|
سؤال عن المستشفى الطبي الدولي (بنات جده)
السلام عليكم
كيفكم ياحوامل ؟ حابه اعرف مين جربت المستشفى ده في الولاده والمتابعه؟ وكمان اسم الدكتوره انا اتابع مع هناء بدران وهل يسمحوا للزوج بالدخول لغرفة الولاده بليييييييييييييييييز اللي تعرف تقولي |
رد: سؤال عن المستشفى الطبي الدولي (بنات جده)
والله المركز مررررررررررره حلو
وانا اتابع فيه وان شاء الله راح اولد عندهم بس انا عند الدكتوره سما ناظر |
رد: سؤال عن المستشفى الطبي الدولي (بنات جده)
مستشفى حلووو والله بس جيته من فتره طويله واسمع عنه
الله يتمم حملك وتولدين ان شاء الله |
رد: سؤال عن المستشفى الطبي الدولي (بنات جده)
والله انا بعرف ان اسمه تحديدا المركز الطبي الدولي اذا قصدك اللي بشارع حايل
مايحتاج طبعا مؤسسها الدكتور وليد فتيحي زوجة اخوي ولدت فيه تقول خطيييييييييييييييييييييير وعناية فوق العادة طبعا في فئات كلاس a كلاس b اعتقد كانت الطبيبية ياللي ولدتها اسمها ايمان تقول جدا الولادة كانت ميسرة وعناية خرافية اتوكلي ع الله وبجد انا لما رحتها حسيت اني بعالم خيالي |
رد: سؤال عن المستشفى الطبي الدولي (بنات جده)
انا اراجع عند الدكتوره هناء بدران مره عسل ونكوتيه نرجع انا وزوجي نرجع ا بيت نموت ضحك على كلامها
باقي لي شهر وبولد طبعا عندها ادعيلي ان تكون ولادتي سهله وبعدها حقولك اذ كانت تنفع ولا لا |
رد: سؤال عن المستشفى الطبي الدولي (بنات جده)
مشكورين والله كنت خايفه ومتوتره طمنتوني الله يطمنكم
هوه فعلا شكله حلو وتعاملهم مريح لكن برضو خفت عشان الدكتوره جود حاسه كأنك تتكلمي عن وحده تانيه مو دكتوره هناء ليه هيه معاي غير ويادوب تتكلم ان سألتها وجوابها دايما عادي بدون كلمه زياده عشان كده حبيت اتأكد اذا وحده عارفه المستشفى والدكتوره بالذات يمكن عشان التأمين انتي تأمين والاكاش الله ييسر لك ولادتك وتقومي بالسلامه انتي والبيبي يارب انا بعدك لسى باقيلي شهرين طمنينا ع ولادتك بس ماقلتولي يسمحوللزوج والا لا سوري طولت عليكم بس انا مالي احد هنا |
رد: سؤال عن المستشفى الطبي الدولي (بنات جده)
حتى انا سمعت انه حلو ونفسي اروح له بس مين احسن وحده وبكم الولاده عندهم
|
رد: سؤال عن المستشفى الطبي الدولي (بنات جده)
اهلين ورده
اعتقد المتابعه والولاده 10الاف و500الطبيعي زياده الف للاستشاري اذا حابه |
رد: سؤال عن المستشفى الطبي الدولي (بنات جده)
يسلمو رماد بس ابغى اعرف الدكتوره سوزان الكافي مين جربها لأن وحده مدحتها ليا
|
رد: سؤال عن المستشفى الطبي الدولي (بنات جده)
وانا كمان انشالله بولد فيه بس مو عارفه هو يدخول بتامين ولا لا
انا زوجي يشتغل بشركة زين اللاتصالات وعطوووو بطاقة تامين بس مو عارفه ممكن تشمل مستشفى الدولي ولا لا والله نفسي اولد فيه الكل يمدح فيه |
رد: سؤال عن المستشفى الطبي الدولي (بنات جده)
انا كمان عند هناء بدران ومااعرف كيف خياطتها بس شكلها نره رهيبه
بس سمعت انو تدخلي معاكي اي احد تبغيه الله يتمم لنااااا جميعا يارب |
رد: سؤال عن المستشفى الطبي الدولي (بنات جده)
اللي تسال عن سوزان الكافي انا نفس دكتورتي سما ناظر لما تاخر حملي شوي قالت روحي لسوزان لانها تخصص تاخر حمل وشاطره جدا بهالامور بس مارحت لها وحملت ولله الحمد
|
رد: سؤال عن المستشفى الطبي الدولي (بنات جده)
مبروك ياخوخه والله يتمملك على خير
|
رد: سؤال عن المستشفى الطبي الدولي (بنات جده)
ورده ماعندي فكره عنها ابدا
ملاك انا عالتأمين متابعه وولاده يقبلو تأمين طبعا بس تأكدي تأمينك يشمل الدولي او لا خلي زوجك يسأل الشركه |
رد: سؤال عن المستشفى الطبي الدولي (بنات جده)
حبيبتي.........انا اتابع عند هنا بدران انسانه قمه في الروعه وروحت عندها من مدح البنات في كل المواقع لها وولادتي التلتاء القادم عندها لانو انا قيصري
فأدعولي ربي يقومني بالسلامه.......... |
رد: سؤال عن المستشفى الطبي الدولي (بنات جده)
لو سمحتوا ساعدوني انا ابغى اعرف محل المستشفى وين
|
رد: سؤال عن المستشفى الطبي الدولي (بنات جده)
جده شارع حايل تخلي ابراج الشرفيه على يمينك وتطولي حتلاقيه على اليمين لوحه مكتوب فيها شارع حايل تخشي من الشارع نفسو حتشوفي المستشفى
|
رد: سؤال عن المستشفى الطبي الدولي (بنات جده)
الحمد لله اناولدت عند هناء طبيبه رائعه جدا جدا
الاهتمام خيالي الرعايه الراحه نصيحه من قلبي اولدوا في فتيحي وهناء بدران رائعه وصبوره جدا |
رد: سؤال عن المستشفى الطبي الدولي (بنات جده)
طبعا كل شي بتيسير من ربي
|
رد: سؤال عن المستشفى الطبي الدولي (بنات جده)
الف مبروك اخيتي
وانا بعد ولدت في نفس المستشفى الرعايه كويسه والدكتورات صبورات وكله بامر الله تابعت ولادتي دكتوره هناء بدران وسحر العيدروس |
رد: سؤال عن المستشفى الطبي الدولي (بنات جده)
الحمدلله على سلامتكم والف مبروووك
حابه أسألكم عن التامين دفعتو شي ولا لا اللي يقولوا حق الاستدعاء رماد انتي دفعتي لهناء بدران حق الاستدعاء اللي هوا 1500 ولا لا بالله ردي علي ضروري |
رد: سؤال عن المستشفى الطبي الدولي (بنات جده)
اقتباس:
نفس السؤال |
| الساعة الآن 05:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .