![]() |
اختي تكلم شاب. .مصيبه وشلون احلها ؟
السلام عليكم ورحمة الله وبركاتة
بنات ابي حل عاجل وصحيح. .. لأني بجد مدري وش اسوي. .. اختي بثاني ثانوي شوي مطفوقه يعني حركاتها خفيفه رغم انه مو باين عليها.. بس انا شكيت فيها واكثر من مره المح لها وتفهمها وتتوتر بس ماكان عندي دليل ،، رجلها خفيفه بالطلعه والدخله بس تحب تطلع ولان ابوي اربع وعشرين ساعه مسافر واخوي الكبير يدرس برا فا مو خايفه من احد العجيب ان امي صارمه جدا ولو اقولها مؤكد تذبحها قسم بالله تنتفها. ..! اليوم وانا افتش جوالها القديم لقيت رساله لها مرسلتها لواحد تقوله ان جوالها امي ماخذته لان الامتحانات وكذا فا اذا تبي شي دق علي لا ترسل. . بالوقت هذا انا كنت جالسه عند امي وفجاءه احس بحراره بوجهي مدري بروده المهم صدمه ،، رغم اني كنت شاكه والحين تأكدت! ! الحين ابي حل. .. قسم صغيره وتنحرف واذا ما خافت من الله اول شي ماراح تخاف لا من اب ولا ام. .؟ الشي الثاني وش اسوي اقول لأمي اخاف تذبحها وتعرفون العنف ماينفع ؟ ولا ارسلها اخوفها اهددها ؟ ولا اكلمها انا رغم اني عارفه انها ماراح تخاف ؟ غير كذا ناخذ الجوال منها؟ والله متوتره ومدري وش الحل ؟ ساعدوني بارك الله فيكم |
رد: اختي تكلم شاب. .مصيبه وشلون احلها ؟
السلام عليكم ورحمة الله اول شي
ياربي يالبنات ماينعطون وجة اذا انحبسوا قالوا حبستونا وانحرفنا عشان الحبسة وان خذوا راحتهم قالوا انتوا السبب مااهتميتوا فينا لاكن الحين انتي ماسكلة المشكلة ولازم باي طريقة تردعينها وانا اشوف ان امك حتى لو كانت صارمة ماراح تكون صارممة مثل الاب والاخ اللي ماعندهم حل ابد الام يمكن تضربها وتمسح فيها الارض بس بتضل خايفة عليها وبتغطي ع السالفة او اذا امك حيل حيل صارمة انتي هدديها بانك رح تقولين لابوك واخوك وامك .. ولا ترحمينها ابد لان لو لاسمح الله انحرفت او اغراها الشاب وربي راح تجلسون بالعار طول اعماركم وبعدها ماينفع الندم .. والافضل ان امك هي اللي تتصرف .. راح تبهذلها اكيد وتقسى عليها بس صدقيني عشان تصون شرفها ..وتقبلي مروري واسال الله ان يعينك لما فية الخير ويلهمك الحل السريع .. |
رد: اختي تكلم شاب. .مصيبه وشلون احلها ؟
هلا ي قلبي
والله حاسه فيك بس اسمعي كلامي امسسسسكككيها و قولي لهاااا ان هالطريق غلط و علميها بطريقه حححلووه و اكسبيها مو تجينها بالصراخ و التجريح لان هالاسلوب ما ينفع و ممكن يزيد المشككله و افتحي لها النت و خليها تقرا قصص و تخاف و قولي لها لو هو يبيك صصدق كان ما يرضضضضى عليك انك تكلميه من وراءء اهلك بس اذا حسيتيها مو مقتنعه بكلامك قولي لها انا ما ودي اقول لامي و هي اككيد تعرف امك و عصبيتها بس قولي لها انا خخايفه عليك و ما اقدر اشوفك تضيعين قدام عيووني و اسسسككككت لالالالازم امي تدري اذا انتي ما تعدلتي و ربي يهديها و يصصلحها |
رد: اختي تكلم شاب. .مصيبه وشلون احلها ؟
بنت بالعمر هذا ماتنصح ولاتعرف مصلحتها تعرف التمرد بس
مافي حل الا انك انتي وامك تمسكوها على جنب وتوجهونها بكلام حازم وبعدها تكثفو المراقبه عليها عالعموم اختي الله يكون بعونك يارب ويريح بالك |
رد: اختي تكلم شاب. .مصيبه وشلون احلها ؟
انا من رايي البنات بس فعلا مو بعنف وراقبوها ازا وعدتكم تتركه وازا بحبها فعلا قوليلها خلي يجي يخطبها او انتي كلميه
انشااله يكون ابن حلال يستر عليها |
رد: اختي تكلم شاب. .مصيبه وشلون احلها ؟
السلام عليكم ...
حبيبتي انا واجهة مثل هلمواقف لما اكتشف طيش البنات اللي حولي عن طريق الصدفه .. اعزميها انكم تطلعون مع بعض لمطعم لكافي قولي لها هلكلام .. بتكلم معاك مو مثل اختك لا مثل صديقتك ممكن الاصدقاء تتقبلين كلامهم اكثر من الاهل.. كلميها بهدؤ أنا دريت ان لك علاقه لكن بكم شخص انا ما ادري واحد 2 3 الله و اعلم .. تحبينه هبال هم بعد ما ادري طلعتي معاه شافك الله و اعلم لكن اللي اعرفه اني لو قلت حق امي اقلها ضرب و حرمان و ان درى ابوي ممكن يزيد عليك لدرجة الحبس .. و ممكن ما اقول و اسكت و بيوم من الايام احد من اصحاب اخوك يشوفك معاه او اي حد يسمع ان اهل هلبيت في عندهم وحده تكلم شباب.. يعني بلعربي سمعة اهلك و سمعتك .. انتي ما عملتي حساب لاهم شي ربك ربي معطيك هلفرصه و ساتر عليك قاعد يختبرك مو اختبار ابو 30 درجه او بو نسبه نهاية السنه .. يمهل و لا يهمل.. و فلنفرض انه يحبك و يبيك و بيتقدم لك و و تدرين ان اغلب الزواجات اللي تمت بهذي الطريقه فاشله لان بينولد فيها في المستقبل الشك و الحرمان و ممكن ما يخليك تستخدمين الجوال الا قدامه و ماتروحين لصديقاتك لانه مو واثقه ما انتي حكيتي معاه من وراء اهلك و محد يدري سهل جدا تسوين اشياء كثيره من وراءه و لا تقولين يحبني و ماراح يفكر هيك .. ابليس ما مات ممكن حتى من بيت اهلك يحرمك . يقولك صوت المراءه عوره و اذا انتي تقولين انا اكلمه بس بلتلفون استهبال و و و الخ .. على فكره صوتك عوره و انتي رابطه علاقه مع واحد .. انتي مو داقه على مطعم و لاعلى جهة طالبه منها منفعه او خدمه .. بتقولين و انا قاعده اكلمه على التلفون بس مستفيده منه وايد يشحن لي يحول لي فلوس ... تقارنين نفسك بكرت رخيص بفلوس بوسخ دنيا .. بشي ممكن يكون بيدك اليوم و بكره تفقدينه و ممكن تقولين بس احكي معاه افضفض اتسلى ماراح يفيدك كل هلامور تضرك المتعه اللي تستمتعينه من وراء مكلماتك معاه متعه حرام على فكرره هو المستفيد الاكثر منك و بيلعب بسمعتك وقت ما يبي يهددك وقت ما يبي.. ممكن يكون متزوج و زوجته درت انه يكلم بنات بتدعي عليك انتي مو عليه هو .. و دعوة المظلوم مافي بينها و بين السماء حجاب .. فا ياعزيزتي مهما كان عذرك بارتباط بهذا الشخص مضاره عليك و على اهلك اكثر من منافع هذا لو في منفعه لو شي صح ماكان بتسوينه و محد يدري .. ادري ان ودك حد يحكي معاك كلام حلو يهتم فيك لكن مو بهذي الطريقه على فكره هو لو يحترمك كان ما كلمك لو يخاف عليك و كان بجد قاصد خير كان كان ماسمح لنفسه انه يحكي معاك .. اذا على الاهتمام و الشعور بلحب .. بكره بتتزوجين و بتصير عندك فترة ملكه .. و و زواج و بداية زواج ليلة دخله و شهر عسل لو حتى اسبوع عسل لكن بيكون احلى شي مهما كانت عيوبه و بتستمتعين تدرين ليه ..؟ لانه بيكون متعه بلحلال قدام الناس اشهار الكل يدري ان هذا زوجك اللي تفتخرين فيه هو افتخر فيك و اشهرك قدام الناس .. اللي تكلمينه يقدر يواجه اهله و الناس يقولهم اكلم فلانه لا و اذا قال بيكون وقح لانها علاقه غير شرعيه و اذا بيشهر فيك بيشهر فيك عند امثاله اصحابه اللي يحكون مع بنات بيقول و الله البنت هذي فله محترمه و مؤدبه و اخلاق و هم من داخلهم بيقولون الله كل هذي الصفات و تكلمك .. و الخ من هذي الامور .. ابيك تقعدين مع نفسك و تحاسبين نفسك .. و تفكرين بكلامي .. و اتمنى انك تتخذين قرار صحيح .. لكن انا ماراح اسمح لك انك تتمادين انتي لازم بأسرع وقت تقطعين علاقتك فيه و تبعدينه عنك .. و شوفيها اذا كانت طالعه معاه و ضحك عليها و لا لا و هي خايفه تقول يدل بيتكم و لا لا مرسلتله صورتها لازم تعرفين هذي التفاصيل و انشالله بتطخ ... لكن خلي عينك عليها مهما صار و خذيها كا صديقه و ياليت تقترحين على امك انكم تزوجونها اول ما تخلص ثانوي .. و اذا هي تبي تتزوج و قد الزواج شوفو لها عرس من الحين .. و الله يهديها ممكن بعض صديقاتها لهم علاقه بعد بهذي الامور انصحيها انها ترجع كرامتها لو في حد من صديقاتها دري تقولهم انها بطلت تحكي مع شباب و انها غلطه و راحت و لا تنسحب منهم على طول و تحاول تنصحهم على قد ما تقدر و تدريجيا تنسحب عنهم عشان ما يفضحون فيها .. |
رد: اختي تكلم شاب. .مصيبه وشلون احلها ؟
انا اقترح عليكي انك تحكي لأمك قصة اختك..بطريقة ثانية ..على انها وحدة بالمنتدى وغيري شوي بالتفاصيل..
وحاولي تسألي امك عن رأيها..؟وسأليها وش اكتب..؟ وأهم شي تكون اختك جالسة وخليها تسمع رد امك..وبعدها اجلسي معها..وكلميها بالعقل..فهمت وعقلت كان بها.. اما لومافي امل عليكي بالوالدة..بنات الوقت هذا يبيلهم صبر..وقوة عين.. &انا اختي بثالث متوسط تجلس بالمنتديات وهي تعرفي شباب وبنات..اول ماانتبهت لها..منعناها من النت ..والماسن..أما جوال لوتموت ماتاخذ الى تخلص الثانوي..احنا اهلي مايعطونا الجوال الى مايشوفونا عقلنا.. |
رد: اختي تكلم شاب. .مصيبه وشلون احلها ؟
اقتباس:
انا مع كلام الاخت مشاعل الدوسري ماشاءالله كفت وفت الله يهدي اختك ويصلحها |
رد: اختي تكلم شاب. .مصيبه وشلون احلها ؟
مشاءالله. البنات ما قصرو معكى. مابقا شى اقوله انا راى من ريهم
الله يهديها يارب |
رد: اختي تكلم شاب. .مصيبه وشلون احلها ؟
واللله انا الي صديقة مرت بنفس المشكلة مع اختها
وسالتني عن الحل واحنا عملنا نفس الحلول اللي انتو كتبتوها يعني اخدنا البنت مشوار وحكينا معها وانا بالذات قلتلها انا صديقتك وبتكلم معك بالعقل وفهمتها انو الشباب بتسلو المهم ما خلينا شي ما فهمناها اياه وهي وعدتنا تبعد عنه وتتركه وصارت تبكي واحنا سدقنا وصارت صديقتي تخفف المراقبة على اختها الا بالاخر بعد اسبوع سمعتها بالحمام بتكلم هالشاب يعني طلع الكلام عالفاضي وقتها اضطرت صاحبتي تقول لاخوها والله انضربت ضرب هالبنت الله يعينها واخدو الجوال ومنعها تروح عالمدرسة ومع هيك صاحبتي حاسة انو اختها لسه بتتواصل مع هالشاب بطريقة ما انا طولت عليك بس حبيت اقلك قصة حقيقية يمكن تستفيدي منها تحياتي |
رد: اختي تكلم شاب. .مصيبه وشلون احلها ؟
حبيبتي لاتسكتين هذا عاااااااااااااااااااااااااار
كلمي امج خليها تسنعها وتضربها وتكسر راسها بعد عشان تعرف ان هذا الشي عيب والله يهديها يارب |
رد: اختي تكلم شاب. .مصيبه وشلون احلها ؟
رجعت نسيت أقولك كم شغله
انتي بلاول خذيها بلسياسه و بلمحبه و قولي لها انا قلت لك و نصحتك مو انا اللي اراقبك الله نجاك مره مرتين و و مررات الله و اعلم المره الجايه ينجيك و لا تفشلين في اختبارك و تنفضحين .. و اذا مانفع الكلام و الحوار بلتهديد مانفع قولي حق امك و هي تتصرف عشان تكسر رأسها لان في بنات ما تفيد معاهم النصيحه و لا السياسه و يستغلون الثقه الجديده و الصراحه اللي تكون منهم تكون كذب لانها ودها تستغل هذا الموضوع لصالحها ... و ذكريها بكم قصه .. بقولك ايها حقيقيه ماهي من نسج الخيال .. المهم او قصه حق احلى بنت ماتطلع و لا تروح و لا شي ابد يا حليلها ما تطلع الا مع اهلها و ان اطلبت اطلبت القليل و داااااااااااااااايم تقعد بغرفة النوم و الجوال ما يفارق اذنها .. طبعا بشريحه اهلها ما يدرون عنها .. كانت بس تدق تزعج العالم اذا طلع واحد قالت غلطانه اسفه لو ازعجتك طبعا بمياااعه .. و هيك شغلات بس كانت تكلم على التليفون اكثر من 100 واحد تعرفهم بس على التليفون و الله ما امزح .. المهم في البدايه كلام عادي سوالف الحياه تدريجيا صار وحشني صوتك و بعدها صارت اهات و تناهيد الين وصل الموضوع الى مكالمات جنسيه .. تزوجت البنت و عندها طاقه جنسيا عاااااليه جدا ... لكن ما استمتعت في الواقع لما عاشرها زوجها ما استمتعت لان هي وجدت و جربت الذه بلصوت فقط عن طريق المكالمات .. طبعا عانت كثير تقريبا سنه الى سنتين يمكن و هي تعالج من هذا الموضوع .. هذي هي نهاية مكالمات تليفون فقط سنتين تقريبا ما استمتعت مع زوجها مع انه حلالها .. لكن هذا عقابها من ربي لان قبل كانت تستمتع بلحرام.. القصه الثانيه : وحده في عرس اخوها كانت اجمل من العروس في ذيك الليله .. و هي متزوجه و عندها عيال لكنها تخون زوجها و تكلم الله و اعلم اذا مارست الجنس و لا لا .. لكنها في النهايه خاااااااااااينه .. بعد زوج اخوها الكل رجع يمدح في جمالها ما ابالغ الكل يقول متغيره .. ثاني يوم المعروف يسون حفله يسمونها الصباحيه هي اغلبها تكون عشاء الاخت أطلعت مع خويها .. و زوجها شافها و قعد يلاحقهم من كبري الى كبري الين اوصلو زحمة الكورنيش و مطارده زوجها يطارده كويس ان ما سببو حوادث للناس المهم تتوقعون شنو صار فيها .. صار لها حادث هي مع خويها .. اصدمو عمود الاناره خويها قدر يطلع من السياره هي الحديد سكر على رجلينها ماتقدر تطلع شوي شوي دخاان بانزين يقطر مين شافها و هي تحترق اقاربها و جيرانه و يدرون انها متزوجه .. هب زوجها واقف كان معاهم يحاول يطلعها .. شوي الا السياره تحترق و هي تحترق و ماتت بانفجار سياره .. كانت نهايه جدا لا وصف لها مدري قبلها بيوم مدح على جمالها و التغير اللي هي فيه ثاني يوم الا بنفس اللحظه الله يخلي البيبي وصل الخبر عند الجيران و الاقارب و الصديقات ان فلانه ماتت وهي تحترق .. كانت مع خويها و زوجها كان محبوس بلسجن لان هو اللي تسبب بلحادث المفروض ان مايلحقهم بطريق عام ابد مهما كانت الاسباب بعدها ماندري شصار في زوجها .. و و خويها كان في المستشفى و على باب غرفته شرطي هذي هي موتت الخاينه .. القصه الثالثه : وحده حبة لها واحد و سوالف و طلعات و كلام حب و فوق 8 السنين مكالمات طبعا كانت تطلع معاه لما كانت تروح بيت عمها و خالها بنات عمها و بنات خالها يخبون عليها و يضبطونها و من بيت صديقاتها كانت تروح تنام عند احد صديقاتها تفهم امها انها بتنام عند صديقتها فلانه ..و هي طالعه معاه بشقته .. بلنهايه اتزوجها بفترة الملكه ماااافي اجمل منه بعد الزواج مااااااااااااافي احلى منه شهر عسل .. مدته 3 اسابيع ب 3 دول يا هنيالها .. رجعو بعد شهر قلب عليها و عطاها الاسطوانه جوال مافي طلعه من البيت مافي الا معاه او مع امه او خواته .. مافي انترنت بعد فتره حط لها النت لكنه مراقب .. و خلفت منه قالت ممكن ينسى و يهدى .. مافي فايده و خلفت ثاني مافي فايده منعها تروح بيت عمامها الا معاها تسلم و ربع ساعه و يطلعون لكنها تقعد مع بناتهم لوحدهم لا تخيلو و نفس الشي بيت خالها .. حتى بيت اهلها ياااادوب بلحسره تروح .. هذي نهاية حب كبير و ثقه و طلعات و رومنسيه ثقه عميه و دوون اي تفكير في المستقبل .. نتيجتها انحرمت من كل شي من صحباتها بنات عمها بنات خالها بيت اهلها جوال انترنت كل شي يؤدي الى صلة الرحم ممنوعه منه .. لكن للامانه مدللها في بيتها ملكه .. و عند الناس ملكه لكن باين على وجهه الحزن و الذبول و الابتسامه المصطنعه أول ما نقوله اخبارك انشالله بخير و ربي اوقات تبكي و اذا بكت تقول ما ابي حد يدري اني بكيت ما ابي الخبر يوصل لزوجي .. . |
الساعة الآن 07:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .