|
التمييز بيني و بين سلفتي بالمعاملة اتعبني
كيفكم بنات
مشكلتي ان اهل زوجي يميزو بالمعامله كتير بيني و بين مرت اخ زوجي يعني سلفتي... هي مزوجه من زمان و هي بالاصل قريبتهم و كان بودهم زوجي يتزوج اختها لكن زوجي ما اراد و اختارني الي ... تزوجت و من اول يوم قالت حماتي لزوجي بحياتها ما رح تكون متل مرت اخوك مع انها كانت شايفتني بس 3 مرات ... و مرت الايام و ابتدا التمييز. انا و هي ساكنين برا بلدنا لما انزل انا على البلد و لا احد يسال عني و لا يهتم بنزلتي حتى سلام يا دوب يجو يهنوني بالسلامه و لا عزيمه و لا اي اهتمام ... بينما هي لما تنزل يكون التجهيز قبل بشهر من نزلتها على عزيمتها هي و اهلها و مين يجيبها من المطار و ايمت مسافره ... مره نزلت البلد دون زوجي و كانت هي و زوجها قبلي بيوم واصلين ... ما اتصلو هنوني بالسلامه مع ان كانت اول نزله الي بعد عرسي يعني على الاقل كان لازم اخوه يجي يبارك كون ما حضر العرس و لا شافني ... ضليت بالبلد عشرين يوم و لا اتصلو قبل ما ارجع لعند زوجي بيومين اجو زاروني ببيت اهلي و بعدها اتصل اخ زوجي بزوجي و قله مرتك ما استقبلتنا منيح و يضل يتكلم عني كلام مش منيح مع ان و الله يا بنات لا انا و لا اهلي قصرنا من واجبهم ... نحنا رجعنا البلد و هم بعدهم برا... و مع ان لما نزلنا البلد سلفتي كانت موجوده لكن ما اجت تهنينا بالسلامه و لما اتصلنا نودعها قال كان بدها تجي لتسلم على زوجي .. كاني انا مش موجوده ... و سافرت بلا ما نشوفها ... و الحين هي تريد تنزل البلد وحدها و زوجي مشغول بموعد نزلتها و اذا يقدر يروح المطار يستقبلها و اهله و كل الدنيا مشغوله مشانها ... انا مزعوجه جدا ليه التمييز و القهر من زوجي اكتر ... مع انه يشوف تعاملهم معي و حتى لما يتصلو فيه ما يسالوه عني ابدا كانه مش متزوج و مع هيك هو مهتم فيها.. انصحوني كيف اتصرف.. اذا اراد يروح المطار اروح معاه او ما اروح و كيف لازم اتصرف معاهم |
رد: التمييز بيني و بين سلفتي بالمعاملة اتعبني
شوفي يااختي ,,
الغلط بنسبه كبيره على زوجك ,, اللي ماميزك بين اهله بمعنى انه مايوصي امه عليك ولا اخواته يعني يلاحظ ويسكت وهالنقطه نبهي عليها زوجك انه يكون لك تميزك ___________________________ والنقطه الثانيه انتي اعملي باصلك سلمي عليها من فتره لفتره قدمي لها هديه بزيارتك لها احترامها لااكثر عدلت من اسلوبها كان بها ,, ماعدلته براحتها وقللي من الزيارات ومن فتره لفتره واذا تسائل زوجك قولي روحتي ورجعتي وحده لاتعبرني ولا تقدرني وربنا يسهل |
رد: التمييز بيني و بين سلفتي بالمعاملة اتعبني
معك حق اختي الحق على زوجي و كلمته كتير لكن ما في فايدة يبررلها كل تصرفاتها و تصرفات اهله مع ان و الله عملو مواقف ما تتصدق. هو من بداية زواجنا يقلي هيي تغار منك و تقول بكرا تحبوها اكتر مني و حتى بيت حمايي يثبتو لها العكس يعاملوتي بطريقة كتررر سيئة. و زوجي يدافع عنهم على طول
|
رد: التمييز بيني و بين سلفتي بالمعاملة اتعبني
شوفي سلومه حبيبتي انا اختي الي اكبر مني نفس حالتج ميزين مرت حماها عنها
المهم اختي تقوم بالواجب تسلم عليهم تزورهم من وقت لي وقت بس تسوي الواجب عشان زوجها لا اكثر ولا اقل وبالنسبه لختي كلمتها الي مايقدرني ليش انا اضيق خلقي واقدره وابقولج شغله ثانيه ارضاء الناس غايه لا تدرك انتي اعملي الي عليج سلمي عليهم وزوريهم في مناسباتهم بس ولا تبينين انج مهتمه عشان يميزون مرت حماج والله جذي راح ياخذونج وسيله تسليه انصحج يا اختي طنشي وعطي احلى طاف ودام زوجج يبيج مالج شغل بالناس |
رد: التمييز بيني و بين سلفتي بالمعاملة اتعبني
ام الزين حبيبتي كنت متمنية لسمع رايك شكرا الك. لكن برايك اذا اراد زوجي يروح المطار اروح معاه.
|
رد: التمييز بيني و بين سلفتي بالمعاملة اتعبني
اكيد حبيبتي روحي معاه اذا هو مواقف طبعا لا تخلينه هو اختارج انتي
وانتي لاتخلينه لانه يحبج صدقيني يحبج الله لايفرقكم.... ويرزقكم الذريه الصالحه ياارب |
رد: التمييز بيني و بين سلفتي بالمعاملة اتعبني
شكرا الك يا ام الزين. هو اعرف يحبني لكن عنده عقدة يقولون بالعيلة مرته متحكمة فيه . فيساير الكل و لو على حسابي
|
رد: التمييز بيني و بين سلفتي بالمعاملة اتعبني
حبيتي طنشي وروحي مع زوجج للمطار ولا تفكرين بسوالفهم السخيفه
و على فكره سلوومه التفكير السلبي ياخر الحمل لاتاخرين حملج عشانهم |
رد: التمييز بيني و بين سلفتي بالمعاملة اتعبني
معك حق يا ام لزين حطنشهم و اساير زوجي وهم كم شهر و تسافر... انشالله الله يعطيني طولة البال
|
رد: التمييز بيني و بين سلفتي بالمعاملة اتعبني
صباح الخير حبيبتي سلومة
انا كمان برايي ان امه حاططتك براسها واكيد لانك بتتميزي عن سلفتك مشان هيك هم بيبالغو معاها ليبينو انك عادية جدا وهي المهمة وجوزك كتير غلطان مابيصير بنوب انو يرضى انو اهلو مايسالو عن مرتو وبالعكس حبيبتي احسن دوا التطنيش والله جد بعرف صعب وجواتك بتنقهري بس على الاقل ماتبيني شي قدامهم بنوب واضحكي مع الكل واولهن سلفتك الغليظة ههههه المهم روحي معو واتصرفي بطبيعتك ومع الايام راح يعرفوكي اكتر وتتغير معاملتهن كلهم واولهن حماتك بتشوفي واخر شي الله يفرج همك ويسعدك بحياتك حبيبة قلبي |
رد: التمييز بيني و بين سلفتي بالمعاملة اتعبني
تسلمي يا وردة ... ما عندي امل يتغيرون ابدا صرلي معاهم خمس سنين الله و صرت عارفتهم منيح مستحيل يتغيرو ... اعرف حاطيني ببالهم و لو الامر الهم ما تم الزواج... مع ان عيب الواحد يتكلم عن نفسه انا اجمل من بنات عيلتهم و تعليمي اعلا بكتير و سمعتي ذي المسك و الحمد الله لكن سبحان الله القلب و ما يريد... بدل ما يشوفو حالهم بزوجه ابنهم يتكلمون عني بالعاطل قدام الناس و يكذبون عن لساني... موقف بسيط مره انا و زوجي زرنا قريبه و كانت مرته ولدانه من شهر و المخلوقه كانت جدا محترمه معانا و كانت اول مره اشوفها مع هيك قعدنا قعده حلوه و تسلينا كتير .. حماتي ما سالتني عن الموضوع ابدا لكن سالت زوجي و عرفت منه انها ما طبخت بالبيت و انها كانت تنام بكير و تتركنا... نطرتها حماتي لكانت عندهم و بهدلتها قدام الناس انها ما تعاملت معانا باحترام و ما قامت بالواجب و لما سالتها مين قال هيك قالتلها سلمى... مع ان و اشهد الله اني ما جبت اي سيره لحماتي بهدا الخصوص ... و الناس كلها اخدت موقف مني و انا ما دخلني بالقصه ابدا و ما سمعت فيها لبعد سنين ... و قصص كتير من هذاالنوع .. لهيك ما عندي امل فيهن... الحق على زوجي اعرف لكن شو الحل معاه....
|
رد: التمييز بيني و بين سلفتي بالمعاملة اتعبني
الله يفرج همك ويعينك ويحميكي منهم فعلا في كتير عنا متل هيك بسوريا هههههه
انتي طنشيهن وخليكي احسن منهم وتعاملي باصلك وبرسمية والله يهديهم حبيبتي طولي بالك حاسة فيكي والله والله يكون معك |
رد: التمييز بيني و بين سلفتي بالمعاملة اتعبني
شكرا يا وردة ... الله يصبرني لكن بعد تفكير و استشارات هههههه قررت اتصرف على طبيعتي و باصلي و لا كانهم يعملون شي معي بالعكس يمكن هذا الشي يزعجهم اكثر من اني ارد
|
رد: التمييز بيني و بين سلفتي بالمعاملة اتعبني
طيب يا الغالية بس سؤال ولا تزعلي مني
يمكن هي مقدمة شي لهم قبل عشان كذا هم يردوا لها الجميل مثلا يعني انت تقولي هي من زممان متزوجة فيمكن في مواقف لها طيبة ما ينسوها لها ويمكن عشان انت ما عملتي مثلها او ما قدمتي كثلها يفكرون انه انت فيك نقص ولا شي سامحيني خيتي بس جالسة احاول افكر في السبب قبل الحل معاك |
رد: التمييز بيني و بين سلفتي بالمعاملة اتعبني
لا و الله يا ام ريهام بالعكس.... هي اول زواجها تقاتلو جدا و هي قويه اذا احد زعجها ما تكست لدرجه مره هي و بنت حمايي شدو شعر بعضهم و حاول عمي يفك بينهم و لا تركو ....و لا اي حدا من بيت حمايي يزعجها بكلمه لانها تبطل تجيب الاولاد لبيت جدهم ... اما انا فمن زواجي اهلي ما خلو و لا تركو كوني بنتهم الوحيده من عزايم و هدايا جهازعرسي كله من اهلي حتى فستان العرس و لا دفع بيت حمايي قرش و فوق هاد اهلي قدمولي بيت هديه. و مع ان بيت حمايي مش محتاجين ماديا .زوجي مخصصلهم مصروف و يسفرهم و يدفع عليهم مبالغ كبيره جدا و انا كل ما اروح و اجي اجيب هدايا و الله حتى اوقات اشتريلهم اشياء انا استغليها على نفسي... و كلمه شكرا ما اسمعها منهم بالعكس تقعد حماتي تحكيلي شو سلفتي جابتلها مع ان تكون هديتي اتقل و ارتب... لكن هم يعتبرو هذا من مال ابنهم و انا ما الي فضل مع ان هو ما يقلي اشتريلهم شي انا مني و من نفسي.... و اخ زوجي ابدا ولا يصرف على اهله، مع ان صرله بالسعوديه سبع سنين للحين ما اخد اهله لعنده يحجو لان زوجته ما ترضى يصرف عليهم، هي زوجها واقف حدها اللي يغلط معاها بكلمه و لو كانت امو ما يسكتلو ابدا فيخافون يزعجونها و فوق هاد هي بنت عيلتهم يعني هم و اهلها كتير اصحاب و لما تزعل اهلها يزعلون معاها...
|
| الساعة الآن 04:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .