منتديات حوامل النسائية - قصه حملي الجزء الثاني

مراحب يابنات
بكمل لكم قصه حملي

فتره الحمل

كانت صعبه شوي في اول 3 اشهر وتعرفو مع الغثيان واللوعه بس الحمدلله عدت
وارتحت فالشهر الرابع والخامس والسادس وكنت احاتي البيبي كثير واحاسب علئ ايش مفروض اكل وايش المفروض اسوي
ف الشهر السابع صارتلي حكه فرجولي ويديني وتمت فتره وماعرفت وش اسوي بس بعد فتره راحت وكانت امي الله يعطيها العافيه تبخرني بحطب الساج احيانا واحيانا بالحبه السوداء مادري هل همه السبب الي خلئ الحكه تروح او لا بس المهم راحت
صارتلي تشققات كثيره فبطني وبدت الخطوط السودا تطلع تعبتني وما كنت ارتاح الا ادهن كريم زبده الكاكو بالمرز او زيت جونسون
طولت بالتاسع ودخلت ع الاسبوع ال 41 ونفسيتي وايد تعبت باخر فتره
مشيت بس بدون فايده
وكان مفروض اروح المستشفئ لاني عديت الموعد وعطوني موعد بعد كم يوم
وقبلها جاتني الالم وبما انه اول بيبي فما كنت اعرف ايش اسوي
كنت اسمع انه لما تجي الالم ورا بعض يعني خلاص وقت اروح المستشفئ وكانت تجيني كل 3 دقايق ورحت المستشفئ وكنت متخوفه كثير وطلع الرحم مفتوح بس اثنين سانتي وانا كانت الالم فيني من 10 ساعات
سولي فحوصات وما خلوني اطلع لانه نبض البيبي كان ينزل كل ما تجيني انقباضات
وخلوني 16 ساعه وبعدها فحصوني كان مفتوح 3 سانتي بس للاسف وفتحولي الماي عشان يسرعو ودخلوني غرفه الولاده وكنت خايفه كثير وضربوني ابره تخفف الالم بس خلتني اتخدر وما حس بكل شي حولي
وكان يقسو الرحم كم مفتوح بين فتره والثانيه
وبعد اكثر من 6 ساعات بديت ادفع كل ما جاتني الالم ونبض طفلي كان ينزل وخفوني وقالو بيسولي عمليه وانا كنت ميته تعب وبعد فتره ومعاناه ولدت وكانت الحبل ملفوف علئ رقبه البيبي وخفت عليه كثير بس الحمدلله صار زين وحطوه علئ صدري وبعدها ما فقت الا علئ الم الخياطه
القص ماحسيت فيه لانه ضربوني ابره وكان ففتره الم الولاده
حسيت بالم الخياطه شوي وكنت تعبانه كثير

هذا الي صارلي وبكمل القصه بوقت ثاني
والي عندها اي استفسار تسالني وانا مستعده اساعد بلي اقدر عليه