|
ابي رايكم حامل والا لا؟؟
مرحبا ياحلوين
هذي اول مشاركة لي بالمنتدى وبصراحة حبيت منتداكم وااايد وحبيت اعرض موضوعي واتمنى القى مساعدة منكم اخر دورة لي بتاريخ 7/6 وبرابع يوم استخدمت اعشاب لان عندي ضعف تبويض وانا اساسا كنت حامل وسقطت بشهر ثلاثة المهم بتاريخ تقريبا 28/6 حسيت بالتبويض من اعراض وافرازات وبتاريخ 7/7 نطرت الدورة ومانزلت وبتاريخ 11/7 سويت تحليل وطلع خط واحد وعقبة بساعة نزل علي سائل بني خفيييف وهذا نزل علي بحمالي الي طاف وبالليل حسيت بشششد قوي اسفل بطني وصدري صار يابس ويعورني والدورة ليلحين مانزلت ومادري شسوي بصراحة احتمال اسوي تحليل دم واشوف بس ابي مساعدتكم ورايكم يهمني وشكراااا سلفاً............ |
رد: ابي رايكم حامل والا لا؟؟
هلا وغلا بنت ديرتي نورتي
والله اتوقع حامل سوي تحليل حمل بشرينا عاد |
رد: ابي رايكم حامل والا لا؟؟
اهلا وسهلا نورتي وانا كمان حاسة انك حامل حللي وبشرينا يا عسل
|
رد: ابي رايكم حامل والا لا؟؟
حبيبتي افضل تحليل تحليل الدم بالمختبر
اذهبي حللي دم وبعدين اذا مافي حمل اذهبي الطبيبة ولاتاخدي اعشاب وخرابيط |
رد: ابي رايكم حامل والا لا؟؟
ياحياتي ماقصرتو حبايبي الي رديتو
تو جيت من المختبر سويت تحليل حمل دم وطلع مافي حمل وقالو لي احتمال حمل متأخر واللة مادري انا حسيت بأعراض التبويض متأخر وكل شي جايز انا الحمدللة عندي بنتين الصغيرة عمرها 4 سنوات يعني الحمدللة عندي اطفال بس انا مشكلتي ان اخاف تكون لخبطة هرمونات هذا الي اخاف منة وحبايبي الي صارلها نفس هالشي سوت تحليل دم وطلع نقتف وعادت بعد كم يوم او جتها الدورة تريحني اللة يجزاكم خييير واااااسفة عالاطالة |
رد: ابي رايكم حامل والا لا؟؟
يمكن حمل متأخر
انا اخر دوره جتني جتني يومين ومخربطه حدها وسويت تحلل حمل ومابان والشهر اللي بعده ماجتني ويوم سويت سونار طلعت حامل من قبل اخر دوره باسبوع استني والله يكتب لك الخير وين ماكان |
رد: ابي رايكم حامل والا لا؟؟
هلا ببنت ديرتي
ياعمري اختي كانت مثلج والدكتور منصور العرف عنده الحل اختي سوت عنده والله عطالها حبوب تثبيت وكانت تاخذ ابر مثبته حملت على طول اذا ناويه تحملين روحيله اما الدم هاذا من الدوره عندتج مخربطه شي طبيعي ياعمري وربي يخلي اعيالج لج كبرت بنتي يمه عوبه الله يحفظهم يارب |
رد: ابي رايكم حامل والا لا؟؟
حياتي ام فيصل ماقصرتي
شموسة فديتج واللة يمدحون العرف بس مادري بعيد علي اختج شلون مابان الحمل معاها الا متأخر والا شنو؟؟؟؟؟؟؟ واللة يخليلج بنتج ياحياتي |
رد: ابي رايكم حامل والا لا؟؟
انا سويت تحليل دم وطلع سلبي ولما تاخرت الدوره اسبوعين زياده سويت تحليل بول وطلع حمل بس للاسف كان هرمون الحمل نازل وغير واضح وهذا الشي سبب لي اجهاض..
ممكن يكون هرمون الحمل منخفض عندك عشان كذا مابان فـ التحليل..... |
رد: ابي رايكم حامل والا لا؟؟
الله يرزقك بالحمل وتبشرينا ياحلوه
|
| الساعة الآن 01:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .