|
ام زوجي
السلام عليكم
شلونكم ؟؟؟ راح اكتب لكم مشكلتي بس اني ما اعتبرها مشكله لاني مو مهتمه بس ابي رايكم اني متزوجه صار لي ثمان شهور هذا الله يسلمكم ام زوجي تبيني كل يوم انزل اقعد معاها حتى لو اني مريضه او تعبانه واذا مانزلت تسوي لي سالفه حتى لو اقول ليها كنت مشغوله تقول لي شنو هالشغل اللي عندش ( في قاموسها الوحده اللي ما عندها اطفال ما تنشغل وبيتها ما يتوسخ) واذا هناك وحده من نسوان اولادها تزيد . من زمان ما شفناك وكأنك مسافره و....... احسها تبيهم يكرهوني وبعد كله تقول تهربين عنا يوم الجمعه ما تقعدين ويانا (اني يوم الجمعه اروح بيت. اهلي ) قلت ليها اهلي ما يشوفوني الا في هاليوم... ولاحظت شي ونقهرت. انها تزور مرت ولدها واحنا لو ما تشوفنا شهر كامل ماتزورنا وكله تقول ما تقدر تركب على الدرج وهي تقدر تركب ليها واني صار لي اربعة ايام ظهري يألمني ومانزلت وتدري عني مريضه ولا كلفت نفسهلاا وزارتني لكن لو مرت ولدها الغاليه تكرض تزورها وبعد بقول ليكم شي دائما تقول الى نسوان اولدها انشاء الله تحملون حتى لو من باب المزح واني ولا مره سمعتها قالت ليي وهم عندهم اطفال واني ما عندي ولا تقول ليي الصراحه اني كرهتها من هالتصرفات اللي تسويها معاي مع اني ماسويت ليها شي ولا ضريتها بش وكله اسولف معاها واضحك ولا كأن صاير شي واهديها هدايا لمن رجعت من السفر عطيتها هديه والحين تقريبا كل يوم انزل وبعد احس ما يعجبها العجب اني احيانا اضايق وحتى اقعد ابكي اذا رحت شقتي بس الحين ما اهم نفسي واحس تعوت على هالشي واقول ما عليي منها اهم شي زوجي يحبني وهي ما ابي محبتها |
رد: ام زوجي
نصيحتي لكي سوي الخير لوجه الله الايام تمشي بسرعه ومايبقى الا عمل
وخديها على قد عقلها hwaml02 |
رد: ام زوجي
يا اختي لو تسمعي بلا غيرك من الناس يهون عليك بلاك
طنشي و ريحي بالك |
رد: ام زوجي
اقتباس:
مشكوره على مرورك حتى اختي قالت لي نفس كلامك اني اخذها على قد عقلها وماعليي منها واختي تقولي لاتهمين نفسك معاها |
رد: ام زوجي
اقتباس:
واني الحين صرت اطنشها وماعليي منها |
رد: ام زوجي
هذي الحيات لازم فيها شويت مشاكل
بس وكلي امرك لله وسوي اللي يرضي ضميرك |
رد: ام زوجي
اقتباس:
|
رد: ام زوجي
على فكرة انا كمان عندى نفس مشكلتك بس انا كلمتها وعرفتها انى مش كل يوم لازم اكون عندك لأنى بكون مشغولة بجوزى وبيتى ولما جت بنتى بقيت اروح مرتين او تلاتة بالاسبوع على حسب وقتى فأنتى كبرى دماغك وخديها على هواها وكل حاجة حاضر وريحيها وانتى اعملى اللى انتى عوزاه واللى يرضى جوزك فى نفس الوقت وربنا يهديكى ويهديهالك يارب ....~
|
رد: ام زوجي
اقتباس:
|
رد: ام زوجي
اسال الله ان يريحج لا تغارين هاذي معاهم من اسنسن وانتي جديده للحين ماتعودووا عليج بس اشويات ويتعودون ولا تاخذين بخاطرج اللي يسال اسالي عنه
|
رد: ام زوجي
اقتباس:
واني ما اغار منها بس لازم احط في خاطري ولو انتي مكاني بتحطي بخاطرك تشوفينها تزور غيرك وما تزورك وباب شقتك مقابل الى باب شقتها وما تمر عليش وتسلم مو حرام جديه له |
رد: ام زوجي
شي اكيد بحتر بس انا قلت لج اللي يسال عليج اسالي عنه
ويمكن عندهم شي او الموضوع اللي تبيها فيه ماياراح يعجبج انا مثلج صارلي 10 سنين وماتجي الا اذا تبي الحك تاخذ راي زوجي لانه حقاني عرفتي وان غبت شهر او شهرين بالمره محد يسال عني كلش بس بالواتساب نراسل بعض انا وحريم اعيالها ام بناتها ربي يخليهم لهااا ولا وحده طكت بابي تسال ولا تتصل بس حبيبتي لا تهتمين هاذي امووور الدنيا وربي يحفظج |
رد: ام زوجي
مشكوره اختي وكلامك كله. درر. والله يهدي ام زوجك وام زوجي ويهدي الجميع يارب
|
رد: ام زوجي
انا مثلك بس الاخس ان زوجي اللي يحن على راسي انزلي كل يوم ولو ماانزل يقلب وجهه وتصير مشكله وبعدين سسكت عنه وصرت اطنش بس بعدها حملت ووضعي مايسمح لي اطلع درج كل يوم جيت عند امي اول ثلاث شهور تخيلي محد من اهله دق علي ولا اللي دقت زوجه اخوهـ تحش في اهله تبيني اغلط معها بكم كلمه وتوصل لهم بس لمارجعت شقتي ماعطيت احد اهميه اهم شي راحتي وسلآمه جنين وقت جمعتهم انزل وبس ريحي رااسك وانزلي وقت اللي تبين تنزلين لاتجاملي على حساب راحتك _(هذا مبدأي هههههه |
رد: ام زوجي
يااختي لاتشيلي في بالك......
انتي لو تشوفي غيرك تهون عليكي مصيبتك........ انا ام زوجي مثل اللي عندك..وعلى اصعب اول ماتزوجت اهلي سافروا وخلوني لوحدي..وحملت اول شهر وكان عندي افرازات بنية..واشتغل بالبيت مااقول شي..وبعد فترة كان عندنا عزيمة بالبيت وانا اللي قمت بالعزيمة لوحدي ونفس اليوم جاني نزيف ..ولما جوا عماتي راحت تقول انا اللي سويت العزيمة وقمت فيها..تخيلي وانا جالسة ..انصدمت وسكت.. وكل ماكرشت راسها تروح تشتكي علي عند عماتي والناس..وانا ماسويت شي..طنشتها..وشلتها من راسي.. اي نعم مطلعة عيني لكن صابرة عشان زوجي..مادامه يحبني ومابيننا مشاكل..ماعلي من احد..... والله يهديها..........وكل واحد له يوم...... |
رد: ام زوجي
و عليكم السلام هلا اختي ..
عادي دخلي فضفضي باي وقت كلنا نفس حالتك .. توك 8 شهور في بداية زواجك و انتي ساكنه معاهم .. داخل البيت و لا لك شقه تفرق .. اذا ساكنه معاهم و لك غرفه و ما تنزلين غلط اما اذا بشقتك بروحك تفرق شويات .. و على فكره دامك ساكنه معاهم بنفس البنايه سوى شقه و لا غرفه من حقهم يسألون و هم أصلن يسألونك من باب القرابه و الميانه لانك صرتي وحده من اهل البيت اذا انتي ساكنه بغرفه .. و بنفس البيت.. لازم تقابلينهم لو كم ساعه بليوم يعني تجهزين حق الغداء معاهم لو حتى بس ترتبين الصاله و لو حتى بس تكونين جمبها أكسبيها بقربك مو ببعدك .. يعني الصباح لو صاحيه سوي لها فطورها شاي حليب .. وقت الضحى اساليها شتبين تسوين حق الغداء اجهز السفره يا خالتي و لا لا .. من هذا الكلام .. لو لك شقتك ببيتهم .. تفرق شي بسيط .. قولي لها برد مؤدب جدا بصراحه يا خالتي ودي أنزل بس أوقات ولدك.. يسهرني بليل و انا ما احب السهر عشان كذا اوقات اتعب و انام بلنهار او اني اكسل اني اتحرك .. اذا قالت لك بشنو يسهرك ردي عليها و قولي يا خالتي انتي اخبر تونى متزوجين و نزلي عينك بلارض .. و هي تفهمها و اذا تعمقت قوولي اوقات اسهر بليل ارتب البيت من الغبار و انظف الثلاجه و اكوي الملابس.. و بس بس و لا يهمك لا تزعلين مني حبيبتي معروف يوم الجمعه يوم اهل الزوج مو لازم كل جمعه تروحين لاهلك .. بلعكس تقعدين عند اهل زوجك .. هم اللي ما تعرفين طبايعهم و لا متعودين عليك و لا انتي متعوده عليهم فا لذالك قعدتك اغلبها لهم .. عشان تتعرفين عليهم اكثر و يعرفون طبايعك و تعرفين طبايعهم .. و اذا قالت لك تتهربين قولي لها شدعوه قعدتكم ما تنمل بس انا ما اروح لاهلي الا مره وحده بلاسبوع و هو يوم الجمعه .. و مو شرط كل جمعه انتي عند اهلك .. و كلمه ما حبيتها منك و انتبهي تقولينها قدام زوجك .. حق مرت ولدها الغالي .. زوجكم ولدها و اكيد تغليه مثل اخوانه.. لا تحاولين تلفظين قدام زوجك كلمات تبين تفرق في تعامل امه ... أنا شخصيا كنت ساكنه جنب بيت اهل زوجي بينا شارع واحد يادوب كم خطوه امه تروح للجيران كلهم مشي و عندها سواق و سياره و انا بأول ايام زواجنا كنت تعبانه 6 شهور مسدوحه من العين و بين مستشفيات و تعب و و وو والله و لا مررررررررررره جاتني انا اللي كنت اروح و انا تعبانه يتجمعون و اروح و لا احد من خوات زوجي جاء عندي البيت و لا امهم ما عاد اصغر بنت هي اللي تجيني اوقات عشان تجيب لي الخدامه او عشان تجيب لي الغداء و عند الباب بس و اوقات تدخل يادوب نص ساعه او اقل من ال 5 دقايق .. و بس حزت بخاطري و كم مره اقولهم تعالو تغدو عندنا جيبو غداكم و تعالو و سفط تروح حق عيالها كلهم و لا مره جات عندي .. تجي اذا امي زارتني و بشقتي القديمه امي ما جاتني الا 3 او 4 مرات .. لكنها تجي تشوفني و انا تعبانه و انا محتاجه شي و لا لا .. ابد بس تدق بلتلفون زعلت و تضايقت و بعدها قلت هم مو متعودين علي و لا انا اعرف طريقتهم و لا شي خلي اقرب منهم اكثر .. كل بين يوم و يوم اورح لهم لو ساعه ساعتين و ارجع .. اذا رحت العصر اودي الحلى و اذا رحت على المغرب اجيب اغراضي معاي من البقاله و اطبخ لهم العشاء او ادق عليهم و اقولهم عشاكم علي الليله .. بس انتو جهزو السفره .. عرفوني قربت منهم و اتحدى حد يغلط علي بكلمه و لا يقول مقصره .. ما يقدرون لاني من يوم ما جيت الى غاية هليوم خادمتهم بللي اقدر عليه .. و اوجبهم لكن هم محد اهتم يادوب و نادرا ما يهتمون هذي طريقتهم انا ما اعترض هم كل واحد مشغول بحياته اهم شي اني ما اغلط عليهم و و لا هم يغلطون علي و اهل زوجي حبوبين بلعكس ما يضروني ابد .. لكنهم اوقات يقصرون علي .. بأمور .. و مع ذالك اسفط و احاول انسى .. فا يا حبيبتي مهما يصير بينك و بينها .. ما تقولين لامك اذا الوالده اسالتك قوليلها الحمدالله .. و اذا كنتي مشتكيه من اهل زوجك و اسالتك بلوقت الحاضر قولي الحمدالله .. احسن من قبل و ابد لا تنقلين شي يصير في بيت اهل زوجك لامك .. لو تسبك و تمد يدها عليك .. ما تقولين لامك .. بتقولين لا اقول لامي انتي لو قلتي حق امك امك ابدا ماراح تنسى الموضوع و انتي كلها كم اسبوع و بتنسين بلكثير يعدي شهر و لا شهرين بتنسين السالفه .. لكن امك بتحط بخاطرها و بكل مشكله تصير مع زوجك لا سمح الله او اهله بتقولهم ما نسيت يوم امك تمد يدها على بنتي و و و و.. الحكمه واضحه جدا شي بينك و بينهم يظل بينكم .. عشان الموضوع ما ياخذ اكبر من حجمه .. في شي بعد تذكرته .. ممكن شخصيتك انتي مستفزه او افعالك من غير قصد مستفزه .. يعني مو شرط العيب من ام زوجك يمكن في امور انتي مقصره فيها .. و انتي مو حاسه فيها بنفس الوقت .. ليه اقولك كذا لان بيت عمي .. أولادهم ساكنين معاهم في بيت واحد الدور الاول حق الام و الاب و اللي ماتزوج و اللي متزوجين ساكنين فوق بلعماره .. فا زوجات عيالهم اشكال و الوان و الله ينرررررررررررررفزون .. وحده تنزل عندهم مكشره و كأنها و دها تتهاوش و اذا أسالوها وينك لا البارح و لا اللي قبله مو مبينه .. ترد بأسلوب وقح .. من غير نفس مالي خلق تعبانه انشغلت .. اوقات بس كذا كنت قاعده و ما بغيت انزل .. الاسلوب هذا وقح .. الرد اللي مفروض ترده ما حسيت بلوقت مر و كنت طفشانه و مدري شسوي و بس لهيت بلتنظيف و ما حبيت انزل و انا بحالتي اللي امس يعني تألف بلكلام بس برد مؤدب احد زوجات الاولاد .. تنزل اذا بتطلع من البيت تزل ابو ربع ساعه و تطلع و عمرها ما قعدت معاهم .. فا يا عزيزتي الموضوع يعتمد عليك .. أنتي سوي الأصول و أكرميهم و أعتبريها امك و اعتبري خوات زوجك خواتك .. و اي شي يحصل بينكم يبقى بينكم و ما تقولينه لزوجك لان مو حلوه كلام الحريم ينقال حق الزوج.. مهما تضايقتي من امك ما اعتقد بتوصل لدرجة الكره و مهما تهاوشتي مع خواتك ما اعتقد بتوصل للهجران .. اذا تعاملتي معاهم على اساس انهم اهلك مو اهل زوجك راح تكوني مرتاحه اكثر .. قابليهم بلاحسان على قد ما تقدرين و اذا ماعندك شي اسالي من بعيد لبيعيد .. و ابد لا تغلطين عليهم لا تزعلين و تهجرينهم لان بيقولون ما تستحي ترد على اللي اكبر منها اهلها ماربوها .. يعني لو غلطتي عليهم و رديتي برد وقح اول شي بيذكرونه تربيت اهلك .. و قلة حياء منك .. فا لا تطلعين بهذي الصوره ابد .. ادري وووووووووووووووووووووووووووووايد كلامي بس انشالله تستفيدين |
رد: ام زوجي
اختي مشاعل مشكوره على ردك
اني اذا انزل عندها انزل واي مبتسمه وما اكشر. واضحك معاها واسولف وحتى لو قالت لي شي ماارد عليها اسكت واني مبتسمه وهي ام زوجي عندها شغاله وما يحتاج احد يساعدها لان هي اصلا ما تسوي شي كلشي على هالشغاله المسكينه حتى الماي تجيبه ليها وزوجي ما اقوليه على تصرفاتها لان ما يرضى عليهم واخاف حياتي تنقلب فوق تحت فأسكت احسن ليي حتى امي ما اقول ليها اني ساكنه مهعاهم في. نفس البيت بس فوق في شقه هذا مره يومين مانزلت واليوم الثالث نزلت ما قالت شي. بعدها بيوم نزلت الا هناك مرت. ولد هي مو ساكنه معاهم في البيت من شافتني الا تقول ليي من زمان ماشفناك انتي مسافره وقامت تستفزني قدام مرت ولدها. وهناك اولاده وزوجي ما كان موجودلان ما تقدر اتقول قدامه شي واني عادي اضحك ولا كأن صاير شي لكن من داخلي انقهرت هي توها من يوم شايفتني ما قلت شي يوم شافت مرت ولدها قعدت تتفلسف عليي ليش عاد |
رد: ام زوجي
اقتباس:
|
رد: ام زوجي
اقتباس:
|
رد: ام زوجي
امين يارب ويحفظن رب العالمين
|
رد: ام زوجي
ياسبحان. الله انا نفس الشي لما انشغلت صارت تكرهني وحاطه اني عدوتها. والله ندمت اني مارحت بالبدايه شقه المشكله انها بنت خالتي والله ياهي مضايقتني حتى بالمطبخ صرت ماطبخ اكل معهم او مطعم حتى الاسقاط. وتعبي عادي عندها الله يفرجها علي
|
رد: ام زوجي
اني كل اسبوع يوم الجمعه اروح بيت اهلي عاد امس قلت مابروح وبجلس معاهم نزلت وكان نسوان اولادها كلهم موجودين وكان معاهم ام زوجها وحرمه غريبه من نزلت الا هي مستلمتني توي اقول بتصل فيش عشان تنزلين شوفي كلهم اهني الا انتين مو اهني كلهم اهني والبارحه ليش ما نزلتين قلت الى زوجش خلها تنزل واني اتفشلت من اللي كانو موجودين والدمعه صارت في عيوني حتى الغدى صار ما ليي نفس آكل وقاعده معاهم وابي اصيح
ليش ما تحبني ما ادري وتبي حتى نسوان اولادها يكرهوني وبناتها والله اني كرهت هالعيشه اللي عايشتنها كل دقيقه اقول يا ليتني ما تزوجت لو قاعده في بيت اهلي امعززه امكرمه اشوى للي |
رد: ام زوجي
اقتباس:
|
رد: ام زوجي
ماعليكي من احد اهم شي زوجك .. انتي لساتك عروس جديده ما تعودت عليكي ويمكن ولدها اللي هو زوجك كان قريب منها وفجأه حست انه انشغل معاكي وممكن حست بالغيره شويه .. عامليها كويس حتى لو غلطت عليك .. هما الكبار بالسن يبغالهم تمشي لهم لانهم يرموا كلام مرات ماله داعي
وصدقيني هي تحبك اكيد وبالاخير انتي مرت ولدها وام عياله ان شاء الله وحتشيلك فوق راسها |
رد: ام زوجي
اختي اعتبريها مثل امج ليش تتحسسين من كلامها ومن تطلب منج اتشوفج وتنزلين يمهم يعني تحبج وتريد شوفتج المهم حبيبتي لاتكبريها
|
رد: ام زوجي
ابي اسالك من تصرفاتها هذي ما تكسر خاطرك كانها طفل صغير قاعد يستهبل او يعاند او بالمعنى الاقرب غيوووووووووووووووووووووووووووووووووووووووووووووووو ووووووووووووووور!!
|
رد: ام زوجي
انا كمان رايي من راي الاخوات
اخذيها على كد عقلها حبيبي عشان زوجك ولاتهتمين لكلامها ويارب يهديها عليك |
| الساعة الآن 08:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .