاتخافين اهتمي بالاكل الزين اهم شي الاكل المفيد وع قولتهم النفاس لا تجوع ابد... واستخدمي المره وان شاء الله تطيح الخيوط ..
اما بالنسبه للخيوط الداخليه اغلب شي يستخدمون الخيوط الي تذوب يعني ما تطيح ولا تشوفينها... |
رد: سؤال عن الخياطه؟؟
اشكر كل وحده ردت علي
وعندي استفسار بعد اليوم شفت الخياطه الخارجيه الجلد لونه وردي هل معناته ان الجرح التام بس ماطاحت الخيوط وطلع منها دم بعدين خف فيها مثل الجروح الصغيره |
رد: سؤال عن الخياطه؟؟
أنا مثلك ي ليت أحدددددددددددددد يردددد ويأخذ أجرنا
|
رد: سؤال عن الخياطه؟؟
رفع
صاحبات الخبره لا تتغلون |
رد: سؤال عن الخياطه؟؟
لا تخافين ياعمري وانا بعد صآر لي مثلك لي ثلاث شهور من ولدت ..
بس انا ما استعملت شي لانو ناس تقول زين وناس تقول غلط تحطين عليها شي .. اهم شي ما تتحركين كثير عشان ما تنتفخ وتالمك واهمتى بالنظافه وبالنسبه للخياطه ياخذ لهآ وقت على ما تلتئم انا صار لي شهرين ما احس براحه مكان الخياطه مو مثل ماكنت هي بالتدريج تخف كل اسبوع احسن من الثانى تطمنى بس هي مساله شهور ..وتزبطين..اهم شي النظافه والراحه واشربي اشياء دافيه .. وان شاء الله ما تشوفين الا الخير |
رد: سؤال عن الخياطه؟؟
ماشاء الله عليك مررره ماعندي جرأه اشوفها
بس انا سمعت المويه والملح مو كويسه الاسابيع الاولى للخياطة لانها تنشف الخيوط والجرح باقي ماالتأم افضل شي ميبو مع مطهر بيتادين استخدمي مطهر ي قمر افضل لك |
رد: سؤال عن الخياطه؟؟
شوفي حبيبتي انا والده لي ثلاث شهور ونص وبالنسبه للخيااطه الخارجيه ايوا بس هذة الي ع الفخذ
لازم ياقلبي تعتنين فيها زييييين لازك تنشفيها بعد كل حمام ربي يكرمك اي سؤال انا جاهزةيالغلا |
رد: سؤال عن الخياطه؟؟
اشكركم من كل قلبي ع الرد
دموع الورد عندي استفسار حبيبتي الحين الخياطه الخارجيه لمستها اليوم ومااحس فيها خيوط بس مكان الجرح منتفخ هل معناته التام وطاحت الخيوط والخياطه الداخليه كيف اعرف انها ذابت اوطاحت لان ليومك هذا لي 25يوم وماشفت ولاخيط لاداخلي ولاخارجي |
رد: سؤال عن الخياطه؟؟
ااااه من الخيوووط بس
انا زيك تعبت منها حيل احس بحراره والم ولما المسها احس براس الخيط والمنطقه الللي حول الخياطه احسها مره حاره رغم اني انضفها بديتول واحط ميبو انا كل خوفي انها انقطعت ... ياليت احد يفيدنا |
رد: سؤال عن الخياطه؟؟
هلآ ياعمري
شوفي انا لما كنت المس مكان الخياطة الي برا احسو شوي منتفخ بس مومرآ وملمسو يختلف عن اول وبالنسبة كيف تعرفي انو التئم عآدي ياقلبوو اذا مافي خيوط خلاص التئم بس انتبهي ياحبي لايجيك زوجك قبل شهرين عالاقل اما الخيوط الداخلية انا طاحت بعد اربعين يوم او اقل وانصحكي مو كل شوية تدخلي يدك وتشوفي هل التئم او لآ لان كذآ ممكن تعوري نفسك او تفتحي خيط خلاص اهم شئ نظفي نفسك ولاتلمسي الجرح كل شوية بعد ماتخرجي من الاربعين مو مشكله اكتشفي المنطقه خخخخ بس برضو بحذر انا وربي الي شهرين ونص ومكان الخياطة الخارجي يألمني واحسو شوي منتفخ بس مالعبت بالمكان سبتو والحمدلله ذحين احسن ربي يسعدك واي استفسار لاتترددي انا مثل اختك بس سامحيني لو مارديت عليكي بسرعة لاني وربي مو دايم اجلس ع الأب |
رد: سؤال عن الخياطه؟؟
تسلمين ي دموع الورد ماقصرتي حبيبتي تعبتك معايه
خخخخ حرام عليك شهرين مره طويله مايجيني زوجي لاان شاءالله اول مااخلص الاربعين تمام لان انا حارمته طول فتره الحمل لو بيسمعك ذبحك ههههههه |
رد: سؤال عن الخياطه؟؟
آه من الخياطة وبهذلتها انا قربت اخلص. الأربعين ولازالت الخيوط مكانها يشد علي واحياناً احي بنغزات مكان الخياطة
انا تبهذلت بهذله لما رحت مراجعتي الاول بعد اسبوع قالو فيه غرزة مفتوحة بس راح تلتئم من نفسها وبعد ماكملت اسبوعين حسيت ان الغرزة الاخيرة وارمه وتنزف رحت للمستشفى قالو باني لحمة ع الخيط وقصو اللحمة وعملو لها كي بعد التخدير طبعاً والان احس فيه غرزة تنزف مو عارفه هي نفسها اللي انفتحت ماالتئمت ولا ايش الحكاية مع ان اخر زيارة للمستشفى قالو خياطتك تمام بالاول ماكنت ابي اشوف المنطقة من الخوف وامس قلت ابي اشوف مكان الدم اللي ينزل اذا حطيت منديل اجفف المنطقة شفت زي الخط الأحمر في اول المنطقة بصراحة جتني حالة نفسية من الخياطة لازلت اعاني من القومة والقعدة المشكلة اني تحركت وصرت اعتني ببنتي واروح واجي وانا ماكملت اسبوع وش اسوي امي كبيرة بالسن وماابي اتعبها والشغالة حقت امي مره مشغولة وبصراحة مااحبها تلمس بنتي فكنت مضطره اقوم واقعد مع ان خياطتي صعبة وطويلة للاخر وولادتي كانت صعبة طلق صناعي وتحفيز وبهذلة الحمدلله ع كل حال بس اشوف بنتي انسى كل شيء الا الخياطة انا خايفه منها حجزت موعد عند الطبيب والله يستر اخاف يقول لازم خياطة ثاني وع فكرة الدكتور قالي الخياطة اللي التهبت وطلعت اللحمة والغرزة اللي انفتحت من كريم ميبو والبياديتن هم صرفوهم لي بالمستشفى قسم التنويم قال الطبيب وقفيهم انا مااصرف اي شيء اتنقعي بماي دافي وشويه صابون الشاور بماي دافي غسول سطحي للتعقيم منو صار لها مثلي وخيطوها مره ثانية وكم تقعد الوحده تعاني من الخياطة ومكانها ولما يصير فيه علاقة ايش يكون وضع الخياطة اخاف تنفتح مره ثانية ولما تيجو تعملو حلاوة ولا شمع للمنطقة بعد الاربعين ماتنفتح الخياطة وهل تألمكم المنطقة حدي متوترة ونفسيتي تعبانة جداً جداً وعندي من الهموم والمشاكل ماالله به عليم وجت مشاكل الخياطة وكملت الباقي الله يفرجها من عنده .. |
رد: سؤال عن الخياطه؟؟
الله يكون بعونا ياشجن جد الولاده تهون عند
الخياطه وبعدين خلاص دام قالولك خياطتك تمام ماله داعي تخافين حبيبتي بس روحي لدكتوره تطمني اكثر والله يجملنا بعيون ازواجنا ويفكنا من هم الخياطه والاامها |
رد: سؤال عن الخياطه؟؟
ههههههههههه
والله يا حلم ياقلبي انا عندي وسوسة فظيييعة عشان كذآ اقولك بعد شهرين ونص ربي يسعدقلبك ياغالية |
| الساعة الآن 07:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .