منتديات حوامل النسائية - التلقيح المجهري و فرط التنشيط

منتديات حوامل النسائية (https://naqatube.com/index.php)

- منتدى أطفال الأنابيب (https://naqatube.com/forumdisplay.php?f=21)

- - التلقيح المجهري و فرط التنشيط (https://naqatube.com/showthread.php?t=288552)

التلقيح المجهري و فرط التنشيط

بسم الله الرحمن الرحيم

انا عمري 24 سنه متزوجه من اربع سنوات و حملت وما اكتمل حملي نزل بالثالث

وما حملت بعدها ما خليت ولا شي ما استخدمته عسل وقسط هندي و كل شي

وما ربي كتب حمل وفي يوم رحنا انا وزوجي للدكتوره وشرحنا لها الموضوع

وطلع المشكله في موت الحيوانات عند زوجي وكان عددها 4 مليون بس

استمر زوجي عالعلاج سته شهور والحمدلله زاد العدد بس بنسبه غير كافيه للحمل

رحت للدكتوره بوقت الدكتوره بوقت الدوره وقلنا نبي نجرب تلقيح صناعي

قالت فرصة الحمل 10٪ وممكن يصير وممكن ما يصير توكلنا على الله وسوينا التلقيح

عطتني كلوميد حبتين باليوم لمحدة خمس ايام وابر يوميا لمده عشره ايام

وطلع بويضتين وحده مقاسها 18 ووحده 20 بعدها عطتني ابره تفجيريه وثاني يوم كانت العمليه

خذت العينه من زوجي بدون تنظيف وحقنتها زي ما هيه وعطتني دوفاستون حبتين باليوم صباح ومسا

وقالت لو نزلت الدوره اوقفها و بعد كم يوم بدا بطني يكبر وصار يعورني مره وما اتحمل اي دقه

وما اقدر انام من الالم رحت لها قالت فرط التنشيط لو جاتك الدوره بيروح كل الالم

لان المبايض جدا كبيره وبتتجمع السوائل بالبطن بعد اسبوعين كان موعدي قبله بيوم جربت التحليل المنزلي

طلع خط خفيف و ما تحمست عشان ما افرح عالفاضي

وبعدها رحت للدكتوره وعملت تحليل وطلع حمل اللهم لك الحمد لكن المشكله في فرط التنشيط

بيجلس الالم وتجمع السوائل مستمر للشهر الثالث من الحمل

ما اقدر انام واذا نمت انام وانا جالسه ولازم اشرب لترين مويه باليوم عشان احافظ عالمويه ما تزيد في بطني

وبكره ان شاء الله بروح لها يمكن تعمل لي سحب سوائل

اللهم لك الحمد تحققت امنيتي بالحمل بس مدري ايش الحل مع هالالم

وقدرة الله فوق كل شي له الحمد والشكر

حبيت افيدكم بتجربتي و بعد كم يوم بتاكد اذا الحمل سليم او ضعيف او ايش وضعه بس ادعوا لي الله يرزق كل من تتمنى واشوفكم كلكم حوامل يارب