|
هل من الممكن الاختبار المنزلي يكون صحيح الرجاء الدخول للضروره
السلام عليكم
بنات واضح من العنوان انا توني من ولدت بس صار لي تقريبا 6 شهور و توني سويت تحليل و طلع لي خطين لان المفروض الدوره تنزل اليوم بس مانزل شي قلت أتاكد يعني الدوره مفروض بتاريخ 25 تنزل فا سويت و طلع خطين انا كنت ناسيه شنو يعني خطين فا انصدمت يوم دريت فا فرحت على زعلت لو بترك الحمل يتم و اولد في الموعد الصحيح بنتي بتكمل سنه و ولدي بيكمل 4 سنين و بيصير عندي ضيفه جديده أو ضيف جديد .. سبحان الله قبل حلمت اني حامل و بجيب بنت و شفت بنتي بلحلم و من فترة اسبوعين تقريبا حلمت اني حامل و على طول ولدت بولد و بنفس الوقت و انا بلحلم كنت احاتي بنتي و اقول شلون بقدر على الاثنين .. كنت حاسه بضيقه و كدر بلحلمل ولما صحيت قلت ياربي لا تحققه .. و بلحلم زوجة اخوه زوجي تقولين ليه تحملين وراء بعض و هذا انتي سويتيها قلت لها انا غير و انتي غير .. انتي 6 وراء بعض و ام زوجي حلمت قبلي ان عنده بطختين فا فسرة الحلم انو حمل فا بتها حملت باقي الثانيه و اتوقع ان هي انا و سالت زوجي الحمل خط ولا خطين قالي اخبر ان اللي مو حامل يطلع خط فا جيت تأكدت بلنت و طلع الخطين حامل فا قلت له بصراحه طلع خطين مو خط واحد فا عصب قالي خلاص مبروك فا قلت له شسوي الحين قالي مبروك بعد ايش اللي وش تسوين هو عصب لاني كذبت عليه في البدايه قلت له خط و بعد ما تأكدت قلت له خطين .. هو مايحب اقوله شي و فجأه أغيرررر لو تأكدت من المستشفى بكره او اللي بعده و ثبت الحمل انا عن نفسي افكر أطيح الجنين بموافقة زوجي و حنا تناقشنا قبل هيك في حالة لو صار حمل اني اسقط الجنين و اخذ ابر الحمل و بنفس الوقت عندي لذة الولاده ههههههه و و بنفسه ماابي ازعااج ثااني و انا يادوبي ماريحة .. السؤال هل اقول لامي و لا اخبي عليها ..؟ المشكله اخاف يوصل لها الخبر مع اني ماراح اقول لااحد الا انا و زوجي و بس حتى اهل زوجي ماراح اقولهم .. مدري محتاره هل يبقى او ينزل اللي في بطني ... يااااااااااااااااااااااارب بلكثير يومين و تجيني الدوره ... و يطلع حمل كاذب .. |
رد: هل من الممكن الاختبار المنزلي يكون صحيح الرجاء الدخول للضروره
اول شي حبيبتي اشكري ربي لانه رزقك بالحمل لان فيه ناس تدورالحمل و يتمنونه ثاني شي انصحك لا تنزلينه لو طلع حمل ما تدرين يمكن يطلع غير عن اخوانه يمكن يكون احسن واحد عندك لما يكبر و بعدين الخيره فيما اختاره الله تعالى .طيب عمر بنتك 6شهور و انتي في بداية الحمل يعني تولدين بالسلامه و عمر بنتك سنه و شهرين تقريبا يعني الحمد لله على كل حال و توكلي على ربي و الله راح يساعدك باذنه .الله يسر كل امورك.
|
رد: هل من الممكن الاختبار المنزلي يكون صحيح الرجاء الدخول للضروره
احمدي ربك يااختي على النعمه اللي انتي فيها والله لو تذوقين الم اللي ادور على الحمل وتتمنى ريحة الضنا كان مافكرتي تنزليه نصيحه مني لاتفكري تنزليه يمكن يطلع احسن واحد في عيالك توكلي على الله والله يكتب لك اللي فيه الخير يااارب
|
رد: هل من الممكن الاختبار المنزلي يكون صحيح الرجاء الدخول للضروره
مشكوره على ردك عزيزتي و الله يكتب اللي فيه الخير
المشكله الكبرى ان انا لحالي و ماعندي حد يعاوني ممكن اجيب خدامه لكن المشكله الاكبر ما أطيق الخدم يلمسون اي شي في بيتي .. و ان انا بعيده عن اهلي و اهل زوجي مش متعاونين مرره يعني مره يتعاونون و مره لا .. يعني لما تعب الولد كنت انا توني طالعه من النفاس و ربي الولد تنوم و محد جاء اخذ مني بنتي نمت انا و ولدي و و بنتي و زوجي بلمستشفى .. شي يقهررر ماابي احمل عشاااااان اموووووووووووور كثير ... قاعده ابكي و حاسه بضيقه و مدري شسوي اللي انا متأكده منه اللي سبب الحمل الرياضه لان معروف الرياضه تنشط البويضه اخت زوجي سوت رياضه و اضعفت ضعف مو طبيعي مسكينه و شوي الا هي حامل ماتهنت بجسمها بيرجع .. و هي عندها مشالله 6 و كبار و كبيره بلسن الحمل يتعبها حاليا و بس .. |
رد: هل من الممكن الاختبار المنزلي يكون صحيح الرجاء الدخول للضروره
نساااايم
انشالله تحملين و تجرربين التجربه الحلوه لكن وربي متعبه خصوصا لو كانت وراء بعض شي راح يكون مررهق جسديا .. |
رد: هل من الممكن الاختبار المنزلي يكون صحيح الرجاء الدخول للضروره
اللي ربك كاتبة بيصيـر .. لا تنزلين الجنيـن ,,
ممكن يكون هو الوحيد البار بين اخوانه |
رد: هل من الممكن الاختبار المنزلي يكون صحيح الرجاء الدخول للضروره
السلام عليكم . انصحك خيتي لا تنزلين الجنين حرام عليك لانه ما عندك سبب مقنع لتنزليه لانه لا يسبب خطر على حياتك هذا رئيي .سبحان الله ربي كاتب لك الحمل ليش تنزليه!!! ادري خيتي انو صعب عليك لكن قدر الله و ما شاء فعل. في كثير يتمنون الحمل و انا اولهم اطلب ربي يرزقني اليوم قبل بكرة ،الحمد لله على كل حال . و يا رب حبيبتي يسهل عليك امورك و يا رب ما تنزليه يا رب و انا بدعيلك ان ربي يثبت حملك يآآآ رب و ربي يسهل لك امور تربيتهم و ما تشوفو شر . تقبلي مروري
|
رد: هل من الممكن الاختبار المنزلي يكون صحيح الرجاء الدخول للضروره
لو تاكد لاتنزلينه ابدااا ابداااا ابدااا
بكرة يصير لك شي لاقدر الله ومعد تقدرين تحملين وتندمين بالعكس حلو تربينهم سوى والله بيعينكك |
رد: هل من الممكن الاختبار المنزلي يكون صحيح الرجاء الدخول للضروره
والله محتاره و قاعده ابكي من الضيقه صحيح انه رزق لكن .. لاتعليق
الله يررزق كل من وده بلحمل أنشالله الله يكتب اللي فيه الخير |
رد: هل من الممكن الاختبار المنزلي يكون صحيح الرجاء الدخول للضروره
مادري كيف تفكررري !!!!!!!!
والله لو عندي عشرررة واحمل بالغلط مستحييل افكر انزله ولا كان خذتي احتيااطك وبعدين بنتك 6 شهور على ماتولدي بتكبر اشوووي ترا هالضيقة والكلام الي تقولينه بس كذه بس بعدين لولدتي وشفتي البوبو الجديد بتحمدين ربك الف مرررة وبتقولين كييف اصلا فكرت انزله وبعض الاجهااض يضر بالرحم واحتمال تصير لك مضاعفاات وخصوصا لصاار اجهاض متعمد ليش المخاطرة عااد ارضي بالي ربك كتبه لك وحمدي ربك على نعمة الانجاااب والله يعينك على حمله وولادته كله على اجررر شوفيني انااا تو ولدي صغير ودي اجيب عليييه وماوقف صحيح تعب بس والله يجننوووون يااااارب ترزق كل محرووووومة اااااااامين ربي يسعدك ويوفقك |
رد: هل من الممكن الاختبار المنزلي يكون صحيح الرجاء الدخول للضروره
انا كنت مثلك بس ولددت ابني اخرت الحمل سنه وربي لهلء بندم ليش اخرت وما خليت الامور تمشي طبيعي كان هلء جبت التاني
لانو من بعد تاخير السنه لهلء ما صار حمل وطالعه روحي على انو احمل وقررت انو ان شاء الله بس ربي يكرمني بالحمل ماراح احط اي مانع بعد راح اولد ورا بعض لانو نفسيتي تعبت خصوصي بعد الاجهاض انا كل الي ولدو معي بالعائله هلء جابو التاني وانا لسى الله كريم .. نصيحت الك ما تنزليه والله احلى شي جبيهم ورا بعض وترتاحي وبس تشوفيه راح تندمي انو كيف فكرتي تجهضي ... وربنا يتمملك على خير يااارب وافرحي وبلا ما توتري نفسك ... |
رد: هل من الممكن الاختبار المنزلي يكون صحيح الرجاء الدخول للضروره
انتي ماتخافين من الاعتراض على الي الله كاتبه ...بس عرفتي تخافي ع نفسك لاتتعبي ... اتقي الله في نفسك واحسبي لعواقب الامور مو تحسبين لراحتك احمدي ربك ع النعمه لا يجيك بدالها نقمه
انا كل ما تجيني الدوره ابكي ابي الحمل وانتي تعاندين القدر استغفري ربك وارضي بالي الله يكتبه هذا رزق نعمه هبه من الله لا اله الا الله استغفره واتوب اليه |
رد: هل من الممكن الاختبار المنزلي يكون صحيح الرجاء الدخول للضروره
السلام عليكم
مشكوره على ردودكم قلبي يبي يكمل لكن عقلي مو متقبل و نفسيتي هم بعد مو متقبله هلشي .. نفسي اشتغل و اكمل دراسه و طفلين صغار اكيد بيسببون لي عائق .. لكن بحثت في النت عن حكم اسقاط الجنين في الطور الاول لا خلاف و لا الطور الثاني لكن الطور الثالث يحسب علينا تعدى 120 يوم يحسب عليه و مدري بشاااور اهلي قررت اخذ راي امي بعد .. عشان ابري ذمتي من جميع النواحي .. |
رد: هل من الممكن الاختبار المنزلي يكون صحيح الرجاء الدخول للضروره
مبروك حبيبتي هذا حمل إن شاء الله
الله يعينك و يقدرك على تربيتهم يا رب |
رد: هل من الممكن الاختبار المنزلي يكون صحيح الرجاء الدخول للضروره
شهالسؤال والله ضحكتيني انتي ما تدري انه حرام تسقيط الجنين عمدا
( ولا تقتلوا النفس التي حرمه الله) حرام حبيبتي ما تبي اولاد في الف طريقة لمنع الحمل هذي اردة الله وانتي ما بتكوني اعدل من الله في ارداته ولا ارحم ع نفسج منه شوفي امي متزوجة وفي بلدة غربة لا اخت ولا ام واهل زوج بس زوجة ابي ولكن جابتنا احنا عشرة والله ساعدها في تربيتنا ولا واحد طلع فينا مو زين ما شاء الله يضربون فينا المثل ف الاخلاق والذكاء بس الزبدة الحين انتي لا تزعلين وتقعدين تصيحين اعرفي انه هذا ارحم لك والله راح يعينك عليه وهذا امتحان من الله يشوف صبرك وتفكيرك ترى كثرة البكاء والحزن يطلع تالي ع البيبي لما تولديه بتشوفيه كله يصيح وبيجننك وكلي امورج ع رب العالمين وقولي الحمدلله يارب ولا اعتراض ع حكمك وسوري اذا ضايقتج في كلمة |
رد: هل من الممكن الاختبار المنزلي يكون صحيح الرجاء الدخول للضروره
حرام عليك تنزلينه هذا نعمه ورزق من ربك في السماء رزقكم وماتوعدون في غيرك يتمنى هالحمل هذا الله يرزق الجميع يارب ويتمم عليه حملي وحمل كل الكروشات يارب
|
رد: هل من الممكن الاختبار المنزلي يكون صحيح الرجاء الدخول للضروره
والله انا فرحت لما شفت ايجابي..
لكن بعدها حزنت عشان تعب تربيتهم و انا لوحدي و و و و و الخ و عشان توني ماأخذت فتره طويله و بعدها حملت .. لكن فكرت و قلت يالله اتعب مرره وحده و بعدها اوقف الحمل كذا بيكون عندي 3 و بعدها اوقف الحمل 6 سنين على الاقل و انشالله ربي يكتب اللي فيه الخير انا لسه متأكدت من المستشفى لكن سويت تحليل بلبيت .. و من قبل سويت تحليل و طلع ايجابي فا الله و اعلم اذا الحين الحمل صاادق لكني احس بلالم مررررررررره قوي الالم .. |
رد: هل من الممكن الاختبار المنزلي يكون صحيح الرجاء الدخول للضروره
السلام عليكم انا سبقت و عطيتك رئيي خيتي لكن حبيت ازيد . سبحان الله انتي ما تحبي تجيبي خدامة لبيتك و رافضة انك تجيبيها و في حين بتفكري تنزلي الولد !!!!!!! إذا كانت السبب فقط لانه تربيتهم راح تكون صعبة عليك و انتي لوحدك و اكيد صعبة انصحك خيتي العزيزة انك تخلي الجنين و تجيبي مربية تساعدك . و يا رب ما تنزليه انا بالي معاك و حابة اعرف اخبارك الله يبارك فيك خيتي لا تنزليه ارجوك .
|
رد: هل من الممكن الاختبار المنزلي يكون صحيح الرجاء الدخول للضروره
لا خلاص قررت اتوكل على ربي و انشالله اقدر ..
بأذن الله الموضوع مو خدامه ابد و لا مصااريف لكن انا باول ماتزوجت بعد فتره حملت و بعد ما ولدت تقريبا 6 شهور و حملت نفسيا الموضوع متعب لان ودي ادرس اشتغل مو بس بيت و عيال الخدامه لو بجيبها مااخليها بروحها اوديها بيت اهل زوجي لو بطلع مع العيال .. من السوالف اللي اسمعها اخاف على عيالي منهم لكن خلاص قراري اني اتوكل على الله و اشوف بس اذا الحمل اكيد و لا لا و بعد ما اولد بلسلامه بأخذ الابر لمدة 6 سنين على الاقل .. لان انا متزوجه واحد كان متزوج و عنده ولد و انا توني خلفت البنت و انشالله بلطرريق الثالث و راح يكونون مسئولين مني يعني لازم اربيهم بذمه و ضمير و اراعيهم .. |
رد: هل من الممكن الاختبار المنزلي يكون صحيح الرجاء الدخول للضروره
لالا حررااام تنزليه وانتي بصحه وعافيه
ليه مااخذيتي موانع للحمل وبعدين هذي نعمه من عندالله ولاتعترضي ع امر ربك غيرك يتمنى قولي الحمدلله... |
رد: هل من الممكن الاختبار المنزلي يكون صحيح الرجاء الدخول للضروره
اقتباس:
|
رد: هل من الممكن الاختبار المنزلي يكون صحيح الرجاء الدخول للضروره
شعلوله حبيبتي المفروض تفرحي ولاتتكدري ياقلبي حلوين الاطفال صحيح تربيتهم صعبه شويه بس بتتسهل بإذن الله
واكيييد بلغي امك وبشريه بحملك ومن ناحية تبغي تتعلمي وتشتغلي صدقيني بتتدبر انا نفس حالتك بنتي صغيره وحاطه براسي اني اشتغل وحاليآ نقول ان شاء الله عما قريب دعواتك حبيبتي وياااااارب تتسهل حملك وولادتك والله يحقق امانيكي وبشرينا اذا تأكدتي انك حامل :) |
رد: هل من الممكن الاختبار المنزلي يكون صحيح الرجاء الدخول للضروره
استخرت ربي ثاني مررررررررررررره
و حلمت اني بغرفة العمليت و معاي زوجي و بنات خالي و ولد خالي جاين يتطمنون علي .. قبل لا اولد .. و المشكله الحين زوجي يبيني انزله مع انه اول ماسمع الخبر قالي مبروك بعدها بيومين انا قلت لامي ان ممكن اكوون حامل و و و و فا عصب علي قالي ليه تقولين لها انا ابي انزل اللي في بطنك .. فا انا تعبت كل الدلائل في احلامي تبشرني اني اواصل و اكمل و بنفس الوقت تعبانه حدي و زوجي متضاايق .. |
رد: هل من الممكن الاختبار المنزلي يكون صحيح الرجاء الدخول للضروره
الحمد الله
ثم الحمد الله على العقل يااختي وغاليتي الحمل حلو لو كان وراء بعض والله راح تندمين على كلامك هذا لا تنزلينه اقل شي خافي من العقوبة ربي |
رد: هل من الممكن الاختبار المنزلي يكون صحيح الرجاء الدخول للضروره
اعرف وحده كانت تفكر نفس الطريقه بعدين قررت تجيبهم ورا بعض وفي بالها عشان ترتاح مره وحده
لكن بعد ماجابت الطفل الخامس ووقفت 4 سنوات حنت على الاطفال وقررت تجيب السادس وبعد ماجا السادس ودها بالسابع ههههههههه ماشاء الله عليها الله يبعدها عن الحساد توكلي على الله واحتفظي بالجنين يمكن يطلع اخير عيالك و حاولي المره الجايه تنتبهين اكثر اذا حسيتي ان وضعك مايسمح بكثرة الاطفال وعلى قولتهم اللي يجي من الله حياه الله |
رد: هل من الممكن الاختبار المنزلي يكون صحيح الرجاء الدخول للضروره
مبروك اختي
واحمدي الله على كل حال الله يحفظكي |
| الساعة الآن 04:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .