طمنوني عندي فوبيا من الولادة الطبيعية
 

يا بناااات تكفوون طمنوني
انا رح احكي تجربتي بالتفصيل الممل

قبل ٣ سنوات و٧ اشهر ولدت ابني بعملية قيصرية بطلب مني يعني بدون سبب طبي يستدعي ذلك
وبدون ما تلوموني بخبركم ليش
امي كان لها تجربة مؤلمة مع اختي في ولادتها الراس نزلت والممرضات ما كانوا حواليها فخافت عن تطيح وشدت بعضلات الرحم خلت عندها نقص اوكسجين وراحت حضانة اكثر من شهر ورنين مغناطيسي وصارلها حول وإعاقة للحين ف ايدها وزوجة خالي بعد ابنها يده صارت لها اعاقة بسبب الولادة الطبيعية
ادري انه مو شرط طبعا وان اللي ينزلوا سليمين اكثر بس كنت خايفه من خوفي اكرر نفس التجربه
المهم اني الحين في اواخر الثامن تقريبا والحين يخيروني بين الطبيعي والقيصري
يعني لفيت لفيت ورجعت لنفس النقطة بس هالمرة القرار اصعب من المرة الأولى
لأن الحين في جرح قيصري
مرات اقرر ولادة طبيغية واقول بطلب ابرة الظهر
ومرات اقول ليش يعني اخرب مكانين بجسمي

ومن يومين كانت الدكتورة تاخذ عينة من المهبل والله تشنجت واصكر رجولي وحالة ... اقول مادري كيف بولد طبيعي
حتى ب أول زواجي ظليت فترة انسة بسبب خوفي وتشنجاتي هههههه هههههه
احسن عندي فوبيا من التعامل مع هالمكان واحس ما رح اعرف اولد طبيعي

انصحوني يا بنات تكفون بمووووت من الحيرة خلاااص
ارجوكم تقدروا وضعي ترا والله ما دلع .. فعلا فعلا احس معي مشكلة نفسية

رد: طمنوني عندي فوبيا من الولادة الطبيعية
 

١٢ مشاهدة وولا رد ..

رد: طمنوني عندي فوبيا من الولادة الطبيعية
 

الكل عنده فوبيا من الولادة الطبيعية وهذا بالحمد لله كا مسلمات
لكن الحاجة تقضي بهذا الامر راح تحسي بالبداية صعب مثل كل الحريم
ولكن بعدين اذا جاء وقت الولادة راح تكون اخر شي تفكري فيه لان يهمك سلامة الجنين وسلامتك

رد: طمنوني عندي فوبيا من الولادة الطبيعية
 

بس اسمع ان في ناس ما يعرفوا يولدوا طبيعي والجنين يطلع لفوق مره ثانيه ويضطروا يتحولوا عملية

رد: طمنوني عندي فوبيا من الولادة الطبيعية
 

والله عني بقولك اولدي قيصري وريحي راسك..دامك جربتي قبل..صحبتي نفس حالتك والرحم يفتح عندها وكل شي بس جاها خوف من اول تجربه في ولاداتها..فتح الرحم والدكتور خسيس يبغى يكسب من وراها ضم رجلها وقلها لاتدفي عشان مصلحة النونو وولدها قيصري..وبعدها حابت ثلاثه تطلب قيصري..من الخوف من التجربه اللي صارت لها..وانتي استخيري ربك وربك يدلك على اللي يناسبك..

رد: طمنوني عندي فوبيا من الولادة الطبيعية
 

والله انا كل ساعة بحالة وللحين ما استقريت

رد: طمنوني عندي فوبيا من الولادة الطبيعية
 

من ناحية الولادة الطبيعية اذا جاء وقت الولادة وكان الجنين في العرض راح يلجؤون الى الولادة القيصرية
لكن اذا صار او أصبح الان بامكان تختارين الولادة اللي تناسبك هذا الشئ ثاني يدخل على راحتك

رد: طمنوني عندي فوبيا من الولادة الطبيعية
 

المستشفى تنتظر قراري يوم الاربعاء بعد بكرة
بس طبعا حتى لو اخترت طبيعي ووقتها صار اي سبب يستدعي عملية خلاص بدخل عمليات
عشان هالسبب افكر اقرر عملية من اولها بدال ما اجرب الالمين

رد: طمنوني عندي فوبيا من الولادة الطبيعية
 

للرفع والتفاعل

رد: طمنوني عندي فوبيا من الولادة الطبيعية
 

اولدي قيصري وخلاص دامك خايفة
بس الطبيعي اريح طبعا

الله يسهل عليك