|
مشاكلي مع اهل الزوج
السلام عليكم ورحمة الله وبركاته مدري من وين ابتدي مشكلتي انا زواجي راح يكمل سنه .. وسكني بعيد عن اهلي وزوجي يشتغل بخارج المنطقه الي ساكنين فيها فبايام داومه انام عند اهله لين يجي .. ماعمري اذيتهم بشي وكل شي اسويه زين لهم ودخلت معهم بفتره مره بسيطه واعتبرتهم اهلي وماحسستهم اني زوجة ولدهم .. كان علاقتي بزوجة اخوه مره كويسه بس زوجة اخوهم كانت تتكلم عليهم ورحت انا قلت لزوجي انه هالكلام ينقال صدق ولا لا وقام حذرني منها وانتهينا منها قطعت علاقتي فيها .. بعد فتره تهاوش زوجي مع اخوه وقال لاخوه انه اهلك يتكلمون من وراك ورد عليه حتى اهلك يقصدني انا وطنشت الموضوع انا .. السالفه هذي صارلها 8 شهور .. واخته قايلة لهذي زوجة اخوهم انه فلانه هي الي متكلمه عليك تقصدني انا وانا ماعمري تكلمت عليها قدامهم يعني ماقالت انه اخوي الي هو زوجي هو الي متكلم طنشت الموضوع انا كله ووكلت امري لربي .. عندهم زوجه اخو ثانيه سالتني اذا انا مرتاحه عندهم او لا جاوبتها ايه مرتاحه بس في اشياء تضايقني من ناحية اللبس وكذا وخفت انها تروح توصل لاهل زوجي عكس الكلام الي قلتله مسكت وحده من خواته وقلتلها ترى هذي السالفه لاسمح الله انقال كلام عني انتي ادرى باللي صار بيني وبينها هذا الكلام صارله 5 شهور .. قبل اسبوع طلعوا هالسالفه طيب السالفه من زمان وانا لما قلت ماكان غرضي اخرب شي او اقطع علاقات مايحتاج كل هالاشياء الي تسوونها .. من كثر مشاكلهم والله صرت اهرب اسافر لاهلي واقعد عندهم بالاشهر علشان اتحاشى النومه عندهم حاولت اقول لزوجي انه ياخذني معاه رافض رفض قطعي .. طيب اقعد بالشقه ماراح يجيني شي يقولي ابوي مايرضى .. طيب الى متى هالحاله تعبت انا من هالوضع دبرولي حل الله يعافيكم كيف اتعامل معهم ودي ترجع علاقتي معاهم رسميه وابطل اعاملهم كأهل لاني اكتشفت اهل الزوج مايتغيرون ابد ابد وعلى فكره انا صارلي عند اهلي شهرين متعلله بحملي علشان كارهه الرجعه لهم حطيت مشكلتي بينكم واعتبروني اخت وانصحوني باللي اقدر اسويه .. |
رد: مشاكلي مع اهل الزوج
المشكله كلها على بعضها
كلام حريم !! يعني بالنسبه لي لااعير لكلام الحريم وسخافتهم واهتمامتهم بتوافه الامور اي اهتمام !! الناس تتعلم وتطور وتطمح وبعض الحريم لساتهم على الكلام الفاضي وش قالت مرة فلان وايش عملت مرة علان والسالفه قديمه يااختي مر عليها على حد اقوالك 5 اشهر يعني لاتحسبين لها حساب خليك ارقى من هالامور وهالسواليف البطاله اللي لاتودي ولا تجيب عليك بزوجك وبيتك وحملك لااكثر بس مافهمت عليك بنقطه زوجك وين يشتغل ؟؟ وانتي عندك شقه عند دوام زوجك ؟؟ وكيف تنامين عند اهله هم وين ساكنين ؟؟ واهلك وين ساكنين ؟ وليش ماتستقرين انتي وزوجك عند مكان دوامه ؟؟ كملي السالفه بتفاصيلها .. |
رد: مشاكلي مع اهل الزوج
الحل يازوجك ينقل دوامه بمدينه اهله او انتي تروحين عنده وش دخل ابوة ليه يرفض !!!
|
رد: مشاكلي مع اهل الزوج
زوجك وين يشتغل ؟؟ وانتي عندك شقه عند دوام زوجك ؟؟
يشتغل بالقصيم وانا شقتي بحايل وكيف تنامين عند اهله هم وين ساكنين ؟؟ اهله بحايل وانام عندهم لاراح زوجي القصيم لدوامه واهلك وين ساكنين ؟ بالشرقيه وليش ماتستقرين انتي وزوجك عند مكان دوامه ؟؟ رافض رفض قطعي اني اروح معاه حاولت كثر من مره لكن دايما تنتهي السالفه بمشكله تستمر ايام ويتهمني اني مااقدر ضروفه وماعندي تحمل ولاصبر حاول ينقل لكن ماربي كتب يجيه نقل .. وابوه وش دخله لانه بنظره كيف اجنبيه بعيده عن اهلها وتقعد لحالها بالشقه وتنام ومامعاها احد فاجباري اروح لهم وياليت عندي مكان خاص لا انام مع 5 من خواته وانواع القلق غير خواتهم المتزوجات الي يجون يوميا باطفالهم ومن ناحيه مشكلتي انها كلام حريم ادري انه كلام حريم وقيل وقال وسوالف تمر عليها سنه ويرجعونها كانها امس صارت حياتي منعفسه والسبه اهله يمكن تقولين المشكله بسيطه لكن والله ماهي بسيطه خصوصا لاصرتي لحالك وينقلون كلام ويواجهونك كاننا بروضه اطفال مااقول الا الله يصبرني ويعجل بنقل زوجي |
رد: مشاكلي مع اهل الزوج
عشان ترتاحين خلي علاقتك بأهل زوجك وقرايبهم علاقة رسمية جدا وبكذا تتخلصين من المشاكل ويبدون اهل زوجك يحبوك ويلتمسوا لك الاعذار
اما مسألة انه زوجك مو راضي ياخذك معه مكان دوامه ففيها شئ غامض وليه انتي لك شهرين عند اهلك وانت متزوجه وزوجك مرتاح من ابتعادك عنه ؟؟ معناتها ان زوجك مستغني عنك ((احذري لا يكون متزوج عليك وساكن مع زوجته الثانية ومنبسط ومرتاح )) ومافيه مره اخذك لمكان سكنه !!!!!!! حبيبتي اعذريني ان كنت ارعبتك ولمعلوماتك اهل القصيم يرضون ان بناتهم يتزوجن مسيار بس هاذي وجهت نظري |
رد: مشاكلي مع اهل الزوج
لما يكون بدوامه ع طول يكلمني ويتراسل معاي وعذره انه هو ماله خلق لحاله بسبب الطريق
وانا جالسه عند اهلي لانه قايلتله اني تعبانه من الحمل ومايندرى عن الرجال مافي شي بعيد عليهم .. الله يستر ويسخره لي يارب |
رد: مشاكلي مع اهل الزوج
طيب هالوضع مؤقت والا على طوول ؟؟
يعني لما تقومين بالسلامه بتعيشين انتي وولدك عند اهله !! |
رد: مشاكلي مع اهل الزوج
والله ياروز العلم عند الله هل برضو لما اجيب بنتي بيصير نفس الوضع ولا بيتغير
لكن املي بربي كبير انه الاوضاع تتغير واستقر في شقتي بدل هالبعد الي انا فيه دعواتكم لي بتيسير امري |
رد: مشاكلي مع اهل الزوج
ان شاء الله
الله ييسر لك يارب |
رد: مشاكلي مع اهل الزوج
حبيبتى تصير الكثير من المشاكل بسبب القيل والقال
عليكى حبيبتى أن تكونى كتومة جداااا ولو ما أعجبك شىء فيهم ما تقولى لأحد منهم أى شىء أبدا حتى لا يعملوا لكى مشاكل |
رد: مشاكلي مع اهل الزوج
شي عجيب وزواج اعجب وتفكير زوجك مريب !!
الحل موجود لكن وين التطبيق انتي لازم تستقرين بالقصيم مو بحائل كل المتزوجات يسافرون مع مكان عمل ازواجهم ويستقرون هناك بعد ليش زوجك رافض الاستقرار الافضل يكون لكم بيت تغدينه وتعشينه وتجلسين معاه مو بعد وعند اهله وعند اهلي افتحي معاه الموضوع لكن بطيب قولي اتمنى اقومك انا من النوم اتمنى ترجع من الدوام اغديك ومن هالكلام والخرابيط العيشه مع اهل الزوج لاتطاق لاتطاق لاتطاق والعيشه مع اهلك ايش استفدنا من الزواج !! اذا مره مانفع ايش رايك تدخلين اهلك بالموضوع ويكون الكلام بين الرجال لان وضعك ماينسكت عليه لاتعودين زوجك على البعد اكثر من كذا لا تعودينه انه مازال عزوبي وعايش حياته مع نفسه اضغطي عليه وكثر الدق يفك اللحام وانا يااختي مو شايفه مشكلتك بسيطه بالعكس مشكلتك عويصه ويبيلها مجهود منك واذا على الحريم صدقيني يظل كلام حريم فاضي لاتعرين له اي اهتمام ماعليك منهم تكلموا ولا ماتكلموا قولي مو من اخلاقي وتربيتي وديانتي الاسلاميه اتكلم من ورا اختي المسلمه واشمت فيها واحنا مؤمنين ومتبعين الكتاب والسنه وحب لاخيك ماتحب لنفسك والعلاقه رسميه من بعدها لاتحتكين مع اهل الزوج ما من وراهم الى المصايب ووجع الراس واتمنى لك التوفيق وبانتظار مستجداتك لاتسكتين عن حقك بتندمين بعدين جاهدي من الحين حتى لو تهاوشتوا مصيره يرضى لاسكنتوا سوا |
رد: مشاكلي مع اهل الزوج
الله يعطيكم العافيه
سويت هو يقول انها كلها ثلاث ايام بالاسبوع معقوله ماتتحملين الجلسه عند اهلي !! واهلي مستحيل راح يتدخلون يبوني انا اللي احلها .. راح احاول معاه ولا مالي الا الصبر لين ربي يكتبلي الولاده واتحجج بالطفل الله يوفقكم وييسر اموركم كلامكم كثير ريحني |
رد: مشاكلي مع اهل الزوج
هايطي عليه قولي مو قصه اني ماتحمل اهلك
لا ودي استقر معاك لوحدنا ودي ماتفارقني وهياط من هنا وهناك وفعلا اذا فشلت جميع المحاولات لاولدتي ان شاءلله اتحججي بقوه بالطفل واصلا من دون تحجج هاذا المفروض والله يسهل امرك |
رد: مشاكلي مع اهل الزوج
انت مسكينه وتكسرين الخاطر ومتنازله وبقوه عن ابسط حقوقك الزوجيه hwaml4
|
رد: مشاكلي مع اهل الزوج
اقتباس:
طيب وش الحل برايك ؟؟ |
رد: مشاكلي مع اهل الزوج
الحل
طالبي بحقوقك ولا تسكتين وتبكين مع نفسك بتدمرين وتدمر نفسيتك ولا بتحصدين شي |
رد: مشاكلي مع اهل الزوج
الله يعينك ويصبرك بس من البدايه انتي الغلطانه مفروض الكلام اللي قالته سلفتك ما تقولينه لحد
ثاني شي اجلسي عند اهلك اذا راح شغله او قوليله سولي ملحق بحمامه عند اهلك ع الاقل عشان اخذ راحتي وخصوصا ان في بيبي ع الطريق واني ما ارتاح واستحي ومن ها الشغلات واذا عنده اخوان قولي استحي من اخوانك بنصحك نصيحه الكلام اللي يدور بينك وبين احد لاتوصليه لزوجك لان اذا وصلتيه حتى لو معاك حق بينقلب ضدك |
رد: مشاكلي مع اهل الزوج
امس رجعت افتح الموضوع معاه مره ثانيه وسويت بطريقتكم اني ابي اكون معاه وهو رايح للدوام ومن هالحكي
قالي يابنت الحلال الواحد له ظروف معينه ومالنا الا الصبر لاتنكدين علي وانتي لسه ماجيتي كلمت اخته ع البي بي قلتلها لارجعت تجين تنامين بشقتي قالت وليه يعني ماتجين انتي وش تغير ولا بتلحقين الربع الربع قصدها حريم اخوانها الثانيات قلت ناا مقدر درج بيتكم وصعبه قالت عادي ماعندك مشكله تنامين تحت وبعدين اللي يقلل زياراته ويتغير علينا تقل مكانته عندنا والله بودي اقولها من كثركم عاد بس انه قلت كل واحد وله ظروفه وطنشتها ( طآل عمري ) مو غلطانه لما قلت لاخت زوجي عن الكلام لانه هالبنت كانت مسويه سالفه لحرمة اخوهم الاولى طلعت عليها كلام وورتهم اشياء عنها راسلتهم لها ع الجوال وفضحت البنت هي تبي توطد العلاقه ع حساب الغير قلت انفذ بذيلي قبل لاتتغدا فيني وهي من النوعيه الا ضربني وبكى .. ولا مو القصد انه اطلع اسرارهم واقول شي بهدف التخريب اتمنى وضحتلك الصوره |
رد: مشاكلي مع اهل الزوج
اقتباس:
انت (.لم تفهمي الحياة الزوجيه بعد ولست كفؤا لتكوني مستقله بحياتك مع زوجك ) اعذريني لقساوة الكلام ولكن انت تلفين وتدورين لكلام الحريم وتعتقدين ان مشاكلك منهن بينما مشكلتك هو عدم ايواء زوجك لك وتخليه عنك لينعم بأحضان أخرى (فلا تنكدي عليه حياته وسعادته كما يقول ) الم اقل لك انك مسكينه ( بمعنى زوجك لايريدك زوجة له ...افهمي ) فأنت مخدره وحياتك قائمه على اوهام واتصالات ومسجات فقط من زوجك |
رد: مشاكلي مع اهل الزوج
زاهيه حسستيني انه زوجي متزوج ثلاث غيري وعايش ومتمتع معاهم
واني انا مغفله ترى مو لهالدرجه .. والزوجه تحس بخيانة زوجها ع العموم مشكوره ع مرورك ماقصرتي |
رد: مشاكلي مع اهل الزوج
اقتباس:
انا ما اتكلم عن كلامك مع خواته قصدي الكلام اللي يدور بينكم مهما كان ما توصلينه له نهائي عشان ما ينقلب ضدك الكلام هو ما يبيك تروحي معاه واذا جلستي تقولين له وش صار وش يدور وش قالت فلانه وعلانه كمان راح يشيل فكرت انك تروحين معاه نهائي واذا ع اخت زوجك ليش تقولين لها تعالي نامي عندي لاتقولين لاحد شي اتفقي مع زوجك ان بيتك اريح لك وماراح يصير لك شي اذا جلستي لوحدك واذا حامل تحججي بحملك وانك مكسله ومن ها النوع وماتنامين زين عشانك فبيتهم وماتاخذي راحتك تقبلي مروري |
| الساعة الآن 03:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .