|
مشكلتي وابي رايكم
بسم الله الرحمن الرحيم السلام عليكم اخباركم ياحلوين؟ بنات انا في شي مضايقني مع زوجي وابي رايكم يمكن اكون مبالغه ف ردة فعلي او فعلا انا معاي حق المشكله اني من تزوجت وانا احس ان مالي راي ولا شخصيه يعني اي شي ابي اسويه او يعجبني يقول لا وطبعا مافيها نقاش مثل اثاث بيتي كله اهوا واهله حطوه وانا اخترت بس غرفة النوم طبعا عديتها وسكت والحين على كيفه قاعد يختار غرفة ولدي واذا طلعنا واخترت مطعم مايرضى وويودينا مطعم على كيفه وبعد ساكته ابي ادرس او اتوظف او اطلع اغير جو مع صديقاتي بعد مافي مايرضى واذا عجبني اسوي شي يقعد يتمصخر علي ويضحك ويتطنز على شهادتي مع اني متخرجه من الجامعه والحمدلله اخر شي امس خواتي واخواني ودهم نطلع مع بعض قلت له ومارضى يقول لا الا مع امك وابوك عادي طيب امي وابوي مسافرين ؟ واذا طلعت معاهم اهم كبار يعني اذا رحنا مجمع بس نتعشى ونرجع البيت وخواتي وانا ودنا نطلع نتسوق مثل قبل وخصوصا اختي على وشك تجهيز والثانيه بتولد وتبي شي حق بعد الولاده وانا من سنتين نفس الملابس لان اذا طلعت معاه حدي محل ونطلع من المول والحين ماله عذر ليش مايخليني اطلع معاهم واغير جو معاي اخواني اعمارهم 10 و11و17 سنه وغير كذا دوامه 12 ساعه وانا طول الوقت لحالي شنو تشوفون بنات انا مبالغه بردة فعلي ولا فعلا شخصيتي ماتت بعد الزواج؟ انا والله مو مقصره بشي واي شي يقول ارد عليه ان شاء الله واتوقع هذي غلطتي من البدايه مافرضت شخصيتي وبينت له اني ضعيفه hwaml13 |
رد: مشكلتي وابي رايكم
لايعمري بعض الرجال هاذي نضرتهم للمره ماتعرف شي ولالهاراي وانااقول الالك راي اذاماخترتي الي يعجبك حق بيتك من الي يختارهورجال موكل شي يختاره يناسب اذايبي ياثث يهتم بمجلس الرجال الله يعينك اصبري وش تسوين انااقهرت انتي الله يعينك
|
رد: مشكلتي وابي رايكم
بس لازم تجلسين معاه وتكلمينه في النقطه هاذي قوليله ليش رايي مايهمك مثل مايهمني رايك اماعن الشخصيه لاتتعودي ع طبعك بكره عيالك بيركبون فوق راسك ولايعدون لك اي احترام واماعن الوضيفه موكل الرجال يشتغلون مهماكانت الضروف بس اذاقادر يصرف ومكفيكم وموفيكن ليش الشغل
|
رد: مشكلتي وابي رايكم
تكمله الموضوع المعذره موكل الرجال مخلين حريمهم يشتغلون
|
رد: مشكلتي وابي رايكم
السلام عليكم ..
الموضوع هذا يبيله صبررررررررررررررررررررررررررررررررررررر وطوووووووووووووووووووووووووووووووووووووووولت بال لان زوجك متربي في بيئه غير عن بيئتك فا اي شي بلحياه على طول يختصر و يقول لا .. ممكن اسلوبك في طلب الشي يخليه يرفض يمكن وقتك غلط.. ما يندرى.. بخصوص الشغل اذا كنتي شارطه عليه بعقد الزواج يحق لك .. لكن حنا في الامر الواقع الحين طاح الفاس بلراس و تزوجتيه و خلفتي مالك الا السياسه و النقاش و طولت البال... اقعدي معاه بوقت الحب و الكلام الجميل و الجو رايق تناقشي معاه بأي شي ودك فيه ولا و انتي تسوين له مساااااااج هههههههههههه خوش نقاش رايق المهم ... قولي له حبيبي ودي اسالك كم سؤال و اعرف رايك .. و وجهة نظرك لان يهمني رايك .. كبريه بكلامك ... قولي له معاك حق ترفض بعض الامور اوقات لكن في اشياء اشوف انك تبالغ فيها .. و في اشياء لازم نأخذ راي بعض فيها ... مثلا اي شي يخص البيت المفروض نتفق عليه في التربيه بلكلام بلاثاث .. تقول ما تطلعين مع اخوانك لوحدكم اوكي خايف علي ما عندك اي مشكله انا مقدره حرصك و خوفك لكن في حل ثاني مثلا انك انت توصلني للمجمع معاهم او ان تقولي خلاص روحي لكن اطلعي من بدري عشان ترجعون بدري مثل هيك شغلات لكن انك تمنعني نهائيا ماله داعي .. لازم نتشارك الحياه .. |
رد: مشكلتي وابي رايكم
الله يسعدك ذكرتيني بزوجي الله يصلحه برضوا تقريبا زي زوجك اقله ابغا اشتري لبنتي ملابس يقلي مو لازم وانا والله ماني من الحريم الي راعيه اسواق بس شكله الاخ تعود ولما ولدت قلي مابغا لبنتي نهائيا حليب صناعي وانا ابغا لها الحليب الصناعي لضروره واهي بنتي ماترضا ترضع بسهوله من الرضاعه بس اكتشفت في الاخير ان اسلوبي مع زوجي مو حلو يمشي معاه الكلمه الحلوه ولازم اسايسهوفعلا بس انا اسلوبي مو حلو من توقعات ردت فعله عشان كذا بس بصراحه زوجك مزودها يقهر والله بس اسمعيني احسن شي لازم تبيني لزوجك انك واثقه جدا من نفسك لازم والله بعض الرجال مره يقهروا ربي يعينك حبيبي وترى مافي مشكله الا ولها حل
|
رد: مشكلتي وابي رايكم
الله يهديه ويسخركم لبعض اسمعي حبيبتي زوجك صعب ومعقد حبتين وانتي غلطتي انك من البدايه ساكته وبعدين تتكلمين مره صعبه كذه هذا الشي خرب على اغلب الحريم hwaml15hwaml15المهم قلبي انت حاولي دايم تتكلمين معه باسلوب ولا تعصبين بسرعه خليك هاديه واطلبيه بوقت مناسب يعني اذا توه جاي من الدوام ابدا لا تحاولين تطلبنه او يكون برا لا تطلبينه لانك ما تعرفين مزاجه كيف وهو برا واذا رجع كيف اذا صار رايق يعني بوقت تقدرين تقولين له ابي هشي وتناقشينه اذا قال لا فهمتي علي وادعي دايم ان ربي يسخره لك
|
رد: مشكلتي وابي رايكم
حبيبتي انا في بيت اهلي جواز السفر و التصريح حقي موجودين عندي يعني وقت ما ابي اسافر اسافر طبعا هذا يوم كنت في بيت اهلي..
لما تزوجت اقول لزوجي من بداية الزواج عملت لي تصريح يقول لا مو فاضي طيب اوكي و لا جاء في بالي شي عدت سنه السنه الثانيه و قلت له اخذ اجازه و روح اعملي تصريح قالي ليه .. قلت له انت بلدوام و انا طول اليوم ماعندي شيو كذا جمعه فوتها مع بنات خالي و بنات عمي بسبب اني ما اقدر اروح انت لا تقدر تترك دوامك و تودينه و لا انت رايح تعملي تصريح .. و انا لا حبيت اروح راح استأذن منك برضاكك بروح... و و و و و و سفطني قالي ماعندي وقت لكن بعد فتره تأكدت انه مجرد عاده اخذه من ابوه ابوه حتى الان مو عامل تصريح لبناتوه ... المهم توه السنه عملي تصريح ... كل شي بلصبر و بلسياسه هو زوجي كان مفكر انو عندي تصريح يعني بفلها ... لان اهلي دايم يسافرون دبي قطر البحرين ما تعتبر سفره ... المهم فا مفكر انو بكل سفره بروح معاهم .. قلت له انا عندي بيت و عيال و مسؤليه يعني مو كل مره بسافر و ولو بروح برضاك و السفر يبيله ميزانيه و قدرها .. فا لا تفكر التفكير هذا و كذا و كذا الين اقتنع الرجال... و انا اشك الحين انه مسوي لي التصريح مع افراد اسرتها فقط و انا ابيه بمفردها ههههههههههههه عشان لو بغينا نروح مع سواق نقدر لكن تصريح مع افراد اسرتها ابرك من لا شي ... |
رد: مشكلتي وابي رايكم
اقتباس:
مشكوره ع الرد اختي انا جالسه معاه قبل ومكلمته عن هالموضوع بس مايرد علي يقول لي سكتي لاتتكلمين كثير مع اني والله مااتكلم كثير ولا شي واسلوبي حلو معاه بس ماادري ليش معاند والوظيفه حاطينها شرط بالعقد بس ماتهمني ابي اربي ولدي واهو الحمدلله مو مقصر بشي بس احس اني محبوسه hwaml15 |
رد: مشكلتي وابي رايكم
اقتباس:
والله سويت كل اللي تقولين عليه بس مافي فايده وسالفة انه يوصلني المجمع مايقدر دوامه يطلع من 1 ونص الظهر ويرجع 12 بالليل hwaml15 |
| الساعة الآن 11:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .