|
اصفرار العيون عند الأطفال؟؟؟؟
السلام عليكم حبايبي
الحمد لله الله سهلها علي وأنجبت طفلي حمودي من ست أيام تقريبا ولكني لاحظت اصفرار بياض العينين عند البيبي وديته المستشفى وقالولي أعرضه للشمس للأسبوع الجاي وإذا ماراح ارجع لهم وبها البرد وين أطلعه فديته !! اللي عندها معلومة عن الاصفرار تساعدني مع إني عندي بنتين ولا مرة صابهم وهل هو يؤثر عالبيبي أنا خوفوني بأشيا كثيرة وهل هو يعدي فعلا سامحوني ع كثر الأسئلة بس أول مرة يصير بواحد من عيالي وسامحوني عالإطالة:(( |
رد: اصفرار العيون عند الأطفال؟؟؟؟
لاتخافين ترى تصير احيان
طبيعي كلها ايام ويروح الاصفرار هاذا حسب اللي شفته مولود عندنا عيونه فيها اصفرار وراح |
رد: اصفرار العيون عند الأطفال؟؟؟؟
انا بنتي صار لها اصفرار بلعيون والجسم بعد ثاني يوم ولاده واخذتها للمستشفى وعملو لها تحليل دم لمعرفت نسبه البو صفار فيها وطلع نسبته مرتفعه 24 درجه وتنيمت 4 ايام فلمستشفى لانه خطر اذا مرتفع وتعرضت لاشعه فلمستشفى والحمد الله خف رابع يوم نزل الى 14 درجه وخرجوني المستشفى وهالحين الحمد الله ما فيها شي
انتي اخذيها للمستشفى واعملو لها تحليل دم اذا نسبته مرتفعه نيميها بلمستشفى واذا الا 14 عادي عرضيها لشمس وقت الغروب وصحيح هالحين برد متقدر لصغيره في اداوي شعبيه يستخدمونها للبو صفار زي ماء برضاعه وتضيفين له قليل كركم ذره وتشربينها اياه وهو مو معدي والله يشفيها |
رد: اصفرار العيون عند الأطفال؟؟؟؟
انا بنتي صار فيها جذي بس ما دخلتها مشفى ولا شي وهي باحسن حاااااااال
بس الله الله بالماي والشكر والضوء الابيض حطيها تحته |
رد: اصفرار العيون عند الأطفال؟؟؟؟
مايشوف شر حمودي
خذي سدر وحطيه بموية واغسليه كل يوم ... لين يروح طبعن سدر قليل مررره يعني مخفف بالمويه ... ومايشوف شر ان شاء الله ... |
رد: اصفرار العيون عند الأطفال؟؟؟؟
الله يخليكم لي خواتي حبايبي بسوي اللي قلتولي عليه ومشكورين الغوالي ^^
|
رد: اصفرار العيون عند الأطفال؟؟؟؟
خذي جلكوز من الصيدليه واعطيه كل يوم لمدة اربعه ايام على الاقل
واربطي فص ثوم بشاش وحطيه على طرف سريره من جهة راسه انا كان عند ولدي صفار وسويت اللي قلت لك والحمدلله راح دعواتك |
رد: اصفرار العيون عند الأطفال؟؟؟؟
اناجربت الجلكوزفي أولادي والحمد لله يخف منهم بسرعه
|
رد: اصفرار العيون عند الأطفال؟؟؟؟
زهرة البنفسج وهمس الزمان مشكورين حبايبي شربته الجلوكوز ومن كم يوم كمل ولدي الشهر والاصفرار موجود بس على طرف عيونه يعني راح ولا بعده !!
|
رد: اصفرار العيون عند الأطفال؟؟؟؟
راجعي ياعمري الدكتور عشان تتأكدي انه راح
بس والله جربي طريقة الثوم ماتندمي |
| الساعة الآن 08:45 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .