|
تعبانه مع زوجي والماضي
السلام عليكم
شخباركم ، شوفوا زوجي من يوم هو صغير كانوا هله يبون يزوجونه بنت رفيجتهم ورابيه وياهم هي اصغر منه ب 6 سنوات وانا بيني وبين زوجي سنه وحده بس ..،، يوم كبروا كانت في مشاكل بين امها وابوها زوجها بالغصب على واحد وتطلقت بعدين عقب سنه في هالفترة احملت 3 مرات وسقطت ..،، المهم الحين هي تشتغل مع زوجي نفس المكان ..،، وعقب احنا تزوجنا وتبتدي المشكله ..،، في البدايه كان يقولي هلي كانوا يبوني اخذها بس انا ما ابي وحده مطلقه مافكرت في الموضوع وايد بسس ماكنت ادري عن يوم كانوا صغار الا بعدين عرفت ..،، عقب يقول انا كنت ابي وحدة اصغر مني بوايد مابي وحدة بيني وبينها سنه بس عشان ضروف المواصلات مااقدر عشان اوديها الجامعه ..،،ويقول كنت ابي بيضه وانتي سمرا وابي طويله وانتي قصيرة ..،،مع انه شافني نظرة شرعيه وتقدم لي والحين يقول لي جي كنت اطنش مااحب ابين اني متنرفزة بس بعدين الموضوع تطور ..،، هله بعد وايد يمدحونها قدامه ومااقدر اقول لهم لاتوصفون هي ماشاء الله ما انكر انها حلوة كل مناسبه يشوفونها ويقولون طالعه احلى وحدة ...،، كان كله يقول لي اذا جبت بنيه بسميها " " نفس اسمها بعد توقعت عادي كلش ماجات في بالي لكن امس قلبي عورني ..،، شفت في جواله صور يوم صغير كله هو وياها سالته هاي صورك يوم صغير قالي اي وهذي فلانه شوفيها شلون بيضه وحلوة وعيونها كبيرة صدمني ماعرف كيف اتصرف الحين ؟؟ والله تعبانه كيف انسيه اياها .؟ طبعا صعب اخليه اذا جاتني بنت اسميها عليها ؟ عشان مايذكرها على طول ولا ابيه يعرف اني حسيت انه لين الحين يفكر فيها ..، صرت وايد اتعب لما يجيبون اسمها ويوصفونها قدامه وايد خايفه لانها تشتغل معاه ...........،،،،،،يعني بيشوفها في الطلعه والدخله ساعدوني الله يخليكم .،، |
رد: تعبانه مع زوجي والماضي
الحل انك توقفيه عند حده
قولي له انت شايفني قبل نظره شرعيه ليه الحين تقول سمرا ومدري ايش وكنت وكنت وكنت كان خلاص ماضي واذا مو عاجبك الحاضر ماحد جابرك ولا كل شوي عالطالعه والنازله يذكرك فيها ولو انا منك ما اسكت ماودي اسوي مشاكل بس جد سكوتك مايجيب نتيجه اذا جاب لك سيره لهالموضوع ردي عليك انتي عندك كرامه ومشاعر وغيره واحساس يعني لو انتي مكانه بيقبل تسوين وتقولين كذا ؟؟ اذا للحين يبيها ليش ماخذك؟ كلميه وناقشيه ولاتخلين شي بقلبك لو انا منك بسوي كذا بس انتي ادرى بعلاقتك بزوجك وطبعه والله يكون بعووونك والله واهله اسمحيلي عيب اللي مسوينه واحد متزوج وليل ونهار يوصفون له وحده ثانيه وش الحكمه يعني؟؟ عيب والله الله يكون بعونك ويفرجها عليك يارب |
رد: تعبانه مع زوجي والماضي
انا مع كلام الاخت مثل القمرر لازم ما تسكتين
|
رد: تعبانه مع زوجي والماضي
تسلمون على ردودكم ماقصرتوا .....،،
الله لا يبليكم ان شاء الله ......،، |
رد: تعبانه مع زوجي والماضي
مثل القمر كفت وافت بصراحه
وقفيه عند حده باي طريق ومدام شافك قبل لزواج هذا سلاح لك لاتسكتين وتبينين له انك راضيه وحتى اهله وقفيهم عند حدهم بعدين حرام انهم يوصفونها قدامه وعيب كمان لاتسكتي عن حقك مابي اخليك تتمشكلي بس بجد سكوتك ماراح يفيدك |
رد: تعبانه مع زوجي والماضي
الآ الكرامه ياعين امك وخلانك 💔
اسمعي انتي لاقالج هالكلام قولي فلان كان يبيني ياكثر اللي تقدموا لي بس انا رفضت بس مهندس طافني كان اكبر مني بواجد واذا عصب وزعل قولي شفت هالشعور كل يوم تجرحني فيه وانت خاف ربك شهالصور بجوالك يابنت غيري شخصيتك لازم يصير رد قوي وتقبلي نتايجه الرياجيل وربي مايحسون 💔 |
رد: تعبانه مع زوجي والماضي
الله يكون بعونك !
عارفة هالموضوع مو سهل .. بس عالجي المشكلة بحكمة وروية وأنتبهي تهدمي حياتك او تنكدي على زوجك بالطالعة والنازلة بسبب هالموضوع حتى مايلجأ لها هروباً من مشاكلة معك !! وبنفس الوقت خلي عندك شخصية ولا تسكتي لا له ولا لأهلة !! لكن مثل ماقلت لك خلي موقفك وكلامك بتعقل وحكمة شدي معة بالكلام ولما تشوفية زعل وشد أرخي أنتي ! وأيش فيها لما تقولي لأهلة ( مايجوز تصفون إمرأة غريبة لزوجي ) كلمة الحق ماتزل واللي يزعل منها يضرب راسة بأقرب حيطة !! الله يفرج همك يالغالية |
رد: تعبانه مع زوجي والماضي
شو هالوقاحه اللي وصلنا الها !!!!!! انتي سمرا وهي بيضه هي طويله وانتي قصيرة والله الناس بالاخلاق وجمال الروح ذاك هو الجمال
والمنظر يجي بعدين بل يذهب هبااء مع مرور الايام والسنون .... الله يصبر قلبك ومثل ماقالوا الخوات لازم مايتعدى الخط الاحمر وحده بسسسسسسسسسسسسسسسسسسسسسسسسسسسسسسسسسسسسسسسس شنو بعد يبي ؟؟؟؟ وياريت يحط روحه مكانش ويرد وعالجي بحكمة ورويه الامر والله يسهل عليك يارب |
رد: تعبانه مع زوجي والماضي
بصراحه انا كتير عصبت كتير مو شوي اوف
هاد اللي ضايل والله متزوجني وبيوصفلي وحده تانيه , وبعدين انتي اي حد بيجي يوصف بنت لـ زوجك احكيلو بكل قوة وبصوت عالي كمان لا تحكي بالموضوع مره تانيه ابدا اياكم ثم اياكم تحكو عن اي بنت لـ زوجي وما تفكروا انه هالموضوع قلة ثقه في نفسي لا حبيباتي لكن اي وحده اسمعها توصف لزوجي بنت رح اوصف لزوجها بنت من الخيال ومتل ما بتخربوا عليي رح اخرب عليكم ,, عن جد قلة أدب ما بدها ,. سوري منك بس كتير معصبه وبالنسبه لـ زوجك حاولي تستفزي بنفس الطريقه مثلا تحضرون فلم او مسلسل سوا او شفتي اي حد بالطريق احكيلو يا الله شبه شب اتقدملي مره اوووووووووو واختاري يكون حلو ها واول ما يتنرفز احكيلو بدي اعيشك نفس الاحساس البشع اللي بتعيشني اياه ,. وبعدين انتي يا حلوة اهتمي بنفسك اكتر واكتر ويا عيني ما احلى من السمر يقبروني يا رب بجننو ال بيضه ال يع البيت بيشبهو المايونيز ييييييع ,. ديري بالك كتير كتير على نفسك وكوني قويه حبيبتي ,. اسفه اني طولت بس والله موضوعك عصبني كتير, وطمنينا عليكي بالله عليكي يا قلبي |
رد: تعبانه مع زوجي والماضي
المفروض ماتسكتين من البداية لانه زوجك واهله قاموا يتمادوون وبعدين هذي مطلقه يعني لو حصل لهاا رجال ومتعلق فيهاا مثل
زوجك ماراح تقول لا انتبهي بصراحة اول مره اشوف اهل كذا يوصفون بنت ثانيه لولدهم المتزوج والجمال جمال الروح وخلك قوية وردي عليه وعلى اهله والله يسهل عليك ... |
رد: تعبانه مع زوجي والماضي
اشدعوه انتي فقيره لهالحد يعني لو انتي في مكانه كان سكتلج اكيد كان حتى من الشغل بطلج
انتي كوني حديه وياه وقوليله امسح الصور من موبايلك وماريد اسمع طاريهه ابد مؤ مسموح لا الك ولا الاهلك تجيب طاريهه اني زوجتك وملزوم تحترم مشاعري وتحافظ على كرامتي |
رد: تعبانه مع زوجي والماضي
المفرررررررروض ماتسكتي ع كلامه المفروض لاتكلم ومدحها او قال انتي سمرا ومدري ايش قوولي ليه موعاجبتك ولا مو ماليه عييييييييينك ومن هالكلام
طيب كم لكم متزوجين؟؟ عندك عياااااال ولا |
رد: تعبانه مع زوجي والماضي
صار لي سنه وشوي
لا ماعندي عيال عندي تكيس ....،، الله يعين ويسر..........،، |
رد: تعبانه مع زوجي والماضي
والله انتي الي سكتي وخلتيهم يتمادون
اصلا من الاحترام مايجيب لك طاري لها هي شي ماضي وانتهى ودام مو عاجبته وش له يوافق عليك وهو شايفك نظره شرعيه لاتسكتين له ابد ووقفيهم عند حدهم ماله داعي تقولين شلون اكسبه ومدري ايش هو مو معترض ع اسلوبك او شخصيتك هو ع الشكل بيضه وعيونها واسعه هذا الفررق هو الي يكسبك مو انتي هو الي جالك وخطبك خليك واثقه من نفسك وقولي انا جميله اذا هي كذا انا الله ميزني بشي بعد الله يعينك ويغير حالك ويسهل امورك |
رد: تعبانه مع زوجي والماضي
انا مع البنات كفو ووفوو ...
وانتي الله يهديك احسك سلبيه ومستسلمه مره ... بسس ما اقول الا ادعي ربك يكفيك الشر.. ويحبب زوجك فيك ...ومايشوف ولا يحب غيرك ..ويسخره لك ..الله الله بالدعاء .. |
رد: تعبانه مع زوجي والماضي
اقتباس:
|
رد: تعبانه مع زوجي والماضي
اقتباس:
هههههههههه ارسلك تحية من قلبي كلامك حلو ومعلش خلينا نعصب دخيلك نشوف الظلم ونسكت يعني بجد حبيتك انتي يااسماء hwaml7hwaml7hwaml7 اختي البنات ماقصروا وانتي اجا دورك بقا ربي ييسر امرك ويخليلك زوجك الك انتي وبس |
رد: تعبانه مع زوجي والماضي
شوفي الصراحة انا لين قبل سالفة التليفون وانا كنت باقولج لا اتبينين له وطنشي ومدام اهو خذج يعني اهي ما يبيها وكانت جدامه ومطلقة ومب مرتبطه
لكن بعد سالفة التليفون حبيبتي في يوم وانتي قاعدة معاه وايكون الجو رايق كلميه بس بلطف يعني ابدي السالفة انت اشلون اتشوفني حلوة او لا انت ليش خطبتني انتي اشكثر اتحبني كثر ما احبك اوانا اكثر وبعدين كلميه ان انا وايد اغار عليك بس لا اتجيبين له طاري البنت بس حسسيه انج انتي اتحبينه لان يمكن اهو مب منتبه واتنبهينه واذا اهو منتبه انتي حسستيه انج شايفة تغيير فيه واهو اكيد بيفهم الله يرزقج بالحمل وايصد عيونه عنها |
رد: تعبانه مع زوجي والماضي
السلام عليكم
ومساء الخير ...... اختي الغالية ،، طبعا اكيد مايحس بالنار الا اللي يحترق فيها ،،،،،، وبالنسبة لموضوعك تراه من جد خطييييير وكبير وماينسكت عنه ، فالا تجلسي تراقبي الموضوع من بعيد وتشوفي تطوراته وتراقبيها اول باأول ( هذي القضيه تمسك وتمس كرامتك بشكل كبير ومن الضروري انك تجلسي مع زوجك وانت ثابته عند قناعاتك انك تدافعي عن بيتك والانسان اللي اخترتيه دون البشر ووضعتية وسام على صدرك افتخارا فيه وقناعة به وفي الاخير هذي فعايلة) خلك قويه ياختي بدون مشاكل ولكن لاااااابد من المواجهه في هذه الحاله والا سوف تحضى به هذه الانسانه خصوصا انه مالقى منك اي دفاع وغييييييرة واستنكار من كلامة ولا تجعليه يقلل من شانك وقيمتك بهذة الطريقة الفضيعة . وفقك الله ويسر امورك |
رد: تعبانه مع زوجي والماضي
الله يكون في عونك
|
رد: تعبانه مع زوجي والماضي
اختي ماشاء الله عليكي باين من كلامك انك انسانه رزينه وعقلك يوزن بلد ولاتخافي زوجك راح يقدر هالشي فيكي بس الحين هو
متاثر بوصف اهله ووجودها معه لكن مع الوقت صدقيني راح يعرف قيمتك وثاني شي اهله كيف علاقتك معهم اكيد في شخص علاقتك معه نوعا ما في احترام كلميه باسلوب حاد وانه الكلام ماياثر فيني عادي لكن انتم تاثرون على ولدكم والله يصلح بالكم يارب وبعد عند اولاد الحرام |
رد: تعبانه مع زوجي والماضي
وانتي قااعده تسمعيين له والله اقررب شئ جنبي وبعدها ارتاااااح انا
|
| الساعة الآن 08:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .