|
ضرتي<<أم زوجي<<ساعدني
بسم الله الرحمن الرحيم
يسعدلي مسسساكم حبيبااتي كيفكم ان شاءالله بخير بدش بالمووضوع عالطوول مابي أطول عليكم أنا حبيت أكتب لكم مشكلتي لان بصراحه تعبت نفسيآ وأبي تعطني حل او فكره لهالمشكله..., أنا وبنت عمي متزوجات أخوان المهم ان ام زوجي مقلقتنا بكل طلعه وبكل سفره الا تروح معنا طبعآ فترة الخطبه والملكه كانت تقول هالموال لأمي[أنا عندي اهم شي سعادة اعيالي وبنتك ابد مالنا دخل بها بشقته تروح وتسافر مالي دخل اهم شي سعااادتهم] وبعد الزواج شفت العكس لدرجة حتى بنتها مافي احترام يعني اشوف هن وامهم يجاورننا بكل شي يعني الوحده لاتزوجت خلاص تبي تعيش مع زوجها يروحون ويسافرون لحالهم ياخذون راحتهم قسم بالله بكل سفره انقل هم خوفي يروحون معاي وفعلآ امه وين تبون بروح معكم قسم تعبت حتى بنت عمي نفس حالتي يعني تقل مرافقه لنا وش السوات وغير كذا قدام اعياله انا الام الحنونه وكني تبي راحتنا وطيرنا فوق وهي من تحت لتحت تهقن ياخواتي وش اسووي الله يخليكم وش الحل عزمتها قبل كم يوم بشقتي وعزمت بنت عمي وخواتي وانواع النغزات والقط عليها ولا نفع بها وبنتها الصغيره هذي جاسوسها ترسلها تشوف الاواضاع والتشيك عالشقه وتعلم امها بكل شي وغير كذا كل شوي تدق على زوجي تعال ابيك تعال اجلس عندنا تلفوننا مايسكت منهم ومن مشاويرهم ماقعد مع زوجي ابد حتى مرات مواعيد لدكتورتي علشان الحمل تفوت علي من كثر مشاويرهم زهقت مليت وش الحل تكفن حبيبااااااااااتي ساعدني الله يخليكنhwaml15 |
رد: ضرتي<<أم زوجي<<ساعدني
كلمي زوجك على امو يكلمهم اذا مارضيت اسكني بعيد عنها ولا العذاب والقلق طوال اليوم واختو اعطيها في وجهها قوليلها ايش تبغي لما تحسيها تتلقف خليها تتحس
|
رد: ضرتي<<أم زوجي<<ساعدني
كلمي زوجك عليها وادا مانفع معاها اطلعي في شقه بعيد عن الهم والغم وانتي لسى في بداية حياتك احسن لك
|
رد: ضرتي<<أم زوجي<<ساعدني
يا بنات الام اذكى من انها تخلي ابنها يفهم سياستها ,,,,هذا كيد نسوان
الرجال حيشوف زوجته الخطأ,,,,, لانه امه ذكية ..بالمناسبة زي حماتي لما تملكنا .... قالت لامي ولكل الناس اللي كانوا حاضرين ,,انا مالي شغل بيهم ,,انا بهمني مصلحتهم ,,,, انا وانا وانا,,,,,,,,,,,,, قسما بالله الناس كلها حسدتني ....عليها طبعا اللي يسمع مو مثل اللي يشوف والله يا بنات ........لما اروح لبيتها ماتتحمل انا زوجي بالصالة قدام الكل نقعد مع بعض .. قسم بالله تسهر معنا للساعة 12 بالليل ... ولا تفك السرير ...طبعا مواضيع تانية ... انا فاهمة عليها .....لكن ما ينفع اقول لزوجي شي ..وبيني وبينكم ..انا اقول ست كبيرة ,,,الله اعلم كم فاضل في عمرها وتعيش؟؟ صح ولا لا ؟؟ اقول ربي اعلم بما في النفوس والله يعطيني ع نيتي ..وبالنهاية ام الزوج هيك ...عند البعض .الغيرة تكون عندها شديدة هدي نفسك واشغلي نفسك ببرنامج حفظ قران ,, او طبيخ ,, او اي شي وقللي من زياراتك ..وروحاتك ..وصحيح نصيحة ,لاتقولي قدامها وين بتروحي ووين بتيجي تمام يعني خليها وليدة اللحظة عشان هي لا تستغل الموقف وتلحق تفكر |
رد: ضرتي<<أم زوجي<<ساعدني
خلي علاقتك معها رسميه لاتختلطين فيها كثير هي وبناتها،،حتى لما تزورينها لاطولين عندها سلمي وتحججي باي شيء وروحي لبيتك ولا تجرئينهم على بيتك النوعية هذه تجيب لك المشاكل خلي علاقتك معها السلام اللي يرضي وجه الله سبحانه،،كل مابتعدتي عنهم وصرتي غامضه معهم زادت مهابتك في قلوبهم وان شفتي اسائة منهم سوي حالك مانتي منتبه لهم لاتشعرينهم بنقطة ضعفك ترى يتسلطون عليك فيها،،وفعلا لاجيتي تروحي مكان لاتقولين لاحد فاجئيهم ولارحتي وجيتي جيبي لها هديه تكسر عينها،،
والمثل يقول((عامل الناس بإخلاقك لا بإخلاقهم)) عامليهم بطيب وراح يعاملونك بالمثل بس اهم شيء من بعيد لبعيد احسن |
رد: ضرتي<<أم زوجي<<ساعدني
احسن شي تحطين لها حد وتقولين لزوجك
بس بأسلوب مؤدب لاينقلب على راسك |
رد: ضرتي<<أم زوجي<<ساعدني
اذا كان عليا انا على الخرجات وتروح معانا الله يحيها ياحبيبتي هذي امه مهما يكون ومهما يسوي لها مايجازي بمعروفها انتي بري ذمتكي وعامليها بالحسنى وصدقيني راح تلقينها في الدنيا قبل الاخره وخليكي ذكيه العمات من النوع إلي كذا اكسبي حبها خليكي رسميه صح بس كل ماجيتي جيبي لها هديه اعزميها على الغدا برى مع زوجك قولي لها هذا ترى مني ترى هما يفرحون بالاشياء إلي زي كذا...عاد انتي وذكائك.
|
رد: ضرتي<<أم زوجي<<ساعدني
انا انصحك تكلمين زوجك باسلوب قوليله انا امك على عيني وراسي واني احبها واحترامها لاكن ياقلبي مو كل مره تروح معنا انا محتاجه اني اغير جو معك علشان ناخذ راحتنا ومره الثانيه ناخذها معنا <<<< هههههههههههههههه مصدقه نفسي الله يهديها يارب وتفك عنكم ويسخر لك زوجك يارب
|
رد: ضرتي<<أم زوجي<<ساعدني
لاتنسي انها كانت امو ومازالت
|
رد: ضرتي<<أم زوجي<<ساعدني
هم كذا امهات الازواج تخلي انا اوقات ماشوف رجل الا وقت النوم بسبب عمله وبعدين للتحقيق الرسمي والمشاوير وكل اقول في نفسي هذي امه وهذيلوا خواته
بس يوممن الايام كانت بنتها جت بيتهم تشكى من ام زوجها انا قالت حق زوجها اشتر خبر من البقاله وهو كان تو جاي من عمله تدري شنو ردت الام قالت لها ماتعرف الواحد اذا تو جاي من عمله يبغي يجلس هو ويا زوجته ماخلت شيء ماقالته وهذي بس مرة ماخلت شيء ماسوته ودي ذاك اليوم قمت وذبحتها من كلامها تعرف مو ماتعرف وفي انها اتخلي بنتها اجيش الشقه علشان كذا حتى انا بس كانت تخليها تصعد لي في وقت زوجي مابعد ايجي من العمل وماكنت افتح لها الباب لاني عارفه قصدها وهذوله النوعيه حظهم يكسر الصخر صدق لانهم ازواجهم خاتم في يدهم والعيالهم سمعا وطاعه لهم وزواج بناتهم لبيك شبيك انا عبدك بين يديك لاتسبب على جنينكي هو اهم من كل شيء ولاتقهري روحش ترى مالش الا وجع القلب راح تتعبي اذا طاوعتيهم خليهم هم والجدار واحد اهم شيء صحتش اذا راحت ماراح يفيدش شيء |
| الساعة الآن 10:20 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .