منتديات حوامل النسائية - شكلها راح توصل للطلاق؟؟ ساعدوني الله يخليكم

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

شكلها راح توصل للطلاق؟؟ ساعدوني الله يخليكم

السلام عليكم ورحمه الله وبركاته...

كيفكم حبايبي طبعا انتو عارفين بالمشاكل اللي مريت فيهامع زوجي واهله..

بس هذه المرره شكلها راح توصل للطلاق وانشالله ما توصل لكذا.. راح اقولكم اش صار معاي

دي المره وانتو احكمو.. الله يخليكم مالي بعد الله الا انتو..

دي المره زووجي وابوه كانو ما سكين اوراق رسميه تخصني وابوي كان محتاجها ضروري

عشان يخلص معامله ولازم ورقي تكووون موجود..كلمت زوجي انوو ابوي يبغاها مارضي

يعطيني هي وابوي رسله ورسل لابو زوجي رساله انوو محتاج الورق ضروري..

بس لا حياه لمن تنادي .. جا ابوي للبيت عندي وحضر ابوي زوجي بس زوجي مارضي يقابل

ابوي ولا احترم دخلته للبيت عنده ..كان ذا الكلام يوم الاحد ابوي قال لابو زوجي اش الحل

ابو زوجي قاله يوم الاربعاء تعال وخذ الاوراق واذا ما اعطيتك هيا رووح وبلغ..

طبعا يووم الاربعاء رحت عند اهلي عشان امي كانت تعبانه وكالعاده زوجي ماخلاني اخذ بنتي

وصلت لبيت اهلي الا ابوي يقولي ابو زوجك كلمني وبروح اخذ الاوراق ..

تخيلوووو..

لما ابوي راح عندهم طبعا مارضي يدخل بيتهم ابو زوجي قاله ما اعطيك الاوراق الا لما تكتب

ورقه انووو بنتك ما تبغى ولدي ابوي قاله هوو موو بكيفي بعدين اش دخل ذا بذا...

الا شويه وصل زوجي ورفع صوته على ابوي وتخيلووو شال حجره وكان يبغى يضرب ابوي..

انا لما جاني الخبر ما صدقت ... وقلت والله مالي رجعه له كل شي سواه وصبرت بس يرفع

ايده على ابوووي كبيره..

على طوووول رحت اتصلت على خالته انسانه فاهمه وواعيه وكلمتها بالمشكله من طقطق

لسلام عليكم وقلتلها كلمي ولد اختك واختك انووو انا ما ابغى ارجعله...

طبعا جلست لاه اسابيع عند اهلي وبنتي بعيده عني بعدين كلمت خاله الكبير والحمدالله جبلي

بنتي واخذت عفشي كله...

زوجي اتصل علي وحاول يتفاهم معاي انا قلتله مالي رجعه لك الا بشرطين..

تاخذيلي بيت بعيد عن اهلك مرره ما ابغى اسكن جنبهم واني شرط محد له دخل في عيالي

بذات امك ولا يدخلووو في حياتي.. خاله وخالته قالو شرووطك من حقك ونحنا معاك ..

وقلتله تجي وتعتذر من ابوي على رفعت يدك عليه ..

حتى خالته وخالته قالو نفس الكلام له..

رفض يقووول انا مستحيل ادخل بيت اهلك يقوول انه حالف دخووله لبيت ااهلي بطلاقي

وحكايه البيت يقوول صعبه وما عندي ماده حاليا...

انا الحين ليا شهرين تقريبا عند اهلي يجي كل ربرووع ياخذ البنت عنده ويرجعها لي الجمعه..

انا قلت ذي المرره حكوون مصره على راي وماراح اتنازل زي كل مرررررره ..

بس ماراح اكذب عليكم الوحده ما ودها بيتها يتخرب بذات انوو عندي بنت وحامل..

وطووول ما ابوووه يعبي راسه ما اتوقع راح يتفاهم..

امانه عليكم طالبه مشورتكم هل القرار اللي اخذه صح وهل اتمسك براي ؟؟

انا ذي المررره قلت له ولاهله انووو بايعه وموو فارقه لووو طلق بس عشان يحس شوووي

وعشان امه تتعرف انووو بنات الناس موو لعبه...

الله يسعدكم ويفرج همومكم ياااارب..