![]() |
الا ليت الزمان يعود...مقهوره يابنات
السلام عليكم يابنات بدون مقدمات انا مقهوره وقلت لازم تنقهرون معاي00 امس الصباح اتصلت علي اختي وقالت لي تعالي لي المغرب بتجيني زميلتي عبير قلت اوكى عاد عبير هذي ممرضه فمستشفى حكومي في المدينه00 رحت لهم المغرب واخذت معاي حلا وفطاير وجلسنا وناسه الجلسه مره حلوه واخذتنا السوالف ومن سالفه لسالفه ومن حكايه لحكايه00 وبعدين عبير قالت شي عكر مزاجي 00 تقول لما كنا نتدرب في مستشفى الولاده كانوا الدكاتره وقت مايدخلوا الحرمه كشك الولاده00 ينادون الممرضين المتدربين سواء كانوا بنات او شباب00 وبدون اذن المريضه او زوجها00 تخيلوا00 انا قلت لها كيف ؟ قالت عادي ندخل والمريضه واهلها يحسبون اننا ممرضين رسميين00 والدكتور وبكل اريحيه يشرح ويمرح ويعلمنا كيف00 وكيف00 انا مرررره عصبت يعني المريض ماله خصوصيه00 لما خرجت قاعده احكي لزوجي قال لي ايوه صح00 وقالي شي قشعرلي جسمي زميله في العمل اخوه طبيب متدرب في الرياض00 يقول مره كان عندنا تدريب عمليه ولاده قيصرية00 يقول دخلنا واحنا مجموعة شباب 00 وكانت المريضه مخدره على السرير00 طبعا سعوديه00 عارفين وين المصيبه00 المريضه كانت مو لابسه ولا شي حتى الملابس الداخليه نزلوها عنها تخيلوا معروف ان القيصري بس يكشفوا مكان العمليه 00شي يقهر0 يقول الدكتور لا هذا تدريب ولازم الطلاب يكونوا منتبهين00 طبعا لا المريضه ولا اهلها يدرون00 عاد الطبيب اللي يحكي القصه يقول بعد شوي الا واحد من الشباب يطلع جواله ويصور العمليه.. لاحول ولا قوة الا بالله.. يعني في هذا الزمن الوحده ماتأمن على نفسها وهي مخدره احسن شي نرجع لزمن الدايات .. حسبي الله ونعم الوكيل |
رد: الا ليت الزمان يعود...مقهوره يابنات
وعليكم السلام ورحمة الله وبركاته
لاحول ولاقوة إلا بالله صحيح كلامك الله يكافينا من شرورهم بس يصورون بعد كبيرررررررررة مررررة كبيرة وين الخصوصيه؟؟؟ كمان حالات ولاده ياساتر يارب يعني الوحده لو بتولد تخلي زوجها أو أمها يدخل معاها أحسن هذا لو سمحوا بالدخول بالأهليه يسمحون بس الحكومي مشكله وهي اللي فيها البلاوي هذي الله يرحم حالنا وحالكن يارب من جد موضوع يقهر يادلع الله يكون بعونهن هالحريم |
رد: الا ليت الزمان يعود...مقهوره يابنات
عمى بعينهم ان شالله ربي يخرب جوالتهم ويفجرها على راسهم الي يسون كذا ماعاد به حيا مايخاافون الله حسبي الله ونعم الوكيييييييل فيهم
|
رد: الا ليت الزمان يعود...مقهوره يابنات
ايه سمعت كثير كثير الوالد دكتور اسنان وقال الينا هالخرابيط
والله ما يستحون على وجهم لا حول ولا قوه الا بالله العلي العظيم تنون ما شفتون شي جاي الي ازيد وازيد |
رد: الا ليت الزمان يعود...مقهوره يابنات
لا حول ولاقوة الا بالله
اعوووذ بالله وين الحياء راااح وين الخوف من الله استغفر الله الاجانب اللي هم اجانب وكفار يستاذنون من اهل المريضه هذا كلام عمي استشاري عظام هذا وهم كفار واحنا بلد الاسلام على طول كذا وهذا اللي صور وجع بيده مشكورة يادلع |
رد: الا ليت الزمان يعود...مقهوره يابنات
حسبنا الله ونعم الوكيل عليه
شي يقهر والله |
رد: الا ليت الزمان يعود...مقهوره يابنات
حسبنا الله ونعم الوكيل عليهم
شي يقهر والله شو هدا خوفتيني وانا راح اولد عملية ههههههه راح اخلي زوجي يدخل معي عشان محدش غريب يدخل |
رد: الا ليت الزمان يعود...مقهوره يابنات
هلا طيوفه
والله معك حق الوحده تدخل زوجها او امها أضمن لها.. هلا فتون دعوتك في محلها الله يعميهم.. هلا شوق الله يستر وعسانا مانشوف ازود من كذا والله كان تجيني جلطه.. هلا حبوبه صح كلامك الكفار يحترمون خصوصية المريض اكثر من المسلمين مدري ليش؟؟ هلا بين الهدب مشكوره لمرورك.. هلا اميره لاتخافين توكلي على الله وحصني نفسك بالاذكار ولو تدخلين معك احد احسن.. |
رد: الا ليت الزمان يعود...مقهوره يابنات
لا حول ولا قوة الا بالله
وين الحيا والخوف من الله الله يستر لا تكون مقاطع القيصريه المنتشره هي عملياتي بعيالي ههههههههههههههههههههههههههههه |
رد: الا ليت الزمان يعود...مقهوره يابنات
ايه صاير مع وحده اعرفها تقول قمــــــــــــــــــــــــــه الاحراج وهي مكشوفه
الدكتور وقلنا مايخالف لكن مجموعه شباب والله حرام انا لو منها شكيت المشفى منب عارفه اتولد ماراح اركز وهم يطالعون بتقطع من الوجع يجيبون لهم فيلم وثائقي لازم تطبيق مباشر ؟ |
الساعة الآن 03:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .