|
حطو نفسكم مكاني وشورو علي
الله يسعد أوقاتكم بكل خير
بنات تكفون ابيكم تشورون علي وابي كل وحده تحط نفسها مكاني انا حامل ومن يومين دخلت العاشر وانا بكر ومثلكم عارف هموم البكر تفكير وهواجيس وشي مايعلم فيه إلا الله انا كان موعد ولادتي الأثنين 17 /11 وبما أن الولاده ماجتني بمشي على مواعيدي القديمه وبكرا الخميس عندي موعد وعلى كلام الدكتورة المره الأخيرة لو ماولدت الأثنين بتعطيني مهله للأثنين اللي بعده وبتعطيني طلق صناعي وانتم أدرى فيه وانا والله بيني وبين نفسي حاسه ان الطلق الصناعي فيني فيني وان الولاده ماهي يمي أبد ولاحسيت بعلاماتها خير شر عشان كذا أفكر أخليها بكرا تكشف علي يمكن ينفتح الرحم وتعطيني هالطلق وأخلص من هالهم وأولد وارتاح قبل الأثنين الجاي أنتم وش رايكم ؟؟؟ وعلى فكرة طلبت مني أسوي أشعه مع اني اول التاسع سويتها ويوم سألتها ليه قالت بس عشان نشوف وزن الجنين ومويته مدري حسيت ان كلامها مو مقنع مره وامي تقول لاتسوينها يلعبون عليك لأني بخاص ابي مشورتكم بكل شي ورجااااااااااااااء لاحد يقول امشي ولااشربي لأني مستحيل اسوي شي اعرف نفسي والله يجزاكم كل خير |
رد: حطو نفسكم مكاني وشورو علي
والله ما عندي خبره انا مثلك بكرية
بس برفع الموضوع الله يسهل عليك وعلي ويقومنا بالسلامة |
رد: حطو نفسكم مكاني وشورو علي
شوفي يا اختي انا ولدت من اسبوع وكنت بكريه مثلك
لازم تسوين الاشعه الاتراساوند عشان يشوفون موية الجنين اذا مو ناقصه يتطمنون ويعطونك مهله وكمان لازم تسوي تخطيط لنبضات الجنين اذا كانت سليمه كمان يعطونك مهله الين تجيك الولاده من ربنا يعني تأكدي لو كل شي سليم اصبررررري واقرأي قصتي يمكن تستفيدي |
رد: حطو نفسكم مكاني وشورو علي
ليش حبيبتي ماتساوي شي لازم تمشي وتجهزي نفسك للولاده
تانيا .. وضعك طبيعي ... ومافي شي يخوف كل مشكلتك مو قادره تتحملي لأخر الأسبوع الجاي يحبيتي توكلي عالله وتركيها عالبركه وبعدين لازم تمشي وتشربي سوائل وأعشاب وكمان الزنجبيل ترا الزنجبيل مخلاني أتعب ولاحسيت بالولاده الحمدالله والله هشربو بهدا الحمل من ال8 لحتى أرتاح والبكريه يحبيبتي لازم تكمل شهرها وتاخد منو أسبوعين زياده والله مافي شي يخليكي تستعجلي خلي الطلق طبيعي والله يهون عليكي وأقرأي قرأن والله يقومك بالسلامه ويحميكي حبيبتي الله يهنيكي بشوفت البيبي |
رد: حطو نفسكم مكاني وشورو علي
هلا أختي تولدي بالسلامه
ان شاء الله الله اللي كاتبه بيصير نصيحه لاتستعجلي ع نفسك واذا طاف الموعد عادي انا كان عطتني مهله للخميس اذا ماولدت يعطون طلق صناعي ولاكان عندي طلق ولاشي فجاه بدأ معي صباح الثلاثاء وسبحان صباح الاربعاء ولدت بدون صناعي ماشاء الله وبفضل ربي جبت بنوته قمر يعني ولدت بأخر مهله والاشعه اكيد قلبو انتي طوفيت لازم تشوفي مويه الجنين وتطمني ماله داخل خاص او غير خاص اذا طوفتي لازم تروحي تطمني دايم عشان مايصير شي فالبيبي ان شاء الله اتمنى لج ولاده ميسره يارب وموفقــهـ ^__^ |
رد: حطو نفسكم مكاني وشورو علي
الله يقومك بالسلامه ان شاءالله ويهون عليك عزيزتي
بس لازم تمشين عشان ينزل راس الجنين فالحوض ويثبت لوقت الولاده مالازم تهملي نفسك وروحي سوي الاشعه نصيحه لوجه الله انا سويت زيك وبغيت اقضي علئ بنتي لولا لطف الله لاني ماسويتها لما طوفت التاسع ورحت وانا لي12يومفالعاشر وكانت المويه ناشفه وعلئ طول اعطتني طلق صناعي لان مايجيني طلق طبيعي والحمدالله ربي نجالي بنتي نصيحه اهتمي بنفسك والبيبي |
رد: حطو نفسكم مكاني وشورو علي
^_^
مو لازم تطلعين بره وتمشين امشي بصاله على خفيف على مهلك رايحه راجعه بس أكلي تمر اذا ماتحبين اعمليه مثل الكوره واكليه وربي لذيذ الجماع مع الزوج يسهل الولاده ايضاً يساعد على فتح الرحم ترى انا بكريه بس هذا اللي قالوه لي اياه وإن شاء الله ربي يسهل ولادتك وتحلي بالصبر لاتقولين مااقدر ولا بسوي لا قولي بوكل امري لرب العباد ترى الطفل نعمه للأبوين تذكري اللي محرومين من نعمة طفل يضحك بوسط البيت ^_^ |
رد: حطو نفسكم مكاني وشورو علي
حبيبتي انت اعملي كلشي بتحكيلك عنو الدكتورة يا عمري
ولا تتسرعي لانو الطلق الاصطناعي بوجع ومتعب وان شاء الله ربنا يكتبلك الولادة الطبيعية بدون طلق اصطناعي يا عمري |
رد: حطو نفسكم مكاني وشورو علي
الله يجزاكم خير ويسعدكم دنيا وآخره ويهون عليكم ويسهل أموركم يارب
بصراحه ماقصرتو الله يعطيكم العافيه وابشركم سمعت كلامكم ورحت لدكتورة وماخليتها تكشف علي مع انها حاولت وترجتني بس ماوافقت وسويت الأشعه والحمدلله كل شي تمام وعطتني موعد الأثنين الجاي لطلق الصناعي hwaml93 الساعه 3 العصر لاتنسون بهالوقت تدعون لي أن الله ييسرها ويهونها علي وأقوم بالسلامه انا والبيبي وانا كلي امل بالله اني أولد قبل الأثنين بطلق طبيعي تكفون ادعو لي اليوم الجمعه وكل الشكر لكم مره ثانيه |
رد: حطو نفسكم مكاني وشورو علي
ما عندي خبره انا مثلك بكرية
بس برفع الموضوع ربي يسهل ولادتك يا ررررررررب |
| الساعة الآن 06:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .