منتديات حوامل النسائية - الوحدة جعلتني غير قادرة على البكاء (ممكن أفضفض شوية؟)

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

الوحدة جعلتني غير قادرة على البكاء (ممكن أفضفض شوية؟)

مرحبا يا حلوات, آسفة تعبتكم بمشاكلي hwaml53نص مواضيعي مشاكل بس إيش أعمل ما عندي غيركم
يمكن بعضكم يعرف من مواضيعي إني وحيدة, يعني ما عندي أي إخوة أو أخوات, و كمان إحنا ببلد غير بلدنا, يعني ما في حد من العائلة موجود هنا, و أبي مسافر, و أمي تشتغل من 7 الصباح لحد 2 الظهر و من 4 و نص العصر لحد 8 و نص مساءً, يعني أغلب اليوم وحدي, ما بس وحدي, كمان أنا ما عندي حد أفضفضله أو أحكيله, أحياناً فيه أشياء صغيرة سخيفة بس تحتاجي إنك تقوليها لحد, بس أنا ما عندي..
أحاول أعوض عن هذا بمعلماتي لإني أحتاج أخوات كبار أكثر من أخوات صغار أو بنفس عمري, معلماتي أحياناً لأكبمهم عن بعض الأشياء بس طبعاً ما أقدر أقوللهم كل شي عشان مهما كان فيه حدود, و كمان أسألهم الأسئلة اللي تحيرني حتى لو برا الدرس, و أوريهم إبداعاتي و أعرض عليهم أفكاري, بس المشكلة إن معلماتي صاروا كثير مشغولين و ما يهتموا فيني كثير, هذا غير إن الحدود الي بيني و بينهم تمنعني من إني أقول كل شي أو إني أقترب منهم كثير..
اليوم صار موقف عصبني كثيبر و قهرني, معلمة العلوم دايماً أنا أسألها عن أشياء تصادفني و أفكر فيها ليش و كيف تصير, و هي تحب أسئلتي, بس ها المعلمة ما شاء الله عليها دايماً تلقوا طالباتها حواليها يسألوها و يقوللها أشياء, و اليوم اتفقت معاها أريد أعمل تجربة جبتها من عندي, و اتفقنا على حصة معينة أنا فاضية و هي فاضية, و بعد حصتها طلعت معها عشان نروح المختبر بس طلعوا ورانا بنات, اللي تسألها و اللي جايبتهلا مسألة, و اللي تقوللها عن الاختبار, و هي ترد عليهم لدرجة إني تعبت و مليت و عصبت و دخلت الصف و جلست, و هي ما انتبهت إني رحت..
ها الموقف كثير يتكرر مع معلمات كثر, طيب هما عندهم حد يكلموه و يسألوه بس أنا ما عندي غير معلماتيhwaml4 ليش ما يتركولي إياهم و لو خمس دقائق؟!!
أنا أحش إني كثير وحيدة خصوصاً إن زميلاتي أحياناً يعاندوني و يزعلوني, و يعملوا أشياء تحسسني بإني ما أريد أكلم حد ولا أتفاعل مع حد, كمان قريب صارلي موقف في المدرسة خلاني ما كثير أحس بالأمان, و الحين صرت أحس إنه غير مرغوب فيني!!
أحياناً أحس إني أريد أبكي بشدة, بس محتاجة حد يحضني و أبكي في حضنه, بس للأسف ما في حد يحضني, لدرجة إني صرت حاسة الدموع ما تطلع, أحسها داخل راسي تعذبني, بس ما قادرة أنزلها, و أحس إنها تسببلي دوار و صداع و حتى غثيان hwaml21
أحس إني محتاجة حد أكلمه, حد أحضنه, حد أختلف معاه, و أضربه و يضربني, بعدين نتصالح, محتاجة حد أحكي عنه لصديقاتي مثل ما هما يحكوا
الحمدلله على كل حال, أنا راضية بقضاء الله و قدره, بس ليش الناس يعاملوني كذا؟؟ ليش ما يريدوني؟؟ حتى لما أروح حديقة ولا شي, أحاول إني أكلم الأطفال و ألعب معاهم, يجوا أهلهم أو إخوانهم الكبار و ياخذوهم مني كأني رح آكلهم, و ليش زميلاتي يتعمدوا إنهم يعصبوني؟hwaml15 و ليش ما يرضوا يساعدوني؟؟