|
أمس كانت مراجعتي مع الدكتوره
صباح الخير والسرور شخباركم..؟ حبايبي امس كان موعدي عند الدكتوره بس اول شي بقولكم وش صار قبل الموعد انا تقريبا من يوم الربوع صارت لي مشكله مع ناس ومره ارتفع ضغطي وزعلت المهم جلست يومين الى الجمعه وانا اعصابي متوتره واحس اني مقهوره وماانام زي الناس واكل مشي حالك المهم يوم جاء صباح يوم الجمعه تعبت بطني مغص وتقلصات شديده وظهري ورحت الطواري بسرعه وكان اصلا موعدي السبت بس رحت للاطمئنان المهم ماكان فيه غير دكتوره مناوبه تمشي الحال وشافت الجنين والنبض وقالت الحمدلله تمام وانا في نفس اليوم اللي زعلت فيه تمشورت شوي كنت في مكه وطلعت الطايف قالت يمكن ارهاق وتقول جهازي قديم المهم حسيتها فاشله قلت مايهم خلاص مادام الجنين تمام وانا شفت نبضه وحركاته قلت خلاص بصبر ليوم السبت موعدي مع دكتورتي في جده وبعد المغرب من الجمعه نزلت جده ومشوار شوي طويل وتمشيت ابغى انسى شوي الزعل المهم جاء السبت العصر ورحت للدكتوره اول ماحطت الجهاز قالت عندك انقباضات انا مره خفت قالها زوجي هي اليومين هذي كانت زعلانه وجدا متوتره قالت اكيد من الزعل الرحم مشدود وفيه انقباضات ولازم تاخذي تحاميل سيكلوجست يوميا لمدة شهر ولمدة اسبوع مافي جماااع ولازم ارتاح انا بصراحه خفت وحسيت ان فيه خطر وسالتها قلت خطير حسيتها ماتبغى تخوفني قالت لا ان شاء الله فيه حريم تجيهم الانقباضات هذي لغاية التاسع بس يعني انتي تبغيني اشوفها ومااعالجها وبالنسبه للجنين والمشيمه والمويه وكل شي الحمدلله مرره تمام مدري بس احس مرررره خايفه ياليت اللي عندها خبره بالموضوع تطمني .. |
رد: أمس كانت مراجعتي مع الدكتوره
كان ودي اساعدك بس ماعندي اي معلومه
بس حبيت اقولك ماشوفين شر |
رد: أمس كانت مراجعتي مع الدكتوره
حبيبتي انا مثلك معاي انقباضات وقالت لي الدكتوره انها تسبب اجهاد للرحم اللي بدوره يؤدي لولاده مبكره فـ السابع او الثامن..
ونصحتني بالراحه ورفضت تعطيني اي علاج قالت مدام الجنين والمشيمه سليمين ماتحتاجين علاج علاجك الراحه التامه |
رد: أمس كانت مراجعتي مع الدكتوره
انشاءاللة خير حتى انا في الشهر الرابع اخدت نفس التحاميل المثبتة بس انا معي انقباضات بدون سبب وانتي واللة غصب من المشورة والسفريات انتي ريحي نفسك مثل ماقالت الطبيبة واطمني
|
رد: أمس كانت مراجعتي مع الدكتوره
انا كمان مثلك صار معي وكنت زعلانه قبل يومين من موعدي عند الدكتورة وصار عندي انقباضات وهبوط بالمشيمة وخايفة كتير ,الله يسبت حملنا ونشوف وليدنا معافين
|
رد: أمس كانت مراجعتي مع الدكتوره
الله يسلمكم ويطمنكم وينولكم مبتغاكم يارب
الحمدلله طمنتوني انا والله بس خفت لايكون شي يخوف طيب اللي حصل وجاها زي كذا نقباضات وارتاحت تشافت ؟ |
رد: أمس كانت مراجعتي مع الدكتوره
ايوة حبيبتيلاتخافي و اطمني مع الراحة والبعد عن الجماع والتوتر تتشافي شوفي انا مثال عندك لما كنت في الرابع قالولي احتمال اجهاض ونسويلك ربط و تنويم وولادة مبكرة ومدري ايش هادا انا خلصت الشهر التاسع ولي خمسة ايام في العاشر ادعيلي بس اولد وارتاح ماعندي اي اعراض ولادة\ يارب تيسرلي ولادتي يارب ويثبتلك طفلك وتشوفية وتشيلية باحضانك
|
رد: أمس كانت مراجعتي مع الدكتوره
مشكوووووووووووره ياقلبي الله ييسر لك ولادتك ويهون عليك يارب
ويثبت حملي باذن الله... |
رد: أمس كانت مراجعتي مع الدكتوره
الله يطمن قلبك ويثبت حملك ويرزقك الذرية الطيبة الصالحة.
|
رد: أمس كانت مراجعتي مع الدكتوره
ما عاش من يزعلك خوختي الطعمة
وما تشوفين شر يا عيوني وإن شاء الله أن الأخوات أفادوك وطمنوك يا قلبي |
| الساعة الآن 04:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .