|
بليز ساعدوني بتجاربكم معاي
2 مرفق
السلام عليكم يا حلوات ،،، اعذروني عالغيبه من المنتدي لاني الصراحه حاولت اصرف نظري شوي من التفكير فالحمل فالاونه الاخيره ،، والحين الدوره الجايه قربت وانا في حيره من امري الصراحه،،، بقولكم المختصر:
اخر دورة لي كانت في 12 -8 وعندي اعراض دوره كالعاده من بعد التبوييض تروح وتيي ، طبعا مابي ادقق وايد فالاعراض لانه الشهر اللي فات كنت متاكده مية بالميه لانه الاعراض كانت غريبه وقويه بس للاسف شرفت الدوره المهم اعراضي عندي الام فالصدر والبطن الخ سويت تحليل كلير بلو قبل الدوره ب 6 ايام ادري انه واسد بدري بس فضول الصراحه وقلت اشوف وماراح ازعل بس طلع لي لاول مره خط غريب ولا مره صارلي نفس الشي من قبل ( للتوضيح انا استعملت الجهاز اللي يبين موجب وسالب بالازرق) بين لي حدود خط ازرق خفيف عمودي عالخط الي بالعرض انا قلت ينكن بداية حمل ويمكن الجهاز خربان المهم جربته اليوم الثاني نفس الشي في اول الصبح بان نفس الخط في اول ثانيه انا اهني استغربت الصراحه وماحبيت اصدق لاني وايد انحبطت قبل قلت بسوي تحليل دم قبل الدوره باربع ايام طلع سالب رجعت من القهر امس بعد التحليل الدم وسويت نفس جهاز الكلير بلو ماطلع شي قلت لانه لازم الصبح بس عشان اتاكد انه هل هالهط دايما موجود ولا لا وتاكدت انه مب موجود من الاساس قمت الصبح اليوم واول شي سويته حللت نفس الجهاز طلع لي نفس الخط في اول ثانيه حتي مب في دقايق انا اهني احترت وايد وسويت بجهاز الديجاتل قلت هذا اكيد اوضح طلع لي علامه غريبه بين السالب والموجب الصراحه وايد خسرت تحاليل هالمره ومابي اصدق اللي شفته فقلت اصورهم واراويكم وتقولون لي رايكم انا دورتي المفروض تجيني يوم السبت الجاي او الاحد وهي دايما منتظمه بليز اللي جربت نفس الاجهزه وبانت هالاشيا وياها بليز تقولي يعني مستحيل كم جهاز استعملت كلهم بينوا نفس الشي ماعدا اللي جربته فاليل ما بان شي ،،، |
رد: بليز ساعدوني بتجاربكم معاي
مرحبا حبيبتي
انتي كآنك تتكلمين عني سبحان الله انا دورتي بعد كانت تاريخ 12-8 وحللت من كم يوم بتحليل كلير بلو ديجتل وطلع لي مثل ماوصفتي طلع سالب بس خط الموجب محدد ورحت سويت تحليل دم وطلع سالب ماادري ليش استعجلت مع ان دايما استخدم هالتحليل بس ولامره طلع لي محدد من قبل بس هالشهر احترت صزاحه فقلت خلاص ماراح احلل مره ثانيه وبنطر لموعدها وان شاء الله خير لاتحاتين حبيبتي انطري لموعد الدوره وحللي ويارب تكونين حامل وانا بعد وكل البنات ياربي |
رد: بليز ساعدوني بتجاربكم معاي
حبيبتي صباح الخير
مشكوره على ردج لي عزيزتي اي اذكر اني مره رديت عليج قبل بس كنت مطنشه قلت يمكن التحليل خربان بس الي حيرني بزياده اني عدته اكثر من مره ( خسرت فوق ال 6 تحاليل الصراحه) وكله يطلع نفس الشي هو المفروض انه دقيق ولا هل في احتمال يخطئ في كل هاي ال 6 تحاليل عااد؟؟ اختي انا ابي اراويج الصور شلون انزلهم عالموضوع انا رفعتهم بس مابينوا!!!! بليز حد يقولي شلون؟ |
رد: بليز ساعدوني بتجاربكم معاي
ربي يرزقكن الحمل عاجلاااا غير اجل ويفرح قلوبكن ،،
|
رد: بليز ساعدوني بتجاربكم معاي
بنات نزلت الصور
هل هو فالعاده كلير بلو يعطي خط جي ؟؟؟! مع العلم انه هالخط طلع لي اكثر من مره وفي الثواني الاولى يعني ماعدا الدقيقه حتى |
رد: بليز ساعدوني بتجاربكم معاي
حبيبتي بحس هذا حمل
واضح اساسا لو مافي حمل ماطلع الخط الموجب خفيف بس انتظري لموعد الدوره وسوي تحليل دم وانا طالع لي مثل تحليلك بالضبط بس بنتظر لموعد الدوره يارب يزقنا الذريه الصالحه عاجلا غير اجل يارب العالمين |
رد: بليز ساعدوني بتجاربكم معاي
والله مادري فديتج اصدق منو تحليل الدم ولا هاي التحاليل!!
الله يرزقني وياج يارب وكل محرومه امين |
رد: بليز ساعدوني بتجاربكم معاي
ربي يرزقنا الحمل عاجلاااا غير اجل ويفرح قلوبنا هدا الشهر
|
رد: بليز ساعدوني بتجاربكم معاي
بنات مافي حد يقدر يقول رايه عن الصور ؟؟ بليز hwaml93
|
رد: بليز ساعدوني بتجاربكم معاي
اعتقد ان شاء الله حمل بس عادى ممكن يظهر فى البول قبل الدم اصلا لو مفيش حمل ما يظهرش للخط التانى اى اثر اسالينى انا زيك مجربة ولا مليون تحليل
|
| الساعة الآن 04:22 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .