|
متى يبدأ سقوط الخيوط بعد الولادة ؟!!
بسم الله الرحمن الرحيم
كيف حالكم اخواتي ... عندي استفسار بسيط واريد منكم الإفادة انا ولله الحمد ولدت يوم السبت يعني لي الحين 5 أيام تقريبا .. ولأنه اول ولادة ما اعرف شي عن الخياط بس الحمدلله مهتمه بأكلي ومهتمه بنظافة المنطقة واتنقع بماء دافئ عشان تتنظف المنطقة كنت احط ملح بس قالو لي يطيح الخيوط والجرح ما التأم وخلاص وقفته بس مرتين تقريبا سويته المهم امس كانت فيني حكة مكان الخياط مع العلم الخيوط يمكن 5 او 6 غرز اخاف المسهم حتى يوم تجي يدي عليها يقشعر جسمي المسهم ع خفيف على كل حال امس كانت فيني حكة واليوم حسيت بحرارة مكان الخيوط واذا جلست احسه مشدوووود ودخلت الحمام الله يكرمكم لقيت اول خيط نزل حتى يوم نزل ارتتتتحت من الحكة والحرارة طيب قرأت بالنت انه اقل شي المفروض اسبوع تبدأ تسقط لمست المنطقة لقيتها لسا فيها خيوط.وغرز اخاف اكون سويت شي غلط بنفسي سألت اختي الكبيرة قالت لي انها في بنتها الأخيرة طاح اول خيط ثاني يوم بس اختي ماشاءالله مو اول ولادة علموني عادي سقوط اول خيط قبل ما اكمل اسبوع ؟ يوم الأحد عندي مراجعه عشان تشوف لي الخيوط بس الحين اخاف يطيح اللي بعده وانا ماكملت اسبوع |
رد: متى يبدأ سقوط الخيوط بعد الولادة ؟!!
لو سمحتو الموضوع مهم بالنسلة لي
إذا عندكم معلومه لاتبخلون ادري اللي دخلو وقرأو وطلعو شايفينه مو مهم بس انا مانزلت موضوع عشان تطنشون الله يسعدكم لاتخلوني اندم |
رد: متى يبدأ سقوط الخيوط بعد الولادة ؟!!
انا لي 15 يوم والده تقريبا ..
و الخياطه تعووووووورني و احس مشدوده .. و مب اول بيبي مشاء الله الرابع .. ف اقول لج تنقعي بماي دافي و ملح .. او فوحي زعتر عادي كانج تشربينه و خليه شوي يبرد و تنقعي فيه .. و مره و ماي دافي .. المره ممكن تحرقج .. لآن المره تالم الجرح .. و تنقعي ع الاقل 4 ايام بالاسبوع .. و لمده ربع ساعه ع الاقل .. و جففي المنطقه و استخدمي كريم ميبووو .. كل ماتدخلين الحمام جففي المنطقه و ادهنيها بميبوو .. |
رد: متى يبدأ سقوط الخيوط بعد الولادة ؟!!
ألف حمد لله على سلامتك يا سكر
فرحتلك ياعمرى انك ولدتى بالسلامة ان شاء الله انك استوعبتى الطلق وخاصتا" انها اول مرة شوفى انتى لازم تحافظى عالمنطقة دايما جافة من الماء يعنى بعد ما تغتسلين تجففينها من بعيد بأستشوار بهواء دافئ ماهو بالهواء للبارد أبدا ومرهم مضاد حيوى تقريبا بيصرفونه بالمستشفى تمسحين بأصبعك عالجرح عخفيف وعالخيوط انا اسوى كده تختفى الخكة والشد ويختفى الام. ان شاء الله وبالنسبة للخيط..عادى يطيح من خامس يوم وكل يومين يطيح خيط لا تخافى معاكى لثثلاث اسابيع لين يطيب الجرح انا جهزت بأغراضى كريم ميبو...بس اكتشفت ان مرهم المضاد افضل من ميبو..وخصوصا انى تورم عندى مكان الخياطة بعد اربع ساعات وانا لسه بالمستشفىوانتفخ!!! وبالنسبة للماء بملح..لا تكثرى ابدا الملح..ذرة ملح فقط لانه حامى عالجلد واوقات..لو حسيت بشد عالجرح بعد دهان المرهم امسح بعد بزيت الزيتون او السمسيم عليه بترتاحين ودعواتك لى بالشفا من الخيااطة لان الدكتور غشيم وسوالى شق كبير على باله البيبى كبير وانتفخ منه الجرح بعد ساعات من خياطة !! |
رد: متى يبدأ سقوط الخيوط بعد الولادة ؟!!
هلا حبيباتي
إيوة استخدم كريم انا مريح بس لو راح مفعوله تجي الحرارة والحكة ان شاءالله راح ارجع للموية والملح لأنها جد كانت تريحني ام فيصل .. ال له يبارك فيك ياعمري بالنسبة للطلق انا جاني طلق بالحمل الأول لأنها ولادة مبكرة مو اسقاط والحمدلله هذا ماتعبت بالطلق الأول طلقت يوم كامل هذا ربي لك الحمد ميسر ومسهل من دعوات البنات بعد الله ربي لك الحمد ان شاءالله بعد المراجعة راح استخدم ميبو الحين استخدم كريم اتوديرم ومرتاحة عليه مشكورات لأن فيه احد عبر الموضوع والله يسامح كل من دخلت وطلعت |
رد: متى يبدأ سقوط الخيوط بعد الولادة ؟!!
صح نسيت نا اقول
الولادة الاولى ما وسعوني عشان كذا ماخيطوني هذا الغرز كثيرة مو عارفة متى تطيح ابي الجرح يلتأم واقدر اقوم بالبيبي |
رد: متى يبدأ سقوط الخيوط بعد الولادة ؟!!
سكر انا في كل ولاداتي اتبع نصيحة الدكتور الاستشاري اللي ولدني اول مرة قال لي افضل شيء يطيب الجرح بسرعة ويمنع الالتهابات هو غسول الماء والملح شوفي المقدار المظبوط عشان ما يكون الملح كثير ويتعبك ملعقة اكل على كل لتر ماء وغسلي فيه مرتين باليوم وعادي الخيوط تطيح خلال عشرة الى 15 يوم لا تقلقي
|
رد: متى يبدأ سقوط الخيوط بعد الولادة ؟!!
حبيبتي ام مريم ورحمة
طيب انتي تتشطفي او تتنقعي ؟؟ لأن يوم كنت اتنقع كنت ارتاح حتى احس الجرح يتبنج ان شاءالله من اليوم بما انه مر اسبوع راح ارجع للموية والملح |
رد: متى يبدأ سقوط الخيوط بعد الولادة ؟!!
سكر
الف الف مبروك و الحمدلله على سلامتك يا قلبي انا والله زيك لسه اعاني من الخياطة صارلي دحين اسبوعين و الحمدلله الخياطة اللي من برا انفكت و باقي اللي من جوا دكتورتي اعطتني ملح و شي زي الحوض، اعبيه موية دافية و احط فيه الملح و اتنقع فيه 10 دقايق و الحكة اعرف انها تحصل عشان الجرح بيلتأم فـ لا تخافي و طمنينا ايش تقلك الدكتورة |
رد: متى يبدأ سقوط الخيوط بعد الولادة ؟!!
اهلين سكر حبيبتي الدكتوره ماكتبت لك مسكن ومضاد حيوي وفيتامين ومرهم للجرح هذي اشياء مهمه كثير تاخذيها لين يطيح كل الخيوط وتتعافي تماماً
والخيوط ياقلبي اذا مسويه تجميلي تطيح بدري وتشفي بدري اذا انتي مهتمه بيها يعني اتنقعي بماء دافي واشطفي بيه دايم ابداً لاتستخدمي الماء البارد واستخدمي غسول بيتاديين خففيه بماء دافي واشطفي فيه معقم ومطهر فضيع وغيري الفوط باستمرار يعني كل نص ساعه حتى لو مااتسخت اهم شي تكوني جافه انا استخدمت الطريقه هذي والحمدلله شفت نتايج رايعه وراح يخف عليكي كل شي بتحسي فيه ودعواتك ليه بولاده سهله وميسره |
| الساعة الآن 06:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .