|
ابليز عطوني حل
مشكلتي ان الظروف الماديه متدهوووره مو من الحين من زمان بس الحين بزياده يمكن لان زوجي مو قد المسؤليه ولان طلع من العمل اللي يشتغل فيه وما فكر فينا انا وبناته الثلاث وارابع اللي جاي في الطريق اللي ماأمنه له شي للحين انا ودي تدلوني على طريقه اشتغل فيها وأنا في البيت لاني ماقدر اطلع واشتغل لان عندي بنات ماحد يجلس لهم انا من الدمام اللي يعرف وظايف مثل كذا ياليت يسوي خير لي جزاكم الله خير ؟؟؟؟
|
رد: ابليز عطوني حل
الله يعينك ويهدي زوجك
زين سجلتي بحافز ؟؟ انتبهي لنفسك وللي في بطنك ولاتعبين روحك كثرري من الاستغفاار وارمي حملك على ربك وربي بيساعدك |
رد: ابليز عطوني حل
على طاري حافز بقول اللي صار معي انا سجلت قبل فتره بس كنت توني طالعه من وظيفه ماستمريت فيها الا شهر بسبب الظروف مثل ماقلت لكم ماتسمح لي بس حطيت اعيالي بيت اهل زوجي بس حسيت انهم مو متحملينهم وطلعت المهم لما طلعت سجلت في حافز لكن جاني الرد من حافز اني مش مؤهله لان مامر ثلاث شهور علي من دخول اسمي في التامينات والحين عدت الثلاث شهور ورجعت سويت اعاده تسجيل بنفس الرقم السري الاولي واجاتني رساله من حافز ان تم استقبال طلبك لاعاده التقديم في حافز بس للحين مافي خبر وحتى لما ادخل اشوف حالة الاهليه يقول لي غير مؤهله فما ادري انتظر والا ارجع اسجل من جديد ؟؟؟؟؟
|
رد: ابليز عطوني حل
الله يعينك ويصبر قلبك
انا جارتي ماشاء الله تطلع في الاسبوع حدود700 او اقل او اكثر هي مندوبه لشركه للمكياج والعطور وتعطينا كتلوجات ونختار وتطلب لنا الطلبيه ولها مكسب جربي زي كذا ونتي جالسه بالبيت يعني اعطي جاراتك وقرايبك والله يرزق زوجك الوضيفه عاجلا غير اجل يااارب |
رد: ابليز عطوني حل
على حد علمي
اذا سوتي اعادة تقديم طلب مادري ارساال طلب راح تنطري ثلاث شهووور بعد بعدها تطلع الاهلية |
رد: ابليز عطوني حل
تقدرين اختي تسجلين بدار تحفيظ قرأن وحسب شهادتك يوضفونك ولو ماعندك شهاده يسجلونك بدورات مجانيه عشان تاخذين خبره وتستفيدين وبنفس الوقت تسجلين بناتك في التحفيظ وان كانو صغار في روضه وحضانه والدور تتعاون مع المحتاجين ويدعمون الحالات الخاصه يعني لو عرفو انك محتاجه بيساعدونك بكل شي والوقت بيناسبك كثير لانه مايتعدى الثلاث ساعات صباحا او مساء انا موضفه بدار تحفيظ والحمدلله مرتاحه غير اني استفدت كثير رواتبهم قليله بس في حوافز تعوض من زيادات ودورات مفيده جدا وماينسون المحتاج ابدا..
|
رد: ابليز عطوني حل
مادري اذا موجود دار تحفيظ القران في الدمام والا لا ارجووو الافاده وتحديد مكانه ان وجد وكيفيه التسجيل ؟؟؟
|
رد: ابليز عطوني حل
الله يرزقك حبيبتي
عبداللطيف جميل يدعم المشاريع يعني لو بتفتحي محل مثلا تكلميهم عن مشروعك و يدعمك باذن الله الشي الثاني الضمان الاجتماعي كلميهم المستودعااات وانتي اذا عندك خبره باالطبخ و تزبطين الاكل اطبخي و بيعي والله بناااات عندنا بالسبوع يطلعو مبلغ وقدره اعرف وحده باليوم يجيهاا300 ريالالصينيه الكبيره بـ 40 ريال من محشي و ورق عنب و معجنااات و وحده عرافها تبيع فطير الفطيره ب ريال ماشالله باليوم تسوي اكثر من 50 فطيره شوفي انتي شنو موهوبه فيه خط رسم طبخ و حاولي تستفيدين منه يعني الخط عندك المدارس لوحات بحوث لطالبات الرسم نفس الشي اعماااال فنيه نفس الشي الله يوفقك يارب بس عليك بالدعاااااء و الاستغفاااار الصدقه لو بريال لو تفطير صايم وعندك اثنين و خميس ايام البيض ملابس ماتبيها تصدقي بهاااا شوفي الاجانب بشااارع مويه عصير الي موجود عندك ياقلبي اتمنى اكون افدتك بشي |
رد: ابليز عطوني حل
الله يعينك يارب ويرزقك
مثل ماقالوا البنات شوفي اش الي انتي موهوبه فيه مثل طبخ وغيره ونزلي اعلان في مواقع نت وخبرك الحريم الوقت هذا الوحده لماتعزم جاراتها اوصديقاتها تحب تكون سفرتها غير وصارو الاغلب يدوروا احد يبيع معجنات وحلا وورق عنب وربي يسهل لك |
رد: ابليز عطوني حل
ممكن يا أختي بعد تدرسين بالبيت , لو تاسيس الابتدائي و الله يفرجها
|
رد: ابليز عطوني حل
ارقام دور تحفيظ بالشرقيه
عائشه بنت الصديق/الفيصلية/مسائي /8112406 حفصة بنت عمر/الجلوية/ مسائي/ 8423824 زينب بنت خزيمة/حي أحد/ صباحي-مسائي/8200141 أم كلثوم بنت الرسول صلى الله عليه وسلم/حي الشفاء/صباحي-مسائي/8252510 آمنة بنت عفان/حي النخيل/صباحي/ 8463343 أم هاني بنت أبي طالب/حي العدامة/ صباحي/8059204 أم الفضل بنت الحارث/العدامة"جامع الريان"/صباحي/8281119 سهلة بنت سعد/الجلوية/ صباحي/8424684 بثينة بنت النعمان/حي الحمراء/صباحي/ 8090422 أمامة بنت حمزة/الإتصالات/صباحي/ 8438008 جمانة بنت أبي طالب/حي طلال/صباحي/ 8335637 الشيماء بنت الحارث/ حي الجامعيين/صباحي/8468339 نسيبة بنت كعب/المريكبات"مسجد حبيب النجار"/صباحي/8414704 مريم بنت عمران/بدر/صباحي/8190050 أم سليم بنت ملحان/النابية/صباحي/8382893 رقية بنت الرسول/عنك/مسائي/8366946 عمرة الأنصارية/إسكان القطيف/مسائي/ - مارية القبطية/رأس تنورة/مسائي/ 6670504 أم الحكم بنت الزبير/دارين/مسائي/8230442 سمية أم عمار/أم الساهك/مسائي/8122726 |
رد: ابليز عطوني حل
الله يهدي زوجك ياااارب
|
| الساعة الآن 01:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .