|
ابي انقل من مستشفى المانع تنصحوني بالمواساه يابنات الشرقيه....؟
سلام عليكم
واضح الي ابيه من العنوان انا مليت من زحمت المانع ولا ارتحت للدكاتره فيه خصوصا النساء والولاده ولا فيه التزام بالمواعيد مفكره اغير لمستشفى المواساه شرايكم هل خدمتهم كويسه والمواعيد كيف ؟ والاطباء كويسين؟فيه زحمه او لا.........؟ مشكورين مقدما والقلب داعي لكل وحده ترد علي |
رد: ابي انقل من مستشفى المانع تنصحوني بالمواساه يابنات الشرقيه....؟
ياعلي ياعظيم
مافي حد من بنات الشرقيه تفيدني؟ |
رد: ابي انقل من مستشفى المانع تنصحوني بالمواساه يابنات الشرقيه....؟
انا انصحك تروحين اسطووون انا كنت بالدوسري وطلع عندهم اهمال بالولاده
روحي اسطون وادعيلي وروحي عند دكتوره اسمها نعيمه |
رد: ابي انقل من مستشفى المانع تنصحوني بالمواساه يابنات الشرقيه....؟
تسلمين اختي مجنون فيك ربي يسعد قلبك
ابي احد يقول لي بخصوص المواساه لانه قريب من بيتي اذا كويس |
رد: ابي انقل من مستشفى المانع تنصحوني بالمواساه يابنات الشرقيه....؟
ماعندي فكره عنه بس انا افكر بالاحساء ولا اعرررف عنه شي
بس لان الدكتوره خيرتني بينه وبين المانع او الموسى ..ناسيه ولانه هو الاقرب |
رد: ابي انقل من مستشفى المانع تنصحوني بالمواساه يابنات الشرقيه....؟
تلمين اميره الله لا يهينك
|
رد: ابي انقل من مستشفى المانع تنصحوني بالمواساه يابنات الشرقيه....؟
المواساه نادر مايسوون ولاده طبيعيه دايم عندهم الولاده بالعمليه
المانع احسن بكثيييير ومعاملتهم جدا جميله خصوصا الدكتوره صبيحه واذا بتغيرين روحي للروضه عند الدكتوره امل تعاملها مرررره راقي |
رد: ابي انقل من مستشفى المانع تنصحوني بالمواساه يابنات الشرقيه....؟
اقتباس:
انا في المانع الخبر ولا اترحت لهم انا اراجع لان عندي مشاكل تاخر حمل ثم كل مره يكون عندي موعد يطيحوني عن دكتوره غير تكون الي ابيها ماجات مليت منهم ومن زحمتهم |
رد: ابي انقل من مستشفى المانع تنصحوني بالمواساه يابنات الشرقيه....؟
مواساة الجبيل انا مرتاحة فيه بالمتابعه
والله يسهل لي ويقدر لي اولد عندهم وترا كل معارفي ولدو هناك طبيعي مو قيصرية مانع الحسا لك عليه مو زين ابدن. ابدن مواعيدهم فارطه ويعذبونك على كل تحليل وكل علاج لازم نودي ورقة عشان موافقة التأمين الي حبيته عندهم دقة السونار ووضوحه ومانع الجبيل الجديد الي بالفيحا جدا نظيف وحلو بس برضو زحمه وعلى كل شي لازم موعد حتى مرة ابسوي سونار مستعجله بسافر تقولي موعد السونار بعد اسبوع هههه الله يهون عليك يارب* |
رد: ابي انقل من مستشفى المانع تنصحوني بالمواساه يابنات الشرقيه....؟
بصراحه حبيبة قلبي أشوف العالم تهرب من المانع والمواساه
..... دائمااا ارااء سلبيه عليهم .. وتجارب البنات في هالمستشفيين جداا جداا للرحمه اذا ناويه الأفضل صدق فأنا أنصحك بسعد التخصصي .. من اول ماتدخلينه ترتاحين له حيل احس هالمستشفى من كثر الرقي اللي هم فيه يدلعونك والله يدلك يالغلا |
رد: ابي انقل من مستشفى المانع تنصحوني بالمواساه يابنات الشرقيه....؟
أنصحك بمستشفى اسطونمعاليك من شكله القديم بس الدكاترة كويسين
|
رد: ابي انقل من مستشفى المانع تنصحوني بالمواساه يابنات الشرقيه....؟
تسلمون بنات ماقصرتو الله يرزقكم
|
رد: ابي انقل من مستشفى المانع تنصحوني بالمواساه يابنات الشرقيه....؟
ماعندي فكرفه عنهم
انا من الاحساء |
رد: ابي انقل من مستشفى المانع تنصحوني بالمواساه يابنات الشرقيه....؟
حبيبتي انا في المواساه اللي في الاحساء عندهم الدكتورة ماجده رووووووعه والكل عندها
المانع مااعرف عنه شئ |
رد: ابي انقل من مستشفى المانع تنصحوني بالمواساه يابنات الشرقيه....؟
انا في المواساه بصراااحه انصحك فيه الدكتورات تغيرو واخلاق وكل شي ومين قال ان ولاداتهم عمليه اختي ولاداتها هناك وكلهم طبيعي ماعدا واحد عمليه ونصيحه افضل دكتوره سحر ودكتوره وفاء ودكتوره مي بس هي ماخذه اجازه الحين
|
رد: ابي انقل من مستشفى المانع تنصحوني بالمواساه يابنات الشرقيه....؟
أختي أنا أتابع في المواساة اللي بالدمام
و الحمد لله مافيه مشاكل صحيح زحمه و خاصة بالسونار بس أمري لله عشان هو أقرب شي لبيتي أنا أراجع عند حنان الخولي بس ما تولد الا قيصري |
رد: ابي انقل من مستشفى المانع تنصحوني بالمواساه يابنات الشرقيه....؟
هلا يلغلا
انا اتابع بمستشفى المواساه بلجبيل حلوه عنايتهم ونضيف ودكتوره مره شاطره بس متعبني بلمواااااااعيد لان مافيه مواعيد بس رقم تاخذين وتستنين وزحممممممممممممممممممممممممممممه موووووووووووووووووووووووووووووووووووووووووت انا كرهته بست الزحمه بس اذا عادي تحبين تاخذين رقم وتنتضرين روحي والله يكتب الي فيه الخير وترى كل شي برقم السونار تاخذين رقم وتنتضرين لين يجي رقمك وتدخلين وعندهم حد معين اتوقع 10 ارقام فانتي اذا تبين تروحين روحي بدري وتلحقين قبل الزحمه ادري هذرتي كثيره بس حبيت اقولك وفيدك بلي اعرفه وبنسبه للقيصري اذا انتي طلبتي يولدون بس مو اجباري والله اعلم |
| الساعة الآن 03:24 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .