|
لكل من ردت على موضوعي الاول..محتاجتك للمره الثانيه
السلام عليكم بنات اخباركم ..اول شي مشكوره كل وحده ردت على موضوعي الاول وبجد رفعتوا معنوياتي كثير
في عندي كم سؤال لكل اخت جربت او عندها خبره في الحياه او سمعت عن مثل ظرفي.. بعد ما صار هالموضوع اللي هو الطلاق اتصلت امي على ام الولد وطلبت منها مفتاح البيت عشان اروح اخذ اغراضي ..ردت اصبرو شوي ان شا الله يصير خير المهم من هذاك اليوم الى اليوم وانا بالي مشغول ومو عارفه شو اسوي حاسه اني متعلقه ونار في قلبي من التفكير بيرجعلي او لا وليه للحين مافي حد اتصل ممكن يبي الموضوع وقت مو عارفه للسالفه اسبوعين من صارت وربي حتى اكل ما صرت اكل شكلي تغير مليون درجه ابي مساعدتكم لا تبخلون علي ..ما ابي اتصل عليه لاني عارفه ما بيرد علي وما ابي اهين نفسي اكثر ابيه يحس فيه شوي ابي اعرف هو يبيني او لا وفي نفس الوقت اقول الضرب اللي انضربه من ابوي ما بيخليه يفكر فيه او يشتاقلي ساااااعدوني |
رد: لكل من ردت على موضوعي الاول..محتاجتك للمره الثانيه
بنات تكفوووووون ردو علي
|
رد: لكل من ردت على موضوعي الاول..محتاجتك للمره الثانيه
ييمكن يبي يرجعك عشان كذا قالت اصبروا شووي ..
معقولة ماعندك مفتاح لبيتك مدري انتظري اسبوع ثاني واذا مارجعوا دقوا خلي امك تدق مرة ثانيه |
رد: لكل من ردت على موضوعي الاول..محتاجتك للمره الثانيه
ان شاء الله ما بصير الا كل خير
لازم تصبري |
رد: لكل من ردت على موضوعي الاول..محتاجتك للمره الثانيه
انا ما طلعت من البيت الا بعبايتي بس ..تكفون ادعولي والله اني في هم ما يعرفه الا الله
|
رد: لكل من ردت على موضوعي الاول..محتاجتك للمره الثانيه
اخاف ترجع تكلمهم امي مره ثانيه واندم واكون وقتها استعجلت
|
رد: لكل من ردت على موضوعي الاول..محتاجتك للمره الثانيه
اصبري ياقلبي
واحتسبي وانا اشوف انك ماتتصلون كذا ممكن الشيطان يدخل براسه ويحسب انك موافقة على الطلاق رددي دائما الدعاء واستخيري بامرك ماخاب من استخار اصبري على اغراضك مو مشكلة بس اذا كان اهلك الي غلطانين عليه وانتي تعرفين تفكيرة اتصلي وتفاهمي معاه ترى زوجك مافي اهانه بين الزوجين اذا يحبك راح يفرح باتصالك ويبرد بقلبه كل الي صار ولاتدخل مشاكلك وضروفك قدام احد اذا مشكلته بس انه بخيل << احس انه شي مقدور علية ومو صعب وتقدرين تتحملين شي زي كذا الين ربي يصلحة ويمكن مو مسأله بخل بس طبيعي اول الزواج الزوج مايفهم طبيعة صرفيات المرأه ويحسها كل شي تبيه ماله داعي حتى انا مريت زي كذا متزوجه من 9 شهور اول الايام احسب انه بخيل .. بس بعدين طلع عليه ديون ومشاكل بسبب صرفيات الزوج وطلع مايبي يقلقني باهديون بس تفاهم معاي وانا صبرت عليه لاتستعجلي وحلي امورك مع زوجك من غير مايدخل احد بينكم وصدقيني مافيها اهانه ولا شي خلي كلامك معاه فيه نوع من انك مشغولة عليه مو انك تبغي ترجعين له ولا تفتحين موضوع الطلاق بتكون صعبة شوي عليك بس راح تكون فايدتها ان شاء الله لمصلحتك |
رد: لكل من ردت على موضوعي الاول..محتاجتك للمره الثانيه
يسلمووووو على ردك ريحتيني كثير بس المشكله لما اتصل عليه ما يرد اخاف انه يغير رقم جواله بعدين تتوقعين اصبر كم اسبوع كمان والا اكلمه هالايام حاسه انه لسا شايل في قلبه او اكلم اخته مو عارفه شو رايك انتي
|
رد: لكل من ردت على موضوعي الاول..محتاجتك للمره الثانيه
مدري شقولك ...لان كل شخص يختلف عن الثاني............بس اثقلي...شويه
ولاتندمي ......لان هو اللي راااح يقوول ياالله وينها ؟؟؟؟؟؟؟؟؟؟؟اتصالاته؟؟؟يعني اذاترجعي ترجعي وهو مشتاااااق .......هههههههه فاهمتني.......... دعواااااااتي لك .....بالتوفيق.....وانتي طووول مااانتي بعيده ...رددي قولي ياالله كاانه خير لي في ديني ودنياااي....فيسرلي ...والادعيه هاادي سبحاااان الله........ابداااماتخسري لان لو رجع لك بيكون خير ولو رااااح..برضووووخير...وماااااخااب من استخار الله...أول يااختي جهل ومااااندري ...بس يااارب لك الحمد .....على كل حاااااااااااااااال..........وأخيرااا عزيزتي أتمنى أن أكون أفدتك.. أختك أنجيليا.. |
رد: لكل من ردت على موضوعي الاول..محتاجتك للمره الثانيه
حبيبتي هال ايام كثري استغفار ولا تدقين الاستغفار يفرج كروبكل ما فكرتي استغفري وبتلاقين ان شاء الله للمشكله انحلت
|
رد: لكل من ردت على موضوعي الاول..محتاجتك للمره الثانيه
انا رحت شفت موضوعك عشان افهم و ارد صح
الغلطه منك انتي من البدايه مهما يصير بينك و بين زوجك ماتقولين لاهلك و معروف اول سنه .. يسمونه دراسة شخصيه لان انتي لك شخصيه و هو شخصيه و كمان نمط حياة مختلفه انتي حياتك كانت غير عن حياة زوجك .. انا صار لي سنتين و محد من اهلي يدري شنو مشاكلي غير اني طفشت من المنطقه اللي انا فيه و ما في حد اعرفه و اعرف صديقتي صار لها 3 سنين متزوجه و لا عمرها شكت طق و كانت تنطق و محرومه من كل شي ماقالت حق اي حد ابد تقول يمكن يتغير الين وصلت حدها راحت قالت حق اهلها و بلغتهم و الحين زوجها يحفى علشان ترجع له ... و بترجع له باذن له لكن برضوه و و و بشروط كثيره يعني يا عزيزتي مختصر كلامي من هذي الناحيه الوحده تصبر على زوجها و تحاول تفهمه و تحل مشاكلها معاها و ان بغت تشتكي تشتكي لخواته امه تفضض عند هلاشخص يمونون عليه .. حاليا .. تقولين كرامتك ما كرامتك انتي بعد ما طلعتي من بيتك حكيتي معاه .. لازم تحكين دقي مره مرتين عشر .. و ارسلي حاولي بادري انتي بلصلح .. اذا انتي تبينه ترى اصعب شي الطلاق .. و على اتفه الامور .. لو حتى قرارك انتي انك ما تبينه .. لازم تحكين معاه عشان اذا عندك اي استفهام اي شي مستغربه منه تعرفين وجهة نظره عشان لا انفصلتي ما تتعبين من كثر الاستفهامات ليش هو سوه هيك و هيك شغلات .. تكون كل الاساله واضحه و ماعندك اي استفسار من ناحيته .. و انصحك تحاولين تبادرين بلخير و تحاولين ترجعين له .. لا تقولين كرامتي مفهموم الكرامه غلط فاهمينه اغلبيتنا مافي كرامه بين الزوج وزوجته فيه احترام حب تضحيه صبر و الخ .. كرامتك من كرامت زوجك دام انك لسه زوجته باقي انتي بلعده حاولي على قد ما تقدرين و اذا ربي ما اراد انكم ترجعون لبعض الله يعينك و يصبرك .. و لكن تذكري في حال ارتباطك لشخص ثاني ابد ما تحكين لاهلك لمشاكلك و لو حتى قصر عليك بشي الا في حالات معينه .. و لا تقولين له ابوي يضربنا و امي كذا و انا كنت في بيتنا محرومه و و و و و بلعكس شدي الظهر بأهلك .. و امدحيهم لكن بشكل معقول يعني ابسط شي الحمدالله اهلي ما يقصرون علي على قد ما يقدرون يجبون لنا اللي نبيه و لا يحرمونا من شي اهلي مشالله عليهم ا بختي فيهم قلوبنا على بعض مهما يصير ابدا ابدا ما تشتكين من اهلك عند زوجك مهما كان طيب و حنون لان لو قلتي له ابوي دايم مايتعامل الابلطق و الصراخ و و و و و ممكن يستقل هذا الموضوع و يدري انك ماراح تقولين لابوك لانك خايفه من الطق و الصراخ و الخ فهمتي علي .. اعرف 3 بنات قايلين حق ازواجهم اوضاع بيتهم بلتفصيل الممل و ربي ما ابالغ وحده محبوسه و ما يطلعها الا لبيت اهله و لا معاه بس بيت اهلها ما يوديها و يسوي كذا يدري انها ماراح تشتكي لان مافي حد بيسمع لها في بيت اهلها لان قالت له ان انا مو اوكي معا امي و ابوي منعزل عنا و و و و و و اشياء سلبيه .. و هو استغل الموضوع هذا الثانيه طايح فيها طق و يدري انها ماراح ترجع لابيت اهلها لان بيت اهلها كل شي ممنوع انترنت جوال طلعات مافي سفر و لا شي اي شي محتاره فيه عندك صحباتك عندك المنتدى افضل من صحباتك لان هنا محد يعرف انتي مين و بنت مين صحباتك ممكن تزل لسانها عند فلانه و فلانه تنقله لفلانه فهمتي عزيزتي .. هنا اكتبي مشاكلك و البنات يفيدونك و ينصحونك و يرشدونك في بنات فيهم الخير و عندهم حلول يمكن ماتخطر على بالنا .. ادري هذرة عليك وايد بس اتمنى انك تفهمين وجهة ظري .. |
رد: لكل من ردت على موضوعي الاول..محتاجتك للمره الثانيه
الاخت مشاعل. . يشرفني ردك على موضوعي خصوصا واني حاسه انك انسانه فاهمه ولك خبره في الحياه..
عارفه اني غلطت واستعجلت باتصالي على اهلي ولكنها كانت اول مره وما توقعت الوالد بيتصرف بها الشكل ابدا وصدقيني ندمانه كثير لكن تمنيت ان الوالد يكون تصرفه بس اهدا من كذا لكن اللي صار صار. . ومن ناحية ان المفروض ان انا ابدا الصلح انا والله تهمني حياتي وزوجي ولا ودي انفصل عنه حاولت اتصل فيه من اول ما صار الموقف رد عليه اول مره وبعدين رفض انه يرد حتى على الرسايل مدري قلت ابي الموضوع يهدا شوي ويروح اللي في نفسه مع ان اللي صار له مو شئ ينسي ولاني قادره انساه ااخاف اكرر اتصالاتي ويغير رقمه وبعدها ما اقدر اتواصل معاه. . كثير يقولون لا تكلمينه خليه يعرف قيمتك لان من ناحيتي والله ما غلطت عليه صبرت عليه كثير وكنت بصبر لولا اللي صار سالت شخص كبير وفاهم قال الغلط من ابوك لانه ضربه في بيته وطبعا مستحيل الوالد يتنازل. .محتاره وش بسوي وخايفه كثير ولا عارفه اكلم مين ما فكرت ولامره اني اقوله اهلي مو زينين معنا بالعكس ع طول امدحهم واقول مافي زي اهلي واصلا هذي الحقيقه اكيد انتو اخواتي مالي غنى عنكم..ولا شكيت لحد غيركم لان اصلا مافي حد احكيله اليوم جمعه.. لا تنسيني من دعواتك |
رد: لكل من ردت على موضوعي الاول..محتاجتك للمره الثانيه
السلام عليكم .. انا قرات موضوعك الاول عشان اعرف شو ارد عليكي
في البداية انا ما بدي اعاتبك انت اكيد بتعرفي خطآك ,, اللي صار صار لكن انا من رايي انك تستني الموضوع يبرد شوي لان الرجال اللي صار فيه مو قليل و صعب على رجال يتنازل بسرعة و خصوصا انو هو اكيد بيعتبرها اهانه لكرامته بعرف الانتظار صعب و انك مش قادرة تبعدي عنه , بس بدي اعرف منك اذا زوجك عنيد و ممكن يكابر انت بتعرفي اكيد شخصيته انت لازم تتوقعي كل النتائج انو ممكن يعاند و يتركك و ممكن يبرد الموضوع و ترجعي لكن ان شالله لما ترجعي يكون في شروط و في تقييم للعلاقة بينك و بينه من فترة لفترة اهم شي هلآ ما تحكي معه سيبي الامور تهدا , اكيد زوجك مش عاطل لان بالبداية قبلتي فيه بسبب مواصفاته الحسنة طولي بالك و انتظري لكن ما تاخدي اي خطوة تقطع الود اللي بينكم طمنينا شو بسير معك |
رد: لكل من ردت على موضوعي الاول..محتاجتك للمره الثانيه
الاخت heba t اشكر لك ردك ع موضوعي لا أخفيك ان شخصية زوجي فيها الكثير من العناد ولكن أملي في الله كبير ان الله يحنن قلبه علي ويرده لي يارب ياكريم ..اذكريني بدعوه من القلب
|
رد: لكل من ردت على موضوعي الاول..محتاجتك للمره الثانيه
لاتتصلين يالغلا وكلي ربج
والمفروض ماتخلين اهلج يتدخلون في مشاكلكم والرجال يباله فتره عشان ينسى انتي اصبري لاتستعجلين الف واحد غيره يتمناج الصبر ثم الصبر ثم الصبر مفتاح الفرج لو اتصلتي فيه بتفتحين علي نفسج باب ماراح يتصكر وراح يتكبر وا وا وا وا وا اشياء كثيره خلج ثقيله وكرامتج محفوظه ودام امه قالت اصبري شوي شكلها تحاول تقنع ولدها يرجعج فانتي لاتستعجلين وادعي ربي يالغاليه في كل صلاه واستخيري والله يوفقكم وتردون لبعض |
رد: لكل من ردت على موضوعي الاول..محتاجتك للمره الثانيه
الله يفرج همك ويصلح الحال
اممممم مافي اخ عم خال رجل كبير وحكيم بالعيله يدخل صلح حاولي تدورين شخص ممكن يكون وسيط خير بين ابوك وزوجك وحد رأيه محترم من الطرفين والله يصلح الحال وطمنينا عليك |
رد: لكل من ردت على موضوعي الاول..محتاجتك للمره الثانيه
تدرين حتى لو حرمه تكلم ام زوجك بدون ماتقول انك كلمتيها
وتجس النبض ترى مافي زي الحريم تأثيرا على الرجل |
| الساعة الآن 10:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .