|
حامل بالشهر التاني وما بان كيس الحمل أبدا افيدووني!
السلام عليكم اخواتي .. امبارح عملت سونار لأول مرة وما بان كيس الحمل ابدا .. وعملت كشف مهبلي ما بان الكيس برضو .. كنت رايحة ع اساس اسمع نبض البيبي .. ولكن هذا ما حدث !الحمدلله!! هذا اول حمل ياريت تساعدني الي مرت بنفس وضعي .. الدكتورة حكتلي 3 احتمالات .. انو الحمل صار متأخر والجنين كتير صغير أو الجنين تالف لاسمح الله أو حمل خارج الرحم .. علما انو ما بنزل عليا دم ولا افرازات بنية ولا عندي مغص شديد .. الله يوفقكم الي عندها علم تفيدني اخواتي :) |
رد: حامل بالشهر التاني وما بان كيس الحمل أبدا افيدووني!
في فرق بين الجنين والكيس , هلأ الجنين يلي مـآ بآن والا الكيس ؟؟
لو الجنين مش بـآين فهالشي طبيعي جدآآ لانه ممكن يكون حجمه صغير ومو مبين صـآر معي نفس الشي وحتى بالكشف المهبلي مـآبآن لكن الكيس كآن وآآآضح .. ولو الكيس الي مو مبين معنآتــه في شي غلط لانه المفروض الكيس يكون وآآآآضح خصوصا انك بالشهر التآني !! وازا الحمل لآ سمح الله خـآرج الرحم كيف الدكتورة سآيبآكي هيك , لانه خطر عليكي ! وحتى لو الحمل تآلف المفروض ينزل " بعيد الشر عنك " وفهالحالة الكيس هوا الي بينزل عنجد شوفيلك دكتورة تـآآآآنية ما تصبري ع حالك وتعالي طمنينآ |
رد: حامل بالشهر التاني وما بان كيس الحمل أبدا افيدووني!
شكرا كتير لردك أختي
الي ما بان كيس الحمل كلو .. انا تقريا حامل بالاسبوع السادس .. بعد ما اعطتني الاحتمالات التلاتة هادي .. حكتلي لازم نعمل تحليل كمي لهرمون الحمل وبعد يومين نعيده عشان نشوف نسبة الهرمون ارتفعت ولا لأ .. عملت تحليل كمي امبارح وبكرة هعيدو ان شاء الله .. والسبت بتكون النتيجة طلعت ... كتير نفسيتي تعبت والله خصوصا انو عندي جرثومة القطط وهيني بتعالج إلها من اسبوع وضايل اسبوعين .. الحمدلله ... الحمدلله .. كل الي من ربنا خير والله .. |
رد: حامل بالشهر التاني وما بان كيس الحمل أبدا افيدووني!
الله يتمام الك يارب على خير يالغلا
ان شاء الله تطلعي حامل يارب ماعندي فكره للرفع |
رد: حامل بالشهر التاني وما بان كيس الحمل أبدا افيدووني!
ما تقلقي ولآشي حبيبتي القلق مش منيح ازا الحمل سليم ان شاء الله
ربنآ يكتبلك الي فيه الخير يـآرب وابقى طمنينآ عنك ^^ الله يسعدك |
رد: حامل بالشهر التاني وما بان كيس الحمل أبدا افيدووني!
سلامتك ان شاء الله بس اهم شي تتأكدي ازا حملك خارج الرحم ولا لاء
لا سمح الله لأنوبيكون في خطر عليكي بس غالبا حملك موقف بوقت مبكر مشان هيك ما بان لهلء وان شاء الله ربي يكتبلك اللي في خير |
رد: حامل بالشهر التاني وما بان كيس الحمل أبدا افيدووني!
حبيبتي لاتخافي الله يثبت حملك يارب ويرزقك الطفل السليم المعافاه
انا صار معي نفس الشي والكيس مابان بسرعه لانو حملي حصل متاخر بس اذا تحليل الهرمون بيزيد فحملك ان شاء الله سليم وطبيعي لاتخافي |
رد: حامل بالشهر التاني وما بان كيس الحمل أبدا افيدووني!
الله يطمن قلبي وقلبك وقلب كل ام ملهوفه على شوفة جنينها يَ رب ..
|
رد: حامل بالشهر التاني وما بان كيس الحمل أبدا افيدووني!
شكرا كتيييير ع ردودكم ودعواتكم الله يستجيب منكم يارب ويقر عيني بجنيني الي بحلم فيه وبتمنى تيجي اللحظة الي اضمو ع صدري .. ويارب يكون كتير صغير عشان هيك ما بان .. يااارب .. أول تحليل طلع هرمون الحمل عالي الحمدلله .. واليوم هعمل التاني وبكرة المسا بتطلع النتيجة ويارب يكون بتزايد .. ياااااااااااارب
|
رد: حامل بالشهر التاني وما بان كيس الحمل أبدا افيدووني!
طيب كيف ممكن نعرف إذا الحمل خارج الرحم؟؟ يعني برأيكم اعتمد كلام الدكتورة ولا اشوف دكتورة تانية!!
|
رد: حامل بالشهر التاني وما بان كيس الحمل أبدا افيدووني!
روحي الدكتوره ثانيه افضل
هذا من رايي وربي يتمملك ع خير يااارب .. |
رد: حامل بالشهر التاني وما بان كيس الحمل أبدا افيدووني!
لا تستعجلي يمكن حمل متأخر
غيري دكتورتك وطمنينا |
رد: حامل بالشهر التاني وما بان كيس الحمل أبدا افيدووني!
الحمدلله ياربي لك الحمد كما ينبغي لجلال وجهك الكريم .. الحمدلله هرمون الحمل تتضاعف بعد 48 ساعة .. واليوم لقت الدكتورة كيس الحمل بس صغير .. لسه 6 اسابيع .. والنبض ما بان لأنو حجمو صغير ان شالله الاسبوع الجاي بنقدر نسمع .. شكرا الكم حبيباتي :) الله يرزق الجميع الذرية الكاملة امييننننن يارب
|
رد: حامل بالشهر التاني وما بان كيس الحمل أبدا افيدووني!
الحمد لله انه بان الله يطمنك عليه يارب وتشوفيه قدامك معافى تام الخلق والخلق وكل حامل
|
رد: حامل بالشهر التاني وما بان كيس الحمل أبدا افيدووني!
فرحتيني حبيبتي وربنا يتمملنا على خير عفكرة انا من غزة متلك
|
رد: حامل بالشهر التاني وما بان كيس الحمل أبدا افيدووني!
الله يفرحك دآآيمآ يــآآرب والله فرحتيني لانه متآبعة موضوعك وبحكي ان شاء الله تكون حآمل وما عندهآ مشآآكل
ربنآ يتمم لك ع خير يـآرب , حتى انا من غزة متلك بس حآليآ بتونس مع زوجي موفقة حبيبتي |
رد: حامل بالشهر التاني وما بان كيس الحمل أبدا افيدووني!
*غالبا ما تكون أعراض الحمل الهاجر مشابهة للأعراض التي تحدث في بداية أي حمل طبيعي مثل الإحساس بالصداع والغثيان والم بالاكتاف والرقبة إضافة إلى التقيؤ والإحساس بآلام في الثدي؛ لكن توجد أعراض مهمة جدا تحدث في أكثر الحالات و هي :-
1- الم في أسفل البطن و غالبا يكون متمركزا في إحدى الجانبين الأيمن أو الأيسر و يحدث في 95% من الحالات. 2- انقطاع الدورة الشهرية و يحدث في 75% من الحالات. 3- حدوث نزيف مهبلي و غالبا يكون بكميات قليلة. |
| الساعة الآن 01:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .