منتديات حوامل النسائية - تجربتى مثيره فى ولادتى

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

- - تجربتى مثيره فى ولادتى (https://naqatube.com/showthread.php?t=11897)

تجربتى مثيره فى ولادتى

السلام عليكم ورحمه الله وبركاته
ازيكم اخوتى بمنتدى حوامل نسائيه اتمنى لكم كل الصحه والعافيه

انا غبت شويه عن المنتدى لانى كنت بولد ولسه راجعه بيتى اليوم بعد فتره عند بيت امى حوالى 12 يوم وقلت كفايه بقى لازم اعتمد على نفسى لانى كل ماطولت القعده عند امى هيبقى رجوعى لبيتى صعب جدا لانى هاكون اخدت اكثر واكثر على الراحه
المهم مش هاطول عليكم حبيت احكى تجربتى
انا متزوجه فى شهر 11/2009
بحب الامومه جدا واتمنين اكون ام وانا لسه بنت فى ثانوى وكنت اتلهف على اى طفل ماشى مع مامته فى الشارع والحمد لله ربنا رزقنى بزوج احمد الله عليه
ولكن ظللت حوالى 6 اشهر بدون حمل اعرف انها ليست بفتره طويله ولكنى كنت متوتره وخصوصا انى علمت ان زوجى هو ايضا بيحب الاطفال ويتمنى ان يرزقه الله بطفل منى وذهبت للدكتور وبدات رحله العلاك من كلوميد وحقن منشطه لانى وانا بنت كانت الدوره ممكن تيجى كل 5 اشهر او اكثر ولكن المشكله حدثت عند حملى لانى لا انا ولا الدكتور ولا حتى دكتور مركز التحاليل علم موعد حملى حتى انهم استغربو انا حملت ازاى الشهر ده لانى عملت فى الشهر ده سونار مهبلى ( متابعه تبويض) ووجد الطبيب البويضات صغيره جدا وموعد التبويض فاتوصعب بويضه تخرج الشهر ده وتتخصب
والدكتور قالى مش مهم الشهر ده وان شاء الله الشهر اللى جاى ربنا يأذن طبعا انا احبط وكنت بنضف الشقه بغل علشان الدوره تنزل بقى وابتدى حلمى من اول وجديد بعد انتهائها وبدايه فتره تبويض جديده وياللهول عندما علمت اننى حامل حتى الدكتور قالى ازاى طيب اعملى تحليل دم تانى وثالث والحمد لله ربنا نصفنى اخيرا
لكن بعد مرور ؟؟؟؟؟؟ مش عارفه كام شهر فى حملى مش عارفه انا ابتديت فى التاسع ولا انتهيت منه لانى لما عملت تحليل الدم قالى مبروك انتى حامل وخلاص
معرفتش حتى انا فى الاسبوع الكام ودى حاجه تعبت الدكتور جدا

نكمل المره اللى جايه ممكن لانى ابنى بعط سلاااااااام