|
ارجوكم قولولي العيب فيني ولا في الي حولي
السلام عليكم ورحمة الله
والله الي يعلم بحالتي وانا اكتبلكم همي ومشكلتي واتمنى من كل وحده تقراها لا تبخل علي برد او نصيحه ودعوه .. انا صرت متقلبة المزاج بشكل دائم وماعاد اقدر اصبر على هموم الحياة الي هي اصلاً غير جديده علي..وماادري المشكله فيني او في الي حولي.. بصراحه ضغوط نفسيه من جميع الجهات احس اني قربت انهار.. اهم شي فيها ام زوجي تجرحني بالكلام ودائما اسمع منها عبارات تثير غضبي وولا اقدر ارد عليها لاني ماتعودت ابداً ارد على انسانه بعمرها واحتراماً لنفسي ولزوجي ولتربيتي دائماً تقولي ان نصيبك اكبر منك وان ابني يستاهل احسن من كذا.. واذا مافيك تجيبي له عيال خليه يتزوج مع اني جايبه خمسة اطفال وتعبانه معاهم بالمره.. والله اني احاول اكسب رضاها بس مافيه فايده.. والمشكله الثانيه بانشغال زوجي على طووووول وكل هم تربية العيال على راسي انا..وانا احاول ارضي الكل وكل همي يكونو عيالي متربيين وناجحين بحياتهم..ابني الكبير مراهق وصعب التعامل معه ماصار يسمع كلامي مثل الاول ويعاند وبنتي كمان صارت تهتم بامور اكبر من سنها تحب تسمع اغاني كثير وتشوف مسلسلات وانا دايخه كمان بتربية الاصغر سناً .. فالاولاد الثلاثه الصغار ماخذين وقتي واهتمامي وعشانهم رفضت الوظيفه وكمان ماجبت لهم شغاله.. وياليتني عاجبه..الايام هذي صار مزاجي على طول سيئ وماصرت اتحمل كلمه من عيالي وبسرعه اعصب وممكن اضرب حتى الصغير وارجع اندم .... ارجوكم قولولي وش الي صاير معي واذا فيه شي غلط نبهوني عليه قبل تتأزم الامور اكثر.. وهل كلام ام زوجي صحيح ؟؟ وهل اني ازيد كمان عيال عشان ترضى هي وابنها؟؟ انا مشوشه ومو عارفه وش اسوي.. ردو علي ارجوكم.. |
رد: ارجوكم قولولي العيب فيني ولا في الي حولي
يا اختي اذكري الله
ولا تقولين هموم الحياه الحمد لله هم عن هم يفرق قولي الحمد لله رب العالمين ياما مريض ماله علاج وياما فقير ماقدر ياكل ولا يلبس وياما زوجه انحرمت من زوجها وياما زوجه تتمنى الذريه وياما وياما واللي تمرين فيه كلنا نمرفيه هذي هي الحياه وولدك المراهق محتاج ابوه او خاله او احد يحتويه وانتي دامك جالسه ورفضتي الوضيفه جيبي شغاله تخدمك وانتي ربي عيالك واهتمي في بنتك لازم بها المرحله تكونين قريبه منهم هدي اعصابك شوفي انا نفس نوعيتك احس بضغوط وتعب وعيالي توهم صغيرين ولكن ماحبيت اترك موضوعك بدون ما ارد الله يسر امورك يارب |
رد: ارجوكم قولولي العيب فيني ولا في الي حولي
احمدي ربك ياقلبي لاتقولين اهموم الحياة الحمدالله ماشاء الله تبارك رحمان
الله يحفظلك الاولدك والله يحفظ زوجك لكي شوفيني انا ياعمري محرومه من زوجي عسى ربي يرجعلي بسلامه ممكن اذا شفتي مصيبت غيرك تقولين الحمدالله ياربي انتي خذي شغاله وتساعدك ياعمري |
رد: ارجوكم قولولي العيب فيني ولا في الي حولي
هذا حال هدنيا واغلبنا نمر بهظروف
المراهقه مرحله حرجه والشخص يحاول يثبت نفسه وميوله بآي طريقه حتى لو غلط هونيها وتهون انتي صادقيهم عيالك الكبار ولاتكثرين فيها الممنوعات والاوامر فلبدايه عشان تكسبين صداقتهم صح والصغار مثل ماقالو خواتي جيبي احد يساعدك لو ظروفك تساعد واذا ع خالتك تعرفين تسمعين من اذنك الاولى تخرجين كلامها من اذنك الثانيه..! سوي كذا انتي اهتمي بــ عيايلك وماعليك من احد وماشاء الله 5 اطفال مو شوي مادري وين الخلل..! المهم بيني لخالتك اهتمامك بعيالك عشان تخف عنك شوي وتريحين راسك والزوج طبيعي ينشغل بشغل اكثر اغلب الرجال كذا الا من رحم ربي انتي غيييييري الجو بآوقات فضاوته ووقت مينامون العيال عشان تتحسن نفسيتك اتوقع محتاجه نقاهه وهنقاهه خليها مع زوجك بعيد شوي عن العيال المهم نظمي وقتك صح والله يعينك ويقويك يارب والصبر مفتاح الفرج والله الايام مثل البرق تمر الله يحسن خواتمنا يارب |
رد: ارجوكم قولولي العيب فيني ولا في الي حولي
ماشاء الله ,, دام زوجك كويس معك ماعليك من اي مخلوق بس نصيحه خلي شخصيتك تفرض ع الي حولك احترامك انا اقصد الوسطيه بكل الامور ,, لاتدورين رضا احد لان بهالطريقه يتعودون انك تعطين وبس ..
لذا اهتمي بنفسك وجيبي شغاله وخليها تساعدك ع الاولاد وعيشي حياتك وطنشي ولاتصيرين حدك سلبيه وبعدين ايش اجيب اكثر ليش تفكرين بهالطريقه خالتك لو تبي ترضى كان رضت من الخمسه والي فهمت ان معك عيال ذكور وبنات انا ع بالي 5 بنات هههه معك معليش متاثره بالمجتمع .. طنشي وزي ماقلتك اهتمي بنفسك زوجك يركض وراك وحاولي تكونين قويه بداخلك وعيشي حياتك فيما يرضي الله انا لو مكانك بسوي كذا بس ياشيخه لو اقولك عن ظروفي غير ترضين عن وضعك فحمدي ربك واشكري وحاولي تخلين الامور بصالحك ولاتعبين عمرررك صدقيني مااحد ينفعك اذا صار بك شي حتى اولادك ربي يسهل دربك ودعواتك |
رد: ارجوكم قولولي العيب فيني ولا في الي حولي
بالنسبه لام زوجك ردي عليها بس بالادب ولابد الاحترام يكون متبادل ولاتخلين لاحد يدخل في حياتك شي راجع لكم انتي وزوجك تجيبون عيال اكثر او لا ترا بعض الامهات ماينعطون وجه مع احترامي لها وترا كلنا نمر بنفس الاوضاع والحمدلله ننهار شويه بس لازم نستعيد قوتنا ونتوكل على الله ونمسك بيتنا والعيال لاتعصبين عليهم هم محتاجين سياسه بهذا العمر وخلي وحده تجي تساعدك في امور بيتك منها تتفرغين لنفسك وزوجك وعيالك موفقه يالغلا وقولي الحمدلله على كل حال
|
رد: ارجوكم قولولي العيب فيني ولا في الي حولي
عزيزة نفس الله يوفقك ويحقق امانيك اصلاً انا دائماً مواضيعك وردودك لأي موضوع تقنعني بارك الله فيك
سيدة الغرام الله يجمعك بزوجك عاجلاً غير اجل ويسعد ايامك يارب دافئة المشاعر مدمنة قهوه اللؤلؤه اللامعه الله يحقق كل امانيكم ويجزاكم الجميع كل الخير هونتو علي وباخذ بنصيحتكم رغم اني ماحب الشغالات بس بجرب والف شكر على ردودكم,,,,,,, |
رد: ارجوكم قولولي العيب فيني ولا في الي حولي
حبيبتي البنات ما قصرواا والله ..وفعلا هالهموم هاااي ياااما في ناس مهمومة اكتر منك واحمدي ربك على كل حال..
الحال اللي تمري فيها في تربية الاولاد عاااادي جدااا اغلب النسوان بشكوا من هالشي ميشان هيك سبحان الله الام اجرها عظيم عند رب العالمين وبالنسبة لحماتك هاااي برضوا كمان عاادي وكتييير بناات بعانوا من هالشي فانتي اصبر عليها واحترميها وطنشي.. باااين انها حماتك بتغار وصعبان عليها كتيير انو ابنها مهتم فيكي اكثر منهااا ..والله يعينك يااارب.. |
رد: ارجوكم قولولي العيب فيني ولا في الي حولي
تسلمي ياغصن البان على مرورك وانشاء الله اكون صبوره اكثر
الله يجزاك كل الخيررررررر |
رد: ارجوكم قولولي العيب فيني ولا في الي حولي
الله يكون معاكي
ربي ييسر ويسهل امورك |
| الساعة الآن 06:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .