|
زوجي مايحب تصرفاتي
أنا زوجي من النوع الاجتماعي مع أصحابه حتى في السفر يسافر معهم وانا يتركني في بيت أهلي ولا مره سمعته بنسافر لوحدنه اذا سمع أهله يسافرون او أهلي يقولي روحي معاهم و هالشهر يبغى يروح عمره طبعا كل سنه يروح مع اصدقاه ولا مره اخذني معاه وقال اذا رجع من العمره بوديني العمره معاه ودائما يعاير ني ماحد يجيكي من أصدقاءك ولا تروحين عند احد أصدقاي كلهم مثلي مزوجين ولا احد يزور احد المسافات بعيده بيننا كيف أتعامل مع زوجي احس يجرحني بالكلام
|
رد: زوجي مايحب تصرفاتي
ويقول لي لو ادري عنك كذا ما تزوجتك
|
رد: زوجي مايحب تصرفاتي
حبيبتي اي شيء ينتقدك فيه بيني له انك وااثقه من نفسك ولايهمك كلامه ..
وامدحي نفسك وقولي لا انا كذا وكذا , لو قالك ماحد يجيك قولي احنا الحريم غير كل وحده مشغوله ببيت وعيال مو مثلكم واذا صديقاتي مايجوني عشان المسافه بعيده مرره بس انا متاكده مليون بالميه انهم يفضلوني ويحبوني اكثر من مايفيدونك ربعك واذا انت ماجيتني حياتي مابتوقف ياكثر الرجال اللي يتمنون نظره مني ونصيبي بيمشي تعودي ماتوقف الدنيا عندك اذا انتقدك زوجك او اي احد كلها اراء تافهه ماراح تضرك بشيء ولا راح تغيرك . اللي يعجبك خذي فيه واللي مو عاجبك ماانتي مجبوره تخربين نفسيتك عليه ماحد يستاهل تفكرين فيه وتتعبين نفسك عشانه بكلمه قالها وانا اشوف هالشيء عادي اذا صديقاتك ماجوك ماينقص من قدر اي شيء انتي مو اول وحده والحين كلن مشغوول بحياته ماحد فاضي الله يوفقك يارب |
رد: زوجي مايحب تصرفاتي
اشبك ياجوجو كم مره قلنلك خليك وآآآآآثقه من نفسك
لانك اذا انتي واثقه من نفسك ماراح يهمك كلام احد والمثل يقول ياجبل مايهزك ريح والله لو انتي وآثقه من نفسك حبوك اللي حولك وتدرين ان الرجال يحب ويمووووووت في البنت الاواثقه من نفسها الله يسخر لك زوجك |
رد: زوجي مايحب تصرفاتي
شوفى لو هو اصدقاؤه متزوجين كمان ممكن تجتمعو مع بعض كل فتره لما هما يخرجو ... والله بتكون الحياه حلوه
ويا بختك بجوزك والله عايزك تخرجى وتشوفى اصحابك... اما انا على العكس تماما جوزى لا بيحبنى اخرج وبيتضايق لما اصحابى يكونو عندى بيحس انى مش مهتمه بيه وانهم بيغيرونى عموما حاولى تندمجى فى حيات جوزك وانتى تغيرى زى ماهو بيحب ....وربنا يسعدك |
رد: زوجي مايحب تصرفاتي
حاولي تتقربين منه وتكونين صديقته اكثر من زوجته
وتعرفي على جيرانج واعزميهم وكوني صداقات جديده ولاتقولين له كل شي السكوت من ذهب خليج هاديه وراكده واكشخي وخلي ريحة العطر تفوح منج والبسي واتدلعي ترى الرجال مايجون بالعين الحمرا ابدا بالكلمه الطيبه تكسبينه اجتمعي انتي والحريم كل اسبوع زوريهم ويزرونج خليه يعرف انج انتي اجتماعيه وراعية بيت وصديقه وزوجه وحبيبه شاركيه حياته تعبه ضيقه فرحه طلعاته مثل ماتشاركينه في الفراش والله يلين قلبه عليج واذا عصب لاتردين ترى الرجال مايحب الحرمه ترد عليه ابدا بالعكس بتكسبينه وبهالطريقه تبينين له تربية اهلج فيج وبيندم وبيراضيج بس لاتطولين في الزعل عشان ماتفتحين له مجال هو يستناه اوكي يالغلا والله يوفقج |
رد: زوجي مايحب تصرفاتي
أشكركم على ردودكم الجميلة تسلم يمناكم
|
رد: زوجي مايحب تصرفاتي
ياختي فليها روحي تعرفي على حريم اصحابه وكوني معاهم صداقات وسافروا مع بعض والله راح تنبسطي تتعرفين على ناس جدد وحياه جديده وفله
|
رد: زوجي مايحب تصرفاتي
ما بنفع تتجاهلي انتقاد زوجك
حاولي تكوني صداقات واعملي اللي عليكي الله يوفقك ويعينك |
رد: زوجي مايحب تصرفاتي
ان شاء الله راح نسافر هل المره مع أصحابه و أتعرف على حريمهم
والله يوفقكم في الدنيا و الاخره على كل من فهمني مع زوجي |
رد: زوجي مايحب تصرفاتي
كاتبه بلموضوع زوجي ما يحب تصرفاتي .. غيري التصرفات اللي ما يحبها ابتعدي عن الشي اللي ما يحبه ..
لكن اللي قريته شي ثاني .. حبيبتي فهميه حياة البنت مو بيدها كل وحده تمشي بطوع زوجه و قوليله انت ربي يحفظك من النوع اللي عادي تخلي زوجتك تروح مع اهلها مع اهلك عند اصحابها لكن بعض صحباتي ازواجهم شويات معقدين ولا فاضين حق ازواجهم ودهم يجوني و اروح بس الحرمه تحت طوع زوجها مو بيدنا هلموضوع .. قوليله اوكي بسوي عزومه نطلب بوفيه صغير او اسوي اكل على قد ما نقدر و الباقي نطلبه من بره .. و اعزم ربعك و زوجاتهم .. او بس زوجاتهم و اتعرف عليهم .. و بس تعرفي على الجيران .. و اذا ما قدرتي تكونين علاقات مو ذنبك و قوليله كافي اللي اعرفهم و احبه و يحبوني .. و انتهينا و لازم تجارين زوجك و تكونين مثله تعرفي على بنات خاله اعزميهم بنات عمه زوري عماته خالاته .. كوني مثله اجتماعيه .. لان الرجال الاجتماعي يحب البنت الفرفوشه اللي تكون تهلل و ترحب و هيك شغلات .. بلذات تقولين انه دايم يطلع و يسافر مع اصحابه هذا النوع يحب التجديد و الكشخه و المرح مو الهدؤء و هيك شغلات .. . |
رد: زوجي مايحب تصرفاتي
المشكله هو اجتماعي و أنا تربيت على الانعزال عن الناس أهلي كذا مايحبون يتخالطون مع احد
|
رد: زوجي مايحب تصرفاتي
حبيبتي انا
عن نفسي كنت منعزله عن العالم لكن اجتمع مع اشخاص معينين و حتى لما سافرت كنت احب اتمشى لوحدي و اقعد لوحدي و لما تزوجت و صرت في بيتي و انا من طبعي استحي مو جريئه.. لكن جبرة نفسي اروح لاهله كل يوم و ادق و انا اتغصص مااعرف حتى اكلم امي و ابوي على الجوال بس جبرت نفسي .. يعني بلعربي حبيبتي ماراح تتغيرين الا اذا تقدمتي بخطووووووووووات مبديئه أعزمي دقي اسألي جمعي من مصروفك او خذي من زوجك و احجزي شاليه و تجمعي انتي و خوات زوجك و بنات عمهم و بنات خالهم كل وحده تسوي طبق و تجيبه مو شرط شاليه اقترحي انكم تتجمعون بيت اهل زوجك في بيتك أي مكان في الكورنيش .. حبيبتي انا عكسك اهلي يحبوون الطلعات و داااااااااااااااااااااااايم نتجمع باي وقت انشالله الساعه 3 الفجر .. لكن اهل زوجي جمعاتهم قليله ادوووور اي جمعه اي لمه عشان اروح احس في ناااس عايشه بهذي الدنيا .. فا يا حبيبتي اذا انتي ماتحركتي ماراح يتغير شي .. و ترى هذا الشي ممكن اللي مو خلي زوجك يقعد معاك انك قليلة كلام و انطوئيه .. عشان كذا دايم يطلع و يوديك في بيت اهلك فا انتبهي لازم تجبرين نفسك تتغيرين عشان زوجك و عشان نفسك و عشان تستمتعين بلحياه الى متى بتصيري انطوائيه .. بتخسرين حياتك بأنطوائك استمتعي بلحياه اذكر قبل يوم كنت انطوائيه حتى ضحكتي صاامته .. بعدها قلت لنفسي الى متـــــــى هلحال محد يدري عني و دايم اخجل و دايم اخاف من التجمع اني ما اكون اوكي و و و و و ..الخ حتى بلجمعات ماكنت اسولف صامته اضحك و اكل و بس انتهينا .. جبرت نفسي و الله الكل لاحظ بلجمعه اسمع يتوتوتون مع بعض يقولون مشاعل صارت تضحك و تشاركنا بلحديث و تسولف و تقترح عاد لما سمعتهم يتوتوتون قلت بصوت عالي شفيكم تتساسرون كثررو حش عشان اخذ حسنات ادري الكلام علي انا قالو اي تغيرتي الصراحه انبسطنا بهذا التغير و زادت ثقتي بنفس و انبسطت اني تغيرت . |
رد: زوجي مايحب تصرفاتي
كلام البنات ولا اروع
اهم شي الثقه يااختي الله يوفقك ويربط على قلب زوجك يارب |
رد: زوجي مايحب تصرفاتي
عجبني كلامكم معي الله يوفقكم ان شاء الله
خلاص أنا ودي اتغير عن طبعي لانه أهله بعد احس مافي ترابط بيني وبينهم احس يحبو بس الي تزورهم بكثره من حريم إخوانه و احس نفسي ما احد يحبني خصوصا حمواتي ما يتكلمون معي الا اذا سألتهم عن شي والي متعودين عليها يضحكون ويسولفون ولا كأني موجوده معاهم ابصراحه ساعات انقهر منهم هم يحبون متابعه المسلسلات وانا ما احب ويسولفون كله عن المسلسلات وانا ساكته حتى أنا امل منهم |
رد: زوجي مايحب تصرفاتي
خصوصا ماعندي أطفال فما احس فيه ترابط يصير بيني وبينهم عكس حريم إخوانهم يسولفون عن أولادهم ويحبون أطفالهم الا أنا أضل بس مناقشات بسيطه بيني وبينهم
|
| الساعة الآن 07:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .