|
غير مسجل تعالي نتساعد في ترتيب المطبخ وتنظيفة !
http://forum.hwaml.com/imgcache2/hwa...445720_266.jpg
السلام عليكم ورحمة الله وبركاتة وصباحكم ورداً جوري :) جات في بالي فكرة مرة حلوة وهي ,, ليش مانساعد ونشجع بعض في تنظيم وتنظيف مطابخنا ؟! يعني أنا مثلاً اليوم قمت ونفضت غبار الكسل وشديت الهمة وبديت في مطبخي ! طبعاً قبلها بيوم دخلت المطبخ واحصيت الأشياء اللي ناقصتني واللي احتاجها في التنظيم والتنظيف والبارح رحت لساكو وجبت بعض الأغراض اللي ناقصتني وبعضها اخذتة من بندة وبعضها لسى ماجبتة " إن شاء الله قريب اجيبة ! المهم دخلت المطبخ وبديت فية دولاب دولاب ونظفتة ومسحت الدواليب بكلوركس وفيري والأدوات الكهربائية مسكتها بفيري وموية وبعدين اعدت عليها بموية وخل عشان التلميع نظفت فرني ولمعتة وآخر شيء رتبت مستودع المونة ووضعت كل شيء في علب بلاستك اخذتهم من ساكو رتبت الثلاجة ونظفتها وحطيت فيها مفارش واعدت الأغراض فيها ولو شفت منكم تفاعل بنزل لكم صور مطبخي وكمان بكرة ببدأ بإذن الله في غرفة نومي وبرضوا لو شفت منكم تفاعل ومشاركة بنزل لكم الصور .. اي وحدة تبدأ ياريت تصور لنا الخطوات ايش عملت وأنا برضوا بنزل لكم الصور يالله خلونا نكونا حريم سنعات ونشجع بعض ونعمل حملة تنظيفات وترتيبات .. وربي هالشيء راح يريحنا نفسياً وجربوا وشوفوا hwaml7 في إنتظاركم hwaml10 |
رد: غير مسجل تعالي نتساعد في ترتيب المطبخ وتنظيفة !
فكره ممتازه يالغاليه ربي يعطيج ألف عافيه ..
راح ابتدي بطريقه تنظيفي للبيت : اولا هذولا صديقاتي بالبيت مستحيل مايمر يوم ما استخدمهم http://forum.hwaml.com/imgcache2/hwa...244382_889.png http://forum.hwaml.com/imgcache2/hwa...244383_848.png بالبدايه احب منتجات جف مره ممتازه بالتنظيف سواء البخاخ الاصفر والابيض البخاخ الاخضر نصيحه لتجربونه ريحته مزعجه .. جف الاصفر هذا للفرن مستحيل استغني عنه وبعض الاحيان استعين فيه للقدور الي يكون فيها شوي حرق .. كلوركس البخاخ هذا من رمضان وانا طايحه بغرامه شقول وشخلي منظف ممتاز سواء للمغاسل او للمطبخ بشكل عام .. كلوركس السائل احبه وقت مايكون عندي عزيمه بعد ماخلص جمع الاواني اجيب مله كبيره فيها ماي وكلور وانقع كل شيء طلع من المطبخ سواء كاسات بيالات فناجيل ملاعق شوك سكاكين .. مدة ساعه او ساعتين ومن ثم لغسالة المواعين .. ولي استخدام له عند غسل المطبخ ودورات المياه احسه يعقم من قلب .. بخاخ الزجاج مايخفى على احد اكيد .. دوميستوس منظف استخدمه للارضيات لرخام والسيراميك بالبيت ريحته كأنو كلور بس يعجبني نظافته .. والاكياس لحاوية الزبائل الله يكرمكم والقفاز ليديني اكيد لان المواد الي استخدمها شوي قويه .. ترتيبي لديكور الاواني كنت بصوره لاكن مطبخي للاسف إضائته خافته فكل صوره جات اردى من الثانيه وطريقتي فيه افرش الادارج بسفره بلغالب اخذ هذي السفر من الهزازي او العبداللطيف احب اخذ اللون الابيض يعطي الديكور شكل جمالي ونظافه داخله ارتب الاواني حسب الاحتياج وكل رف بالي يناسبه بعد كذا ابخر الادارج بالمستكه .. الثلاجه نفس الشيء افرشهاا وشاريه الحافظات على شكل صندوق شفاف عندي احجام الكبير مخصصته للفاكه المغسوله وقبل وضعهاا افرش الصندوق بمنشفه حتى تمسك رطوبه الفاكه ومايطلع الماي الي على شكل ندى.. والاوسط يكون للخضار وبنفس الحجم لسلطه .. البيض نفس الشيء اخذت حافظة البيض من الهزازي مره مريحه وتتقفل .. وبعد ترتيبها تتبخر بالمستكه .. تنظيف الديكور بشكل شهري يعني كل بعد شهر اسوي هجوم لديكور .. الباقي بشكل يومي والتبخير اول شيء بالبان العربي ومن ثم البخور لاكن بعض الاحيان احب استخدم عطورات لايف ستايل ولي يومين طايحه بريحه الفانيلا هذا بخوري http://forum.hwaml.com/imgcache2/hwa...244383_486.png وهذا معطر البيت http://forum.hwaml.com/imgcache2/hwa...244383_101.png صورت كثر اشياء لاكن للاسف الصور مره واضحه لان الاضاءه عندي ماتساعد على الوضوح حاولت اعدل فيهاا ماقدرت .. في النهايه مشكوره ام رزان على الموضوع الحلو وننتظر تجارب الاخوات ,, |
رد: غير مسجل تعالي نتساعد في ترتيب المطبخ وتنظيفة !
ياااااربي تسعدك ياسمسم
وتفتحها بوجهك ماقصرتي يالغلا وطريقتك جداً ممتااااازة وجف الأصفر حق الفرن أنا زيك ما استغني عنة ابداً لعيونك يا احلى سماسم اليوم بنزل صور من مطبخي وأنتظر بقية الأخوات مع أن مااااش شكل الوضع مايساعد يالله خلونا نتشجع ونفيد بعض يعني مثلاً أنا أستفدت من سماسم في مسألة محلول تنظيف الزجاج انو استخدمة للأرضيات .. وراح اجربة بإذن الله يالله يالغوالي ننتظركم .. وأنا بس احمل الصور بنزلها بإذن الله |
رد: غير مسجل تعالي نتساعد في ترتيب المطبخ وتنظيفة !
كمان أستفدت من سماسم في تبخير الدواليب بالمستكة
أنا كنت أبخر ادوات الضيافة من كاسات وفنجين قهوة وثلاجة القهوة بس حلوة الفكرة أنا نبخر كل الدواليب بالمستكة شفتم يابنات كيف الواحد يستفيد ؟! هذا هو هدفي من الموضوع لا هدفي فشخرة سويت ونظفت وحطيت لا والله الهدف هو الفائدة يمكن وحدة تكتب شيء أحنا غافلين عنة ويمكن أنا برضوا اكتب شيء لو صغير مايسوى بس عند غيري له فائدة !! << حاسة أنها تكلم حالها ههههههههههه ^_^ |
رد: غير مسجل تعالي نتساعد في ترتيب المطبخ وتنظيفة !
انا لسه طايحه عند اهلي منتضره التاشيره اروح لزوجي امريكا ادعولي الله يوفقني واروح بيتي عشان ابدا بالتفاعل معاكم اما الحين مو حاسه نفسي ست بيت طايحه بس شغل ودوام الين الله يسهلها واروح لبيتي وزوجي وحياتي........... ادعولي فديتكم
|
رد: غير مسجل تعالي نتساعد في ترتيب المطبخ وتنظيفة !
ماشاء الله موضوع حلو ويبث الحماس
انا كل يوم لي جزء من الشقه انظفها يعني اليوم المطبخ بكره المجلس وبعده الحمامات وانتو بكرامه (مو من كبر الشقه ) بس عشان ماافضى وازهق ..... اما المطبخ اذا دخلته مااخلص كل شوي اطلع لي شغله واحب الموااااااااااااااااااااااااااااااااااااااعين كل ماارح للسوق لازم اشتري صحنين ثلاثه والدروج تشتكي من الزحمه ومااستغني عن تاااايد قاهر وكاسر ومخفي الدهون مع الكلوركس حتى اذا غسلت بفيري احط معاه شوي كلوركس يلمع المواعين يعطيها لمعه خصوصا القدور والفرن انظفه بتااايد وكلوركس واذا فضيت نزلت لكم صور بس اعجبني موضوعك ولك احلى تقييم .... |
رد: غير مسجل تعالي نتساعد في ترتيب المطبخ وتنظيفة !
الأخت جاسم حبيبي
اسأل الله أن يجمعك بزوك عاجل غير آااااجل .. قولي آاااامين |
رد: غير مسجل تعالي نتساعد في ترتيب المطبخ وتنظيفة !
غصن الغلا
هلا بك ومية غلا يالغالية حلو تنظيم الوقت بيريحك من امووور كثيرة ولتنظيف القدور انصحك بصابون لوكس او اي صابون قطع ادعكي السلك بالصابونة ثم ادعكي فيها القدر تجيك تلمع كأنها جديدة جربيها وادعيلي :) وياريت تصورين لنا الأشياء اللي انجزتيها عشان نتحمس اكثر :) |
رد: غير مسجل تعالي نتساعد في ترتيب المطبخ وتنظيفة !
يسلمو ام رزان وفعلاً احنا بحاجه للاشياء الي تفيدنا خاصه بأمور البيت وتعطيره وإن شاء الله نفيد ونستفيد من هذا المتصفح ..
الغاليه جاسم حبيبي الله يجمعج بزوجج عاجلا غير اجل و نصيحه ابتدي جهزي من الحين شوفي شنو الي محتاجته من اواني طبخ وتقديم وابهارات لان هناك موب بالسهوله تحصلين الشيء ولا حصلتيه مابيكون عز الطلب والسعر دبل الدبل .. ام رزان استفدت من ردج على الغاليه غصن الغلا بخصوص صابون لوكس توي اعرف انه ينظف القدور .. التايد امي تنبهني من استخدامه للاواني يبهت بريقها خاصه الزجاجيه وبرمضان الفايت قابلت وحده تمدحلي صابون الوزير المبشور جبت صورته من العم قوقل http://lh3.ggpht.com/_mP4tBImzGac/TH...jpg?imgmax=800 للامانه للحين ماجربته للقدور الحمد الله بس للمناشف واااااااو ينظفهااا من قلب خاصه اني استخدم المناشف بشكل كبير بالبيت حتى لرخااام والسيراميك مايبقع وسهله للغسل ,, ريحته شبه مقبوله لاكن عندي اهون من تايد |
رد: أم رزاان تعالي نتساعد في ترتيب المطبخ وتنظيفة !
هلا سمسومة الغالية
الوزير فية ناس مدحوة لي لكن ما استخدمتة بصراحة اما القدور جربي لوكس وبتدعين لي على اللمعان اللي بتشوفية :) اليوم بنزل لكم جزء بسيط من الصور ولو شفت تفاعل من الأخوات بنزل الصور قبل وبعد الترتيب والتنظيف ! التنظيف العميق دائماً يكون يوم الثلاثاء عشان استقبل عطلة نهاية الأسبوع بنظافة وترتيب تعرفوا نهاية الأسبوع وقت طلعات وزيارات فممكن يجيك احد فجأة فبتكوني عاملة حسابك ! هذا بالنسبة لشغل البيت اما غسيل الملابس فاغسل امول بأول ما أحب اجمع ! بشوف ناس تجمع الملابس الوسخة لمدة اسبوع !!! طيب كيف يكون شكلها بعد اسبوع وكيف بتكون ريحتها ؟! وخصوصاً لو كان فية اطفال ؟! عموماً هذا مطبخي وترى والله صورت وأنا ماكان عندي نية انزل الموضوع والموضوع ماجاء في بالي إلا بعد ماخلصت ! http://forum.hwaml.com/imgcache2/hwa...336554_272.jpg http://forum.hwaml.com/imgcache2/hwa...336556_612.jpg هذي صورة لجزء من المطبخ في البداية طلعت كل ادوات المطبخ بديت دولاب دولاب مسحت الدواليب الداخلية بموية حارة وفيري الفراوله http://forum.hwaml.com/data:image/jp...UIRzChQoAP/9k= وبعد ماخلصت وتاكدت من نظافتة صح اخذت منشفة مبلوله بداوني الأزرق حبيب قلبي :) ومسحت فية الدولاب وتركتة شوي حتى نشف ورجعت الأواني لمكانها الفرن اول باول امسحة بفيري وموية حارة وبعدين للمعان استخدم جف تبع الأصفر وله دوووش عميق بالكلوركس وبعدة الخل كل اسبوع ومساج لكامل جسمة ^_^ هذي صورتة قبل ما ياخذ الشور حقة وفية صورة بعدها بس للأسف ماوجدتها بجهازي http://forum.hwaml.com/imgcache2/hwa...336555_806.jpg بس بصورة لكم بعد التنظيف الصح وانزلها في نفس هالموضوع عشان تشوفون الفرق قبل وبعد :) وللعلم فقط هذا فرني صار له عندي قرابة الـ 11 سنة السنة الماضية اخذت واحد وماعجبني ورجعت لفرني هذا :) طبعاً بعد ماخلصت الفرن انتقلت للثلاجة طلعت كل اللي فيها ومسحتها ولمعتها وفرشتها مفارش كنت اخذتها من ساكو لونها اوف وايت ورجعت الأغراض ورتبتها ورميت اللي ما احتاجة منها وللمعلومية فقط .. ترتيب دوايب المطبخ احدد له يوم لوحدة ! وفي هاليوم ما اسوي فية غداء ! أبدأ من الصباح ويادوووب عالظهر أخلص فبكون مهدود حيلي مافيني اجهز شيء فـ اضطر اجيب الغداء من برى مع أني اكره اكل المطاعم .. لكن مجبر اخاك لا بطل ! الثلاجة والفرن بيووووم لوحدهم ! باقي البيت بيكون الشغل فية اول باول طبعاً أنا بيتي فيلا دورين والشغل فيها كثير ومتعب .. وعندي خادمة بس وربي تجيب المرض أنا ارتب وأنظف وهي تحوس أم الدنيا !! سبحان الله ماعندهم شيء اسمة ترتيب وكل شيء في مكانة المخصص له !! الشغالة عندي اركز شغلها في امور التنظيف العميق ويدي بيدها وأضل معاها حتى يخلص الشغل ! بستفيد منها في الدعك ماشاء الله .. عندهم قوة وطول نفس الله لا يغير عليهم ! الصالة ودورات المياة اكرمكم الله شغلها اول باووول عندي صالتين و7 دورات مياة لكن دورات مياة الضيوف والرجال والحريم ما انظفهم كل يوم مجرد في الصباح تشطيف واحط في المرحاض من حبيب قلبي هذا واتركة http://forum.hwaml.com/imgcache2/hwa...336537_893.jpg غرف النوم ترتيب وتنظيف روتيني اول باول وكل اسبوع نعمل جرد كامل للغرفة وتنظيف هذة مقتطفات سريعة من طريقة ترتيبي وتنظيفي لبيتي واحب احط لكم منظفاتي اللي ما استغني عنها واللي ترافقني كل صباح :) http://forum.hwaml.com/data:image/jp...AAAAAAAAAAH//Z http://t2.gstatic.com/images?q=tbn:A...5pVZ4sUyAHFzYA http://t3.gstatic.com/images?q=tbn:A...Z4QHOCuNoKwurQ على فكرة منظف الزجاج أنا استخدمة حتى لتنظيف الكنب جربوووة وشوفوا :) http://forum.hwaml.com/data:image/jp...AnV1dXVCH/2Q== http://forum.hwaml.com/data:image/jp...ggAIIIIAP/2Q== السافلون استخدمة بدل الديتول لان فية ميزة تطهير الجروووح أفضل من الديتول واحس معه بالنظافة صح http://t2.gstatic.com/images?q=tbn:A...DXCw2hsIkZLkTg هذه اقراص تطهير كرسي المرحاض بتضل معك مدة طويلة شهر تقريباً بتحطيها في حوض المرحاض ولما تسحبي السيفون بتكون مويتة زرقاء نقية تشعرك بالنظافة وتنشر رائحة زكية في دورة المياة http://t3.gstatic.com/images?q=tbn:A...HpXvHLSolQLGwg http://forum.hwaml.com/data:image/jp...iG03diAbf/2Q== البخور http://forum.hwaml.com/imgcache2/hwa...336536_972.jpg بخور الوليد رووعة روووعة روووعة هو بخور شخصي مو حق بيت بس أنا ما احب أبخل على نفسي بشيء فابخر فية البيت بين وقت وآخر وهذا برضو اوصي أختي تجيب الأصلي من الكويت http://forum.hwaml.com/imgcache2/hwa...336561_414.jpg خيااااال والله ومعطرات الجو أخذها من الروووقي هي اصلاً للمفارش بس أنا استخدمها حتى للجو واخذ هذا من سنتر بوينت اخذة للكنب مرة خياااال http://forum.hwaml.com/imgcache2/hwa...336537_430.jpg وطبعاً أنا لي طريقة في صنع معطر جو رهيب إن شاء الله بنزلها لو شفت هناك تفاعل وهذا المخلط استخدمة لغرفتي بس ! ولو شفت هناك تفاعل بالموضوع بنزل طريقتي بعمل وتجهيز البهارات بالبيت ! واخيراً هذا طبق مندي بيتي عملتة بتنور الفخار قريب راح أنزل كريقتة لكم :) http://forum.hwaml.com/imgcache2/hwa...336538_709.jpg وايضاً هذا حلى اقماع جوز الهند بالقشطة الطازجة من مطبخي http://forum.hwaml.com/imgcache2/hwa...336558_207.jpg وهذا لسماسم لوحدها ما احد يأكل معاها ^_^ http://forum.hwaml.com/imgcache2/hwa...336560_320.jpg |
| الساعة الآن 06:35 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .