|
يووووم خطوبتي ويوم شوفتي
سلاموووون عليكم
بنات ايش رايكم كل وحدة تقول لنا عن يوم خطوبتها او عن يوم الشوفة (النظرة الشرعية) اكيد هذا يوم لا ينسى واتوقع صارت فيه مواقف تضحك للبعض hwaml7 يالله انتظركم سمعونا قصصكم يا قمرات hwaml03 |
رد: يووووم خطوبتي ويوم شوفتي
هلا و عليكم السلام
بلاول الخطيب (( زوجي)) خطب بنت عمه و افقت بعد كم يوم ارفضت خطب بنت عمي وافقت بعد كم يوم ارفضت ههههههههههههههههههههههههههههههههههههههههههههههه تحطم الرجال ... >>>>شسالفه يوافقون و بعدها يرفضون . يوم خطب بنت عمي أنا كنت موجوده عندها .. كانت هي متردده و تقولي شسوي توهقت و فا قللت لها ماتبينه من الحين قولي قبل لا يصير أكشن .. انا ماشفت شكله ابد و لا شي كنت قاعده بلغرفه .. و الاخبار تجيني .. يوم ارفضته قلت لها تخيلي يخطبني و شنو ردت فعلك .. قالت عادي لاني ما أبيه قلت لو خطب فلانه قالت لا ماتستاهله انتي أولا رجال محترم و و و و الخ المهم بعد كم يوم دقت على جوالي بنت خال امي و انا نايمه هي تصير عمة الولد .. فا قالت لي.. مشاعل نايمه قلت لها ايه قالت لي صرت خطابه و جبت لك عريس شقلتي قلت يله ليه لا جيبي و قعدت أضحك أنا استهبل معاها .. لما صحيت من النوم نزلت لاهلي قالو لي ها موافقه انه يجي .. قلت مين من صجكم خطب بنت عمي و شافها اخذه هههههههه .. فا دقيت على بنت عمي و قلت لها الموضوع كذا و كذا انتي خاطرك بلولد ولا لا قالت شدعوه لا طبعا قلت لها مو شرط رفضتي ماتبيه يمكن عينك منه هههههههه... المهم بعدها بكم يوم جاء.. الاخت اللي هي انا نازله بعبايتي و حجابي اقول ماله داعي اكشف و و و و و يالله عيب فشيله هههههههه قالت لي امي روحي و لبست و نزلت .. ماحطيت مكياج غير الماسكرا و روج خفيف حتى مايعتبر روج ووووووو بس نزلت .. و انا امشي يوم قربي للمجلس قعدت أرجف .. و عماته معاي داخلين قاعده اقول شلون ادخل كذا قدام الرجال و لا بعد قدام اخواني و ابوي ابو الفشيله ههههههه دخلوني غصب .. هو قاعد يساري سلمت عليه لكنه بكنبه ثانيه و انا صاده عنه أبوي يقوله بنتي تحب تشترك بلاعمال الخيريه التطوعيه و و وو و ناويه على حمله خيريه و أنشالله بلتاريخ الفلاني عنها مقابله بلتلفزيون و انا موافق قبل لا انت تجي ههههههه يعني لو نادوها للمقابله و هي بتوافق لازم تروح .. عندك اعتراض قل لا ماعندي اي اعتراض... المصيبه أنهم خلوني معاه تقريبا حول العشر دقايق يتكلم معاي فا كنت مستحيه و ساكته و هو بدا بلكلام و الخ عاد قالي شنو شروطك.. قلت ابي اعرف شنو سبب الطلاق يمكن الشي اللي خلاك تطلق الاوله فيني .. قال اهمال من جميع النواحي و الخ .. فاقلت له شوف انا اهم ش الواحد يهتم فيني و يراعيني و ابي ادرس و ابي اشتغل لان الحياه الحين صعبه و و و و و و بس بعدها جاء ابوي و النهينا لما طلعت الكل قام يلولش هههه قلت خيررر انا ليه ماوافقت ابستخير و لما طلع هو سمع الزغرريط قال يلا زيدووو بعد بعد هههههههههههه فاقلت لاختي انا ماوافقت شسالفه .. و انتهينا .... |
رد: يووووم خطوبتي ويوم شوفتي
ياختي ما شاءالله عليك ردودك ومواضيعك تشرح النفس
ادخل معاك جو اوتحمس هههههههه شوفي النصيب كيف سبحان الله ربي كاتبه لك انتي الله يسعدكم امين وتدوم المحبة للابد يااااارب اكثر شي عبجني موقف الوالد ههههههه يبي يضمن لك الموافقه من الحين الله يوفقك ويسعدك ويكبر عائلتك الصغيرة على كل خير وسعادة ياااارب |
رد: يووووم خطوبتي ويوم شوفتي
يوم الشوفه الشرعيه
اه اه اه اه منها كان اصعب يوم في حياتي حتى بعد كنت صغيره 14 سنه كنت احسب السالفه لعب قال ابوي ولد عمك يبيك على سنة الله ورسوله قلت يبى وانا اضحك وانا العب مع خواتي موافقه خلي يجي ومعاه ملابس واكسسوارت وجزم لي ولخواتي الله يكرمكم والله كنت جاهله يوم جاء اليوم الموعود قال ابوي اطلع سلمي على ولد عمك قلت لا يبى انت تمزح صح قال لا ماامزح لا تفشليني قدام الرجاجيل وقعدت ابكي واترجاه ماابي هذا الرجل المهم كنت لابسه بلوزه وتنوره وشعري كنت رابطته وابوي غسل وجهي من البكاء كنت نحيفه قدر يشليني هههههههههههههههههههههههههههههههه المهم يوم توجه للمجلس مسكت جدار الباب فهمتو علي المدخل اللي يتوجه للمجلس بيدي وابوي يسحبني من خصري وهو المسكين يشد وانا اتمسك ويشد وانا اتمسك حتى جاء اخوي الصغير سوى حركه دغدغني يحسب ابي العب معاه وانفكت يديني وجلسني فوق الكنب وجاء الطامة الكبرى زوجي كان دب ماشاء الله وانا زي العصاء السحريه قدامه قلبي وقف لحظه ومطوع بعد يامصيبتاه وش اسوي صرت زي الصنم لا اتكلم لا ارى لا اسمع من شدة المنظر اللي شفته لان اول مره حد يشوفني رجال غريب ويسالني وانا مو معاه انا في عالم الغيبيات حتى اعطاني ابوي كف في راسي وصرخت قال زوجي الحمدالله حسبتها ماتتكلم وهو يناظر ويوم قال ابوي اطلع ركضت ماشاء الله غزال وهو فرحان فيني المهم رحت نمت وانا مرتاحه احسب الزواج نظره ويطلع من الباب اثره شبكه مدى الحياة ههههههههههههههههههههههههههههه وقعدت سنه حتى فهمته ويفهمني وتم الزواج ولله الحمد |
رد: يووووم خطوبتي ويوم شوفتي
يااااعمري كنتي طفله
هههههههههه تخيلت الموقف والوالد شايلك بيوديك للنظرة الشرعية هههههههههه يحليلك ربي يديم عليكم المحبة امييييين ويرزقكم من واسع ابوابه |
رد: يووووم خطوبتي ويوم شوفتي
أنا ماشافني ولا شي وقالة أبوي تبي نظرة شرعية قال لا مو لازم
بعد ماتزوجنا شفتة وشافني أنا ما اعرفة كمان خخخخ اعرف انة ولد خالي بس هو عايش في قرية و انا في مدينة ومانجي بعض كثير وسألتة ليش ماطلبت نظرة شرعية قال اتذكرك وانت صغيره تهبلين وشعرك طويل عاد استانست يوم قالي والحين احلا بكثير |
رد: يووووم خطوبتي ويوم شوفتي
يالله ياذاك اليوم ما ينسى....الا الحين نتذكره انا وزوجي لنا الحين 7 سنوات متزوجين الله يديم علينا ان شاء الله...
..انا ما اعرفه ولا يقربلي...يوم الشوفه كانت يوم الجمعه بعد الصلاه طبعا جاء لحاله وقعد بالمجلس مع ابوي ...ابوي يحقق معه هههههههه.. دخلت عليهم وانا لابسه تنوره سودا ابلوزه ملونه وشعري ع وجهي ومستحيه جالسه جنب ابوي وهو قدامي اذا سولف عليه ابوي اشوفه واذا شافني انزل عيوني ما قعدت ولا 5 دقائق بس كانه ساعه من الارتباك والحياء ههههههههههههه.. بعد ما طلعت قال لابوي انا موافق والي تبونه بسويه ....... وبس |
رد: يووووم خطوبتي ويوم شوفتي
ااايه 6ـلى ذاك اليوم ... بنكمل سنة 6ـلى يوم الخطبة وانا وزوجي للحين نسولف 6ـلى ذاك اليوم خخخخ ..
كان يووم مميز ... مـِْ♡̨ـِْا كنت اعرفه ولا يعرفني ولا شافني مڻ قبل .. بِــ̯͡سّ زوجة ولد اخته تصير جارتنا وهي شافتني وكلمته عني فيوم اللي بجون للنظرة الشرعية .. كان جاي هو وخواته ثنتين وذي جارتنا ... وانا كنت خايفه واايد ومرتبكة وكانت وياي زوجة اخوي فـ♡ـي غرفتي .. ونسمع امي سوالفها مع خواته والضحك وجذي يبين انها ارتاحت لهم خخخخ المهم بعد فترة جذي نصف ساعة او كثر جات امي تقول لي يالله قومي يبون يشوفونج .. تراهم طيبين وينحبون .. وانا هني ارتبكت اكثر وحسيت ٳڹ السالفة وصلت للجد .. المهم انا ادز زوجة اخوي اقول لها آْنَـỲǑŲـْتي طلعي اول وهي تقول لي الحين هم جايين لج وانا اللي اطلع اول خخخخ .. المهم سلمت امري الى اللّہ سبحانه وطلعت ومن شفتهم وشلون حبوبين وطيبين ارتحت شوي وقاموا يسألوني شنو تخصصج وجذي .. لٱ واخته تقول لي ها جهزتي ورقة الاسألة اللي بتسألينها خخخخ وانا والله داخله مادري شنو اسأل والا شنواقول شوي الا يقولون لي يالله الحين تدخلين له .. هني انا خلاص حالتي زادت .. ابوي طلع مڻ المجلس واخته دخلتني له مڻ جهة الحريم اول مـِْ♡̨ـِْا دخلت قعدت عند الباب انا اول المجلس وهو آخر المجلس ومنزله راسي(تراه للحين يعايرني 6ـلى مكان اللي جلست فيه يقول لي كان قعدتي فـ♡ـي الصالة مكانج احسن خخخخ يقول قاعده بعيد والصوت مـِْ♡̨ـِْا ينسمع ولو يدري كان يوم ادخل وقف عشان يجوفني وين اقعد ويجي يقعد جنبي ههههه كان اطلع مڻ المجلس لو سواها ) .. يسألني اجاوبه وارد انزل راسي واقعد افكر شنو الاسألة اللي المفروض اسألها عشان اعرف شخصيته كلما فكرت بسؤال اقول لٱ سخيف السؤال مـِْ♡̨ـِْا بسأله .. وظلينا ساكتين فترة طويلة لكن فـ♡ـي مشاعر تحركت مادري هذا اللي يسمونه الحب مڻ اول نظرة .. حسيت براحة سبحان اللّہ هو ارتاح لي وانا ارتحت له رغم ٳڹ الكلام بينا كان قليل حَتْىّ يوم اطلع مڻ المجلس كنت ابتسم لٱ شعوريا مادري ليش خخخخ .. وهو بعد مـِْ♡̨ـِْا عقدنا .. يقول مڻ طلعت مڻ بيتكم وانا كنت موافق خلاص .. حَتْىّ يوم ثاني متصلين يبون الموافقه .. مستعجل عالزواج ههه والحمدلله ربي رزقني الشخص اللي كنت اتمناه والله يديم الحب والسعادة والتفاهم علينا وعليكم :) |
رد: يووووم خطوبتي ويوم شوفتي
.................
|
رد: يووووم خطوبتي ويوم شوفتي
هههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههههههههههههه هههه سبب الضحكه ان يوم الشوفه قبل لا ادخل عليه عند مدخل الباب فيه سجاده طرفها كان مرتفع وطحت بسببها وتعورت رجلي وقفت ارتاح بره شويه ودخلت عليه اعرج هههههههههههههههههههههههههههههههههههههههههههههههههه هههههههههههههههه انا جالسه وشاغل بالي الالم وهو قاعد يتكلم حتى ماركزت 100% في ملامح وجهه ولما خلص كلامه قلت شرطي الوحيد انك ماتدخن لاني ماطييييييييييييييييييييييييييييييقه هذه قصتي ههههه |
رد: يووووم خطوبتي ويوم شوفتي
موضوع رائع يعطيك العافيه اختي
انا مامريت بتجربة النظره الشرعيه لانه زوجي كان يعرفني كنا ندرس بنفس الجامعه واعجب فيه وبعت اهله يخطبوني وتم الموضوع بدون نظره شرعيه كانت بس قعدت نسوان لانه الوالد كان متوفي |
رد: يووووم خطوبتي ويوم شوفتي
اقتباس:
يا عيني كان يحبك من يوم انتي طفلة hwaml02 الله يديم عليكم السعاااااادة ويرزقكم من اوسع ابواااابه امين |
رد: يووووم خطوبتي ويوم شوفتي
اقتباس:
ياسلام على اللي يستحون اكيد كل دقيقة تمر كانها سنة في هالمواقف وبعدين الواحد يقعد يسترجعها ويحس كانها كانت حلم ربي يسعدكم كمااااان وكمان امين يارب |
رد: يووووم خطوبتي ويوم شوفتي
اقتباس:
وزين سويتي جلستي بعيد علشان يتحمس اكثر hwaml7 يااااارب تدوم السعادة وراحت البال بينكم امين ويوفقكم ربي |
رد: يووووم خطوبتي ويوم شوفتي
ههههههههههههه خطاك السو ما تشوفي شر
هو كذا والا كذا يوم مميز في حياتك ومع هالطيحة صارت مميزة وتعور ههههههههههه ربي يسعدكم للابد ويرزقكم بالذرية الصالحة امين يارب اقتباس:
|
رد: يووووم خطوبتي ويوم شوفتي
اقتباس:
الله يرحم الوالد ويسكنه فسيح جناته ذكرتيني بيوم شوفتي وخطبتي ( كانو بيوم واحد لان انا بعد عرفته قبل الزواج واصلا ماكان يبي نظرة شرعيةمع ان تعارفنا كان تلفون بس وما قابلني بس انا اصريت على النظرة هههه) كان ابوي توه توفى وما كمل سنة وانقلب الفرح حزن وبكاء من امي وخواتي لانا انا اخر العنقود وابوي مالحق يزوجني :( الله يتمم لنا على خير ويرزقنا اجمعين بالذرية الصالحة عاجلا غير اجل يارب |
رد: يووووم خطوبتي ويوم شوفتي
انا شافني في الشبكة
كلاا اشووف هالموقف في الافلام والمسلسلات بس ماتوقعت يصير فيني انااا كل واحد ياكل الثاني كيكة ويلكشونا بالصوور عااات اوكله وانا منزلة رااسي يوم جااه دوور العصير طبعا ماشوف عنوني تحت من الحيااا وانا اشربه رفعت الكاااس زيادة وتدفق العصير على ثوووبه جلسوا يتضحكوون عليه حتى جاتني الضحكة بس ماسكتهااا ههههه\ يسلموو عالموضوع حبيبتي |
رد: يووووم خطوبتي ويوم شوفتي
اقتباس:
هههههههههههه ان شاءالله هالموقف احد لقطه بالكاميرا؟ علشان يكون موثق ولو بكاميرا فيديو يكون احسن لول والله الايام هذي وحتى ايام الاعراس لما ترجعي بعدين تشوفي اشرطة الفيديو تعيشي اللحظات مرة ثانيه لكن هالمرة بضحك ووناسة مو ارتباك مثل هذيك الليله الله يسعدكم اميييين ويرزقكم من واسع فضله يارب |
رد: يووووم خطوبتي ويوم شوفتي
انا ما شفته الا يوم الشبكه
والله اول مارح وخلاص رحت ع الحمام ركض واختى تضحك على واخت زوجى تضحك على |
رد: يووووم خطوبتي ويوم شوفتي
ياي يوم مايننسي يوم الشوفه عمري كان 17
العريس ولد خالي كان جالس في المجلس وكان معاه خالي وعمي وابويا الله يحفظه وقال ابويا يلا عشان تشوفي العريس طبعا كنت ارتجف من الخوف طبعا ماكانت الشوفه ليا انا بس كانت للعائله كلها كانت امي واخواتي وبنات خالاتي وجداتي وام زوجي كلهم ولرايا يبون يشوفون اش بيصير وكنت خايفه وهما يضحكو على شكلي وابويا واقف عندي ويقول لي يلا سلمي على عريسك وعمك وخالك ويلا اطلعي بسرعه مديت يدي لخالي وعمي وهربت ضحك ابويا وناداني عريسك ما شافك تعالي قلتلو لا ماراح اجي وطبعا العائله الكريمه طايحين من الضحك عليا وبعده كم يوم جو وجابو الدبل وبعض من الهدايا ولبسني الدبله وسوينا حفله بسيطه |
رد: يووووم خطوبتي ويوم شوفتي
اقتباس:
|
رد: يووووم خطوبتي ويوم شوفتي
اقتباس:
المشكلة هي الوحدة مررررة مستحيه ويكون البيت مليااااااااااان ناس اهلك واخوانك والكل يطالع ويشوف ايش بتسوي hwaml15 انا في شوفتي دخل معاي اخوي وكان مثل الهيلكوبتر يحووووس على كبر الغرفة ويشيك على اللمبات والمكيف يعني انه بيسوي نفسه لاهي عنا وبعطيني راحتي مع زوجي هههههه وشوي الا وحدة من خواتي تطق الباب ويروح اخوي خمس ثواني ويرجع ويقول لخطيبي معلش بصورك بجوالي خواتي يبون يشوفونك hwaml23 ويقعد قدام الكنبه اللي عليها زوجي ويطلع جواله وعلى طول شك شك صوره وهذاك للحين مو مستوعب ههههههه والله اني كنت جامدة من اول ما دخلت بس من بعد هالحركة ما قدرت اكتم ضحكتي |
رد: يووووم خطوبتي ويوم شوفتي
اما اانا قصتي شوي غريبه كان قبلها عندنا خبر انه في عريس جاي كان يوم الجمعه ع اساس يشوفني ويدفع ع طول انا رفضت الشوفه انا اعرفه بس من الصور وهو كمان بس حاب يشوفني مصر يمكن اطلع وحده تانيه غير الصوره كان قبلها باسبوع انا مرضت طوال الاسبوع وانا مريضه لاول مره امرض هداك المرض حمه بس ما اقدر امشي وادوخ المهم كنت فرحانه لانه عاجبني اوكى بعدين يوم الدفع الجمعه ويوم العقد السبت طب كيف وانا مريضه يوم الجمعه كان الكل مو جود اخواتي وازواجهم وبناتهم المتزوجات طبعا انا تبعانه ادكر لما قمت ابغى الحمام سويت نفسي مش مريضه وصلت لين باب الحمام واغمى علي ع طول الكل خاف بس الحمدالله اهله وهو في الغرفه مش عارفين اي شي بس اهلي خافو كتير استنو يصحوني عقبال ما استرديت وعي اول ما فتحت عيني قلت انا فييييييييييييييييييييييييييييييييييييين قالت لي بنت خالتي انتي في ماليزيا لانه زوجي عايش في ماليزيا سكتت قالت انتي في بيت اهلك وين رح تكوني بعدما خرجو الضيوف ع طول روحنا المستشفى ع اساس اتعالج بسرعه وراي حفله العقد والله ما انساها ابدا اهلي خافو اني احتضر هههههههههههههههههههههههههههههههههههههههههه قالو كانه بالغصب رح نزوجك
|
رد: يووووم خطوبتي ويوم شوفتي
اقتباس:
هههههههههه اسم الله عليك من جد المرض هذا ماكان في وقته ابدا ان شاءالله تكوني استمتعتي بيوم الحفلة وماكان في اي اغماءات ثانيه ؟ |
رد: يووووم خطوبتي ويوم شوفتي
راح المرض بسرررررررررررررررررررعه
|
رد: يووووم خطوبتي ويوم شوفتي
اقتباس:
الحمدلله الله يسعدكم ويرزقكم من واسع فضله آمين |
رد: يووووم خطوبتي ويوم شوفتي
هههههههههههههههههه
موتتني القلوب الجريحة من الضحك انا وزوجي كنا نعرف بعض والاحراج كان مع اهلو لاني انا من دولة وهما من دولة ثانية والعادات تختلف واللهجات تختلف ومت من الاحراج من امه ومن نظراتها ليا واستحيت اكثر من اخواتي الاولاد لما دخلت عند الضيوف وسلمت عليهم لانو احنا نختلط رجال وحريم بس. |
رد: يووووم خطوبتي ويوم شوفتي
ههههههههه يوم الشوفه كان عجيب..
أنا كنت أعرف زوجي مدة سنتين تقريباً، كان بينا مشروع على الانترنت بس ما كنت كلمته بالتلفون بس بالكتابة .. وكنت شايفه صورته واهوة بعد طلع صورتي من مكااان خطير وسري وشاف شكلي hwaml02 (بالحجاب طبعاً) المهم مع انه كان مقتنع فيني وانا بعد لكنه طلب النظرة الشرعية، يعني ما دام فيه فرصة يقعد معاي ليش لا؟ hwaml02 (شقاوته!) أنا ذاك اليوم من الصبح خدودي صايرين صلصة طماااااط حتى أم زوجي عبالها حاطة بلاشر وانا كنت حاطة شوي كونسيلر وكحل داخل العين بس hwaml53 كنت في قمة التوتر.. أول قعدت مع أمي وأمه وخواته في الصالة واهوة في المجلس مع ابوي، بعدين ناداني أبوي ودخلت وأمي وراي سلمت عليه وطلعت.. وأنا قعدت في أقرب مكان من الباب على الكنبة الي جنبه، فتم يلتفت مسكين يبي يخز مب قادر هههههه ، قام أبوي سحبني وقعدني على الكنبة الي مقابلته، يسألني شلونج واقول له الحمد لله وانا اطالع تحت،، بعدين أبوي فتح بيبان المجلس يعني عشان ما تصير خلوة وطلع عشان ناخذ راحتنا شوي.. أنا مادري شصار فيني توي مستحية وفجأة قعدت أسوي قرقرقرقر hwaml7وقلت له سالفة سخيييفة ان بنت عمي الصبح يات وفي يدها فرخ حمام وووو .. واهوة ما قال شي يسمعني ومستانس وشاق البوز هههههههه hwaml7لحد ما انتبهت على روحي وانطميت وأبوي يه وطلعت من المجلس. طبعاً ما كان فيه سين وجيم ولا شنهي شروطج لأن كنا مخلصين من هالأشياء hwaml02 والحمد لله رب العالمين.. |
رد: يووووم خطوبتي ويوم شوفتي
احنا ما عنا الشوفه بس عنا يعني شي شبهها واللي هي الطلبه
يجو االعريس واهله ونتعرف على بعض بجلسة عائليه المهم انا كنت اعرف زوجي من قبل بحكم انه زميلي في العمل hwaml7 ما قلت لاعمامي واخواني انه اعرفه من قبل او بيننا علاقه ، فضلو يسألوني ما بدك تقعدي معاه لوحدكم تحكو ، تتعرفو ع بعض ، انا قلتلهم اوك ، مشان ما افضح نفسي ، لكن هو قالهم لا ما في داعي ، اجلي اخوي ليلتها ، يقلي يعني انتي تعرفيه وهو يعرفك ؟؟؟؟؟ قلتله ايه وانا ميته من الخوف ليزعل مني او يعملي شي عمله ، قال طيب عادي يا اختي دام اجا من الباب ليه خايفه هههههههههههه انا ارتتتتتتتحت وحمدت ربي تمت الخطوبة ، والزواج ، وصارلي 4 شهور متزوجه الحمد لله وربي يتمم علينا hwaml7 |
رد: يووووم خطوبتي ويوم شوفتي
هههههههههه والله قصصكم تضحك
انا يوم شافني كنت لابسة تنورة بنية قصيرة و بودي اسود ووضعت شال على شعري بس لما راح للبيت اتصل فيني ولامني قال لي انا كنت ابي اشوف شعرك رجع ابي اتصل فيه و عزمو على فنجان قهوة بعد يومين وهناك لبسك فستان احمة و شعري كان مسرح جن لما شافني وصار يردد اسمي امام ابي و امي كذا مرة |
رد: يووووم خطوبتي ويوم شوفتي
ههههههههههههههههههه
والله قصصكم بتضحك ... خصوصاً القلوب الجريحة موتتني من الضحك انا وزوجي كنا نعرف بعض قبل الخطبة .... ولما إجا هو وأهله كنت كتيييييير قلقانة لأني أول مرة أشوف أهله وكنت كتير مشتاقة أشوفه لأنه وقتها كان إلي 3 شهور مو شايفته لأني كنت أشوفه بس بالجامعة ووقتها كانت عطلة بالجامعة ودخلت عليهم وانا حاملة القهوة ووزعتها عليهم وقعدت شوي وطلعت ووقتها من التوتر إللي انا فيه ما سلمت على امه واخته ... وما تذكرت هالموضوع إلا لما روحوا ...وضحكت على حالي ... بس حكى معي بعدين وحكالي أهلي كتيييييييييييير حبوكي وحبوا شكلك |
رد: يووووم خطوبتي ويوم شوفتي
اما أنا سالفتي مع الشوفه يوم تقم لي وسألو عنه رسلو لي صورته بجوالي وفي اخر زياره أنا اقول ما شاء الله ما طلب نظره شرعيه بعدين يجيني خالي ويقولي يبي يشوفك قلت لا مستحيييييل ماني داخله قالي بس اتحجبي وافتحي الباب ثواني قلت لا قال طيب قال هو يا هي يا صوره عطيته صوره فيها الفيس حلوه بس شعري ووجهي ومكياج خفيف المهم سال من متى هذي كانت من سنتين طيب اقتنع وبعد كم يوم اتفقو عالعقد وهي اول مره نقابل بعض طبعاً كنت استهبل مع اهلي واسوي هباله هع لين ما طلبنيً الشيخ ورحت طبعا في الصاله مع اهلي وأخواتي وخالاتي يشوفون سالني اسئله ووقعت وخلاص ودوني عند امه وأخته سلمت عليهم وزوجي متحمس يبي يشوفني لين ما جا أنا أنا كنت قاعده وانا جا وقفت عبالي بسلم علي وببوس راسي بس القهر انه جلس وانا قمت انتظره قدام الكل أمي وخالاتي وبنات عمي وأخواتي فانا الا رحت له وهو جالس ومديت يدي له سلم وهو جالس ورفع عيونه وكانت اول نظره لي بس ما قام عصبت أنا ونسيت نفسي وقلت له قوووووووم !!!!!! بعدها ركزت على الا قلته فجلست جنبه وحطيت يدي على وجهي ونزلت راسي من الفشله بعدها عمتي ام زوجي قالت شكلهم مستحيين ودتنا غرفه لحالنا وأختي جأت تقول لا تخافي طيب محتاجه شي قلت لا خلاص يعني وين بنحاش وجلسنا كان زوجي يطالعني ويقول أخيرا شفتك ما بغيت. جلسنا ساكتين شوي شوي قمنا نسولف ما طول عشان شغله مع ان كل ما بي قوم يجلس يقول بجلس شوي كان كلامه رسمي ما علق على شكلي تضايقت اليوم الثاني مادق علي وانا قلت مستحيل اكلمه بس اليوم الا بعده دق علي شوي شوي لييييين ما صرنا نطلع كل يوم ونوسلف ونضحك وكلام غزل قالي في البدايه كان مشغوول مره وما يحب يقولي كلام مو من قلبه واحيييين فدييييته اموووووت فيه حنون وعاطفي وطيب ولا يقولي لا ولا يزعلنيي فديته اموووووت فيه '0"" ندمت على الفكرة السيئه الا أخذتها عليه في البدايه واحين بنكمل سنه بعد أسبوعين الله لا يحرمني منه """"" للمعلوميه ترى ما سمعني يوم قلت له قووووم ولا احد مع ان قدامه بس قالي انتي هبلتينييي يوم شفتك ما ركزت الا في شكلك انبسطت انا زوجتي قمرررر ،،،،،،،،
|
| الساعة الآن 06:34 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .