|
مشكلتي مع بنتي عمرها سنتين مااتحملهاا ابي حل تكفووون
السلاااام عليكم ورحمة الله وبركااااتهـ .
مساااء الخيـــرااات .. انا عندي مشكله وكبيره وبتخبل فيني من بنتي وربي اكتب لكم هالمشكله وانا جد تعبانه منها احس اني مو قادره اربيها وربي تعبت منها احيانا تجي لي افكار اصقعها كف واعدل وجهاا . راح اعطيكم نبذه عن المكان الي عايشين بوه عشان اذا بتعطوني حل يكون بنفس الاوضااع الي انا فيهااا .. انا لي 3 سنوات وهالشهر بدخل السنه 4 من الزواج زوجي هو ولد عمتي .. انا ساكنه معهم بنفس البيت ولي بس غرفه زوجي يشتغل بمكان بعيييييد مره مايجي الا سبوع كل شهر عندي بنتي عمرهاا سنتين وشهر وعندي ولد 6 شهور ايه الزبده من الموضوع انا مو عارفه شلون اتعامل مع بنتي ابد ماعرف هالفتره قمت اطق فيها مو قادره اتحمل حركاتها وتصرفاتها والله اقول لكم ويمكن تضحكون وديتها لدكتوره قلت لها ابي شي يخليها ماتصير حركيه بها الشكل تعبت منها ومن شقاوتها .. اول عماتها يمسكونها ساعدوني عليها بس الحين مايبونها عبثه وشقيه بشكل ماتتوقعونه .. تحب التخريب والتكسير مايبقى شي ماتخربه تخيلو تاخذ شي ناخذه منها ع طول يدها لشي الثاني ناخذه منها وتروح الشي الي بعدووو .. بنجن والله افكر اني اربطهاا عشان ماتتحرك .. تموت بشي اسمه اجهزه كهربائيه من تشوف الاب توب حقي او حق ابوهااا تجي تشغل وتتصفح تعرف وش تسوي شلون مدري ..hwaml15 ومن تشوف احد مشغل كمبيوتره تروح ترتز وتبي تاخذه وكلن يصوت عليهاا مايبونها لانها ع طول تشتغل بيدها واصابعها تضغط .. ومن تشوف جوال خذته وتبتدي ترسل رسائل وتتصل ع الاوادم قمنا نرفع جوالتنا عنها قامت تركب فوق شي ع شي لين توصل له وتاخذه احس مو مصدقه بنت بعمرها تسوي كل ذا فقعت قلبي والله مو قادره كله اعصب قلبي قام يوجعني وماقدر امسكها طول الوقت عندي لان عندي اخوهااا والحين اذا نزلتها تحت يم عمامها وعماتها وجدانها قامو يطلعونها ويقفلون عليهم مايبونهااا جننتهم فقعتهم اول قامو يضربونها اذا جننتهم وقلت لهم لحد يضربها قامو يصارخون عليها والحين قامو يطلعونها مايبونها .. تدخل دورة المياه وانتو بكرامه تلعب بالمرحاض وتشرب منه وتغسل وجها منه تاخذ لها مناديل ووورق من دفتر او اي ورق وتحطهم بالمرحاض اقول لها عيب مايصلح وصخ تقوم تقووول واااععععععع يعني فهمت واشوي الا ترجع مره ثانيه hwaml17 اااه تعبت وربي تكفون ابي طريقه تخليها تهدى تعقل حتى بيت اهلي مايبونها قامت تطق وتمشع شعر خواتي وتروح تاخذ اي شي من الزباله وانتو بكرامه وتاكله واذا جيت اعطيها شي ماتبيه تروح تدور من الوصخ وتاكل الي يشوفها يقول مايجيبون لها ومجوعينها بنفقع منهااا وتقول لي جدتها مانبيها خليها يمك وين اخليها يمي ماعندي الا هالغرفه ومن تجي وهي تفتح بالدروج وتطلع اغراضي وتعفر المكان والله تعبت من تجي وانا ماغير اسوي رياضه معها الاحق فيهااا بالله الي يعطيني حل يخليها تهجد اشوي تعقل ابي تروح عصبيتي منهاا بجد والله تعبت راسي قام يتبخر عقلي منه تجي لي افكار جنونيه منها مانهدى ولا نرتاح الا اذا نامت ياربي عفوك وش اسوي |
رد: مشكلتي مع بنتي عمرها سنتين مااتحملهاا ابي حل تكفووون
بنتج فيها طاقه
وطبيعي هالشي.... البنت عندها فراغ ماعندها شي تلعب فيه تحذري تربطينها وتضربينها حرام البنت فاقده حنانكم.... تحذري تحبسينها اعرف وحده نفسج بنتها حركيه حبستها ربطتها بس فترة شهر تأديب بطريقه غير صحيحه....البنت جاها توحد....ت و ح د البنت محتاجه غرفة ألعاااب خاصه لعيالج....وفيها تلفزيون معلق بعيد بلازما...وقنوات اطفال... وفيها العابهاااا خذيلها من التعليم المبكر.... بنتج سويلها اعادة تأهييييل في التربيه بطريقه صح.... لا تحرمينها من حنااانج.... مالها حد.... الله يهديها ويرزقج تربيتها التربيه الصالحه..... قمه |
رد: مشكلتي مع بنتي عمرها سنتين مااتحملهاا ابي حل تكفووون
بنتك تعاني من مشكلتين:
1) فااقدة حب وحنان واهتمام لذلك هي تحاول تلفت نظرك ونظر االي حولها بأي وسيلة.. وهالوسيلة صارت التخريب .. بس لازم تعرفين إن بنتك تسوي هالشئ فوق إرادتها لأنها طفلة وجواتها طاقة ومشاعر كبيرة وتعبيرها عنها ما يكون إلا بها الشكل ... فأعطيها الحب والحنان والاهتماااااااااااااااااااااام .. أعطيها من وقتك فبدل ما تقضين وقتك في ملاحقتها اقضيه في اللعب معاها. 2) بنتك عندها وقت فراغ كبير وماعندها شئ تسويه.. سوي لها جدول .. لعب بالصلصال رسم .. تلفزيون .. تتخبى وتدورينها .. >>> الألعاب كثيرة بس أنت رووووووووووووقي لها وأعطيها من وقتك المسكينة .. بعد ما تعالجين المشكلتين اللي فوق وتسوين برنامج ترفيهي لبنوتتك وتكسيبين محبتها وانتباهها ابدأي معها بتقويم سلوكها السئ .. يعني تعطيها تايم آوت كل ما أخطأت بس قبل التايم آوت لازم تكونين منبهتها يعني تنبيه وتحذير>> إذا تكرر الخطأ تايم أوت ما يتعدى دقيقتين لأنه عمرها .. الله يخليها لك ولا يحرمك برها |
رد: مشكلتي مع بنتي عمرها سنتين مااتحملهاا ابي حل تكفووون
الله يحفظها لك ان شاءالله ويزرقك بره
ي اختي لاتضربيها ولاتصرخي عليها راح تتعقد وتصيبها حاله نفسيه انتي امها ومالها غيرك اشتري لها العاب تنشغل فيها اشتري لها خيمه اللي بها كور اشتري لها العاب مطبخ ووالعاب اللي بها تركيب راح تنشغل معها وشغل لها براعم او سمسم ولايوسوس لك الشيطان وانتي بحاله غضب وتندمين بعدها الله يحفظها لك ويصلحها |
رد: مشكلتي مع بنتي عمرها سنتين مااتحملهاا ابي حل تكفووون
طاايب
شكرا ع الرد وراح احاول اسوي الي طلبتوه مني بس عندي تعليق لبعض النقااط / بنتي التلفزيون مايلفت انتباهااا ابد .. اشغل لهاا الرسوم والاطفال ماتبي مايهمها التلفزيون ابد ومن ناحيه الالعااااب والله ياكثر الالعاااب الي اجيب لها انا وابوهااا .. بس والله اللعبه ماتاخذ 5 دقايق ع طول تصير حطااام ع طول تمسك الشي بالتكسير ولا تجلس تلوح فيه لين ينكسر وجبت لها العاب مطبخ وخاربيط وبرضو ماتهتم لها الاشياء .. قلت لبوها يجيب لهاا جوال بس بدون شريحه يعني فيه كميرا ويصور وفيه العااب واقدر احط لها فيه اصوااات واناشيد وحطيت لها وعطيتهاا اياه اول ماخذته اوك هجدنا اشوي وثمن ماعجبها تبي لازم تكلم فيه مايكلم فقعت قلبي والحين من تشوف ايباد عمتها تقلبها صياح وشرينا لها ايباد .. مع العلم ان تو عمرها صغير ماينبقى اني اعودها او اشتري لها الاشياء هذي بس مابي حد يصوت عليها عمتها البارح ضربتها كف وهاوشتهاا وشرينا لها مابي حد يضربها او يصارخ عليها بس هي كل من تشوف تبي وتعبث .. واحسها تخطط للي تبي تسويه واقول لها يا بنتي عييييب لا يا ماما لا تسوين كذا والله ولا كانها تسمعني اذا الجدار يسمع هي تسمع واذا شافتني جيت بقوم لها تقول لا لا لا وتهج تركض تعرف ان هالشي غلط انا والله تعبت وربي تعبت احس ماقدر اتحمل طاقتي وقفت .. المشكله ان زوجي بعيد لو موجود يمكن يساعدني عليها بس الحمل علي لحالي وعماتها مايبونهاا واحيانا تنزل اشوي واسمع جدتها تهاوش ماتبيها واضطر اني اناديها عشان تجي عندي بالله عليكم وش اسوي انا راح اخذ بنصايحكم بكل كلمه وبلعب معها وبسوي الي اقدر عليه لان عندي اخوها وماقدر عليهم ثنينهم وهذاك صياح والله مو عارفه لمين اشتكي زوجي اذا تكلمت له يقول وش اسوي اترك شغلي يعني واجي وانا تعبت وربي مخنوقه |
رد: مشكلتي مع بنتي عمرها سنتين مااتحملهاا ابي حل تكفووون
والله مادري حبيبتي ايش انصحك ممكن بنتك تغار من اخوها انزلي لمستواها العبي معها اتفرجي معها التلفزيون وممكن تكون تفشانه خذويها للحديقه انا ولدي عمره سنه ونص مايلعب ويتفرج على التلفزيون الامعايا لانه وحيد فانا اخته الكبيره وامه ولما يشوفني مشغوله يشاغب علشان التفت له ولما ادخل المطبخ اعطيه اطباق وقدور وملاعق كبير يتسلى فيه واخليه يساعدني مثلا في تنشير الملابس يرفعلي الملابس وانشر ولما اكنس الارض واخلس اخليه يكنس هو كمان فجربي انها تساعدك
|
رد: مشكلتي مع بنتي عمرها سنتين مااتحملهاا ابي حل تكفووون
انا بديت احاول اسوي لهاا الي قلتوو والعب معهاا
يارب ينفع وتتغير وتصير اهدى باشوي ع الاقل شكرا لكم من الاعماااق وربي ماقصرتو ربي يقضي لكم كل حاجه ويريح بالكم .. |
رد: مشكلتي مع بنتي عمرها سنتين مااتحملهاا ابي حل تكفووون
شوفي اختي رح احكيلك من تجربة شفتها
وحدة كان ابنها شقي جداااااا كانت تربطه و تحط امامه العاااب و كل شي يحبه و تخليه في البداية طبيعي تبكي و ما تحب الحال انها مربطة و ما تقدر تتحرك كثير ما يهم خليها تبكي لين تتعب و تنام و انتي خلي عينك عليها و تكلمي معها بهدوء مهما صارخت و حسسيها بالحنان و انك تحبيها بس لازم تضل بمكان واحد و تلعب بالعابها بدل كثرة الحركة و الشغب الزايد من باب التربية لا تصارخي عليها و لا تضربيها مهما فعلت لانها بتكون مربوطة ما تقدر تتحرك كثير بس نظراتك تعبر ان ما فعلته سئ يعني لازم تتعلم تفهم ان ما فعلته جيد او لا فقط من نظراتك اليها و ان شاء الله مع الوقت تتعود على هذا الحال و تكتفي بالالعاب الي عندها و تلعب بس في المكان الي هي فيه يلزمك صبر شوية معها هذه تجربة الي شفتها و الحمد لله الطفل صار احسن بكثييير |
رد: مشكلتي مع بنتي عمرها سنتين مااتحملهاا ابي حل تكفووون
اوك
راح اسوي الي قلتي ويارب اني اغدر اغير وضعي معها ابي ارتاح لاني بجد تعبت منها والمشكله اني مو قادره اهتم فيها ولا اراعيها بسبب اخوها عندي الله يعين ويغير هالحال شكرا لكم والله ماقصرتو الله يجزاكم خير |
رد: مشكلتي مع بنتي عمرها سنتين مااتحملهاا ابي حل تكفووون
ياحياتي ربي يكون بعونك
بس بصراحه انا اشوف انك تربطيها حرااام لانها لازالت طفله وحملتي عليها وهي صغيره فاكيد فقدت حنانكم حاولي تحتويها قولي لها انا احبك انتي حبيه ماما وبابا حببيها فاخوها ضميها كثير حسسيها باحنااان والايباد والجوال مالها لزمه لان سنها صغيير عليها مثل همر بنتي وكمان والله مجننتني بس صرت دايم العب معاها واحسسها بالاهتمام لازززم انومها بحظني اقرائي عليها الاذكار وحصنيها انتي كل ماعصبتي عليها بتقلدك وكل ماكنت هاديه بتقلد ترى والله مرحله صعبه ربي يكون بعونك انا كمان امر بنفس الموقف \ربي يساعدنا ويصلح حالهم |
رد: مشكلتي مع بنتي عمرها سنتين مااتحملهاا ابي حل تكفووون
شفتي مايحس فيك الا الي مجرب وضعك
انا والله تعبت وهالفتره ماعندها الا تكفخ في اخوها وتصطر فيه وتاخذ رضعته تبي هي تشربها مو عارفه شلون اقطعها عنها وابي اعلمها ع الحمام وانتي بكرامه مافي فايده احسها ماتفهم علي واختي بنتها علمتها من زمااان وكبر بنتي احس مشتته وربي مو عارفه انا بديت الحين العب معها واحملها والعبهااا وان شاء الله تتغير شكرا لكم ماقصرتووو ربي يديكم الف عااافيه |
رد: مشكلتي مع بنتي عمرها سنتين مااتحملهاا ابي حل تكفووون
اختي حابه ازيد على نصايح البنات اللي ماقصروا
بنتك واضح ان عندها ( فرط حركه ) نشاط حركي زائد اعملي لها حميه من أي شي فيه سكر زايد حلويات وشبسات وعصيرات فيه تلاقين عصيرات مافيها نسبة سكر ودائما امسحي على راسها واقري عليها المعوذات وآية الكرسي والأذكار سبحان الله تهدي الطفل حتى وهي نايمه اقري عليها وادعي لهااااااااااااااا الله يهديها ويحفظها لك يارب |
رد: مشكلتي مع بنتي عمرها سنتين مااتحملهاا ابي حل تكفووون
ياقلبي ماقصرتي
ان شاء الله راح اسوي كذا وراح اقراا عليهاا الله يعيني ويريحكم كلكم يارب وربي اذا هدت راح تهدى اموري كلهاا شكرا لكم من الاعماااق ماقصرتو ربي يرزقكم مناكم ولا يحرمكم الجنه |
رد: مشكلتي مع بنتي عمرها سنتين مااتحملهاا ابي حل تكفووون
الله يكون بعونك حبيبتي والله هذا عم الاطفال كلهم كذا بس انا اول ماكملت بنتي السنتين حاولت افطمها لكن ماصارت تاكل ابد يادوب على الشيبس والعصير ونحفت مرره وجاها امساك يعني خليها لما عليها لما تكبر انا اضطريت ارجعها لها
والحمد لله رجعت صحتها اتوقع ماعندها فرط حركه مثل ماقالوا البنات مع احترامي لرائهم بس انتي يبيلك بال وسيع شوي كل الاطفال كذا لان بنتك مكبوته يبيلها مكان واسع تلعب فيه هذي مالها الاغرفه وحده تلعب فيها ويبلك تدمجيها مع اطفال اخواتك وحمواتك من شان تتاقلم معاهم لان مبين انها مكبوته والله كلنا نعاني من هالناحيه الله يصبرنا والله لو تشوفي لابتوبي تو صار له 4 شهور بنتي قلعت نص الحروف والابتوب القديم نفس السالفه صاير مافيه ولا حرف بس ربي يصبرنا ونشوف برهم فينا |
رد: مشكلتي مع بنتي عمرها سنتين مااتحملهاا ابي حل تكفووون
هههههههه والله ضحكتيني رجعتيني لاربع سنين ورا
نفسس بنتي بكل شي ونفس الحركات ااااااااااه ياما تعبت وشقيت منها حتى اهلي صرت استحي اروح لهم منها تعبت تعبت تعبت منها حتى الحدايق ولا الطلعات ولا الجمعات ماتجلس ولا تخلي بيوت الناس سالمه واذا تمشينا ابوها مايجلس دقيقه على بعضها يشرب شاي ولا عصير طول وقته ركض وراها نخاف عليها يصير فيها شي ولا تطيح ههههههههههههه عدوت نفسها الله يصلحها وربي سويت كل الطرق معها مانفع عندها طاقه زايده مثل بنتك ولا تهتم لتلفزيون ولا افلام كرتون ولا شي يشغلها بس تحب تكتشف وتري هذا دليل ذكاء الطفل ربي يخليها لك وربي ماانساها يوم من الايام اتفقت انا وصحباتي نلتقي بحديقه خاصه بالنساء وقتها كنت حامل بولدي وبالشهر الثامن وتعالي شوفي وش سوت فيني ماجلست شوي معاهم وهم يعطوني حلول ويجبوا لها العاب قلت يلا اشوف يااومهات الحلول والافكار بسلمها لكم وجربوا اخر شي جابت لهم الجنان قالوا الله يعينك لدرجة روحت بيتي بسرعه بغيت اولد بالحديقه من كثر الركض وراها ههههههههههههههه لكن الحين هي في المدرسه ربي يحفظها تغيرت 180 درجه هدت وازيدك صارت تساعدني في البيت وماتشوفني اتحرك الا تركض تقومني ولا تشوفني الم وارتب البيت تجي تسألني اساعدك ماما تبغي شي ماما ربي يخليها لي على قد ماتعبت منها على قد ماشقيت منها لدرجة البكا شوفي الحين كيف الحمدلله عقلت وفهمت واذا بس جرحت يدي بشي ولا صكيت على يدي باب ولا تعورت من شي تجلس تبكي علي ويوم حملت بحملي ذا ماحد قام فيني غيرها مره ارتفعت حرارتي وجلست عند راسي تكمد لي وتهمز رجولي وكل شوي تسألني ماما تعبانه ؟ يعني تحملي بنتك شوي لين تدخل المدرسه صدقيني بتتغير كثييييييييييييييييير خذيها عن تجربه مني والحين اللي استلم الدور ولدي ههههههههههههههههه ماابغى اخوفك بس نفس شقاوتها الله يصلحهم ويهديهم لكن اشوى هي تمسكه عني وتركض وراه لاني حامل وتعبانه واتامل خير يكبر ويدخل المدرسه ويعقل وتنتهي معاناتي معه وابدا عاد باللي جاي هههههههههههههه |
رد: مشكلتي مع بنتي عمرها سنتين مااتحملهاا ابي حل تكفووون
لاتربطينها ماعليج الا ان تكون نفس بنتج
هاتي الوان ودفتر لصقي الاوراق ع الجدران رسمي معاها وسوي نفس اللي تسويه انتي ابدا ارسمي ع ايدها ع ويها بس اهم شي يروح كوني مشاكسه نفسها بتحب بنتج هذا الشي هاتي مكعبات ابني شي وخليها تهدمه عطيها الاكل واكلي معاها بالطريقه نفسها بعد جذي حاولي شوي شوي تعلميها المطلوب اذا عانتيها ومشيتي عكس اتجاها بتعاند سوي ماراح تخصرين شي |
رد: مشكلتي مع بنتي عمرها سنتين مااتحملهاا ابي حل تكفووون
نفس حالة ابني
عمره سنةونص وعليه نفس حركات بنتك والحمدلله على مارزقنا احس اني بدخل الجنة من تحت عمايله فيني احس لانه ياكل حلو يمكن ذا السبب لان ابوه يحط له العسل في اي شي ياكله ويعطيه عصاير كثير ولا تحسبي البيت الضيق هو السبب ع قولة البنات ترى انا عندي غرفة لابني والعاب وكل شي بس مايحب يمسك الا اغراض البيت ولله العابه مايمسكها الا اول يوم نشتريها وبعدين يلعب بالصحون وبالتسريحة حقي المشكلة في طبع الطفل الحركي والله يعيننا عليهم ماعندنا الا الصبر |
رد: مشكلتي مع بنتي عمرها سنتين مااتحملهاا ابي حل تكفووون
والله انا عندي بنت واحده عمرها سنه وشهر فجاه لم اتعلمت تمشي جننتني ماتترك شيء بمكانه وكل ماكلمتها تصارخ في وجهي مادري ايش اسوي معاها بس قريت وقريت عشان اشوف حل خلاص اللي قريته ان كثره الصراخ على الاطفال تعلمهم العصبيه وتزيدهم شقاوة صرت اول مابنتي تصارخ اترك الغرفه واطلع تقوم تدب في الارض وتصارخ اكتر وتنام في الارض وتتشنج لم مالقت مني اهتمام بطلت هالحكره نهائي اما بالنسبه لانها تاخذ من الزباله عادي كل الاطفال كدا خذيها بشويش جمب الزباله وعلميها ان هذا شيء مقرف مايصير نحط يدنا فيه وكانت تاخد المزهريات من على الطاولات وتطيحها في الارض وتكسر وتخرب صرت اخذ منها الشيء واحطه بمكانه واقولها هذا حج بابا لاتحركيه واوديها لمكان العابها واقولها هذي اشياءك واجلس العب معاها لم تعوددت وين اللي يخصها وكيف تبعد عن اللي مايخصها ...خدي بنتك في حضنك تراها نور عينك واول فرحتك ولاقي طريقه تواصل بينكم بدل ماتصارخي وتتعبي نفسك وتوتري اعصابك وتنمي في البنت العصبيه ترى والله مافي احلى من اللين في التعامل
|
رد: مشكلتي مع بنتي عمرها سنتين مااتحملهاا ابي حل تكفووون
الله يعينك هذا حال الاطفال اللي بعمرها
عندي ولدي الله يصلحه فيه من حركاتها الله يصبرك ويصبرنا ويرزقنا طولت البال لانها بصراحه معدومه عندنا تقريبا انا في نفس وضعك من حيث السكن ودوام زوجي بعيد الله يعين بس |
رد: مشكلتي مع بنتي عمرها سنتين مااتحملهاا ابي حل تكفووون
حبيبتي الله يهديها لك الحركة دليل على الذكاء ولاتنسي وجود اخوها اكيد الغيرة لاعبة دورها حاولي تسايريها وتصبري عليها وضروري تدخليها روضة او تسجليها بشي تفرغ طاقتها في نادي اطفال او شي تختلط باطفال تكتسب منهم عادات ولاتنسي انها غيرانة من اخوها حاولي تضميها على كلشي زين تسويه او تصفقين لها او حتى وهي مشغولة تغني لها تحسسيها بوجودك حتى وانتي مشغولة عنها حتى تحس انك تشتغلين بس عيونك عليها وكلامك لها واشعريها انك متفاجئة ومندهشة بسعادة على اي حركة تسويها يعني لو ماغيرتها هالحركات ممكن عالاقل تقلل من حدة سلوكها وبالتوفيق يارب
|
رد: مشكلتي مع بنتي عمرها سنتين مااتحملهاا ابي حل تكفووون
ياقلبي لا تشكيلي ابكيلك
عندي ولدي عمره سنه وتسعه شهور حررررررررررركي جدا الله يهديه ويصلحه ويحفظه واهلي يتضايقوا منه لما اروح لهم مايخلي شي مكانه ومجرد مااسحب منه الشي القاه اخذ شي ثاني مايضيع وقت وزوجي يرفض اخليه في البيت مع الشغاله صرت اجلس وماازور احد حتي اهلي زياراتي لهم سريعه ومحدوده عشانه..........في بيتي الصاله عندي خليتها جرداء من الاثاث عشانه مجرد مراكي ومخدات يعني اقدر اسيطر عليه ببيتي...ومشوار السوق معاه او المستشفي نوع من العذاب.....لكن نصيحه مني لاتعلقي بنتك بالتلفزيون اذا صار عمرها 3سنوات واكثر عرفيها ع بعض القنوات مثل براعم حلوه للاطفال....والحين اخوها يكبر ان شاءالله ويصير يروح ويجي معاها وتشوفي كيف تعقل....الله يخليها لك ويحفظها يارب والحين عرضته ع طبيب اطفال عشان فرط الحركه وكل شويه موعد ويبغوا يسوا تخطيط دماغ له ونشوف النتيجه لكن بنتك ماشالله تتكلم يعني تميز حاولي معاها باللعب الحركي.....اشوف ولدي مع اخوه اللي اكبر منه يلعبوا لعب حركي بالمخدات والاثاث وماتتخيلي كيف يفرح ويندمج والعاب الاطفال ماتستهويه ابدا يرميها ويمل منها |
رد: مشكلتي مع بنتي عمرها سنتين مااتحملهاا ابي حل تكفووون
اول ششي اكشفي ع بنتك امكن عندهآ شي لاسسمح الله
تاني ششي شوفي نظامها الغذائي .. (حلويات .. شبسات ومن دآ الكلام ) بعدي عنها الحلويات (المطاطيه .. الي ع شكل كوكولا .. او الي فيها كريمه ) دي ملايييانه سسكريات رهيبه ) خليها تاكل سكريات طبيعيه (فواكه ) جيبي لها صلصال .. يحبونو الاطفال ف دا السسن علميها كيف تسسويه .. وتلعب فيه .. العبي معاها .. ارسمي معاها .. خليك صديقتك .. خلي تفكيرك ف عمرهآ هيا ف دآ العمر تكتششف .. تبغا تتعرف ع الاششياء .. خرجوهآ العصريه ف حديقه ششي .. او لو في سسطوح طلعيهآ وجيبي لها العاب .. وان ششاء الله تهدآ وتسير احسسسن |
رد: مشكلتي مع بنتي عمرها سنتين مااتحملهاا ابي حل تكفووون
كل الشكر لكم ع الاهتمام وع الرودو والنصاائح
والله ماقصرت وربي يجعله بميزان حسناتكم .. انا حاولت وسويت بعض الي طلبتو مني لاني اببتدي معها حبه حبه .. بس احس اني تعبت اقوى شي قلبي والله يوجعني منهاا راسي يالمني قام يجي لي خفقان تعبت نفسيا مو قادره اسيطر ع عصبيتي منهااا .. تعاندني بشكل ماتتوقعونه تو عمرها صغير وتسوي كذا شلون لو كبرت قمت اروح بيت اهلي ومااشيلها معي اخليها عند عماتهاا .. لان لو طلعتها معي اتعب حيييل بس الاحق فيهااا وهي ماغير تنبش وتفتش ع التخريب والوسخ وتاكل من الارض اي شي وماغير تروح الحمام وانتو بكرامه تعبت اقول لها عييييب ولا كاني اقول تعاندني تاخذ اغرااض ابوها وابوها يقول لها لا وانا اقول لها لا ونقول لها حطي هالشي وهي ماترد علينا تخرب واذا حد منا قام لها تهج تررررركض وترمي الشي الي بيدها علينااا قبل مانمسكهااا .. بس مانضربها نجلس نقول لها عيييب لا تسوين كذا تجلس تسوي نفس حركاتنا بس ماتتعض والله كل شي جبته لهاا وحاولت ادلها واجلسها ع رجولي وانيمها ع رجولي وهالفتره قمت انيمها معي بنفس الغرفه قبل كانت عند عماتهااا وحتى اذا وديتها عن عمتها تنام تجلس تصيييح تقول لي لالا مابي .. وارجعها عندي ونقلت اغراضها عندي بس ابد مب راضيه تغير اسلوبها او تفهمني .. هي ليه ماتفهمني .؟ ابوها امس يقولي من الي تسويه قمت اقول لو تمرض يمكن نهجد اشوي .. شفتو شلون الامنيه بسبب التعب والشقاوه الي تسويهاااا .. بجيب لها صلصال ودفتر تلوين والواااان .. وبحاااول اكون معها والعب معها اكثر واكثررر ربي يهديهااا ويغير حالها ويصلحهاااا .. / اشكركم من اعماااق قلبي لتعاونكم معي ومساعدتكم لي .. الله يرزقكم بجنات النعيم ويوفقكم لكل خير والله ييسر اموركم كلهاااا ويحقق لكم مرادكم يااااارب .. اميييين .. . |
رد: مشكلتي مع بنتي عمرها سنتين مااتحملهاا ابي حل تكفووون
ان شاء الله تفيد معهآ .. امكن ماعندهآ مسساحه تلعب ..!
بس اكششفي عليهآ .. امكن عندهآ فرط حركه ..مهم تكششفي قبل لا تزيد |
رد: مشكلتي مع بنتي عمرها سنتين مااتحملهاا ابي حل تكفووون
ياقلبي انا بقول لك تجربتي مع بنتي
انا عندي بنتي كانت نفس بنتك كله تخرب وتزعج وشقيه بشكل فضيع ولساتها ماكملت سنتين وكنت اطفش منها واضربها ساعات واقسى عليها واعصابي دووم متوتره ومعصبه فجلست افكر والله كسرت خاطري ليش اضربها واهي لساتها صغيره وصرت ما اقدر انام من تأنيب الضمير هذي بنتي المفروض احميها مو اضربها ولا اعصب عليها فصرت ماعد اضربها ابد ابد ابد واحاول امسك اعصابي اذا عصبتني واعطيها حنان واسولف والعب معاها والله العظيم جاب نتيجه بنتي عقلت وصارت ربي يحفظها هادئه فديتها تزنن وتلعب بهدوء ولا صارت تخرب وتسمع كلامي الخطاء مو في بنتك ياقلبي انتي حاولي تطنشين اذا عصبتك وحاولي تلعبين معاها وتسلينها وربي مسكينه ولا تربطينها وش ذا حرام تقربي منها مهما تعبتك اصبري انتي امها وافهم فيها ولا تخلين احد يجرحها وربي لو احد يأذي بنتي ما راح ارحمه ربي يحفظها ويحميها لك ان شاءالله اكون افدتك وربي سجلت عشانك قلبي |
| الساعة الآن 04:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .