|
اللي جرب التلقيح الصناعي او عنده خبرة بالموضوع يدخل الله يجزاكم خير
السلام عليكم ورحمة الله..
اغلبكم عارف اني قد جربت الانابيب (حقن مجهري) وفشلت معاي والحمدلله.. الحين رحت لدكتور ثاني وقالي بما اني جايه قبل التبويض وبما اني لازم انتظر الدورة الجايه قبل ابدا بانابيب ثانيه نصحني اجرب التلقيح الصناعي هالفتره.. يعني من غير منشطات ولا شي قالي اجي يوم الجمعه يسوي لي سونار واذا فيه تبويض عطاني تفجيريه وجيت بعدها بيوم او يومين وسوو لي التلقيح!! مادري ليه حاسه ان احتمال نجاحها معاي ضعيف بس مافيه شي بعيد على ربي.. يعني المرة اللي فاتت 14 بويضه و انابيب وحقن مجهري وزحمه وما طلع لي الا جنينين من الدرجة الثانيه بس وما ثبتو بعد اللهم لا اعتراض.. يعني احس وضعي صعب!! لكن الدكتور قالي مو خسرانه شي كذا ولا كذا ما يمديك الحين انابيب خلصت دورتك.. ثقتي بالله عاليه جدا واحتمال انه دلني على هالدكتور بهالوقت بالذات عشان اسوي هالعمليه البسيطه واحمل.. قادر على كل شئ.. لكن اللي ضيق صدري اني لما سويت بحث بالنت قريت ان اغلب اللي نجحت معهم اضطرو يعيدونها ثلاث واربع مرات عشان تنجح وان نسبة نجاحها من 10 الى 15 بالميه!! عموما انا اسألتي هي: هل التلقيح الصناعي زي الانابيب لازم بعدها 48 ساعه راحه تامه!! ولا عادي امارس حياتي طبيعي؟؟ وهل فيه نصائح معينه ممكن تعطوني اياها الحين استفيد منها؟؟ وهل احد سواها ونجحت معاه من اول مرة؟؟ الله يجزاكم الف خير.. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
هلا أختي ..
فيه فرق بين التلقيح الصناعي والحقن المجهري(الأنابيب) التلقيح الصناعي من ثاني أو ثالث يوم من الدورة تأخذين الابر التنشيطية والاشعة أو السونار وبعد أسبوع مراجعة وتأخذين اشاعة وابرة تفجيرية وبعد أكثر من 36 ساعة تروحين للمستشفى ويأخذون عينه من الزوج ويدخلونها مثل الحقنه أو الابرة ثم تستلقين على السرير والوضع عادي ويدخلونها بك مثل الكشف ومافيه آلآم ولا راحة ولا ششي وبس تطلعين على طول من المستشفى.. أما الأنابيب من ثاني أو ثالث يوم من الدورة تأخذين الابر التنشيطية والاشعة أو السونار وبعد أسبوع مراجعة وتأخذين اشاعة وابرة تفجيرية وبعد أكثر من 36 ساعة تروحين للمستشفى ويأخذون عينه من الزوج وبعد ربع ساعة يأخذونك ويعطونك ابرة للحساسية وابرة للمغذي لانك صايمة من 8 ساعات وينقلونك لغرفة العمليات بعدين بنج كامل ويسحبون البويضات وبعد يومين أوثلاثة يكونون مزجوا البويضة مع عينة الزوج ويدقون عليك ويرجعون لك الأجنة وترتاحين عندهم نص ساعة وتطلعين للبيت بس تنتبهين لنفسك.. أي سؤال أنا حاضرة ؟.. والله يرزقنا وإياك.. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
لما سويت الانابيب قالو لي لازم راحه تامه مدة 48 ساعه ما اتحرك الا للحمام وانتي بكرامه واصلي وانا جالسه.. وبعد ال 48ساعه امارس حياتي بشكل طبيعي بس بدون اجهاد وابتعد عن حمل الثقيل او الدرج و اي شي مرهق..
هل التلقيح الصناعي نفس الشي؟؟ ولا ما يجتاج كل هالراحه والعتايه؟؟ |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
لا مايحتاج لااحة لان بويضاتك ثابته بمكانها والأنابيب الخوف لا تطيح لانها طلعت ورجعت ثانيه .. وما تكون ثابته..
ياحلوة أنا أنابيب وأصلي جالسة ولا اشتغل وامشي شوي شوي ودايم اتسدح ولا اطلع درج ولا ركبت سيارة الا يوم اضرب الابرة المثبته واول يوم داومت بس .. وما اكل اشياء ثقيلة أو حوام أو حوامض وأشرب يوميا كاس حليب وكاس نشأ مع مويه الصبح.. واكل خيار وخس ولا اجلس على الأرض ولا بعد غسلت شعري بس جسمي بماء دافئ .. وما علمت أحد أبد حتى أمي قلت عمليه وبس ..لاني احيانا احس الآم دورة وجع بصدري وجع في رجليني وظهري مرة أنواع الالم بس مافيه احساس بدوخة والا استفراغ والا كذا يعني وحام .. والله يرززقني ولا يخيب أملي.. hwaml8اقتربت ساعات الانتظار ..hwaml8 |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
شوفي ياقلبي دام الدكتور قال مايمديك الحين تسووين انابيب سوي تلقيح وش بتخسرين ولا شي ماتدرين ممكن تضبط
واذا لا سمح الله ماااضبطت ولا انك ماخسرتي حتى الوقت لانه قالك مايمديك حاليا والتلقيح الصناعي مايطول زي الانابيب توكلي ع الله واعمليها ماتدرين ممكن ربي كاتب لك الحمل منها وهو ماقالك اعمليها الا انه شايف نسبة نجاح ترا دكاترة برا عندهم ذمه الله يرزقك ويرزقنا |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
الله يرزقك ياقلبي
عسى ان تكرهو شيئا وهو خيرن لكم يمكن انك ما ارتحتي للتلقيح بس سبحان الله يمكن تحملين بسببو باءذن الله تعالى |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
طمنيني عنك يارحيم ق١
دعواتي لك بظهر الغيب حبيبتي |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
انا اخباري نص ونص.. رحت اليوم يسوون لي السونار وقالولي توك التبويض عندك بطئ والبويضه توها صغيرة مع انه اليوم 14 وكان متوقع يلقون بويضه جاهزه على اساس ان دورتي منتظمه كل 28 يوم.. قالو تعالي الثلاثاء الجاي نسوي سونار ثاني ونشوف اذا كبرت البويضه او لسا.. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
أنا زيك أريد أستفسر عن تلقيح صناعي
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
للحين مافيه تبويض ماعرف وش السالفه وبيني وبينكم حامت كبدي وبديت امل من المستشفيات تخيلو موعدي اليوم سونار طنشته!!
من اول مابديت العلاج ماعمري تأخرت على اي موعد لكن حسيت اليوم اني مليييييت بالذات اني سويت اختبار التبويض بالبيت وطلع مافيه تبويض.. قلت على وشو اطق مشوار وانطق في الانتظار عشان اسوي سونار وبالاخير يجون يقولون الاخبار الشينه انه ماعندي تبويض لسا ومايعرفون وش مشكلتي ووو.. واساسا حتى لو صار تبويض بعد يومين او ثلاثه مارح يمديني اسوي تلقيح صناعي هالشهر لاني مسافرة يوم الخميس ومارح ارجع لين الاثنين سفره ضروريه وحاجزين ودافعين كل شي من زمان مستحيل اكنسلها اصلا محتااااااجه اغيير جوو.. قلت خلاص اجل هالشهر مالي خلق اسوي شي بريح نفسي تعبت والله.. والحين انا رحت لمركزين طبيين وكل واحد عطاني رأي في حالتي ومحتارة مرة وانا عارفه اني عشان استخير لازم اختار واحد واستخير.. سبق وقريت انه الواحد ما يستخير وهو محتار بامرين وانما يستخير اذا اختار شي وربي يسهله له اذا فيه الخير.. يعني لازم اميل لواحد منهم واستخير.. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
ربنا يرزقج بالحمل ويفرح فيه قلبج
باين انج الحمدلله سليمه مدام الدكتور بيسوي لج التلقيح من غير منشطات بس كنت بسالج زوجج فيه شي ولا سليم واذا سليم ليش ما تعالجون بالقراءن الكريم اكثر اسباب تاخير الحمل والعياذ بالله منهم العين والنفس عليج بالرقيه وعسى ربي يكتب لج الحمل من غير ادويه ولا مستشفيات |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
ياقلبي انتي لا تشدين ع اعصابك
روحي وانبسطي وان رجعتي يصير خير اهم شي الراحة النفسسسيه والله تسوى الكون ومافيه واذا رجعتي وكلي امرك لربي وراجعي اي مستشفى اهم شي لا تشدي ع اعصابك سفره ممتعه |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
انا اقول يمكن بسبب تأثير المنشطات اللي اخذتها الشهر اللي فات صار عندي بطء بالتبويض هالشهر! كل شي جايز.. بالنسبه للعين والنفس انا وزوجي قرينا البقره كثير وكنت انفث في مويه واشرب كل يوم ودعينا واستغفرنا ولله الحمد.. يعني اتوقع لو فيني عين راحت.. وبعدين وقت القراءه والنفث ماكنت احس باي اعراض عين لا تعب ولا ارهاق ولا ضيقه ولا شي ابدا!! انا استبعد تماما موضوع العين ولكن هذا ما يمنع اني استمر بقرائة البقره كلها بركه.. مشكورة حبيبتي على الدعاء الله يستجيب.. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
الله يسمع منج ونسمع تباشير الحمل هالشهر
ومن بينهم حملج توكلي على ربج ولا تحاتين شي واذا عالتبويض موضوعه سهل ان شاء الله وانتي بالبيت تقدرين تاخذين المرميه او البردقوش او حبه البركه كلها منشطات طبيعيه وفي طريقه جربتها هالشهر سمعت من البنات عنها انج تكثرين من اكل الملح اللي فهمته انه يرقق جدار البويضه ويساعد عالحمل وخلي ريلج يكثر من السكريات ويبتعد عن الموالح والله اعلم احس صرنا عايشين بالتجارب بس كلي امل انه في يوم ربنا بيرزقنا ونفرح يارب |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
يالبا قلبك والله ق١ والله دايم بالي حتى لو مادخلت المنتدى ، وادخل بس عشان اشوف اخبارك واطلع :$ على الصامت ههههههههه طيب حبوبه ليش توقعتي ان مافيه تبويض ؟ ليش ماقلتي تبويض متاخر ؟ يمكن قبل الدوره بيومين تكون بويضتك جاهزه ، انتي اصلا ماتدرين متى التبويض عندك مو شرط دورتك ٢٨ يوم معناته على اليوم ١٤ بتكون جاهزه غير فرضيات ان فيه اشهر مافيها تبويض .. وغير المنشطات والابر اللي اخذتيها .. يعني الشهر ذا مو محسوب يعني لا تدققين فيه وطنشي عشان نفسيتك + جربي عصير الاناناس واجد ناس جربوه وفاد بمسإله التبويض .. طيب بالنسبه للعين ليش مايكون النفس بزوجك مو فيك ؟ جربي اقري عليه شوفي بيصير له شي او لا اهم شي النفسيه توب تكون واذا لك نصيب بشي بيجيك لعندك والله .. مايحتاج حتى تطامرين وراه توكلي على ربك بس ومحد يعرف الخيره وينها ي بعدي .. |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
اقتباس:
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
السلام عليكم ورحمة الله وبركاته
كيفكم يا بنات والله وحشتوني بالنسبه لعملية التلقيح الصناعي انا سويتها الإسبوع الي راح يعني صارلي تقريبآ سبعه ايام بس ينات اليوم نزلت مني إفرازات صفراء وبصراحه مره موترتني ما ادري وش معناها بليز الي تعرف لا تبخل علينا الله يرزقك كل من تتمنى الحمل تؤم وكل حامل الله يثبت لها حملها؟ وكمان جالسه افكر واقول إذا ربي ما كتب حمل لا قدر الله راح اسوي الانابيب تكفون إدعولي و الله الغربه و تمني الحمل والدراسه hwaml10تعبوني من جد احس إني خلاص نفسي ارجع السعوديه و استقر |
رد: اللي جرب التلقيح الصناعي او عنده خبرة بالموضوع يدخل الله يجزاكم خير
ربي يرزقكم جميعا الذرية الطيبة يارب و يرزقني و أسمع كلمة ماما عن قريب ان شاء الله
|
رد: اللي جرب التلقيح الصناعي او عنده خبرة بالموضوع يدخل الله يجزاكم خير
للوشه لا تقلقي ربي يرزقك بالحمل وتبشرينا
|
| الساعة الآن 05:48 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .