|
عطوني حلول اتعامل فيهآ مع زوجي ...
السلام عليكم
كيفكم عساكم بخير حبوبات صراحه انا كنت متردده اني اكتب سوء تفاهمي مع زوجي في عدة امور لاني مو عارفه اتعامل معهابس وربي انا تعبت وابغى بس مشورتكم ومساعدتكم لي انا متزوجه وهذي السنه الثانيه ولله الحمد وربي رزقني بااحلى بنوته في العالم ربي يخليهآ لي شمعة حياتي هي الحمدلله زوجي يحبني وحارب الكل عشان ياخذني لاني كنت متزوجه قبل وانا صغيره بس ماصار نصيب وربي عوضني بزوجي وبنتي ربي يخليهم نسوني الماضي واوجاعه,,, صراحه بداية مشاكلي مع زوجي بمعنى اصح سوء التفاهم مشكلة طلوعه من البيت ومايجي الا نص الليل ويوم يجي يبغاني استقبله بكل انشراح ياسلام انا ملطوعه طول اليوم اهتم في البيت وفي بنتي وانت حضرتك رامني طول اليوم من يوم ماتصحى لحد موعد نومك تجي وقت راحتي ونومي وتبغاني ابسط معاك انت ووجهك.. لاتقولوون حاولي معاه بلين وكلهم كذا ليش فيه حريم ازواجهم كانو دشر وبعدين يوم رزقو باطفال هجدو ليش هو مايكون زيهم جيته بلين وجيته بالزعل مافاد يوعدني ومايوفي بوعده وكانك يابو زيد ماغزيت نرجع لنفس المشكله انا مشكلتي اني من النوع اللي مايطلع من البيت يعني زياراتي محدوده صحباتي قلال لاني اخاف من كثر الصحبه صحباتي تعرفتهمعليهم في الجامعه وتفرقنآ بعد التخرج يعني مالي غير بيتي وزوجي وبيت اهلي يعني طول الوقت طفشانه وتعبت من الوحده وربي .. ومشكلتي الثانيه مزحه الثقيل يووووه يابنآآآت وانتو تعرفو عاد مزح الرجال بس يضربك بالمزح شوفي اثر الضربه فيك تعبت وانا افهمه اقوله لا تسويهآ معي وربي بعض الاحيان ابكي من مزحه يلعب فيني كني بزر ينطنط فيني ويدف ويدور فيني وربي شي hwaml17 يضايق وربي يوم احكي لصحباتي تضحك وتقولي ماعندك سالفه ياختي اقولهآ يعور وبعد النفااس احس جسمي مكسر ظهري وربي احسه مقسووم نصين من هالمزح البايخ والثقيل وهذي خلصنآ منهآ وثالث مشكله انا امي تعبانه الله يشفيهآ ان شاءالله حياتي هي عندهآ الكلي وهالايام شغالتهآ سافرت وانا الحين مابين بيتي وعندهآ المهم تبعآ كله فدآ راسهآ مايهم بس اخوي الله يهديه كل بعد يومين ناطلي بسفره مع الشباب ومدري وشو يعني كله كلام فاضي وامي لحالهآ وانا اضطر انام عندهآ تبعآ ابو الشباب مقهور من اخوي يقول عادي نامي عندهآ بس مو بعد كل يوم تنامين انا زوجك ولي حقوق >>سبحان الله ودارت الايام وحسيت يوم اكون ملطوعه لحالي صراحه انا ماابغى يكون عندي اي زله عشان مايمسكهآ علي ومايصدق ع الله الحين انا عند امي بنآآم اليوم وحضرته زعلان وكلهآ جمعهآ اليوم يبغى زعل من تحت الارض وانا بطنش كالعاده عشان اعيش صح لازم يكون بين المتزوجين زعل بس كثرتهآ تخلي فجوة بينهم وانا ماابغى الامور توصل لهدرجه....اعطوني حلول عشان اعرف اتعامل مع مشاكلي بعقلانيه ... طولتهآ معاكم سوري بس مالي غيركم بعد ربي سبحانه,,, |
رد: عطوني حلول اتعامل فيهآ مع زوجي ...
بالنسبه لمشكلتك الاولى
هو يسهر للنص الليل على ايش بالاستراحه ؟؟ هنا اشوف انكم تقسمون الايام بحيث ان يكون لك يومين بالاسبوع او ثلاثه يجلس فيها معاكي تطلعون سوا وتجون سوا وتتعشون سوا هاذا الحل مرضي سواء لك او له قولي انا لي حقوق عليك انا زوجتك محتاجتك تكون جنبي احس بوجدك قربي ومن هالكلام ____________________________ المشكله الثانيه المزح الثقيل شوفي مافي رجال بالدنيا مزحه مو ثقيل ودفش وكمان مزح يوجع ويعلم على الجسم ولا صرختي واشتكيتي قال نفسيه واذا ااحد مزح معها تنفس كلنا كذا اخوي مزحه زي وجهه وخوالي وكمان البعل تبعي مزحهم ثقيل حيل ومؤلم وانا ايش سويت مع خوالي عطيتها في وجههم وفهموا مع البعل جلست اناقش بالموضوع وكنت جاده قال ايش الضرب من المعزه >> هههههههه ونفس جواب اخوالي وكمان اخواني على حسب تحليلهم النفسي ان الرجال لاضرب وحده ضرب مززح فهنا اهو يعزها ويحبها بالاختصار زوجك يحبك خخخخخ المهم اذا مضايقك هالشي استمري وناقشي زوجك فيه وان مزحه يضايقك وكثر الدق يفك اللحام ___________________________ المشكله الثالثه الله يشفي امك ويخليها لك من ناحيه اخوك لاترجين منه شي ومعامله الابن لـ أمه مو زي معامله البنت لها فاانتي بتعرفين لـ امك اكثر منه وامك بتكون محتاجتك اكثر من ابنها فهمي زوجك الموضوع وقولي له حس كيف انا لما اغيب عن البيت تهاوشني وحقوقي وحقوقي ولما انت تغيب شي عادي واستقبليني ببشاشه وصدر رحب شفت كيف لما بس تفكر بنفسك وتنساني ؟؟؟ وبعدين لاسمعتي تبريره من بعد كلامك هاذا قولي له امي مريضه ومحتاجتني جنبها فااتمنى تقدر وقفتي جنب امي وان وجودي جنبها امر ضروري واني خايفه على امي ومن هالكلام وتخيل لو امك كان وقفت معك الين ماتطيب وان شاءلله انه يقتنع _______________________ وبالاخير الله ييسر امرك يااختي |
رد: عطوني حلول اتعامل فيهآ مع زوجي ...
ههههههههههه وربي ضحكت من قلبي على مشكلتك التانيه وضحكت لما قالت سويت موون انها من معزتهم لنا اي والله ,,صااااادقة ,,,نفس المشكله معايا ومن يومين طلع صوته علي وما خلى ولا بقى ليش اقوله( الله يخليك سيبني ماني رااااايقة اليوم )يااااويلي على اللي قاله ..ولما هدي قال انا اسف حقك عليا بعد ايش الله يخليك...
السهر والله عانيت معاه كان يجي الصباح يعني 9 ولا 8 وعندي بنتين والحمدالله بطل ورجع لبيته بس بعد ما عرف انه اصحابه للسهر والوناسه بس يوم احتاجهم ما لقى واحد فيهم جنبه... ادري طولت عليكي بس ادعي دايم ربي يهديه لك ولبيته ... |
رد: عطوني حلول اتعامل فيهآ مع زوجي ...
وبالنسبه لامك الله يشفيها شفاء لا يغادر سقما ويعافيها وما تحتاج احد منكم وان شالله فترة وتعدي.
|
رد: عطوني حلول اتعامل فيهآ مع زوجي ...
اقتباس:
اميييييييييييييييييين وييسرك امورك ويسعدك دنيآ واخره وربي ردك ريحني كثير وربي ع قد ماكنت متضايقه وحاسه بفراغ على قد ماراح ضيقي وحسيت بثقتي رجعت واقول ان شاءالله اقدر احل مشكالي بالتفاهم وارتاح نفسيآ تسلميييييييييييين يابعد قلبي وربي لايحرمني من هالعقل يانااس فديتك خيتوووو تصدقين حلولك في جميع المواضيع تعجبني ,, ماشاءالله عليك.. |
رد: عطوني حلول اتعامل فيهآ مع زوجي ...
اقتباس:
|
رد: عطوني حلول اتعامل فيهآ مع زوجي ...
اقتباس:
ربي يهدي اخويآ لهآ ويترك طيشه صراحه الوحده مو زينه لهآآ خيتووو وهذا اللي متعبني افكر فيهآ من هالناحيه اكثر شي |
رد: عطوني حلول اتعامل فيهآ مع زوجي ...
ياقلبي الله يشفي أمك ويطول بعمرها ويخليها لكم ياااااارب
شوفي ياقلبي من ناحية السهر ناااااااااااااادرا ماتلاقين رجال مايسهر إلا مارحم ربي أنا أول ماتزوجت تخيلي أول 5 شهور تقريبا من زواجي وأنا ماأشووووفه إلا الصباح بسس على الفطور وكأني كنب بالبيت حتى مايدق علي إذا طلع ولايقول يمكن ماتت شيء طب عليها حرامي عادي ماعليه من أمي اللي جابتني طبعا هالشيء اكيد ضايقني وحز بخاطري وزعلني كثير لكن أنا ماني من النوع اللي يعاتب فصرت وش اسوي اسفهه ولا كأنه موجوووود حتى الفطور صرت اسحب عليه ولا عاد اسويه له وأذا رجع من سهرته يلاقيني نايمة إلين هو مل وطفش وجاء كلمني وقال ليه كذا وووووو وقلت ليه ماتسأل نفسك أنا ليه صرت كذا من اللي وصلني لهالحاله وانا لسى عروس المهم بعدها تغير مااقول لك مايسهر لا يسهر بس صار يجي بدري وبعدين بس يومين بالاسبوع سوري ادري طولت اهذر عن مشكلتي بس بوصل لك اللي حصل معي وأنتي حاولي تتبعين هالطريقة أن شاء الله تجيبين نتيجة وخصوصا انك تقولين مانفع معاه الحكي والمزززززززح وماأدراك مالمززززح :( بصراحة أن أشوفهم خبول يعني يمزح مع بنت كأنه يمزح مع رجال مايفرق وصادقه سويت مون أذا قلتي له عورتني وإلا زعلتي قاله ماينمزح معها عله مريضة فأنتي قولي له أمزززززح بس بدون ماتعووووور وإلا أمزح بالكلام أهووون وبيني أنه يعووورك ووريه مكان الكدمة عشان يخف عليك ويعرف أن مزحه يؤلم ومايخذها بأنك مالك خلقه وإلا ماتتحملين أي شيء منه << عاد هم مافي مثلهم في سوء الظن وأخوووووك قوليها في وجهه صراحه مايقدر أمه ولا يقدرك وأذا جاب أصحابه لاتسوين له شيء خليه يروح معهم للمطعم وإلا يجيب لهم من برا قولي أنا ماني خدامة عندك لاتسكتين له أنتي فيك اللي مكفيك واللي مايقدرك لاتقدرينه حتى لو انه اخوك واجهيه يمكن يصحصح شوي .. ومافي مشكلة إلا ولها حل بإذن إلا الله والله يسهل عليك وعلى أمك يارب |
رد: عطوني حلول اتعامل فيهآ مع زوجي ...
بالنسبة لمشكلتكي الاولى ياعسل ,, بصرااااحة انا احسدك بس تاكدي هي فترة وتعدي
انا زوجي سبحااان الله لزققققققققققققة وربي شي يضيق الخلق حتى لما اقوم عنه الله يعزك بقوم الحمام لازم يسالني وين بتروحين وفي الغالب يلحقني يوصلني للباب,, وربي ماتحسي بالنعمة الي انتي فيها الا اذا جربتي النشبة ’’ بس انا اعرف كثير من صديقاتي نفس مشكلتكِ وبعد كم سنة تغيروا وتعودوا على الاستقرار ,, سنتين ماتعتبر فترة طويلة عشان يتغير ,, وبكرة بتشوفي بنفسك فلا تسويها سالفة وتقلبي حياتك نكد ومشكلتكي الثاانية هذي مشكلة كل الشعب العربي ,, مرره وربي زوجي رماني رمية طحت على طرف السرير وانفلقت جبهتي ,, هالكلااام في شهر العسل .. واستغليت الفرصة وجلست ابكي وسويت نفسي دايخة وكبرت الموضوع مااااااااااارة عشاان لا يعيدها ,, تاب اسبوع وبعدها رجعت حليمة لعادتها القديمة يعني ماافي امل يتغيرووون ,, الله بس يعينا على عفاشتهم اماا بالنسبة لمشكلتكي الثالثة ,, فاتمنى تحتسبي عند الله واطلبي من امك تدعي لك ان الله ييسر لك امورك ,, وقد ماتقدري خليكي جنبها ولا تتركيها ربي بس يرزقنا رضى الوالدين وربي من غيرهم مانسوا شي بالحيااة عسى ربي يخليها لكي ولا يحرمكي منهاا ابد |
رد: عطوني حلول اتعامل فيهآ مع زوجي ...
الله يكون بعونا بالنسبه للسهر والطلعات الحال واحد هوه يطلع ايروح السوق لاهله لحاله اقول له خدني معك مايرضى وانا بالبيت جالسه لحالي فوق 13 ساعه ولما يجي ابي اسولف معه يقول تعبان ابي انام ماعندي احد اسولف معاه والمعايره شوفي فلانه حملت وولدت وانتي بعدك مع العلم انا لي سنتين وعدة اشهر يالله تهديهم
|
| الساعة الآن 11:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .