السلام عليكم
انا عضوه جديدة اقبلوني أخت لكم
حبيت اشارككم بتجربتي الأولى بالتلقيح المجهري يمكن احد يستفيد مني
او احد يتجنب اخطائي.
بالبدايه بتكلم عن وضعي انا عندي التصاقات شديدة بالحوض وكيس درمويد على المبيض وهو عبارة عن كيس فيه عظم وشعر وسوائل ويعتبرونه ورم حميد. صار لي خمس سنين متزوجه
وحملت مره وحده بعد ماتعالجت عند ام انور بالحفر ولكن كان خارج الرحم على الرغم ان خالتي تعالجت عندها وحملت طبيعي. المهم الدكاتره قررو يعطوني كيماوي علشان ينزلونه ورفضت وقريت على نفسي وشربت عنزروت ونزل الحمدلله.
المهم تعالجت بكل مكان تمريخ اطباء علاج شعبي كل شي سويته
اخر شي قال لي الدكتور ماينقع لحالتك الا حقن مجهري واستخرت ربي ورحت مركز بنون
وبدأو يعطوني ابر التنشيط وسبحان الله ماصار عندي الا بويضه واحده بس لكن تفائلت وقلت عسى ربي يطرح فيها البركة وسحبوها مني ولقحوها وشطب جدارها بالليزر ورجعوها لي ونمت على ظهري ساعتين بس وبعدها صرت اتحرك بالبيت بس على خفيف وباليوم الثالث نكد علي زوجي الله يسامحه وقعدت ابكي قهههر وصارت نفسيتي زفت وبعدها بيومين صار وضعي احسن وحاولت اشغل نفسي وفي اليوم الثامن تروشت وكنت طول الفتره مداومه على سورة البقرة وآيات التثبيت ومحافظه عالأذكار وقاعده اكل صحي.
وفي اليوم الثاني عشر بعد الترجيع نزل معي دم وردي فاتح وخفت كلمت المنسقه قالت تعالي نسوي لك تحليل ورحت عملت التحليل اليوم وكان الهرمون اقل من 5 يعني مافي حمل صدددددمه لكن الحمدلله على كل حال الله يعوضني خير منه يارب ويأجرني على التعب اللي تعبته.
كتبت هالتجربه يمكن افيد احد بشي
ولاتنسووووني من دعواتكم

المشاركة الأصلية كتبت بواسطة برحمتك ربي (المشاركة 3916992) ياقلبي انتي الله يعوضك ويفرحك بالي يسرك جبيبتي داومي على القصد الهندي الاسمر وبتشوفي العجب

المشاركة الأصلية كتبت بواسطة مسرة الخالدي (المشاركة 3917052) لا حول ولا قوة الا بالله عسى ان تكرهوا شيئا وهو خير لكم ان شاء الله مأجورة على تعبك وصبرك مايضيع عند رب العالمين ويارب يرزقك الذرية الصالحة عاجلا غير آجل مع كل المنتظرات والله يسامح زوجك المفروض يوكف معاك ويساعدك بهيك ظروف مو يتهاوش معاك ...الخيرة فيما إختاره الله لاتيأسي حبيبتي ويارب يرزقك من اوسع ابوابه ومايحرمك من نعمة الامومة

المشاركة الأصلية كتبت بواسطة jojo 123456 (المشاركة 3917246) الله يعوضك عن صبرك وتعبك ياااارب ويفرح قلبك في القريب العاااااااجل

المشاركة الأصلية كتبت بواسطة راسيل (المشاركة 3917356) ياقلبي اصبري واحتسبي وربي يعوضك خير وكله بأجره ومافي شيء يضيع عند ارحم الراحمين ومتى ماكتب لكي ربي الحمل بتحملين سواء طبيعي واللا حقن مجهري توكلي على الله واصبري وصبري نفسك صدقيني مجربه وضعك وحاسه فيك بس هذا امر الله وقضاءه وقدره وله حكمه في ذلك لا نعلمها والحمدلله في امل بحالتك افضل من اللي ماعندها امل تحمل ربي يعوضك خير ويرزقك من الذريه الصالحه قد ماتتمني يااااارب واذا على زوجك الرجال اغلبهم كذا مايحسون بمعاناتنا هم بس يسلمون العينه وخلاص واحنا ناخذ في الابر والمنشطات والادويه ونتعب انفسنا جسدياً ومعنوياً .. تخيلي انا في تجربتي الثالثه ماعصب علي وبس لا ضربني على بطني كمان جلست كم يوم اتألم وعلى سبب تافه المشكله. ��