|
مشكلتي مع اهل زوجي
السلام عليكم
تعبت في التعانل مع اهل زوجي مو عارفه كيف اتعامل معاهم في البدايه ايام الخطوبه كانت علاقتي جيده فيهم بس ظليت كم شهر على زواجنا بس بعدين حسيت اني مو مرغوب فيها وتزوجت ونفس الحاله وازود بعد ودايم يتطنزون علي سوا ء قدامي او من وراي ... وانا كنت اطنش اسوي نفسي ما اسمع ولا شفت ولجيت بيتهم مابستقبلوني ولا شي كاني مو زوجه ولدهم ... ولا يجلسون جنبي ويسولفون معاي .. وطبعا هم مايقربون لي وعاداتهم غير عنا وانا من منطقه ثانيه مو نفس منطقتهم والحين صارت علاقتي بهم علاقه سطحيه جدا لاني تعبت والله من تصرفاتهم لسانهم طويل ودايم يحرجوني ويفشلوني وابد مو محترمني مثل ما انا محترمتهم وعند زياراتي لهم اجلس بالصاله واسلم ع الموجودين واللي مو موجدين لمن يجون الصاله يشوفوني ولايسلمون علي ... ليه يعني لازم انا اللي اقوم اسلم انا جايه لكم ضيفه .... والسلام لله ... خلاص حدي انقهر من الداخل فانا مشكلتي طيبه حيل ولا ابي اراددهم واسوي مشاكل فاطنشهم وخلاص زهقت مب عارفه اتعامل معاهم وانا حطيت قاعده اللي مايحترمني ومايقدرني مره ومرتبن وثلاث ... ماراح اكلمه وبعامله كانه جدار قدامي خلاص من يقولي زوجي بنروح بيت اهله تجيني قمته وزهق ... ما ابي اروح بيتهم بس عشانه اروح لهم ...ولرحت ما اقدر اقعد في بيتهم دقيقه وحده واسلم عليهم ولااسولف وياهم لانه خلاص وصلت حدي فانا عقاب لهم ما اكلمهم ... تعبت نفسيتي واحيانا اقوله عندي اشغال بالشقه ولازم اخلصها بس عشان ماروح لبيت اهله واللي قاهرني اكثر مدلع ااخته هي اصغر مني بسنه ومو متزوجه كل ماكان موجود تجلس تخطط حق طلعاتها وتعال وودني وسو لي ويشتري لها اللي تبيه وو الله اني اغار منها يعاملها كانه زوجته وكل مره نتهاوش السبه اهله هو يشتغل في مكان بعيد وما اشوفه الا الخميس والجمعه ومن يجي هاك ياطلبات وطلعات لهم وابد مايقدرون وجودي اني ابي اطلع معاه وابي اقضي اغراض لي كم مره نطلع ويخربون علينا في طلعاتنا وهو زوجي يقهر مايرد لهم طلب حتى لو كان مشغول او بنطلع يبديهمعلى نفسه وعلي ويضغط ع نفسه عشانهم مايحسون فيه جاي من طريق 6 ساعات مايمديه حتى يرتاح ولايقدرون وجودي واخوانه موجودين عندهم بس مايطلبون منهم شي لجا زوجي هلت الطلبات والطلعات وانا انقهر حدي واقعد اتهاوش معاه كل مره ع هالسالفه زهقت طقت عيشتي من الهواش والهذره ع نفس الموضوع مو حاسين فيني لا امه ولاخواته ولا مرت اخوه بعد ماتستحي تتطلب منه وتبي تطلع صراحه ماتستحي ع وجهاا قاهريني وقسم قولو لي وش اسوي انا مو الغلطانه هم اللي يغلطونن لاتقولون اللي يسونه فيني عدل ابي بس تنصحوني وش اسوي كيف اتعاما وياهم مطنشيني حيل |
رد: مشكلتي مع اهل زوجي
نفس مشكلتي لكن انا بعيدة الحل مع زوجك لا هما حيتغيرو ولا وانت حترتاحي زوجك بايدو كل شيء بكره اختو تتزوج وترتاحي منها وكمان لو عندك اطفال حينشغل معاهم ولو مش عندك ان شاء الله تجيبي اطفال وتنفرج عليكي لكن عندي سؤال زوجك طيب طبعو كويس كريم ومعاك ؟
|
رد: مشكلتي مع اهل زوجي
اقتباس:
انا عندي شقه لحالي بس قاعده ببيت اهل ابوي لاني صعبه اقعد بشقه لحالي ياليت اخته تتزوج وافتك منها ومن حركاتها اللي تغث الواحد المشكله لجا الويك اند تبدى الطلبات والطلعات وتعال سو وتعال ود وتعال جيب كاته سواق وانا مو حاطين لي اعتبار انه ابي اطلع واتمشى اقضي اغراض الشقه واغراضي الشخصيه ما اشوفه الا بالويك اند خلاص زهقت مو عارفه كيف اتعامل معاهم والله احيانا اقول برفع الجوال وادق عليهم واقول اللي بقلبي عشان يحسون او ارسل لهم رساله بس اخاف من المشاكل معاهم ومع زوجي الحين علاقتي فيهم سطحيه جدا ... ولا اكلمهم بالجوال ولا اسال عنهم تدرون ليش لانه كل مره ادق ع جوالاتهم مايردون علي واذا ردو يقولون مشغولين وبنكلمك بعدين ... ولا يتصلون علي مره ثانيه واذا رسلت لهم رسايل مايردون علي وارسل لهم بالواتس اب مايردون علي حتى لو انهم متصلين قسم بالله انقهرت من حركاتهم ... خلاص قطعت علاقتي فيهم مع اني والله طيبه حيل ونيتي صافيه ولاسويت لهم شي بس يكرهوني ليش ما ادري |
رد: مشكلتي مع اهل زوجي
والله انا مثلك بشخصيتك
كانو اهله مثل اهل زوجك بزبط بس مختلفه عنك شوي ياانهم ملاقيف ياانهم يتدخلون ياانهم ينتصتو اشياء كثيره وش اخلي وش اقولك وللاسف طليقي طلع ولد امه وخواته مخيسات رخمه مايدري ان شئ يدور عليهم دبش ماعلينا قلبي المهم خذيها في بااالك هذا اهل زوج دايم حطيها في بالك اذا تزوج ولدهم يتدخلووو ويعرفو في كل شئ بحركاتهم وتصرفاتهم الغييره ومايسوي انا انقهر بالله ليش اذا ولدهم تزوج قامو يشغلونه بخرابيطهم طيب كان مازوجتوه احسسن بس الغيررهه شافوك احلى منهم واطيب منهم يشتغل عندهم الغيره والنجاسه ولا يخلون احد بحااااااااله يختي ادعي ربي ان يشغلهم بانفسهم عن بناتهم ومشاكلهم وكما تدين تداان ودام زوجك معك ورجااااااااال اتركيهم ولاتبيني لهم انك منقهره ولا ترسلي رساله يغيضونك بزياده انتبهي سوي نفسك مو منقهره وشوفي كيف يستحوو على وجههم ماعاد يطلبوه ابد يعرفو ان وراه عيال وحرمه خيرر الله يرزقك بولد يشغله عنهم ويفكر فيك وفي عياله ويبعد عنهم شوي الله يوفقك |
رد: مشكلتي مع اهل زوجي
نفس مشكلتى تدخلهم الزائد فى حياتى والله حماتى كانت تعرف ميعاد دورتى اكتر من امى
ربنا يهدينا ويهديهم يارب |
رد: مشكلتي مع اهل زوجي
ياعيوني خليك قوية شخصية والله بيخافون منك...
واي وحدة تغلط عليك ...ردي عليها... وليش تدورينهم ..لاتسالي عنهم..بيحطون لك الف حساب.. وبالنسبه لاخت زوجك ..ليش وين ابوها ماتروح تدلع عليه ... ارمي عليها كلام ..قولي عقبال طلعاتك مع زوجك..لان طلعة الزوج غير وخاصة...وخليها تفهمها.. انتي شدي حيلك واحملي..وصدقيني بطيح سوقهم ومع الايام زوجك ماراح يعطيهم وجه لانو بينشغل معاك.. وانتبهي لاتقولين قدامه اهلك واهلك... لانو شيء طبيعي بيوقف معاهم وينظر لك بنظرة الغلطانة.. وانصحك لاتعطينهم اي اعتبار ..اذا فرضا روحت لهم مجبرة خذي معاك النت ..وادخلي عليه وبيمشي الوقت...ولاتدرين عنهم |
رد: مشكلتي مع اهل زوجي
والله نفس مشكلتك بضبط مع لقافه وتدخل بشكل مو طبيعي مع اني بمنطقه وهم منطقه ثانيه بس حتى دايم مشاكل واهله يبون يعرفون كل شي عننا حتى لو اشري ملابس يروح يقوله اشترت كذا وكذا ولونه كذا مع هذا صابره واقول يتغير بس تمر سنه وراء سنه ولسى على حاله الله يهديه يارب....واذا انتي اخته مو متزوجه وناشبه فيه انا زوجي اخته متزوجه وعنده ولد ومتعلقه بزوجي اكثر من زوجه وادري انه بس مسله غيره مني بس والله اني حارقه قلوبهم ومنطنشته لا اتصال ولا شي اهم شي زوجي عندي وهم كيفهم مايبوني اطنشهم...
|
رد: مشكلتي مع اهل زوجي
لكن م تنسو يا بناااااااااااات كلو من الزوج هو اللي فاديه يدخلهم في حياتو وهو اللي يخلي خصوصية لحياتو مع زوجته,انا فرايي اكترية الاهل لو اتتهم الفرصة يدخلو في حياة ابنهم مش حيقصرو خصوصا لو كانو بيستفيدو منو ماديا يمكن تتحل المشكلة بالاطفاال ويمكن يضل وضعنااا على ماهو علييييه
|
رد: مشكلتي مع اهل زوجي
اقتباس:
حيل احسهم غيرانين مني خصوصا اخته اللي مو متزوجه دايم يدلعها ويلبي كل طلباتها وانا بموت من القهر والصراحه انا اجمل منهم بواجد بس مارفعت خشمي وتكبرت بجمالي بالعكس طيبه حيل على اهلي الله يخليهم لي والله من القهر ادعي عليهم ... مع اني ما احب ادعي على احد ماظنتي بيستحون على وجيهم ... اقواي عين بقولك شغله كانو يكرهون زوجه حماي اللي ترتيبه الثاني مع انه تقرب لهم حيل ... مايطيقونها ابد ... لانه اخوهم هو اللي اختارها وقال يبي يتزووجها وهم رافضين انه اخوهام ياخذها ... فا اخوهم اصر عليها وتزوجها وانا حكايتي نفسها هو زوجي اختارني واصر علي وهم كانو رافضيني ... والحين الحمدلله تزوجنا بس هو كان ينقلي كلامهم انه اهم مايبوني اكون زوجه له وانه في احلى مني وانه وانه .... اه يالقهر ماني مرتاحه معاههم الله يسمع منك خيتووو وينشغلو بانفسهم ويخرو عنا تعبت منهم |
رد: مشكلتي مع اهل زوجي
اقتباس:
الله يعين لهدرجه وصلت ؟؟؟؟؟ امين |
| الساعة الآن 03:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .