|
افكر بالطلاق انصحوني....!!؟؟
تكفون انصحوني قبل مااندم ع الي بسويه انا متزوجه من سنه ونص
وعندي ولد الله يحفظه لي اول حياتي كنت مبسوطه وماحس بملل بعد ماحملت وصرت بالشهور الثلاث اﻷولي بدت المشاكل بيني انا وزوجي نتخاصم ع اتفه اﻷشياء واﻷغلب هو الي يتمشكل بس انا احاول اعديها لدرجة احيانا يضربني وانا حامل ع شيء مره تافه وتحملت قلت بيتعدل واستمرينا ع هالحال ضرب وهواش ويوم اكتشفت انو ع علاقه من فترة طويله مع بنت بمنتداه الي مأسسه واتئزمت نفسيتي مره وماتسرعت واعطيت نفسي وقت لما اهدأ واخذته ع الغرفه وهوا عرف من اسلوبي اني كشفته وكلمته بهدوء واعتذر مني وقال ماعاد تتكرر غلطه وماراح تنعاد ومشت اﻷيام وبعد ولادتي كرر هالغلطه اكثر من مرة وطلبت الطلاق ورفض ويحلف انو مايعيدها طبعا نظام دوامه زفت وطول اليوم اجلس زهقانه ومتملله اذا رجع من الدوام يتعشى وهوا ساكت وع الجوال يخلص عشاء يولع السيجاره ويدخن وكمان ع الجوال لحد مايجي وقت النوم يتكلم معي كم كلمه وينام طبعا جلسته بالمجلس ولدي المسكين بالصاله ومضطره اتركه لوحده عشان زوجي اذا طلبت منه يطلعني يعصب ويقول انتي فاضيه وهوا ماعنده شيء غير ذا الجوال واذا حاولت اغير الجو ومازحته يعصب ويتلفظ علي واذا زعلت يجي يخاصم ليه مبوزه لحد ماتوصل للضرب نفسيتي تعبت منه وانا ع يقين انو ع علاقه مع بنت ﻷنه الجوال مايفارقه ويقفله برقم ويحطه عند راسه لما ينام.. تعبت وربي اني افكر بالطلاق عشان ارتاح من ذا العيشه الي انا فيها وقبل ماتورط واحمل مره ثانيه مافي امل يتعدل حياتي صارت ممله وانا نفسية تعبت حيل وجسمي صار نحيف بشكل ماحد يصدقه بعد ماكنت ممتلئه كل من يشوفني يقول وش فيك صايره كذا انصحوني تكفون قراري صح ولا ﻷ ولا تقولون لي بيتعدل ابدا مافي امل... |
رد: افكر بالطلاق انصحوني....!!؟؟
نصيحتي يااختي خلي احد من اهلك يتكلم مع اهله
واتكلمي مع اهلك عن كل الي حصل معاك وعن علاقته وعن جواله واتركي البيت وروحي عند اهلك حتى يخلو له حد او يحس بأنه امام امر واقع انتي مادامك باقيه وراضيه بحياتك هو مرتاح ومستانس ومطمن انك ماتتركي بيتك,, اضغطي عليه بواسطة اهله واهلك وخليه يعرف انه فيه من يحاسبه على افعاله معاك وانبذي فكرة الطلاق لخاطر ابنك,, ولكن خلي زوجك ايحس انك ممكن تتركينه لعمايله,, وربي يهدي سركم ان شاء الله |
رد: افكر بالطلاق انصحوني....!!؟؟
اقتباس:
أختي شوفي بالنسبه للجوال الكل صار كذااااااا ماسكين الجوال 24 ساعه بيدهم وبساعات الرقم السري عادي فااان انصحك روحي عند اهلك اسبوع اسبوعين قولي انا رايحه بس كدا يعني اي حجه لاتقولي انك زعلانه روحي شوفي بعد اسبوع واكتر راح يقدر يستغني عنك او عنده الوضع عادي خلي الي بنفسه يطلعه خلال هالاسبوع ع فكره كل واحد فينا يحتاج يجلس مع نفسه ربي يووفقك بشرينا عنك |
رد: افكر بالطلاق انصحوني....!!؟؟
اقتباس:
مشكوره اختي ام ايهومي على الرد وماتنحرمين من سعادتك يآرب مره كلمت امي عن المره الي كان يعاملني فيها وكنت ابيها توجهني ﻷنها افهم بكثير بهالحياه وسمعني ومسكني وضربني ضرب مانساه فكيف اتجرأ واكلم اهلي ولا اهله مره ثانيه بعد الي صآر ولدي والله مو كاسر خاطري ومخليني اتحمل كل هالوقت اﻷهو بس ماعاد اتحمل الحياه الي انا عايشتها.. |
رد: افكر بالطلاق انصحوني....!!؟؟
اقتباس:
تسلمي اختي على الرد على موضوعي ويسعدك ربي انا بصراحه فكرت بهالشيء بس المشكله اهلي بعيدين عني انا بمدينه ثانيه وكل ماأقول ابي اروح يقولي اذا تحسنت اوضاعنا اخليك تروحي وانا تأزمت نفسيتي هوا مايقدر يستغني عني ابدا وماخذني عن حب بس ماشفت من ذا الحب شيء كثير مهملني عاطفيا |
رد: افكر بالطلاق انصحوني....!!؟؟
بصراحه اليوم لقطت الرقم السري وهوا يفتحه وبعد مانام فتشت الجوال البرلنقو مقفله برقم سري
والواتس لقيت ضايف بنت خالته عنده عمرها 12سنه عادي هالشيء بوجهة نظركم ولا ﻷ |
رد: افكر بالطلاق انصحوني....!!؟؟
قبل كل شي أنا ما أعرف كيف تتحملوا إهانة الضرب والله لو يضربني زوجي بموووت بجن ومستحيل أعيش معاه والله هاي أكبر إهانه بتحمل أي شي إلا الضرب أصلا والله أي زوج يضرب زوجته خاطري أضربه لانه لازم تكون عندنا كرامه ما يهينه نتفة ذكر , وعلى فكره زوجي والحمدالله عمره ما أذاني وعقله كبير بس لو صار هالشي مستحيل أسكت أصلا السكوت هو إلي يخليهم يتمادوا يا كرهي ل هالاشكال,, وبالنسبه للتلفون دام هذيك سواته ف هو أكيد للحين عنده بنات,, وبالنسبه لبنت خالته ماله داعي يضيفها صح هي صغيره بس قريب تكبر وتصير مراهقه المفروض تحمين البنت عن ريلج.. والله العظيم يحترق قلبي لما أقرا وحده كاتبه ريلي يضربني وفوق هذا حامل وتنضرب!!! آآآآخ بس لو تعطيني عنوان بيتكم بذبحه...
|
رد: افكر بالطلاق انصحوني....!!؟؟
حبيبتي بكلمك من اخت لختها صح ان موقفك لايحسد عليه
وانا بقولك كلمه خليها حلقه بااذنك اللي مو مع الله الله مو معه فاهمه ها الججمله البيت اذذا مافيه ذكر الله ومافيه تعاون على الطاعه من احد الطرفين كل شي بيخرب لان الشيطان اول همومه تفريق الزوجين الطلاق صعب ججدا حتى لو انك راغبه هو ع خطاا مااختلفنا بس لاترمي نفسك في شي انتي مو قده وهو ماطلقك الا انه يبيك خلي الطلاق اخر حلولك وياليت ماتفكرين فيه نزوه من الشيطان وبااذن الله بتروح بس بيدك اذا فيك عيوب عدليها عدليها عليها اذا في اهمال شيليه سواء بنفسك او ببيتك او بزوجك واتمنى تظري للجانب الايجابي منه عشان لاتكرهيه تمنيااااااتي لك بالتوفيق حياتي |
رد: افكر بالطلاق انصحوني....!!؟؟
اقتباس:
معاك حق المفروض ماسكت بس متحنله عشان ولدي المسكين بس نفذ صبري والجوال اليوم فتشته كمان طلع له علاقه مع بنتين واللالعن من كذا هو الي بدا معاهم مو هم الي بدو وساكنين بالرياض عندنا ومو بيعده تطور العلاقه بس انا بصبر ولا كأن شفت شيء لين نهاية الشهر واروح عند اهلي ومستحيل ارجع له حالتي تدهورت لا بصحتي ولا نفسيتي حسبي الله عليه |
رد: افكر بالطلاق انصحوني....!!؟؟
[quote=ام لؤي05;3128579]حبيبتي بكلمك من اخت لختها صح ان موقفك لايحسد عليه
وانا بقولك كلمه خليها حلقه بااذنك اللي مو مع الله الله مو معه فاهمه ها الججمله البيت اذذا مافيه ذكر الله ومافيه تعاون على الطاعه من احد الطرفين كل شي بيخرب لان الشيطان اول همومه تفريق الزوجين الطلاق صعب ججدا حتى لو انك راغبه هو ع خطاا مااختلفنا بس لاترمي نفسك في شي انتي مو قده وهو ماطلقك الا انه يبيك خلي الطلاق اخر حلولك وياليت ماتفكرين فيه نزوه من الشيطان وبااذن الله بتروح بس بيدك اذا فيك عيوب عدليها عدليها عليها اذا في اهمال شيليه سواء بنفسك او ببيتك او بزوجك واتمنى تظري للجانب الايجابي منه عشان لاتكرهيه تمنيااااااتي لك بالتوفيق انا االحمدلله صلاتي محافظه عليها وماتركها بس هوا اسبوع يصلي وشهر يترك عجزت وانا اقول صل يعصب علي ويقول ذي صلاتي مالك شغل واحيانا يسمع لي ويروح يصلي يعني بمزاجه متى ماطرى يصلي يصلي والطلاق مو شيء صعب بالعكس ارجع عند اهلي معززة مكرمه محد يضرب ولا يهين واعيش مرتاحه واخدم امي وابوي واذا على كلام الناس مايهموني وش بينفعوني فيه الناس ولا شيء والعيب عليه مو علي وانا الحمدلله مو مقصرة لا في بيت ولا بنفسي ولا بولدي حتى هو مدللته دلال زايد عن حده ومع ذا القى هالتعامل وبعد الي شفته اليوم بالبرلنقو خلاص ماعاد اقدر اتحمل هاﻷدمي بس ماراح يكسر خاطري غير امي الي بنتها رجعت مطلقه :-( |
| الساعة الآن 01:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .