|
انا في حاله صعبه محتاجه لأهل الشرقيه عامه وبنات الحسا خاصه
السلام عليكم خواتي
بدخل في الموضوع على طووول انا تعبانه لدرجه لاتوصف محتاجه مساعدتكم صار لي سنه ونص ماحملت وكل التحالييل سليمه لي وانا وزوجي واستخدمت كولوميد وابر وهم مافي فايده الحمد لله على كل حال اخيرا بعد الخوف والعذاب قررت اسوي اشعه صبغه قلت يمكن لاقدر الله المشكله عندي في الانابيب واخذت موعد ورحت امس ومتجهزة وقبل لاادخل الا اسمع صوت هالي تصارخ كأنها بتموت ولما دخلت الغرفه وشفت السرير والاجهزة ودكتورتين وممرضتين قمت اصيح اتخيلت الوضع جنب الامه لا ومافي بنج كامل يعطووني ابرة ترخي عضلاتي في الوريد على قولتهم شالفايده انا مابي اتألم لأني اعرف روحي ماتحمل قالت لي الدكتورة شوفي هذي الي قبلك تألمت وعادي قلت لهاا هذي امي وانا بنتها يعني المرأة كان عمرها عالاغلب بنهايه الثلاثينات وانا توي 20 قمت اصييييييح وماسككتت وانا انفظ من الخوف وبعدين كتبت تعهد اني انا اجلت الموعد من الخووف ارجوكم مين الي سوتها ببنج وشنو صار بعد البنج وفي اي مستشفى ؟؟ يفضل بالحسا او الدمام او الخبرر ارجووكم جاوبوني مالي غيرركم بعد الله تعبت |
رد: انا في حاله صعبه محتاجه لأهل الشرقيه عامه وبنات الحسا خاصه
ابي اعرف شنو اسم المستشفى والطيببه واهم شي شلون حالتك بعد البنج كل شي تفصيليااً والاسعاار واللخ خاايفه حدي
|
رد: انا في حاله صعبه محتاجه لأهل الشرقيه عامه وبنات الحسا خاصه
ياريت اقدر افيدك
بس ماعندي خلفيه عن المووضوع والله الله يرزقك يارب |
رد: انا في حاله صعبه محتاجه لأهل الشرقيه عامه وبنات الحسا خاصه
والله ماعندي فكره عن اشعة الصبغة
\ الله يرزقك الذريه الصالحه والسليمه خلي املك بالله قووي .. ، آعرف وحده تزوجت ولها 5 سنين ماجابت عيال وهي تموت شيء اسمه اطفال .. وربي صبرت لين الله اعطاها وعوضها .. الله يسهل لك وتحملين في القريب العاجل ياربَ |
رد: انا في حاله صعبه محتاجه لأهل الشرقيه عامه وبنات الحسا خاصه
مشكوورين ؟
بس والباقي ؟؟ |
رد: انا في حاله صعبه محتاجه لأهل الشرقيه عامه وبنات الحسا خاصه
الله يعوض صبرك خير بس و الله ما عندي فكرة عن أشعة الصبغة الله يرزقك الذرية الصالحة حبيبتي
|
رد: انا في حاله صعبه محتاجه لأهل الشرقيه عامه وبنات الحسا خاصه
حبيبتي انا سويت أشعة صبغة بس صدقيني مو لدرجه هاذي توجع صح انك تحسي بالالم بس بسيط جدا" وصدقيني لاتسمعي كلام فلانه وعلانه كل وحده وحسب تحمله في بعض الحريم الله يهديهم كل شي يخافو منه بعدين حطي ابالك ان كل شي يهون علشان اشوف ضناي واضغط على نفسى واتحمل بعدين حبيبتي قبل لاتعملينها يعطونك مسكن وفيه حريم سواه وماحسوباي شي هذا معناه ان الانابيب مسدودة والي تتالم معناه انابيبه سليمه كلام دكتورة اتوكلي على الله وسويها تحملي ساعه بس وربي يرزقك انشاء الله .
|
رد: انا في حاله صعبه محتاجه لأهل الشرقيه عامه وبنات الحسا خاصه
يا اختي هي شنو تجي اشعة الصبغه جنب الطلق والولاده؟؟؟ ولاقطره في بحر اللي تخاف ماتحمل واللي تحمل ماتخاف ياقلبي
شوفي انا لما اولد ما اصرخ مهما حصل لما يعصرني الم الطلق اظل ابكي بدون صوت ماتشوفين بس دموعي وفي نسوان يقلبو الدنيا بالصريخ هي كلها ولاده وطلق ومافيها الم اكثر والم اقل بس في نسوان الله شاهرهم وبعدين هي كلها ربع ساعه حتى لو كانت مؤلمه تخلص ثقي بالله والم ساعه والا الم دوم يا اختي وفعلا مابقالك غير اشعة الصبغه لان اللي ماعدها مشاكل تمنع الحمل ولا تحمل يشكون بالانابيب ممكن يكون فيها انسداد وهذي الابر فعلا تهون الالم وفي كثير بنات يقولون المها مثل الم الدورة ولا اكثر انتي بس قوي قلبك واستعيني بالصبر واعمليها وربي يجعل فيها شفاكي ويكتبلك الحمل انشاء الله* |
رد: انا في حاله صعبه محتاجه لأهل الشرقيه عامه وبنات الحسا خاصه
حبيبتي انا سويت الاشعه في مستشفى الروضه في الدمام وهي مؤلمه بس مو لهذه الدرجه المها مقدور عليه وبعدين هي علاجيه اكثر من انها تشخصيه توكلي على الله وسويها ربما تكون سبب في حملك ومدتها اقل من خمس دقائق يعني لاتخافي وكمان مايستاهل انك تاخذي بنج ابدا
|
رد: انا في حاله صعبه محتاجه لأهل الشرقيه عامه وبنات الحسا خاصه
مشكوورين
بس ابي تجاارب اكثر واسماء مستشفيات ودكتوورة زينه خايفه |
| الساعة الآن 12:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .