ابشركم ولدت ..وهذي سالفتي..
 

بسم الله الرحمن الرحيم

السلام عليكم ورحمة الله وبركاته

هلا بالغاليات ..
ابشركم ولدت بعد معاناة مع الطلق البارد والنفسيه الدمار..
انا كنت تعبانه خلاص وواصله حدي وابي اولد باي طريقه ..وماصدقت ادخل التاسع وبديت العمليات الانتحاريه..لكن للاسف كلها باءت بالفشل..ومع هالمحاولات كنت احس بالام اشبهها بالطلق واروح للمستشفى على امل يقولون لي الرحم مفتوح عشان ادخل بالنوع الثاني الاقوى من عمليات الانتحار بس للاسف يقولون مسكر..الى ماجا ببالي موضوع الجماع لاني قريت عنه كثير وانه يساعد في تحريض الولاده..
صار جماع وبعدها بديت احس بالام مرات اقول طلق ومرات اذا خفت اقول لا وتجي وتروح وعلى هالحال..
وقلت خلني اروح المستشفى اشوف ورحت وقالت مفتوح 2 سانتي انا هنا تشققت من الفرح..وقالت ماراح انومك روحي امشي ..قلت بركض مو بس امشي ابشري على بالي بينفتح اكثر معي..واقعد اسبوع والطلق ياما زاد ياما خف وانا ماخليت شي ما شربته.. وعقب اسبوع رحت قالت مازال 2 سانتي ..انا جاني انهيار..قلت شكل مالي الا الجماع دام ساعدني ذيك المره..ويصير جماع..واذيك الليله عجزت انام من شدت الطلق وبدى يقرب ويشتد والساعه 6 خلاااااص عجزت اتحمل واقوم زوجي ونودي العيال بيت الاهل وطيران عالمستشفى قاست قالت بي ال2 وال3
قلت كيفه اهم شي مفتوح انا همي الطلق ذبحني الالم قالت انا ما اشوف فيه داعي للتنويم قلت خيييييييير اقول ذبحني الالم ومالها نفس احس قالت كيفك بس ماراح اطلعك الولاده بحطك بالقسم العادي..انا عصبت شافتني اتالم قالت لهالدرجه الالم والا بس دلع قلت واكثر مما تتصورين وكتبت لي دخول للولاده..
دخلت الولاده 4 ساعات وانا والده قلت روحو جيبوها لي ..اللي تقول ادلع..
اول ما دخلت الولاده مع كل طلقه كنت ادفع بقوة بدون صوت وجت قاست طبيبة التوليد قالت 4 ونص
انا تشجعت وكل ما تجي الطلقه ادفع جت المره الثانيه قالت 5 قلت زين ازود الدفع والالم يذبح بس قلت اتحمل المهم وادفع وتنفجر المويه واناديها قالت 6 وبعدها يمكن دفعتين وحسيت شي طلع مني واناديها قالت لا تدفين وقفي ولاده..وادخل وربي سهلها الحمد لله..

طولت عليكم بس حبيت ادردش ونستفيد..

رد: ابشركم ولدت ..وهذي سالفتي..
 

الحمد لله عالسلامه حبيبتي وغقبال ماتشووفيه عرييس
وعقبالي ان شاء الله

رد: ابشركم ولدت ..وهذي سالفتي..
 

الف مبروووووك والحمد لله عالسلامه
يتربى بعزك
ماقلتي ايش جبتي

رد: ابشركم ولدت ..وهذي سالفتي..
 

ههههه حبيت قصتك
الف الحمدالله على سلامتك وسلامة مولودك
الله يحفظه لك يارب
^^

رد: ابشركم ولدت ..وهذي سالفتي..
 

الف الحمد لله على سلامتك ...
وتفرحين فية ان شاء الله ...
بس حبيت اسالك انا بعد الجماع يجيني طلق والله والله ما اقدر اجلس ولا امشئ منه ويستمر كم ساعة ويروح هل الطلق اللي جاك كان كذا يعني 6او 8 ساعات ويروح ...عشان كذا ابطل اروح المستشفى ...

رد: ابشركم ولدت ..وهذي سالفتي..
 

ألف الحمدلله على سلامتك

ومبروك ماجاكم

رد: ابشركم ولدت ..وهذي سالفتي..
 

الله يبارك فيكم بنات ويسهل عليكم الحمل ويهون الطلق ويرزقكم العطاء الصالح السليم المعافى ويرزق كل المحرومين اللهم امين..

جبت ولله الحمد ولد وسميته محمد ربي يصلحه واخوانه..
الطلق ياجالكسي اول مره كنت اقدر اتحمله يجي بفترات مباعده احيانا مؤلم وبس انسدح وارتاح او اخذ دش دافي يروح..
اما ثاني مره كان جدا مؤلم لا فادني انسداح ولا دش ولا غيره..وكان كل ماله يقرب ويقرب..رحت المستشفى وهو تقريبا كل عشر دقايق...

رد: ابشركم ولدت ..وهذي سالفتي..
 

مشكورة على ردك يالغالية الله يخليلك محمد واخوانه وتفرحين فيهم كلهم ان شاء الله ...hwaml7

رد: ابشركم ولدت ..وهذي سالفتي..
 

الف مبرررررروك

رد: ابشركم ولدت ..وهذي سالفتي..
 

الف مبرووووووك والحمد لله على السلامه
وان شاء الله تشوفينه من حفظة القران الكريم والله يجعله من
الصالحين يارحمن يارحيم