|
نزول ماء في الشهر الثامن؟؟ ممكن مساعدة
اليوم الساعة 3 الصبح قمت من النوم شفت في بلل على ملابسي ونزل مني إفراز مثل الماي وانا متاكدة انه مب بول اعزكم الله ، جلست شوية وعقب وقفت نزل مني ماي على رجولي وقمت امشي سريع للحمام عند باب الحمام نزل ماي على الارض وانا انادي زوجي أقوله ان ماي البيبي نزل ، لو انه بول كنت اقدر أمسك عمري ولونه شفاف وريحته غير وعقب دخلت الحمام وسويت بول طبيعي ، لو انه مب ماي الجنين ما كنت بسوي بول مرة ثانية
المهم رحت المستشفى بعد ثلاث ساعات سولي الفحوصات والالتراساوند وتخطيط قالوا كل شي طبيعي احتمال كان بول وانتي ما حسيتي وانا أقول مستحييييييل . وطلبت الدكتورة ان أخذ إبرة الرئة احتياط بس انا ما خذيت قلتلها إنتي اتقولين كل شي طبيعي ليش أخذ الابرة وخلوني أوقع على ورقة أني ما خذيت الابرة منو مرت بهالشي او قراري صح أني ما خذيت الابرة؟ وهالماي اللي نزل شو كان ؟؟؟ |
رد: نزول ماء في الشهر الثامن؟؟ ممكن مساعدة
هلا حبيبتي حملي السابق صار معايا نفسك بالظبط
لين جريت ودخلت الحمام نزلت مويه عليا وكانت دافيه سبحان الله ورحت ع المستشفى وكشفوا عليا واعطوني طلق صناعي وولدت الحمدلله وانا كنت في اول يومين في التاسع وهذي مويه البيبي والله يسهلك ويقومك بالسلامه |
رد: نزول ماء في الشهر الثامن؟؟ ممكن مساعدة
طيب ليش مااخذتي الابره تراها ماتضرك في صالحك لو حصل ولاده مبكرا مكان حصل للبيبي شي بس الحين عليكي خطر لانك مااخذتي الابره الله يهديكي عشان كدا خلوكي توقعي وتتحملي المسؤوليه روحي خذي الابره افضلك مابقى شى على الولاده والله يقومك بسلامه
|
رد: نزول ماء في الشهر الثامن؟؟ ممكن مساعدة
كم لكي في الشهر الثامن
|
رد: نزول ماء في الشهر الثامن؟؟ ممكن مساعدة
انا كان ينزل مني مويه بس مو كثيره وماكانت مويه البيبي
قالت الدكتوره ذا التهاب الله يسهلك وتقومين بالسلامه |
رد: نزول ماء في الشهر الثامن؟؟ ممكن مساعدة
فعلاً بعض الأوقات المويا تكون بسبب التهابات روحي اتاكدي وخذي إبرة الرئة احتياط لو جتك ولاده مبكرة لاسمح الله مايكون في ضرر
والله يتمم لك ولي ولكل الحوامل على خير ويعطينا مانتمنى ويرزق المحرومات عاجلاً غير آجلاً يارب |
رد: نزول ماء في الشهر الثامن؟؟ ممكن مساعدة
كل حاجة في كفة ورفضك ل ابراه الرئة في كفة ثانية ،،،
ليش رفضتيها اذا مابتضرك والطبيبة نصحت لك لان احيانا يكون باالكيس الجنيني ثقب بسيط،، وتنزل منه الموية وتتعوض سبحان الله لكن ممكن بعد يكبر الثقب انصحك ارجعي خوذيها باقرب وقت . |
رد: نزول ماء في الشهر الثامن؟؟ ممكن مساعدة
اقتباس:
اقتباس:
اقتباس:
اول أسبوع من الثامن أسبوع 32 ويومين اقتباس:
اقتباس:
انا شاكة انه التهاب وحتى وهي تفحص اتقول في افرازات كثيرة لكن النتيجة ما في التهاب ؟؟!!! اقتباس:
|
رد: نزول ماء في الشهر الثامن؟؟ ممكن مساعدة
في شي ثاني ان بعد اللي صار أمس بدا معاي الم في الظهر وألم في البطن نفس الم الدورة لكن على اخف يعني محتمل ولكنه مستمر لين احين ، اعرف انه مب الم طلق
معقولة عندي التهاب بس ما يبين معاهم ولا هالشي عادي من الحمل |
رد: نزول ماء في الشهر الثامن؟؟ ممكن مساعدة
اخذي الابره احسن اذا ما نفعت تراها ما تضر
بالعكس تضمني لو حصلك شي جنينك بخير لان الولاده في الثامن خطره وما يعيش الجنين يقولون فعشان كذا اخذي الابره لو لا سمح الله ولدتي بالثامن يكون عادي الله يسهل عليك بوقتك |
| الساعة الآن 10:16 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .