|
لازلت عذراء بعد نصف عام من الزواج
بسم الله الرحمن الرحيم انا مازلت عذراء وارغب بالطلاق لان زوجي مااحس انه يحبني وهو يفضل اخواته علي ودائما يتهرب من البيت ومايرجع الا الساعه 4 الفجر زوجي يهملني قدام اخواته لدرجة لما يخرج يسال اخواته كلهم اذا يبغون شي وانا بالوسط جالسة مايعبرني وخواته كلهن متزوجات بس كل 3 ايام تسكن عندنا وحده بالاسابيع اذا مو بالاشهر ويغلطن علي دايم الا وحده حبيبه وطيبه وتستحي واخوه متزوج من ثلاث سنين ساكن هو وزوجته مايطبخون ببيتهم بدور لحال بس يجون ياكلون عندنا واذا حسبت حسابهم القاهم طالعين لمطعم او رايحين يتعشون عند اهله مره صلحت له ليلة رومانسية على اساس ابصلح بروده وقلت له وكل شوي يقول الحين اجي لكن ماجا الا يوم اذن الفجر وتهزأ بي وضحك علي وقال هههههههه ايوه يالرومانسية وراح لغرفة اخته يبي يعلمهم انه مخاصمني واخذ بطانية وراح نام بالملحق وصرخ علي ويتعامل معي بجفاء ويتكلم بالمغنيات ويمدح فيهن مره صلحت غدا ولاني ماكنت عارفه انه جاء ضيوف لانه خبر اخته وتركني اخذ الغداء وكبه على الارض لمجرد انه قليل يعني يكفي 4 اشخاص وهو عازم اثنين زياده يحاول يحقر بي واخته تهزأ بي وهو قاعد يضحك معه وسافر مع خواته وتركني انا اتمنى انجب اطفال واعيش حياة مستقرة انا كل يوم ابكي عند ابوي اريد الطلاق بس ابوي يهديني بس ماعرف كل شي وانه مايقربني وامي تخاف من لقب مطلقة وتقول اصبري انا انخدعت قالو لك بيت لحالك وطلع كل وحده من خواته حاجزه غرفه بالبيت ويكنون عندي بالشهور غير اخوانه وعيال اخته كل واحد معه مفتاح للبيت يدخلون بدون اذن زوجي عجزت اتفاهم معه مايسمعني ويفضل خواته علي ويحب عيالهن ويدخلهم غرفتي وزيادة على كذا اخته تتصل الساعة ثلاث اذا جا مبكر وتخربط من السوالف تبي تنكد علي ومايبي يطلعني ببيت او شقة لحال يقول هذ بيت ابوي اللي خسرت بتزيينه وليلة الدخلة حاول ماقدر نمنا وانا ماقدرت انام وسمعته يقول كش وجه انا مااقدر اطلب الطلاق للاسباب التالية: 1- لقب مطلقة من سيرغب بالزواج مني 2- عندي اختين سيئات ودائما يؤذوني اذا جيت زيارة لاهلي يؤذوني بالمشاكل والكلام الجارح واحيانا توصل للضرب وابوي عجز عنهن 3- الناس تشمت بي 4- ماكملت سنة وراح يطلعون علي حكي 7- مالي مكان ببيت ابوي لانه ضيق واول كنت بغرفة والحين صارت مخزن انا تعبانه نفسيا وودي اتطلق عشان ارتاح منه ومن خواته واهله واسلوبه الجاف وتعامله السيء ويرزقني الله بالزوج الصالح المتدين يارب ياقادر على كل شيء تفرج همي وتزيل الكابه والضيق من قلبي ياربي والله العظيم واقسم بالله العلي القدير افكر بالطلاق بس ضروفي صعبة ساعدوني |
رد: لازلت عذراء بعد نصف عام من الزواج
الله يعنيك الافضل احكي كل شي لابوك وهو يتصرف وهو يحاسب زوجك ويعرفة انه لازم يأدي واجباته تجاهك او يطلقك افضل ...الله يوفقك للخير يارب...
|
رد: لازلت عذراء بعد نصف عام من الزواج
يؤؤؤؤؤؤؤؤؤيؤؤؤؤؤؤؤؤؤؤؤؤ
ليش مادخل عليك نحن عندنا لازم باسبوع يكون الزوج جايب شرف البنت بمنديل يعطيه لابوها او امها ويقولها بيض الله وجهكم يعني اهلك ماسالوا عن هالشي يعني نحن لما تتاخر البنت كمان اسبوعين اوشي امها وابوها يقلقووووووووووا ويبدا الاب يسال الزوج عن المنديل غرررررريبة كلمي ابوك بصراحة اماااااااااااااااااا |
رد: لازلت عذراء بعد نصف عام من الزواج
علمي اهلك انه ماااااااادخل عليكي للحين لااازم يعرفون
هذا الشي مو هين قولي لهم انك عذرااااء وبعدين كيف حاول اول ليله وماقدر يعني هو في عجز جنسي لا سااامح الله يمكن مريض ويحس بنقص عشاان كذا يهينك خبري اهلك انك عذرااء للحين وروحي انتي واهلك لطبيبه تكشف عليكي وتعطيكي ورقه بانك مااازلتي عذراء |
رد: لازلت عذراء بعد نصف عام من الزواج
الله يعينج حبيبتي بصراحه زوجكي ناقص انا اول مرة اسمع عن زوج ما يدخل على زوجته في ليلة الدخله واذا ما كان نفس الليله على الاقل في اول اسبوع من الزواج
لكن اعتقد مثل ما قالت قطرات ندى بان عنده عجز جنسي او عنده علاقه ثانيه حبيبتي لا تسكتين عن حقج لازم لازم توقفينه عند حده ولازم اهلج يعرفون بالموضوع ولا تخافين من كلام الناس ابدا لانه محد بينفعج .. اهم شي حياتج والله يفكج منه يا رب... |
رد: لازلت عذراء بعد نصف عام من الزواج
أتوقع هااااااااد الشي مايرضي رب العالمين ولازم تحلو هاي المشكله الله يكون بعونك
حبيبتي السجود الدعاء هو الحل الوحيد الله يحميكي |
رد: لازلت عذراء بعد نصف عام من الزواج
لا يااختي لاتجلسين معه احكي لاابوك كل سوالف ولاتخجلين
وابوك اذا عرف انك عذراء للحين ماراح يسكت . |
رد: لازلت عذراء بعد نصف عام من الزواج
الله يسااعدج ياارب .........
اني مع البنات لازم اهلج يدرووون فيه.... الله يرزقج ان شاء الله االخير يااارب |
رد: لازلت عذراء بعد نصف عام من الزواج
أختي ابش منتظرة من هالشخص اللي ما يقدرك , واهله اللي ما يحترموكي
انا أنصحك تنفصلين عنه خصوصا انك لسة عذراء , ده من حسن حظك... ربي يوفقك اختي بالخير |
رد: لازلت عذراء بعد نصف عام من الزواج
الله يعينك ياختي ويفرج همك
|
| الساعة الآن 02:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .