|
نقط دم في الشهر الثاني مييييته خووووف ساعدوووووني
مثل ما انتم شايفين بالعنوان انا بالاسبوع السابع واليوم نزل مني خيط بني وبعدها بدت تنزل نقط دم وميته خوف.. كلمت الطبيب وكان داومه منتهي ومادري اروح اسعاف اي مستشفى ولا الموضوع ما يسوا؟؟ انا بحثت بالنت والاغلبيه تطمن وتقول انتظري يوم واذا استمر كلمي دكتورك..
بس انا ميته خوف ميته خوف لا يصير لجنيني شي والله ما حملت فيه بسهوله :(( تكفون اللي مرت بنفس موقفي وش سوت ووش تنصحوني؟؟ اروح الاسعاف ولا انتظر لين بكرا؟؟ كل شوي ينزل مني نقطه ما وقف له كم ساعه.. |
رد: نقط دم في الشهر الثاني مييييته خووووف ساعدوووووني
ريحي نفسك تماما ولاتتحركي وبعدين روحي الدكتور يكتبلك ابر مثبته مع حبوب لأن صار لي زيك في الاسبوع السادس والسابع كان ينزلي افرزات بنيه ورحت الدكتور وكتبلي ابره مثبته مره في الاسبوع لمده 6اسابيع مع حبوب دفستون وراحه تامه والحمدلله وقفت الافرزات وجنيني بخير ياربي لك الحمد
|
رد: نقط دم في الشهر الثاني مييييته خووووف ساعدوووووني
ايه هذاني على الكنب ما تحركت من يوم ما شفت الدم.. بس مرتااااعه لاني قريت ان الافراازات الورديه والبنيه ما تخوف ولكن الدم الاحمر علامة اجهاض وانا اللي ينزل مني دم احمررر واحسه كل شوي يزيد!! وقلت لزوجي خل نروح الاسعاف وقالي احسن ارتاحي لان مشوار المستشفى والاسعاف بيرهقك على الفاضي.. ارتاحي لين بكرا ولو استمر الدم نروح لدكتورنا احسن..
بس انا بموت من الخوف الله يثبت لي حملي ويفرحني بجنيني ياارحم الراحمين.. |
رد: نقط دم في الشهر الثاني مييييته خووووف ساعدوووووني
ياحياتي انتي ماتشوفين شر ان شاءالله خير يارب قلبي معاج ونصيحه روحي اي مستشفا احسن مولازم تنطرين دكتورج روحي ساألي عن الدم وجيكي ع البيبي سوي سونار بيكون افضل لج سلامتج يالغاليه
|
رد: نقط دم في الشهر الثاني مييييته خووووف ساعدوووووني
اقتباس:
انا لين الحين اللي ينزل مجرد نقط بس مستمر ما يوقف كل شوي نقطه.. لو زاد باي شكل من الاشكال بنروح الاسعاف بس الحين زوجي مقتنع تماما اني لازم ارتاح وان الطلعه والسياره والمستشفى بترهقني.. هو يشوف انه يلزمني راحه تامه!! انا امس سقت السياره ورحت مكان بعيد اول مرة اسوق مدة ساعه وكنت خايفه مررة لاني مو متعوده اسوق من مدينه لمدينه ورجعت بالليل متأخر وكنت مرررة خايفه وانا اسوق بين السيارات والشاحنات وبالليل لما نمت شفت كوابيس عباره عن خط سريع وسيارات تمر بسرعه يميني ويساري واضح انها من تأثير السواقه امس.. واليوم نزلت النقط مادري ليه احسه بسبب التوتر والقلق امس!! المهم اني كل عشر دقايق اروح الحمام اشيك ولو حسيت انه زاد فجأة طبعا على طول الاسعاف.. ادعوووووولي خااااااااااايفه.. من يوم حملت وكل شي تمام وكنت مبسوطه وماخذه راحتي واتحرك واروح واجي وكنت اقول الاسبوع الجاي ادخل الثالث وان شاء الله انتهت مرحله الخطر.. انصدمت مرة لما نزل الدم وانفجعت!! |
رد: نقط دم في الشهر الثاني مييييته خووووف ساعدوووووني
بسم الله عليك حبيبتي ..
انتظري للظهر اذا استمر نزول الدم لازم تروحين المشفى .. وراح يعطونك مثبتات الله يتمم لك ع خير .. ويقر عينك بشوفتك جنينك .. طمنينا عليك .. |
رد: نقط دم في الشهر الثاني مييييته خووووف ساعدوووووني
حبيبتي ما تقلقي انا في بداية حملي صار معي هيك ونزل مني نقطة دم حمرا كبيرة
والحمد لله ماصار شي معي وهيني هلا هفوت بالشهر السابع وكل شي تمام بس لما نزل مني الدم كلمت دكتورتي وحكتلي ريحي حالك وخدي تحميله اسمها اندليم هترتاحي عليها والحمد لله لما اخدتها وقف الدم وكل شي صار تمام انتي ريحي حالك وارمي همومك على ربك |
رد: نقط دم في الشهر الثاني مييييته خووووف ساعدوووووني
اشكر كل من اهتم بموضوعي.. انا ما قدرت انتظر واصريت ان زوجي يوديني الطوارئ..
رحنا وانطقينا هناك 4 ساعات طبعا.. الدم بدأ يخف وانا بالمستشفى وبدأ يصير بني وهو كان من قبل احمر.. المهم سوو لي كشف يدوي وقالو الرحم مسكر الحمدلله وسوو لي الترا ساوند وقالو كل شي سليم!! اخذو عينة بول عشان لو فيه التهاب ولا شي اخذ مضاد وقالو روحي البيت خلاص!! قلت والدم ايش سببه قال الدكتور ما نعرف لو استمر معاكي لبكرا روحي لطبيبك احنا ما حصلنا اي مشكله معاكي.. انا اساسا اخذ تحاميل مهبليه مثبته من اول ما سويت تحليل الدم حق الحمل مرتين باليوم ومستمره.. المهم الحين اني تطمنت واقدر انام بالليل بدون قلق لكن لو صحيت بكرا ولقيت دم طبعا بروح لدكتوري.. شكرا لكم لانه لو ما شجعتوني اروح دكتور كان جلست بالبيت ومت من القلق وما قدرت انام بالليل.. هالمننتدى والاعضاء اللي فيه رحمه من رب العالمين.. الله لا يحرمني منكم.. |
رد: نقط دم في الشهر الثاني مييييته خووووف ساعدوووووني
سلامتك يا الغالية
طمنينا عنك كيف اصبحتي اليوم ان شاء الله يكون وقف الدم ترى المثبت احيانا بيكون هو السبب في نزول الدم اقري النشرة اللي جوا و تشوفي عموما لازم تراجعي دكتورتك عشان تطمنك اكثر |
رد: نقط دم في الشهر الثاني مييييته خووووف ساعدوووووني
التزمي الراحـــــــــــة التامة
وضروري تاخذين ابر مثبتة وان شااء الله متشوفين شر والله يثبت حملج وحملنا جميعآ |
رد: نقط دم في الشهر الثاني مييييته خووووف ساعدوووووني
ياقلبي لاتخافين
انا ياما نزل مني دم حوالي ثلاث مرات اقري مواضيعي وكم مره اروح لطواري يقلون في كيس جنين وارتاحي وانا اخذ تحاميل مثبته للحين لاتخافين اعرف حوامل كثير بداية حملهم ينزفوون الحين مشاء الله بالشهور الاخيره وانا بعد جاني الدم بالسادس يعني ياقلبي لاتخافين هالجيل هاذا كل الحوامل ينزفووون وربي اعررف بنات حملوو كثير ونزل منهم دم عادي لاتخافين بسسس من الافضل تروحين لمستشفى ويسوون لك سونار يشووفون كيس الجنين والنبض بعدين ترا النبض يبان بالاسبوع السادسس انا بين معي بالاسبوع السادسس بعدين ياختي لاتسووقين ولاتطلعين اصلا من البيت لاتاخذين الامور بساطه انصحك انصحك انصحك تجلسين بيتك ولاتنظفين ابدا وطول وقتك منسدحه وتجنبي الجماع لمدة شهرين مانتي ميته تحملي ياقلبي لااجل البيبي لاتهاونين بالهشي وتقولين لاعادي بطلع واسووق وانظف لا انتبهي كلها ايام وتمررررر بملح البصرر تحملي قعدت البيت والراحه والله يتمم لك ولي وللمسلمات ع خير يارررب |
رد: نقط دم في الشهر الثاني مييييته خووووف ساعدوووووني
حبيبتي نصيحة روحي ع الاسعاف على طول هذا دم مو افراز بني
الافراز البني ممكن الواحد مايستعججل لكن اذا دم احمر روحي اسعاف والله يثبته لك ويتمم لك على خير |
رد: نقط دم في الشهر الثاني مييييته خووووف ساعدوووووني
مشكووورييين .. انا رحت امس الاسعاف حبيباتي وما لقو عندي مشكله ورجعت البيت.. اليوم لما صحيت لقيت افراز بني فقط ما نزل دم وبعدين توقف الافرازا البني.. لي كم ساعه اراقب مافيه افرازات ملونه ولا دم.. ان شاء الله انه توقف..
انا موعدي عند طببي بعد بكرا الاربعا ان شاء الله بشرح له كل اللي صار واشوف رايه.. ان شاء الله ما اشوف هالدم مرة ثانيه ابد فجعني بشكل.. بالنسبه للراحه انا الحمدلله مرتاحه وشغل البيت خفيف مرة يعني بس اسوي لنا اكل وخلاص فيه احد يجي ينظف لي البيت وزوجي يساعدني بالترتيب وتنظيف المطبخ والمواعين كلها بالدش واشر وخلاص.. بس بالنسبه للطلعات برضه خفيف وما اجهد نفسي والسواقه ما تتعبني ابدا لاني اكون جالسه بالسياره ومرتاحه بس المرة اللي فاتت كانت اول مرة لي اسوق مدة ساعه بخط سريع وكنت قلقانه وخايفه لاني مو متعوده واعتقد ان هالشي سبب لي النزف!! مع اني سالت الدكتور امس بالطوارئ وقالي التوتر ما يسبب نزيف ابدا!! عموما انا مارح اسوق مسافات طويله ابدا خلاص توبه.. وهاليومين مريحه نفسي تماما.. الف شكر لردودكم الثمينه.. الله لا يحرمني.. |
رد: نقط دم في الشهر الثاني مييييته خووووف ساعدوووووني
أنا كنت زيك ...
اول شيء أنسدحي وارفعي رجولك .. ثاني شيء ابتعدي عن الجماع لمدة شهرين ... ثالث شيء لارحتي حيكشفو عليكي بالسونار وراح تطمني ان شاء الله .. أنا كدا وطلع دم قديم متجمع ونزل مع الحمل ,, وراح يعطوكي مثبات لين الرابع .. أنا كان ينزل بني ودم خفيف وردي ثلاث شهور.. الله يطمنك يارب |
رد: نقط دم في الشهر الثاني مييييته خووووف ساعدوووووني
الحمدلله الحمدلله اجر وعافيه حياتي ماتشوفين شر ان شاءالله
|
رد: نقط دم في الشهر الثاني مييييته خووووف ساعدوووووني
الله يتمملك حملك وتقر عينك بشوفته يارب
|
رد: نقط دم في الشهر الثاني مييييته خووووف ساعدوووووني
مشكورين على الدعاء.. الله يتقبل.. رح اوافيكم بالتطورات لما اشوف دكتوري يوم الاربعاء باذن الله..
|
رد: نقط دم في الشهر الثاني مييييته خووووف ساعدوووووني
الحمد لله انك اطمنتي و طمنتينا كمان
الله يثبت حملك و يتمملك بخير و عافية يا رب |
رد: نقط دم في الشهر الثاني مييييته خووووف ساعدوووووني
الحمدلله على سلامتك والله يثبته لك ويتمم لك على خير
|
رد: نقط دم في الشهر الثاني مييييته خووووف ساعدوووووني
الحمد لله ..
الله يطمّن قلبك حبيبتي ، ويتمّم لك على خير .. ويفرّح قلبك بشوفة طفلك بين أحضانك . لا تاكلين هم ، تصير لكثير من الحوامل .. ينزل نقط دم خفيفة ، من التعب . أهم شيء تريحين نفسك ، وتستمرّين على التحاميل المثبّتة .. وإن شاء الله ما تتكرّر ، ولا عاد تشوفين الدم مرة ثانية .. إلا عند الولادة ^ـ^ |
| الساعة الآن 06:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .