|
وش رايكم أنا مختاره تعبت
مبارك عليكم الشهر أنا افكر اذا تقدملي احد وانا مطلقه من ثلال سنين ولدي طفل عمره ثلاث سنين اقبل به ام اجلس اربي ولدي |
رد: ندمانه ابي أستشيركم
بنات انتظر ردود كم وانا جديده في منتداكم ولا احد رد
|
رد: ندمانه ابي أستشيركم
اهلين حبيبتي .. ماقدر اقولك ايه تزوجي يمكن تظلمين ولدك ، ولا اقولك اجلسي عليه بتظلمين نفسك
اللي اقولك اذا خطبك واحد سنع ، استخيري ربك + اشرطي ولدك معك وسكن لك لحالك وربي يسهلك امورك وتتوفقين بحياتك |
رد: ندمانه ابي أستشيركم
لا تخافين حبيبتي
والماضي انسيه وزي ماقالت الاخت استخيري واشترطي بيت مستقل وطفلك يكون معك واي شرط حابه تقولينه قوليه لان اللي اوله شرط اخره نور واعرف وحده كانت مطلقه وعندها خمسه وتزوجت رجال عزها واكرمها هي وعيالها والحقيقة انها معلمة بس صراحة تمدح زوجها الثاني وتذم طليقها اللي تركها وترك عياله بس هي اشترطت عيالها يكونون معاها ووافق وغير كذا انجبت طفل من زوجها الثاني واحس ما شاء الله تبارك الرحمن انسان محترم ويخاف الله فيها وفي عيالها |
رد: ندمانه ابي أستشيركم
الله يجزاكم خير يابنات والله أنا في حيره ماقدر اخلي طفلي وهو رجال كويس وحالته الماديه كويس
وأخاف يجئ أبوه ويأخذه مني اذا تزوجت يارب فرجها علي والله أني في هم |
رد: ندمانه ابي أستشيركم
السلام عليكم ..
حبيبتي اذا في حد يربي ولدك اهلك واثقه فيهم اهل زوجك واثقه فيهم .. أنصحك تتزوجين و الولد بلنهاية مرده يكبر و يدخل المدرسه و يلها لو بتعشين عمرك كله للولد و انتي ماعندك الا ولد واحد في النهايه بيكبر و يشتغل و بيتزوج و انتي ما خلفتي له اخوان و عزوه بلدنيا .. لو حد تقدم لك و كان كويس .. أكتبي في عقد الزواج حق زيارة ولدك لك .. و اكتبي مصروف شهري و اكتبي دراسه و عمل لو حابه كل اللي تبينه منه سجليه بلعقد .. سكن خاص ولا لا شروطك اللي قلتيها له و هو واقف عليها ثبتيها بلعقد .. 1- مصروف شهري .. 2- سكن خاص .. 3- زيارة مخصصه اسبوعيا او كل اسبوعين لولدك .. 4- دراسه و شغل اعتقد هذي اهم الشروط .. و انصحك بلزواج ..و الولد بيعيش المهم انتي بعدك صغيره كملي حياتك..و جيبيله اخوان |
رد: ندمانه ابي أستشيركم
انا اقول لازم تزوجي بسسس تزوجي انسان يخاف ربه ويربي ابنك معك ومادام ابنك طفل ازوجي قبل لايكبر ويصير الموضوع صعب بس لاتضعين حق ابنك ولا اتجورين علية ابدااااااااااااااا
|
رد: ندمانه ابي أستشيركم
إذا طليقك وافق إن ولدك يتربى عندك بعد الزواج
توكلي على ربي ووافقي خصوصا لو ان اللي متقدم لك يخاف ربه و طيب واخلاق . . واذا طليقك ماوافق الولد يتربى عندك استخيري وربي يكتب لك اللي فيه الخير . . انا انصحك تتزوجي وحتى لو طليقك اخذ ولدك من حقك تزورينه او هو يجيك لو مره بالاسبوع والولد مصيره يكبر ويجيك . . وربي يتمم لك على خير |
رد: ندمانه ابي أستشيركم
الصراحة يابنات كلامكم يفتح النفس تسلمون حبايبي طيب اقدر اضمن الحضانه لامي بعد زواجي تكفون جاوبوني
|
رد: ندمانه ابي أستشيركم
لكل موضوع حسنات وسيئات والله سبحانه وضع الطلاق والزواج لحكم
اسالي نفسك ايش المانع اللي ممكن يمنعك من الزواج مره ثانيه ؟ وايش الفايده اذا جلستي كذا على طول ؟ انا اشوف انك تتزوجي وتستفيدي من تجربتك الاولى تاخذي حسانتها وتستفيدي من سيئاتها وان شاء الله تبني لك حياة جديده مستقره والولد طالما ابوه وامه عايشين فهو بخير ولاننسى ان ممكن زوجك في حال تزوجتي يكون صالح ويسخره الله لك ولولدك |
رد: ندمانه ابي أستشيركم
انا راي اذا الك وارد مادي مستقل..شغل يعني..ربي ابنك...
|
رد: ندمانه ابي أستشيركم
لا ليس لدي شغل ولا وضيفه بس على الضمان وأهلي رافضين اشتغل او اكمل دراستي ممنوع يعني تحطيم الحمد لله على كل حال وأبوه يصرف عليه شهرين وشهرين لا. زي كيذا يعني مؤ منتظم الله يفرجها على وغير كيذا عايشه مع أمي وإخواني متزوجين ولاهين بحياتهم ما يفكرون في ولا في ولدي الحمد لله على كل حال الصراحة محتاره خائفه على ولدي اذا اتزوجت مع ان أمي قالت أنا بربيه خليه معي يارب اكتب لي الخير أنا وولدي يارحيم
|
رد: ندمانه ابي أستشيركم
الله يكتب لج اللي فيه الخير
|
رد: ندمانه ابي أستشيركم
الاستخارة اهم شي
الاختيار الحسن لازم تسألون عن الرجال زين مو تاخذين واحد ثم تبلشين شروطك تثبت في العقد ضروري جدا وان الله كتبلك زواج وتزوجتي لاتتسرعين في موضوع الحمل لان فيه امور ماتنكشف الا بعد الزواج ومع العشرة والوقت والله يوفقك |
رد: ندمانه ابي أستشيركم
الله يكتب لك الخيروربي يسهل لك حيااااتك
انا اشوف انك تتزوجي وتعيش حياتك |
رد: ندمانه ابي أستشيركم
تزوجي وولدك مراح يضيع وبعدين ولدك بيكون رجال ويشيل عمره ويجيك
احمدي ربك موبنت الله يعين بس |
رد: ندمانه ابي أستشيركم
حبيبتي توكلي على الله
|
رد: ندمانه ابي أستشيركم
طبعا و بلا تردد اقبلي به .. ابنك غدا سيكون مع زوجته و انتي بتكوني ضيعتي عمرك ع الفاضي .. اشرطي عليه انو ابنك بدو يكون معك و يعاملو معاملة جيدة .. و اختبريه خلال فترة الخطبة .. هالشي ببان بالخطبة
|
| الساعة الآن 10:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .