|
تجمع حوامل ليبيا
السلام عليكم ورحمة الله وبركاته
حبيت اندير هذا التجمع لبنات ليبيا علشان نساعد ونفيد بعضنا وين تراجع واين احسن دكتور تمشيله وين راح تولد واين احسن مستشفى واين احسن طبيبة عرب (الطب الشعبى) ابداء بنفسى انراجع فى درنة عند الدكتورة نعيمة الجازوى و مبروكة المكاوى |
رد: تجمع حوامل ليبيا
كيف صار ما فيش حد ؟
|
رد: تجمع حوامل ليبيا
أهلين أختي ميرنا أنا مآسر من ليبيا وبالتحديد نسكن في طرابلس واني نراجع في مصحة الأمل وتوا اني في الشهر السابع ليا 29 أسبوع 2 أيام (الولادة يوم 29-5-2010)واللي باين في الجهاز انه ولد وهذا اول طفل يعني البكرية متزوجة ليا سنة و4 شهور
|
رد: تجمع حوامل ليبيا
مرحبتين باعرب طرابلس نورتى المنتدى يا بنات بلادى
بارك الله فيك واطال الله فى عمرك وربى يتمم حملك عل خير و لاتنسى تعزمينا عل المة |
رد: تجمع حوامل ليبيا
ها اختي ميرنا قوليلي شن وتيتي وأمتا الخلاص إن شاء الله
|
رد: تجمع حوامل ليبيا
السلام عليكن
يا بنات بلادي انا من بنغازي نرجع عن دكتورة فوزية العربي مصحة الصفوة متزوجة من سنة و8 اشهر هذا اول حمل بكرية يعني الان حامل في شهر ونص ربي يتمم لنا علي خير |
رد: تجمع حوامل ليبيا
اهلين صبايا
انا سعوديه بس حبيت ادخل وابارك لكم بالتجمع الله يسهل عليكم الحمل والولاده |
رد: تجمع حوامل ليبيا
مشكورة يادلع ياذواق على هذه المشاعر النبيلة يا احلى واروع دلع فى دنيا وربى يكثر من امثالك ويمتعك بصحة والعافية
|
رد: تجمع حوامل ليبيا
يا اهلا وسهلا با اهل بنغازى وعربها شرفتو المنتدى يا هنننننننننننودة
وانشالله ربى يتمم حملك على خير وتفرحى به وتفرحينا بس سؤال ليش تاخر الحمل عندك؟ دير مانع |
رد: تجمع حوامل ليبيا
اقتباس:
نفسى اكون ام |
رد: تجمع حوامل ليبيا
والله يا أختي ميرنا وجعتيني هلبة وإن شاء الله ربي يرزقك ولو أنتي تقدري تجي لطرابلس نقدر نقولك علي مركز عالجت فيه اختي اللي كانت حالتها مستعصية وراجلها ما فيش دكتور ما قالش عليه انه هو عقيم لكن الحمد لله ليها أسبوع جايبة وما شاء الله الولد في حالة ممتازة تصوري يا اختي ميرنا كنا فاقدين الأمل فيها يا ريت تشوفي زوجك وتقوليلي
|
رد: تجمع حوامل ليبيا
انا تاخر الحمل بسبب تكايس المباايض وارتفاع هرمون الحليب الحمدلله سافرت لمصر تعلاجت هناك واخذت علاج والحمدلله رب العالمين
|
رد: تجمع حوامل ليبيا
انشالله بسلامتك ياعزيزتى
وفعلا هرمون الحليب عندما يرتفع يسبب تكايس فى المبياض وياخر الحمل وانا مثلك عندى هرمون الحليب اذا تركت بدون علاج اتاخر الدورة ويصل الى 300 ولكن انا مدوام على مجفف الحليب البارلوديل يعدل هرمون الحليب وينظم الدورة و يصبح تبويضى اكويس ونحمل وربى كريم |
رد: تجمع حوامل ليبيا
السلام عليكم ورحمة الله وبركاته........حبيت انقوللكم الف مبروك ع التجمع وانشاء الله مايكونش الاخيرhwaml13 انا جديدة في المنتدي واول مرة انشارك لانه عجبتني الفكرة واجد ....خصوصا اني ليبية وحامل وعايشة في الغربة وياريت تعتبروني زي اختكم
|
رد: تجمع حوامل ليبيا
أهلا بيك أختي ساجدة مبارك الحمل وربي يتمملك علي خيروانتي في ليبيا وين ساكنة وتوا وين عايشة
|
رد: تجمع حوامل ليبيا
عليك السلام ويربى مرحبة انا من ليبيا درنة يا اختها انتى من اى مدينة فى ليبيا وفى الخارج فى اى دو لة ويقول للة تعالى انما المومنون اخوه وانتى اختى باذن للة نريد ان نستفيد من بعض فى اى معلومة علمية وصحية
|
رد: تجمع حوامل ليبيا
اقتباس:
|
رد: تجمع حوامل ليبيا
اقتباس:
بارك الله فيك اختي ميرنا وصحيتي ع التجمع خصوصا اني في غربة وقاعدة بروحي وحامل في الشهر السادس ياريت اتساعدوني علي اي استفسار |
رد: تجمع حوامل ليبيا
أهلا بيك أختي ساجدة وبكل أهل بنغازي شني وتيتي حوايج العيل أني يا أخواتي شريتله الحاجات كلها لكن تو نصورهم بالكاميرا ونوريهم في أقرب وقت
|
رد: تجمع حوامل ليبيا
ماشاالله عليك اختي ماسر ربي ايكمل عليك فرحتك وتشوفي ضناك بحذاك يارب ..باهي قوليلي انت في اي شهر وشن قالولك وليد والا بنية...وين تسكني
|
رد: تجمع حوامل ليبيا
اهلين حبايبي انا من طرابلس حامل في شهر تاسع بكريه .نتابع في مستشفى جلاء لولاده.وقالولي ولد .بس ننصح الي اتأخر حملهم يتابعو في مستشفى طبي عند دكتور مصطفى القواس
|
رد: تجمع حوامل ليبيا
يا مرحب بطربلسية ربى يتمم عليك بالخير نوراتى التجمع hwaml7 موفق بإذن الله ... لك مني أجمل تحية .
|
رد: تجمع حوامل ليبيا
وأني مآسر من طرابلس نتابع في عيادة الامل وأني في نهاية السابع وبكرية وقالولي وليد واني وزوجي مقررين نسموه همام قولولي شن رايكم في الاسم واللي عندها اسم غريب لولد تقوله ليا يعني قولولي اسم ولد أول مرة تسمعوه بالنسبة لاختي بيارك نرحب بيك في القسم وربي يتمملك علي خير نبي نسالك أني نبي نجيب في الطبي وقاعدة مش فاتحة ملف عادي نقدر نجيب
|
رد: تجمع حوامل ليبيا
السلام عليكم ...
فاتينا من ليبيا وبالتحديد مدينة سرت تشرفت بيكم |
رد: تجمع حوامل ليبيا
تجمع مبارك إن شاء الله ومبروك لكل الحوامل الليبيات والله يسهل لكن الحمل و الولاده وتفرحون بشوفت أولادكن سليمين معافين ..
|
رد: تجمع حوامل ليبيا
اهلين بنات انا من بنغازي ونتابع عند الدكتورة مبروكه القنين في مصحه الام الحنون وحبيت نقول انو راجل خالتي دكتور من طرابلس اسمه عبد الغني البدري مدير مصحه الامومه وهو دكتور شاطر بكل
|
رد: تجمع حوامل ليبيا
اقتباس:
ها قولين انتى حامل وفى اى شهر وعند من تراجعى فى سرت واى احسن دكتورة تنصحى الاخوات يراجعن عندها ولكى كم سنة متزوجة وربى يتمم لك على خير و موفق بإذن الله ... لك مني أجمل تحية . |
رد: تجمع حوامل ليبيا
اقتباس:
|
رد: تجمع حوامل ليبيا
اقتباس:
وانا انيد رايك فى الدكتورة مبروكة القنين فعلا طبيبة نساء ممتازة وربى يعطيك ويعطيها الصحة والعافية باهى قولين انتى فى اى شهر وهل انتى بكرية وربى يتمم لك على خير |
رد: تجمع حوامل ليبيا
ياهلا ببنات بلادي شنو اخباركن كلكن.....الدرناوية, الطرابلسيه, السرتاوية,و البنغازية,انشاءالله مانسيت حد....hwaml13 وشن جو ليبيا وحشتني بلادي موتhwaml78 والله ماتحس بقيمة بلادك الالما تسيبها hwaml16 |
رد: تجمع حوامل ليبيا
انا ليا متزوجه 10 شهور حملت علي طول وبعدها طيحت ودرت عملية تنظيف وتوا حامل مره تانيه وفي الشهر الرابع اللهم ثبت لي حملي وسهلي علي وعلي كل الحوامل
|
رد: تجمع حوامل ليبيا
انشالله من قسمك وتفرحى به ياhatoo
وتضعي لنا صورته بدل الصورة الرمزية امتعك ها قولي لنا شن داير فيك الوحم عليش جاتك |
رد: تجمع حوامل ليبيا
يا رب يتبت حملك
|
رد: تجمع حوامل ليبيا
وينكن يا بنات نبو دوام يومى
|
رد: تجمع حوامل ليبيا
كيف حالكن اليوم وحال الوحم والحمل امعاكن انشاءالله تمام hwaml10
|
رد: تجمع حوامل ليبيا
وين شكله مافيش حد يبي يرد عليه
|
رد: تجمع حوامل ليبيا
بالنسبة ليا أني توا في نهاية السابع يعني الوحم تام والله خايفة من الجياب هلبة واني طلعت شريت لبس العيل ووصيت على جلسة لأن عندي دار في الحوش فاضية وما زالت غير لبسي
|
رد: تجمع حوامل ليبيا
مشكورة اختي ماسر ع الرد....وانا كيفك بس في اول السابع انشاءالله....وبالنسبة للولادة ماتحكي بكل
|
رد: تجمع حوامل ليبيا
خير يابنات كيف حالكم اليوم ,والله الوحم جاني علي راجلي مسكين بس توا خلاص خف الوحم
|
رد: تجمع حوامل ليبيا
ههههههههه( لا شلت يمينك ) ها شن درتى فى ولد الناس جاتك على عطره ولا تعرفى يا hatoo انشالله لم تولدى بسلامة اتشوفى نسخة زوجك الصغنطوطة لى توحم على راجله اتجيب نسخته
|
| الساعة الآن 08:41 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .