|
بسوي ان شاء الله عملية أطفال الانابيب شهر 8 (شاركوني)
السلام عليكم و رحمة الله و بركاته
انا اماراتية من ابوظبي ... حبيت اشارك وياكم في هالمنتدى الرائع .. الصراحة الي دلني عليه البحث المستمر عن موضوع اطفال الانابيب لاني مقبلة عليه و قريت قصص وايد حلوة و تجارب جميلة في المنتدى .. منها المحزن و منها الي الحمد لله افرح قلبي ... يارحيم الي تعالج في كندا ,,, بكيت لها والله لما كتبت انه تحليلها سالب ,,, يارب الله يفرح لج قلبج غناتيه بالذرية الصالحة و يرزق كل محرومة يارب مابطول عليكم .. انا ان شاء الله بسوي العملية في الشارجة عند الدكتورة حسنية قرقاش ،،، مواطنة اماراتية و هي اخصائية على مستوى و على خبرة كافية و ثقة ،،، الحمد لله استخرت و ارتحت للعملية وايد بس وايد خايفة من النتيجة،،، لني جربت التلقيح الصناعي و فشل معاي عشان ،،، بس على كل الاحوال الحمد لله رب العالمين عدد خلقه و زنه عرشه و مداد كلماته .... الدكتورة قالت لي اخذ حبوب الدورة من تاريخ 20 لانها مسافرة و تبي الدورة تنزل علي مع تاريخ عودتها من السفر يعني بداية شهر 8 ... معناته بوقف الحبوب 30 يوليو .. ابي اعرف الحين منو منكن بتسويها وياي و ابا حد يحس فيني و يوقف ويايه لاني مب مخبره حد و محد يعرف ... و ادري انه محد بيحس فيني الا الي عايش وضعي و عارف انا نفسيتي كيف ... دعواتكم لي و اتمنى تقبلوني اخت فيما بينكن .. و اي سؤال انا حاضرة و اي وحده تبي تشارك حياها الله ... اختكن .. اماراتية .. |
رد: بسوي ان شاء الله عملية أطفال الانابيب شهر 8 (شاركوني)
الله يرزقك الذريه الصالحه توكلي على الله واكثري من الدعاء والاستغفار والله اعرف ناس انجحت من اول محاوله انا سويتها المره الاول وفشلت وراح اسويها في رمضان الله يكتب الي فيه خير
|
رد: بسوي ان شاء الله عملية أطفال الانابيب شهر 8 (شاركوني)
الله يرزقك الذريه الصالحه ويرزقني وخواتي في الله
|
رد: بسوي ان شاء الله عملية أطفال الانابيب شهر 8 (شاركوني)
الله يرزقنا جميعا وان شاء الله تنجح العمليه من اول مره
|
رد: بسوي ان شاء الله عملية أطفال الانابيب شهر 8 (شاركوني)
الله يرزقك الذريه الصالحه ويرزقني ياقلبي لاتخافي ترا مو صعبه عليكي بالدعاء
انا مسويتها واليوم التاسع لترجيع وجالسه استنى يوم الخميس بفارغ الصبررررههههههه الله يوقفك يارب |
رد: بسوي ان شاء الله عملية أطفال الانابيب شهر 8 (شاركوني)
الله كريم حبيبتي توكلي عليه
وان شاء الله تتيسر لك الامور وتبشري قرييييييييييبا بالحمل يااااااااااااااااااااااااااااااااااااااااااااااااا ااارب |
رد: بسوي ان شاء الله عملية أطفال الانابيب شهر 8 (شاركوني)
ربي يفرح قلبك ويرزقك باحلى تؤام يا رب يا كريم
لا تتركي الدعاء ابدا يا ارحم الرحمين |
رد: بسوي ان شاء الله عملية أطفال الانابيب شهر 8 (شاركوني)
يااارب يرزقك الحمل وتنجح طلبتك وتبشرينا وتوكلي على ربنا ..
|
رد: بسوي ان شاء الله عملية أطفال الانابيب شهر 8 (شاركوني)
الله يرزقك ان شاء الله
|
رد: بسوي ان شاء الله عملية أطفال الانابيب شهر 8 (شاركوني)
الله يفرررح قلبك خيتوو وكل وحده متأخره بالذريه الصالحه اللي تقرر بهاا عيوونكم
|
| الساعة الآن 07:23 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .