ابي حل حق نفسي بنات ..
 

السلام عليكم ورحمة الله وبركاته

شلونكم شخباركم؟
جايتنكم يا بنات وابي من عندكم حل لمشكلتي..

انا الله يسلمكم حساسة جدا جدا واحس هالحساسية زيادة عن اللزوم
اقل شي ازعل واقل شي دمعتي تطيح

هذا الشي فيني من انا وبنت .. بس كنت لمن ابكي من شي اكون بروحي محد يدري
اما الحين فزوجي موجود وساعات اذا كنت زعلانه منه تلقائيا تطيح دمعتي قدامه حتى لو حاولت امسك نفسي
وعقب الحاح منه لمعرفة شنو اللي مزعلني يقول لي كل ازعل على اشياء تافهة ما تستاهل ويضحك..
يعني هو يسوي اشياء يعتقد انها عادية بس انا ما تعجبني وفيني طبع بعد ما عندي الجرأة اني اصارح

اخر موقف صار البارحة .. هو يجي من الدوام الساعة 3 الظهر نتغذاء وياخذ قيلولة لي اذان المغرب وبعد الصلاة
يرد يرجع المكتب لي 9.30 او 10.00

طيب انا تعودت على الوضع واقعد انطره بشووق واعد الساعات وانا جالسه بروحي بين الجدران ملل
المهم جهزت نفسي وانطره يجي عشان نتعشاء مع بعض .. الا في اخر الوقت مطرش لي انه تعشاء مع اهله تحت
اللي قهرني مو انه تعشى مع اهله اللي قهرني انه بعد ماخلص اكل وكل شي تفرغ يخبرني وهو يدري اني ناطرته
وبعدها خلى الخدامه تجيب عشاي وهو بعد ساعة شرف ولا كأن صاير شي ..


بنات تجوفون اني من حقي ازعل ؟؟ والا هذا شي تافه...؟
والله تعبانه من حالي
وقمت ابكي

رد: ابي حل حق نفسي بنات ..
 

هالشيء يستحق بس مثلا تقولين له بهدوء

حبيبي كام قلت لي انك بتتعشى تحت لأني انتظرتك وكنت ميييته جوع

لو تقول لي برساله مو مشكله

كذا راح يتدرب انه يقول لك دائما لو بيتأخر أو لا
..
اما انها تكون مشكله كبيره فماتستاهل

رد: ابي حل حق نفسي بنات ..
 

رد: ابي حل حق نفسي بنات ..
 

شكرا حبوبات على الرد
انا للحين ما عاتبته ولا قلت له شي ولا قط هاوشته مو انا اللي اسوي جذي
ولا ابي المشاكل .. الله لا يجيب المشاكل بينا يااارب

هو عرف اني زعلانه لاني اذا ازعل افضل الصمت ما اتكلم طول الوقت واذا تكلمت كلمات قليلة بس وهذي عاده فيني
وهو يبيني اقوله ليش زعلانه بس مو قادره اقول له لاني اذا تكلمت بطيح دمعتي ادري خو هي بسبب وبدون سبب حاشره روحها هالدمعة اللي مفشلتني
ابي اصارحه باللي يضايقني من تصرفاته عشان لا يعيدها بس مادري ما اقدر :/

عطوني حل ؟؟

رد: ابي حل حق نفسي بنات ..
 

ههههههههههههههههههه اذا لقيت حل اسعفيني ...

انا لو قالي لا بنبره مو حلوه على شي ابيه بعض الاحيان ابكي ..


و اقول حق نفسي ميشوو سخيفه ههههههههههه

مااحب يرفع صوته علي مهما كنت انا غلطانه مايرفع صوته لان الدمعه قرريبه


يالا بنات سااعدونا ..

ابكي و هو يضحك و يقولي انتي حساسه بجد زياده عن اللزوم اوقات امسك نفسي و ماابين له ..
انتي لا تبين له ابد حاولي على قد ماتقدرين تتهربين منه ..

و بنفس الوقت اقعدي معاه بمرره و انتو تسولفون عن شي من اشياء الحياة
قوليله ماابيك تزعل من طريقتي اني ابكي و هيك .. شغلات اشياء بنظرك بسيطه و انا معاك لكن لا شعوريا ابكي فا اتمنى انك تراعي شعوري ههههههه مع ضحكه حلو و حضن دافي هههههههههه .. انشالله تفيد ...

انا عن نفسي اتنرررررررررررررررفز لما يضحك على و ابكي زيااده ..

الله يعينك

رد: ابي حل حق نفسي بنات ..
 

كانك تتكلمين عني انا زي حالتك حساسه ودمعتي على طول تنزل...ودائما ابكي من تصرفاته ولا اقدر اقوله ليش ابكي اذا سالني...شوفي لي 6 سنوات متزوجه وهذا طبعي ما قدرت اغيره ..
احيانا احاول اصارحه بسسبب زعلي واذا قالي السبب تافه اقول عندك انت تافه اما انا لا..
صراحه ما عندي حل لك لاني مثلك وان شا الله البنات ينصحوننا ويعطوننا الحلول..

رد: ابي حل حق نفسي بنات ..
 

اما انا لا لكن هذه المشكلة في بنتي الكبيرة جدا جدا جدا حساسة وانا ما ابغاها كذا

الدنيا ما تساعد

والله لو يطيح منها شي بالغلط تجلس تصيح أقلها خلاص سلم شيليه وخلاص تعصب وتروح غرفتها وتبكي تبكي تبكي

ما اعرف كيف اتصرف معاها

رد: ابي حل حق نفسي بنات ..
 

لسى محد لقى حل

رد: ابي حل حق نفسي بنات ..
 

ياعيني عالنعومات قلنا صيروا نعومات بس مو لهالدرجه ياكافي 000قووا قلوبكم مو على اتفه شي تبكون دلع حريم انتم موصغار باقي تعجزون وانتم تتبكبكون على اتفه شي 00الحل التطنيش ولما تصير مشكله قولي لنفسك بصوت مسموع عادي وفروا دموعكم وزعلكم لشي يستاهل اما انا تعودت اي شي يصير لو يزعل مازعلت بس معاتبه بسيطه ليه حبيبي تسوي كذا ونتفاهم وينتهي كل شي

رد: ابي حل حق نفسي بنات ..
 

شوفي حبيبتي انا وانتي واغلب النساء حساسات وانا اتحسس فكل شي وهويضحك بس انا كل ما زعلت اتوجه الي ربي وادعيه واقراءة القران واستغفر ترى الدنيا ما تستاهل زعل وبالاخير انا وانتي بنات ضعفاء ودائما الرجل اقوى ادعي ربك الله معك ما بينفعك حد حبيبتي الله هو الكبير اشتكي لربك هو بيساعدك وشكرا

رد: ابي حل حق نفسي بنات ..
 

انا حساسه مثلك و قد قلتلك و جربت شي واحد أني أصبر و أقوي نفسي و أكبر ثقتي بنفسي هذا مو معناتها ان قبل شخصيتي ضعيفه لا بلعكس لكن قوية شخصيتي من نواحي صبرت على نفسي مو على غيري و الحمدالله احسن من قبل

رد: ابي حل حق نفسي بنات ..
 

ايووه شاطره مشاعل الحياه يبغا لها صبر وقوه وياما بنشوف فيها الله يعيننا00

رد: ابي حل حق نفسي بنات ..
 

مشكورات يا بنات عالردود .. توني اجوف ٳڹ احد رد عالموضوع .. لان صار له فترة مڻ نزلته وجفت ٳڹ محد فيسني :)

.. اللّہ يساعدنا بِــ̯͡سّ دام هذا حالنا .. والله مضايقه مڻ حالي .. واحاول اني مـِْ♡̨ـِْا انزلها هالدمعة ..
لكن حَتْىّ لو مسكت نفسي عالاخر واكابر واحاول واقول ماراح تنزل .. اقل كلمة منه بِــ̯͡سّ يقول لي علميني الحين بالضبط غلط انا بشي 6ـلى طول الدمعة تنزل وكأني اقول لها نزلي .. خخخخ

المهم ‏​فـ♡ـي مشكلتي اللي طرحتها يوم يتعشاء مع اهله .. انا مـِْ♡̨ـِْا فاتحته ‏​فـ♡ـي الموضوع ديج الليلة بِــ̯͡سّ باين علي اني زعلانه وهو يدري
وانا يوم ثاني تكلمت معاه عاديے وحاولت انسئ السالفة بِــ̯͡سّ هو رد فتحها الا يبي يعرف شنو اللي مضايقني البارحة .. حاولت اني استجمع قواي واقوله. مڻ شنو مضايقة واقول له وجهة نظري بكل ثقة .. توني متكلمة كلمتين وماسكه نفسي لٱ اضعف الا الدمع طايحه .. المهم كملت وجهة نظري وانا ابكي شو اعمل ؟؟
بِــ̯͡سّ انا قلت اذا مـِْ♡̨ـِْا قلت له شنو اللي يضايقني مڻ تصرفاته راح يكرر الموقف وانا بِــ̯͡سّ كل مرة راح ابكي وهو مو حاس بشي فقلت له حَتْىّ لو مع دموع
وحسيته تأثر وحس ٳڹ اللي سواه خطأ .. واعتذر لي وقال لي مـِْ♡̨ـِْا اكررها .. وهني ارتحت


مو قصدي اتدلع بِــ̯͡سّ مو قادره اسيطر 6ـلى حساسيتي الزايده الدمعة تطيح وماقدر اسيطر عليها او اخليها ما تنزل .. الحين قاعده احاول اخفف وان ڜآ۽ اللّہ اقدر اتغلب 6ـلى هاي المشكلة
زوجة اخوي قبل لٱ اتزوج كانت كل تقول هي كانت كل تبكي اول زواجها بِــ̯͡سّ اخوي قام مـِْ♡̨ـِْا يهتم لهاي الدمعة .. يعني بيتأثر اول مرة ثاني ثالث وبعدين خلاص بيتعود وبيعطيها طاف .. والحين تقول لو يصير مـِْ♡̨ـِْا يصير مـِْ♡̨ـِْا ابكي خخخخ تقول تعبت مڻ البكي خلاص ..

رد: ابي حل حق نفسي بنات ..
 

بصي ياحبيبتي انتي عندك تزعلي بصراحه بس انا عاجبني رد دروب الامل انك تكلميه وتقوليله انا معنديش اي مانع انك تاكل مع اهلك بس تقولي وقوليله وقت ما هتتأخر عليا او اي حاجه هتمنعك انك تيجي في معادك انا مش عايزه منك غير تليفون تتطمني بدل منا ببقي قاعده قلقانه عليك وكده هايتعود انه يكلمك دايما لو اي حاجه هاتحصل وربا يخليكوا لبعض ويبعد عنكوا الشيطان يارب

رد: ابي حل حق نفسي بنات ..
 

تصدقيني يالمستشاره لو بقولك اني حساسه اكثر منك وبكثير
بجد مايمر يومين الا وانا دمعتي منزلتها
ماقدر اسيطر ع نفسي بالذات قدامه
الدمعه تغلبني
وللحين مالقيت حل ولاقدرت اغير من طبعي
الله يعيننا ويساعدنا