اللي قد حملت ومو بكريه تدخل ضروري
 

سلام عليكم

مساء الخير بنات كيفكم

بستفسر انا ب الشهر الرابع
وبكريه
وش الاعراض اللي احس بها ف الرابع
لاني ما احس بشي
ولا احس بحركه جنين ولا شي


ي ليت تفيدونا ي بنات اللي قد جربوا

رد: اللي قد حملت ومو بكريه تدخل ضروري
 

هلا بك
مع اني ماجربت الحمل بس سمعت هالمعلومه
انه الحمل من وحده لوحده غير ومو شرط تحسين بالرابع
يمكن بالخامس ولاتخافي
انا امي تحس من اول ماتحمل بدون حتى تاخر الدوره انها حامل
وخالتي ماتحس بحركه الجنين الا في الخامس
اتمنى افدتك بشي :)
والله يتمم حملك ع خير وتفرحين بشوفته بحضنك

رد: اللي قد حملت ومو بكريه تدخل ضروري
 

حبيبيتي لا تخفين مع انك ماطلبتي البكريات الا اني دخلت ههههههه

المهم الفيديو اللي نزلته في حوامل ثلاثة شهور الاولى

لمن شفته تقول بالرابع ماتحس الام بحركة جنينه ابد لانه صغير ويتحرك بدون ماتحسين
بس حركاته معدوده وخفيفه
بالخامس تحسي شوي من الحركات ومو بشكل مستمر


دعواتك لي الله يثبت حملي


واتمنى البنات يساعدونك اكثرر

رد: اللي قد حملت ومو بكريه تدخل ضروري
 

عادي انا بحملي الاول ماحسيت به الا بالشهر الخامس

رد: اللي قد حملت ومو بكريه تدخل ضروري
 

حبيبتي لاتخافي
في حريم بيحسوا بالرابع وفي حريم بالخامس تطمني اهم شيء انك تشوفيه بيتحرك بالسونار. الله يحفظك ويثبت حملك وحملي وحمل الجميع يارب

رد: اللي قد حملت ومو بكريه تدخل ضروري
 

عادي البكريات مايحسون فيه بسرعة
نفس اللي جربو الحمل والولادة

هو يتحرك بس للحين مو كبير عشان تحسي بحركته

رد: اللي قد حملت ومو بكريه تدخل ضروري
 

حبيبتي اللةيتمم لك على خير هو يتحرك فالرابع بس ماتحسين فيةابد لان حركتة ماتلاحظينة ويكون زي حركة الغازات فالبطن الين الخامس يدوب تلاحظينة..

رد: اللي قد حملت ومو بكريه تدخل ضروري
 

يا عزيزتي اولا الف مبروك عديتي اول ثلث من الحمل و اللي هو اصعب ثلث بسلام من الشهر الرابع في الأغلب المرأة الحامل تعيش احلى فترة بالحمل بعيدا عن الغثيان و الوحام و خوف الإجهاض اللي يحصل بالثلث الأول و عن الثقل وخوف الولادة المبكرة اللي يحصل في الثلث الأخير راح تلاحظين شوي شوي تحسن بوضعك النفسي و بنشاط أكثر اهتمي بحالك و انبسطي خلال هالفترة
و بالنسبة للحركة لا تخافي و لا تقلقي ان شا الله خير بالعادة البكر ما تحس بالحركة بسرعة وثانيا الوقت يفرق من وحدة لوحدة يعني في ناس تحس بنهاية الثالث وناس بالرابع و ناس بالخامس ما في شي يخوف بالموضوع دام كل تحاليلك و السونار تمام
ربي يتمم لك و يرزقك ما تتمنين و قر عينك بشوفة طفلك سليم وتام الخلقة
تحياتي لك

رد: اللي قد حملت ومو بكريه تدخل ضروري
 

حبيبتي عادي اعرف وحده ف الخامس حست وحده ثانيه وصلت لين الثامن وهو مايتحرك لين ماتضرب بطنها ع الخفيف عشان يتحرك والحين كسلااان هههههه عمره ٤ سنوات ونص

رد: اللي قد حملت ومو بكريه تدخل ضروري
 

الله يسعدكم كلكم ويبشركم بما تحبون
.... الله يرزق كل محرومه ....
... الله يتمم على كل حامل ي كريم ...