|
هل اعطي طفلي الرضيع ماء؟
السلام عليكم
كيفكم حبيباتي حبيت استفيد منكم الحين طفلي عمره تقريبا 40 يوم ، لما ولدت قالت لي الممرضه لاتعطيه مويه الا عند 6 شهور! ويش رايكم ؟ الله يوفقها ويجزاهاخير الي تفيدني؟ |
رد: هل اعطي طفلي الرضيع ماء؟
اول مررره اعرف
اللي اعرفه انه ماتكثري للطفل يعني ملعقه الشاي الصغيرة مررره لان الماء مهمه والله يعينك حبيبتي |
رد: هل اعطي طفلي الرضيع ماء؟
وش فيها الدكتوه؟؟
الماي ضروري وانا اششوف اهلي يسقون الطفل ماي بفنجان عطيه شويه مويه |
رد: هل اعطي طفلي الرضيع ماء؟
لا تعطية موية إلا بعد الأربع شهور
يعني بعد مايأكل اكل صلب !! الموية بهالسن تسبب لة مغص فـ انتبهي وحليبك كاااااافي |
رد: هل اعطي طفلي الرضيع ماء؟
حبيبتي حليب الام بيغني عن كل شي للشهر السادس
ما تعطيه شي توكل على الله |
رد: هل اعطي طفلي الرضيع ماء؟
اذا ترضعيها طبيعي لاتعطينها الا بعد الثلاث شهور
|
رد: هل اعطي طفلي الرضيع ماء؟
الماء ضروووري خاصة بعد كل رضعه عشان الحليب مايتراكم ع اللسان ويسبب فطريات
والحليب يسبب نشفان ف الحلق خاصة الصناعي شي معروووف انو تعطيه مقدار الغطا حق المويه بعد كل رضعه |
رد: هل اعطي طفلي الرضيع ماء؟
الي فهمته ناس تعطيه مويه من البدايه وناس بعد 3 شهور
وناس من الشهر السادس بس وش الصح ! انا اعطيه شاي الاطفال يعني فيه مويه بس للحين مااعطيته مويه لحالها!! |
رد: هل اعطي طفلي الرضيع ماء؟
انا اعطي ولدي بس كميه بسيطه يعني قولي نصف فنجان قهوه ماي
وعادي ماصار له شي توكلي على الله وعطي كميه بسيطه |
رد: هل اعطي طفلي الرضيع ماء؟
دكتوره اختى قالت لها لا تعطيه ماء
وطبيبتى قالت لى الماء مهم جداااااااااااااااااااا خصوصا فى الحر وعشان الكلى |
رد: هل اعطي طفلي الرضيع ماء؟
طفلي اذا ماعطيته ماء شفايفه يصير لونها ازرق وتجف
لييه ماتعطونهم مويه حراام وخاصه فهالحرر |
رد: هل اعطي طفلي الرضيع ماء؟
انا بشرب بنتي ماء مرة ف اليوم والحمد لله ما صار لها شيء
|
رد: هل اعطي طفلي الرضيع ماء؟
حبيبتي اللي ابي اقوله قالته ام رزان و موجود عندي بكتاب لاخصائيين امريكيين
الحليب الطبيعي يغني عن الميه و ما يحتاج ميه الا لما يبدا اكل بعمر 6 اشهر |
رد: هل اعطي طفلي الرضيع ماء؟
حبيبتي لو بترضعي طبيعي لاتعطي
بس لو حليب بودر يعني ننا لازم ماي حلوبة اغلي ماي وخلي يبرد وعطيه ان شاء الله تشوفيه عريس يارب |
رد: هل اعطي طفلي الرضيع ماء؟
والله حبيبتي انا عمر بنتي 15 يوم واشربها ماء
لان الحيب اذا انت ترضعينها طبيعي يجفف شفايفها واحس الماء مهما كان مهم اتمنى اني افدتك |
رد: هل اعطي طفلي الرضيع ماء؟
وش دعوه ماتعطونهم مويه
انا كل الي اعرفهم والي حواليني يعطون عيالهم مويه ولا صار لهم شي الحمدلله وبعدين شلون حر وقلق ماتعطونه مويه والله حرام لازم يبل ريقه اقل شي مااقتنعت بـ هالشيء ابد !! |
رد: هل اعطي طفلي الرضيع ماء؟
الماء مهم بعد كل رضعه خاصتا الرضاعه الصناعيه لان الحليب يسبب امساك اذا لوحده لانه ثقيل اما الطبيعي مايحتاج اي اضافه لانه يكفي عن كل شيئ
ربي يعطيك الف الف عافيه يالغاليه |
رد: هل اعطي طفلي الرضيع ماء؟
أنا ما أعطي ماي لبناتي إلا في الشهر الخامس لما أبدي أعطيهم أكل غير الرضاعه الطبيعيه
لأن الرضاعه الطبيعيه تكفي |
رد: هل اعطي طفلي الرضيع ماء؟
حبيبتي لاتسمعين لكلام الممرضه عطيه ماء بعد كل رضعه مقدار ثلاث ملاعق صغيره ضروري اختي
انا اقولك قصة جارتي لمن ولدت قالت لها الدكتوره لاتعطين الطفل ماء لمدة 6 شهور وسمعت بكلامها والله ياأختي تعالي شوفي الطفل كل الامراض اجتمعت فيه من كلى من جفاف انا حبيت افيدك بهذا الموضوع والماء مافي ضرر انا اعطي عيالي اسم الله عليهم من اول الولادة الحمدلله مافيهم إلا العافيه |
رد: هل اعطي طفلي الرضيع ماء؟
انا ولدي عمره ثلاث اسابيع ولا اعطيته مويه >>خفت بجد لازم اعطيه وشاكره ع هالموضوع المفيد استفدت بصراحه لاني بعد الرضاعه
الصناعيه مااعطيه مويه والان لازم اغير واعطيه |
| الساعة الآن 07:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .