|
في بداية السادس وخايفه من الضغط
السلام عليكم عزيزاتي
كنت معاكم فالمنتدى بس اذا تذكروني فطووومه بس للاسف ناسيه الايميل والباسورد ف اطريت اسجل من جديدhwaml02 بقول لكم سالفتي باختصار هذا ثاني حمل لي ويارب يكمل على خير وسهالات المشكله بحملي الاول ارتفع عندي الضغط ع الشهر التاسع وولدتني الدكتوره بطلق صناعي بس للاسف الرحم ماتبطل غير 4 سانتي من بعد المعاناه ف ستسلمت للامر الواقع ووافقت على العمليه القيصريه وقالت لي الدكتوره اذا حبيت اولد طبيعي المره الثانيه لازم انطر ع الاقل سنه ونص والحمدلله نطرت من بعد سنه ونص والحين حامل بس المشكله دكتورتي خلاص سافرت ورحت دكتوره ثانيه بس المشكله انها ماحس تشجعتي ع الطبيعي وبصراحه خوفتني يوم قلت لها ابي اربي طبيعي قالت يمكن خطر عليج لان لازم اكمل التاسع ويحيني طلق طبيعي ومستحيل تعطيني طلق صناعي لان هطر ع الرحم بصراحه حبطتني وريلي قال لاتحاتين انشاءالله بتكلمين التاسع وبيجيج الطلق نسيت السالفه وتفالت خير وصلت الهامس ونص الخامس كان لي موعد معاها وقالت لي ضغطي مرتفع شوي وكان 70/140 تحطمت وتذكرت معاناتي ف حملي الاول والحين يوصل ضغطي من 70-80 ومن 115-136ومرات يكون 140 بس اللي تحت مالاحظت عليه ارتفاع بس اللي فوق .. تهقون راح يرتفع ضغطي قبل ولادتي وماراح اول طبيعي؟ والله ماعرف شالحل وايد احاتي وافكر وفي شي ثاني احاتيه لو بولد طبيعي صج راح يكون في خطر على رحم لان ولدت قيصري؟ سمعت عن انفجار الرحم وبعد احاتي هالشي ماعرف ايش احاتي وايش مااحاتي :( طمنوني اذا وحده مثل حالتي |
رد: في بداية السادس وخايفه من الضغط
ولااا رد :(
|
رد: في بداية السادس وخايفه من الضغط
انتي وكلي أمرك إلى الله
أهم شي انك تقومي بالسلامه انتي والبيبي سواء قيصري ولا طبيعي فكري بتمام الصحه والعافيه والله يعطيك الي تبغيه |
رد: في بداية السادس وخايفه من الضغط
ابتعدي عن الملح اهم شي والدهن
الله يقومك بالسلامه يارب ويتمملك ع خيرر |
رد: في بداية السادس وخايفه من الضغط
توكلي عل الله وتفائلي فيه خيير
وشوفي ضغظك يتفع من ايش وحاولي تبتعدي عنه وان شاءالله تكملي التاسع وتولدي طبيعي وتقومي بالسلامة انتي والنونو ياااارب موفقه ان شاءالله |
رد: في بداية السادس وخايفه من الضغط
هلا وغلا
انا نفس مشكلتك أختي بس ف الحمل الاول ارتفع عندي الضغط ولدت بالشهر الثامن بطلق صناعي جبت ولد ربي يبارك فيه عمره سنه ونص والحين حامل في الشهر السادس بس الضغط وايد يرتفع عندي اليوم واصل 175/98 وان شاء الله بنربي طبيعي انتي توكلي ع الله وتركي عنج التفكير وربي يسهل أمورنا |
رد: في بداية السادس وخايفه من الضغط
توكلي عالله
هو صعب القرار..حاولي تستشيري اكثر من دكتوره. هو ممكن ما تقرري هلا شوفي حالك رح يصير مع طلق وتوسع ولا لا. اذا امورك تمام ممكن تولدي طبيعي....حاولي تقرأي مواضيع عن الاشياء اللي بتساعد عالولاده الطبيعيه.. وغالبا بدها صبر ووقت..يعني اذا عندك طلق بطئ ما رح يصير توسع بسرعه وولادتك بتاخذ وقت.. المشكله في المستشفى ما بصبروا وانتي اكيد بتكوني طول الوقت عظهرك.. بالنسبه للضغط حاولي تنتبهي لاكلك..وتراقبي ضغطك حتى ما يصير مضاعفات. الله يسرلك اللي بتتمنيه |
رد: في بداية السادس وخايفه من الضغط
الله يسهلك يارب
ويتمملك ع خير اهم شيء تبتعدي ابتعاد كلي عن الموالح بأنواعها ولااازم تشوفي الضغط باستمرار عالأقل مرة أسوعيااً عشان تحافظي عليه معتدل وتاخذي حذرك اهم شيء بالضغط المتابعه وان شاء الله تولدي طبيعي وتبشرينااا |
رد: في بداية السادس وخايفه من الضغط
مشكووورين خواتي على ردودكم ماقصرتوا
|
رد: في بداية السادس وخايفه من الضغط
هلا وغلا فطوم سميتي ^_^
لاتحاتين ولا شي توكلي على الله واكثري من الدعاء والاستغفار وحاولي تبتعدين عن كل شي يرفع الضغط واخيرا تصدقي بنية ان تلدين ولادة طبيعية قال رسول الله صل الله عليه وآله وسلم((داوو مرضاكم بالصدقة)) وفقك الله ويسر امرك |
| الساعة الآن 06:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .