ولدت ومعاناتي مستمره ساعدوني الله يخليكم
 

السلام عليكم
واخيرا ولدت بعد معاناه طويله والغريب انها مستمره اقراو لتعرفو

كان تاريخ 1/3 وانا كان موعدي 12/31 يعني تاخرت 3 ايام قالو لي تنويم وطلق صناعي وانا اوردي متوسعه من قبل سانتي ونص نوموني والساعه 11 فليل حطو لي تحميله واحده الى اليوم الثاني وانا مااحس باي الم بعدين جات الدكتوره تجيك قالت 2ونص مفتوحه مايحتاج تحميله لكن الله لا يراويكم اسوت دخلت يدها وقعدت تحرك يميين ويسار وانا اصرخ من الالم ( اووووف يد ريال هنديه بعد) المهم بعد ماخلصت طلعت وجنها ماسوت شي واهني تبتدي الالام بس بعد ماكانت قويه الى المغرب الساعه 5ونص حطو لي حقنه شرجيه للتنظيف بعدين عزكم الله وانا طالعه الا الدم ينزل معاي لعوزني قالو لي صبري اهني ابتدى الالم الصح الساعه 7 ودوني الولاده وانا اصرخ من الالم قلت لهم ابي ابره اي شي يخفف الالم الحمد لله ممرضه التوليد كانت طيبه وضربتني ابره لتخفيف الالم وليست ابره ظهر عزكم الله من الخلف وبعدين عقب ساعه راح مفعولها وتوسعت 10 قالت ولاده اخ واخ واي والا عبودي طلع حدي ستانست قلت الحين بيخف الالم
بعدين فليل وانا ابي ادخل الحمام الا الم ظهري قوي جدا قعدت اصرخ ماقدرت اتحرك قالو لي طبيعي بعد يومين رخصوني وانا حدي تعبانه من ظهري ماقدر اقوم الابمساعده وكرمكم الله الحمام بمساعده واللبس بمساعده كاني طفل والحين باخلص اسبوع ونفس الالم ماخف احس اني تعبانه وعاجزه حتى ولدي مااقدر اشيله من الالم هل هذي الشي طبيعي ومتى بيروح وعلى فكره الم الظهر كان عندي من الشهر 9 والحل ساعدوني

رد: ولدت ومعاناتي مستمره ساعدوني الله يخليكم
 

التزمي براحه وان شاء الله بعد كم يوم يخف الم ظهرك بس الالم بيضل على خفيف الى الاربعين
كلما تسوين مجهود بيالمك بس هالفتره ارتاحي زين وتغذي
والحمد الله على سلامتك ومبروك البيبي

رد: ولدت ومعاناتي مستمره ساعدوني الله يخليكم
 

الله يبارك فيك
يعني هل اهو طبيعي
لاني كذا مره رحت المستشفى قالو لي عضلات مايسوون شي
والله حدي تعبانه ماقدر اتحرك

رد: ولدت ومعاناتي مستمره ساعدوني الله يخليكم
 

الولاده الطبيعيه مو لهدرجه الم انو لازم حد يساعدك في الم بظهر لاكن انتي شديد فلازم اتروحين للمستشفى تتاكدي
واذا ما خذه ابره الظهر اتوقع منها

رد: ولدت ومعاناتي مستمره ساعدوني الله يخليكم
 

يالله ........... والله الحياه صعبه .. الله يخفف الامك يااااااااااااااااارب ... يقلبي
إشربي حليييييب وخدي حديد وكالسيوم لتقوى العظام عنك وتعوضي إلي راح منك
الله يهون عليكي يااااااااااارب

رد: ولدت ومعاناتي مستمره ساعدوني الله يخليكم
 

الف الحمدلله على سلامتك ياقلبي انا بولادتي الاولى ماصارلي شي وكنت بخير واتحرك عادي بس بولدي لا والله مررة تعبت وعلى قولتك والله مااقدر حتى انسدح الا بمساعدة احد واتوقع انه من الطلق الصناعي لانهم اعطوني ابرة طلق وهي اللي تعبتني والا الحين اذا جلست كثير او وقفت كثير اموت من ضهري ربي يشفيك بس لا تهملي حالك

رد: ولدت ومعاناتي مستمره ساعدوني الله يخليكم
 

الحمدلله على سلامتك

الف مبرووووووووووك

رد: ولدت ومعاناتي مستمره ساعدوني الله يخليكم
 

الله يقومك بالسلآمه ....

رد: ولدت ومعاناتي مستمره ساعدوني الله يخليكم
 

هذامن الطلق الصناعى اهتمى باكلك وشرب الحار وسلامتك

رد: ولدت ومعاناتي مستمره ساعدوني الله يخليكم
 

حبيبتي انا مثلك بغيت اموت من الطلق الصناعي بس عليك بالماش في اكلك وان شاء الله بيخف المك كثير سلامتك